合益泰小食

Open Now

Now Closed

Frd子細個嘅時候住深水埗呢頭今日出嚟行街 專登帶我去食經典名物到埗見到有條長長嘅人龍腸粉 4條/$10 + 魚肉燒賣 6粒/$10腸粉入口滑溜 口感比較實在甜醬+豉油+芝麻配搭 的確無敵仲點左魚肉燒賣 不過相對普通Frd子話食返童年味道

已經食過呢間小店幾次, 基本上腸粉蘿蔔係必點, 可惜今晚蘿蔔已經賣晒 😵 所以我改左食碗碎牛粥, 又估唔到碗粥都幾好味, 比起我早前食個間西記粥店好得多, 起碼粥都算綿細, 而碎牛又同出面有分別, 同啲粥已經混為一體, 成碗粥隻色都已經啡啡地, 望到都覺得唔錯 😊 腸粉有細, 中, 大三個size, 一般我都揀中, 細就一定唔夠, 大又驚多得濟, 腸粉夠滑, 黎到就自助加醬, 按自己口味去加, 甜醬唔會太甜, 加埋豉油, 麻醬同芝麻混醬食就最好 👍🏻 雖然鋪頭坐得麻麻, 亦都唔乾淨, 服務又冇乜, 不過腸粉, 蘿蔔同碗粥都唔錯, 但除左呢幾樣, 其他野食就真係好普通。

呢嚟到呢,就預左要排,企係條街度食.環境,服務,就唔講喇星期三下午5點到,排左5分鐘,叫左一份細既,10蚊4條.價錢正常第一啖,好重豬油味,腸粉就好滑,但就無咩米香味.醬就正常la,無咩特別.下次如果想食,都要返嚟食嘅

啲阿姐叫極都唔理你，睇到都扮睇唔到，唔會再去！環境又污糟邋遢，都唔明點解啲人成日話呢間嘢好食，啲腸粉有一般，係得個蘿蔔甜，成間嘢啲態度都不知所謂，我唔推介去呢間嘢食嘢

服務好一般，都好多人，啲態度真係唔會想番轉頭食，唔適合第一次去幫襯嘅人，問多句都喝狗咁去開嘅街坊就會知外賣就排出面，要堂食就自己衝入去搵個位，等落單，再等腸粉到。唔去開嘅，問多句都俾遮遮們喝番轉頭。腸粉就正常野啦，價錢都公道。另外嘅豬皮蘿蔔都係咁囉，無乜好特別，食物質素正常。堂食就等得比較耐，始終人多。入得去以懷舊掛帥嘅都唔好期望有禮貌嘅態度。粗聲粗氣喝狗咁先夠地道？！人多都有另一個選擇，鋪外後巷立吞。

我今日下午在深水埗行街，順道去合益泰小食，幫襯腸粉和豆漿（經典的懷舊街頭小食）。我點左一碟細腸粉$10，及一杯豆漿$6。腸粉拌著基本的豉油，其他的醬料就自主啦！枱上有甜醬、辣醬、芝麻、豉油....等等，任君選擇。我加左甜醬加芝麻，腸粉食起來幼滑有口感，豆漿好飲！

Dining time（12:03pm lunch）follow@wojengyea/@wo!正嘢 for more food info🐒 支持我哋發掘更多美食 😋N年前食過佢啲腸粉，念念不忘，今日再去試。中碟腸粉$15 6條，腸粉真係好滑。（重要溫馨提示🥁🥁）如果要走醬早啲講，如果唔係佢會落豉油同埋麻醬。太耐冇嚟，唔記得同佢講，搞到成碟嘢勁多麻醬，要溝多啲甜醬🍭中和返個味。齋食腸粉都比較寡，所以一係配魚蛋🐟或燒賣，燒賣$10 6粒，正常發揮。佢啲炒麵🍝唔似出面嗰啲咁油膩、冇咁深色同冇咁硬身，麵係屬於腍身嗰隻，晤同粥麵店食嘅果款，好處係唔係好油，幾惹味。炒麵$13 加埋韭黃、芽菜🌱落去炒。凍豆漿🥛$6 豆味好淡，只係得個甜味，唔知咩事面頭勁多泡泡🫧🫧🫧🫧。餐廳氛圍餐廳擠迫到一個點，唔好諗住你個袋🧰可以擺喺張凳度，會俾阿姐鬧。見通常都係一支公快快脆脆食完即走，唔好諗住約朋友可以吹水慢慢坐。

N年前已經開始品嚐呢間合益泰腸粉店, 如果自己想食腸粉一定搭地鐵過去深水埗, 呢間腸粉店做得好成功, 雖然地方唔算大, 但係品質有保證, 最鍾意食嘅就係佢嘅腸粉夠幼滑軟硬適中, 佢嘅醬料真係頂絕全港包括甜醬、豉油、芝麻等等... 任你落落夠滿意為止, 事關本人最重口味所以每次都落好多甜醬, 食腸粉之餘一定要加配 一杯幼滑甜美嘅豆漿, 最可惜就係佢而家冇嗰隻12蚊三粒嘅冬菇燒賣大大粒好好食！除此之外佢仲有好好食嘅艇仔粥、 魚蛋、 豬皮同蘿蔔拼盤！各適其適應有盡有, 大家記得去開深水埗買啲廉價用品之餘一定要過嚟食下佢嘅腸粉！

今日呢，心血來潮去咗間大家耳熟能詳嘅合益泰小食食吓嘢。起頭就嚟咗份滑得滯嘅腸粉，每條都咁細膩，入口即化，順滑得嚟還有一點優雅，攞咗混醬點滴上去，一啖咬落去，順滑得嚟又帶咗點鹹香，真係夠晒香口👍🏻。再叫咗個艇仔粥，熱騰騰嘅一碗，啖啖粥都細滑得嚟，粥底夠喉，稀稀哋正適合呢個涼快天氣，啖啖都係真材實料，食落咪覺得心滿意足。整體黎講，合益泰小食嘅小食都做到平民價格之餘，質素又保持得好好，真係適合我哋呢啲嘴饞又想食得健康嘅朋友。下次再黎，可能會試下啲別嘅嘢，睇吓除咗腸粉同粥之外，佢哋仲有啲咩好嘢可以探索。嘩，諗吓下次試啲咩好嘢，都期待到不得了呀😋✨。

🥢腸粉（大）💰$20🍢魚肉燒賣💰$10/6粒🍡魚蛋💰$6/5粒🥛豆漿💰$6.⚡️呢排沉迷於港式小食，除咗燒賣、魚蛋，最想食嘅就係豬腸粉🤣深水埗呢間🥡合益泰小食係老字號，個個嚟到唔係嗌蘿蔔豬皮，就係腸粉，🥢腸粉有分大、中、小，大份嘅有8條腸粉✨食落超滑溜，不過略嫌麻醬唔夠多，如果可以俾客人自己落就更好🥰.⚡️🍢燒賣🍡魚蛋都不過不失，因為係小店+長期坐滿人，樓面只有1至2位靚姐姐，大家食起上嚟會有些少狼狽，介意嘅最好嗌外賣～.⚡️PS.小店只收現金～💵

聽講呢間鋪頭既腸粉係米芝蓮推介所以買黎試下細份腸粉有4條，腸粉口感細膩，而且質地好滑，入口超級順滑，加埋芝麻、麻醬、甜醬同豉油，食落真係幾好味以佢咁高人氣，價格都算實惠如果經過我都會想再黎食下~

約咗人在深水埗食晚餐又未夠鐘就好自然心思思要過一過鴨寮街幫襯一吓合益泰，一份腸粉再加魚蛋同燒賣，加甜醬麻醬同埋芝麻，就係令人回味無窮。最奇就係佢D腸粉都係出面交貨黎嘅，估計黎黎去去都係嗰幾間工場啦，點解呢間野會整得特別好食呢，呢個真係一個謎。不過無論點都好，呢間嘅味道真係無得輸，如果唔係就唔會次次黎親都要排長龍啦。

多年獲得米芝蓮推薦的這家腸粉一直也是我的心頭好！❤️久不久也會特意回來吸啜一口！至今他的定位也是全港九十八區僅有一人的！推薦大家試試，保證一定不會失望——— ✤ 腸粉｜$𝟏𝟎細份腸粉一份已有𝟒條，以豬油放底的腸粉雪白無比，層次分明，口感細膩無比，滑滑溜溜的可以一吸入口，再加上店家超過的焦香芝麻、麻醬、甜醬同豉油一起，把味道單調的腸粉瞬間提升到另一個層次。（𝐏.𝐒.$𝟏𝟎多點一份燒賣也是好讚的!)

喺附近睇完醫生，唔知食咩好，所以來了合益泰。港式食物的單價親民，隨便叫了幾樣來試，絕對不會傷荷包。招牌當然是腸粉，滑！醬汁配羅白必吃，很清甜！魚旦燒賣還有粥都是正常發揮豆漿又抵大杯又好喝！珍珠雞可以不吃😂樓面得一個亞姨，忙嘛，要求食客點餐快非常local、拼桌是肯定的快快吃完就走的style深水埗外面街邊 都是會有老鼠走過的對環境要求太高就不要來了

幾年前食過一次，當時驚為天人，腸粉3大要素有哂，油香、滑溜、醬汁濃厚但今日咁啱經過，星期日下晝2點，要排10分鐘。一攞上手，顏色其實都幾吸引…可惜一食落口…腸粉已經變為普通質素，油香+滑溜通通無哂，得番醬都仲有水準，以後即使經過都無興趣食….可惜！