合興車仔麵

Open Now

Now Closed

元朗區嘅車仔麵店，我地幾鐘意合興。合興車仔麵喺元朗有兩店，今次只係第一次黎新店，原來闊落咁多，而且感覺口味差異唔算大(我覺得呢邊冇咁辣)店內裝潢普通，約30個座位，枱面上放有餐具及點餐紙。餐牌供應一般車仔麵配料，例如魷魚、大腸、豬肚、牛坑腩、雞翼、丸餃、蔬菜等，定價每款9/10/15。可選配幼麵、粗麵、油麵、河粉、米粉、瀨粉。湯底分清湯、腩汁、鹵汁、香辣汁，辣度分微、小、中、大。每碗最少點三款配料，而淨餸則四款起。有啲配料去到下午茶時間多數沽清，例如餃、冬菇咁。香辣豬紅、雞翼、魚片頭幼麵、微辣香辣汁 $40豬紅係每次都會點嘅，有5至6粒，十分香滑，不易散開。魚片頭正常水準；雞翼兩隻，煮得夠腍，當然不及文記嘅招牌。幼麵煮得比一般麵店硬身，口感較爽。麵嘅份量都唔少，基本上男士都夠飽，而我三餸一麵啱啱好微辣香辣汁剛好過癮，唔會食到冒汗。金錢肚、豬耳、豬皮米粉、微辣鹵汁 $44配料份量幾大方，鋪滿成碗麵，金錢肚大件，煮得腍身。豬耳清脆、豬皮入味。之前都有食過咖喱魷魚，同麵分開上，醬汁甜辣，魷魚軟腍，都唔錯嘅。如果要再食，我諗我會黎分店喇，始終冇咁逼。

今日食左金錢肚豬大腸蘿蔔米粉，雖然有兩樣野都好肥好邪惡，但都唔後悔食左，因為真係好好味。首先，豬大腸入味得來又冇腥味，不得不讚。金錢肚大大舊，食得過癮，蘿蔔亦好甜。非常值得再來

合興車仔麵在元朗很多人已經認識，終於最近開咗分店！今次朋友仔話想食，我們立刻去分店外賣了幾碗分享食！呢間車仔麵價錢雖然不算最便宜，但他的份量完全足料👍🏻完全值得這個價錢而且味道不錯！通常我們都主打叫那幾款餸，牛腩、豬大腸、冬茹、豬紅⋯等等，他的小辣比起其他店的辣，所以我有時也叫小小辣！唯獨是感覺湯底總店比較濃郁😜我比較喜歡一點！

11點半趁人少少去合興開餐，叫咗魚旦、蘿蔔、咖哩魷魚米粉，鹵汁底。雖然價錢唔算平，但份量十足，食到好飽！魚旦有好多粒，係陳皮魚旦，懷舊口味，蘿蔔好好味，冇渣而且好甜，咖哩魷魚好辣，辣到噴火，唔食得辣千祈唔好試到12點陸續多人，仲要排隊等位添！

分店水準同本店只差少少！麵質唔會煮到太過火，份量岩岩好呢度一定要叫3個餸架！湯底唔推薦叫清湯啦記得嗌腩汁呢度嗌小辣都超級辣，可能想你嗌多啲飲品，勿中伏！蘿蔔：清甜，少少渣可以接受，唔會醃到勁甜！豬耳：必叫，唔會太唸，有咬口，今次食唔夠入味可惜！可能太早木耳餃：唔知來貨邊度，勁好食，唔會過鹹！豆腐：係布包豆腐，好食好多推薦大家去番本店食啦雖然坐得無咁舒服，但我覺得好似好食啲！哈哈想慢慢食，舒服啲就揀呢間啦！（咖哩魷魚都好食，不過超辣）（豬腸夠晒香，清得都算乾淨）

1215分店一樣好食老婆帶我食過一次大橋本店，雖然d野係好食，但鋪位實在係好細，位坐得逼又唔舒服，所以去過一次就無再去過⋯直到知道呢間店竟然係元朗開另一間分店，簡直係一大福音吖！老實講，唔係因為有follow合興fb，真係唔知開左係呢個位！鋪位大過本店起碼一倍，座位唔會太密，坐得舒服好多，最梗要係冷氣夠吖！叫反必點既咖哩汁魷魚，咖哩汁辣得嚟好有層次唔係死辣，魷魚灼得啱啱好唔會死韌！豬大腸唔會有臭味，只有滷水香，而且份量幾多下。金錢肚都滷得入味腍滑易咬～呢到唯一唔好就係無水吧，辣到想飲野就只有罐裝飲品賣，選擇較少囉～

合興呢個名好熟悉，因為呢間係元朗既第二間分店。每碗麵三餸起最後，我揀咗魷魚、魚蛋、牛柏葉。咖喱魷魚——滑口，個醬汁偏向甜醬味道，但又幾辣（至少比我個小辣湯底更辣）魚蛋——車仔麵必點餸菜之一，目測有11粒，$10餸黎講都合理，甚至抵食牛柏葉——呢味無咩特別，唔係難食，又唔係特別好食，所以下次可免則免總括黎講，我呢個麵加咗底埋單（無野飲）就$51，我覺得係合理價，起碼係好食。分店比起總店坐得更舒服、空間更多，價錢亦相同，加上唔駛等。

今日又要返半日~放左工又返元朗搵野食~打開OPENRICE APP,見到元朗新開左間車仔麵,合興? 咪姐係我最中意食嗰間?開左分店呀?去食去食!新分店喺鳳翔路, OPENRICE話元朗站A出口, 行10分鐘就到~但唔知係我唔識行定點,(我係路痴)我行左OK耐後來我發現原來喺又新街行過去好近,5分鐘就到~WOW, 新分店比起舊店大好多呀!多好多位! 咁就可以唔洗等位啦店外一如以往貼左車仔麵嘅餸名出來~但呢度, 可能未有太多人知, 所以, 我去到時, 都差唔多3點, 但都仲未有餸貼左"售罄"呀!(因為舊店太好生意, 餸菜都係售完即止呀,好多時5點姆盲賣晒D野, 收舖嫁喇)太好了! 姐係我想食咩都得!餸主要分$15/$10同$8的~麵底$10, 加底$6,仲可以揀辣度: 大/中/小/微辣。(都OK辣的, 大家睇住來揀,尤其叫咖哩魷魚嘅人, 因為魷魚個咖哩汁會愈食愈辣)最後仲可以揀湯汁:腩汁/清湯/鹵水汁/香辣汁。我呢, 因為都一排冇食了, 叫豐富D5餸1麵:咖哩魷魚($15), 鹵水豬脷($10),韮菜餃($10), 冬菇($10),蘿蔔($8), 粗麵($10)=$63咖哩魷魚($15)呢