Hop Yik Tai (Under Renovation)

今日行深水埗買電腦配件💻，順便入咗合益泰試下佢嘅招牌腸粉同蘿蔔🥢。腸粉真係一流👏，粉皮夠滑溜，加埋混醬嘅香味，絕對係經典街頭美食🎯！每一啖都充滿濃濃嘅懷舊味道❤️。蘿蔔方面，甜度適中，而且夠腍🌟，不過口感上有少少渣渣嘅感覺，唔算完全完美😅，但都係非常值得一試嘅特色小食！每次嚟都要排長龍，隊伍可以去到街尾😵‍💫，不過轉枱速度算快，等唔耐就可以坐低慢慢食👍。唯一美中不足係環境好迫😮‍💨，如果鍾意舒服啲嘅食飯體驗，可能會覺得有啲唔方便，但為咗咁好味嘅腸粉，真係值！💯係深水埗買嘢時必試嘅補給站🔋！…Read More

腸粉魚蛋豬皮簡簡單單就一餐真係我的最愛，因為其實今晚約咗人食飯只係未夠鐘但係有心思思想食少少嘢，深水埗區梗係嚟合益泰朝聖啦，因為朝頭早係冇豬皮嘅咁所以就叫埋豬皮，咁叫得豬皮又梗係要叫埋魚蛋先至襯返啦，於是乎就由十蚊四條嘅腸粉變咗呢一份$31嘅黃昏下午茶。魚蛋同豬皮冇以前咁好食，可能以前係撈埋落腸粉度所以又有甜醬又有麻醬又有芝麻溝埋一齊啦，依家分開咗反而冇咁好食，不過腸粉仍然係正嘅，有時真係唔明大家都係咁蒸嘅腸粉點解佢又真係好味啲嘅呢。…Read More

明明知道唔係自家製，明明又知道衛生條件有點移欠佳，明明有知道佢應該好似係陳記嘅預製點心，就係唔明白自己蒸同埋佢蒸點解有咁大分別，會唔會係同佢撈嗰啲麻醬豉油有關呢？食呢一款街頭腸粉除咗條醬麻醬辣醬之外，更加重要就係佢啲芝麻，呢度嘅芝麻樽都好大陣象，超級巨型，自己喺個蓋上面鑽窿嗰下犀利，狂沈芝麻嘅感覺真係好自癒。要每條腸粉都黐滿芝麻先至係我的最愛。佢腸粉有分大中細嘅，我揀咗中size，有六條腸粉，配埋杯豆漿，21蚊，大滿足。…Read More

突然之間好想食腸粉，諗起深水埗有間老字號好出名想去食。同朋友一齊去食個腸粉🤩🤩我叫咗六條腸粉🩷🩷🩷🩷🩷佢個腸粉真係我夠膽話係全香港最平靚正一間舖頭👍🏻👍🏻又夠滑，啲醬料又夠香，而且食落啲醬汁勁掛味。完全朔晒喺個腸粉度好鬼正😍😍😍加上佢呢個價錢真係冇得輸，不過佢之前好多人都話排隊排到好誇張，現場睇都係，但啲人食得好快😂😂可能都肚餓得滯🤣🤣唔怪得個個一入嚟都必叫腸粉👍🏻👍🏻另外仲叫咗粉果🩷🩷🩷🩷我個人認為個粉果就冇腸粉咁驚艷，但都好食👍🏻個皮煙煙韌韌，不過我發現佢個粉果係冇花生😂😂平時食嗰啲粉果有花生我唔鍾意，呢間啱晒我✌🏻🤓下次可以叫埋蘿蔔豬皮試吓先，因為嗰日見到都好多人嗌，但因為食得太飽，所以冇叫到。我哋叫咗杯豆漿🩷🩷🩷🩷🩷豆味唔係話太濃，但係啱啱好又唔會太甜🤓👍🏻最緊要好解滯，我都好鍾意飲豆漿，佢呢間啱啱好我要既口味🤓👍🏻希望香港呢啲老字號小店一直保存落去，可以比更多人試吓香港啲小食👍🏻👍🏻五個心心為最高分合益泰小食 (深水埗)深水埗桂林街121號地舖…Read More

$10 四條腸粉，加$10 六粒魚肉燒賣多多醬加芝蔴非常好味個個人都一隻碟，幾枝竹籤，揸住就企喺條街度食，超有香港街頭小食嘅風味雖然唔係同一間舖頭，但係就會記得自己中學時期，放學之後或者返學之前，就會食腸粉，兒時回憶 😋…Read More

Zaza一直好欣賞合益泰小食，以前住附近嘅時候，成日都會幫襯😆 但自從搬屋之後，就好耐都冇去過啦😄呢日帶咕吱重遊舊地，俾佢感受一下喺古色古香嘅店舖品嚐下港式小食😚 今次我哋order咗腸粉、燒賣同埋豆漿😋 腸粉嘅味道同以前一樣，而且仲係咁滑，咁有米香；再加好多好多枱上面各式各樣嘅醬料，完美將腸粉嘅口感昇華⏏️呢度嘅燒賣都唔錯，大大粒，有咬口；記憶中，呢度嘅蘿蔔、魚蛋都好美味🤤飲品方面，豆漿勁有豆香味，而且滑口冇渣👍🏻👍🏻👍🏻👍🏻仲有呢度嘅員工姐姐都好有禮貌，可能見我帶住個小朋友，所以分幾次點餐都冇問題😃 （其實員工姐姐好忙，分幾次點餐，Zaza都覺得有啲唔好意思，但囡囡越食越開胃，所以叫完一樣又一樣😂😂😂)…Read More

一支公去開深水埗兌錢，同事推介我去食米芝連級數腸粉，比平時食開嘅幼身少少，捲得實，好滑，唔會一Pat Pat，據稱有豬油香，就算有，都已經俾醬蓋過哂，真心覺得係好味嘅，其他地方好難食得到呢種腸粉。豬皮蘿蔔入味又夠淋，無炸豬皮嗰陣油味同油淋淋感，都算唔錯。堂食環境夠燈光同算新淨，只係地下好多垃圾(紙巾)，地方都幾朽較。…Read More

呢間在深水埗的早餐店擁有悠久的歷史,一直深受當地街坊的喜愛。每朝早都見到長長的隊伍在店外排著,等待品嘗那著名的腸粉。腸粉的口感非常細滑,甜而不膩,實在是一道獨特而經典的本地小吃。雖然店鋪位處街市內,給人一些擔心衛生的感覺,但其實老闆一直非常注重食材的新鮮度和廚房的清潔。偶爾也會有意外發生（發現已死小強在地下）,但整體來說還是很衛生的。不過,如果你特別注重衛生,我還是建議你外帶走食用會比較安心。這間店不僅供應美味的腸粉,其他如粥等傳統早餐小吃也很出色。無論是本地人還是遊客,都會慕名而來品嚐這裡獨特的風味。由於位處鬧市中心,不太遠就有地鐵站,所以交通便利,是很多人的早餐首選。不過要注意,由於人氣極高,尤其是在早高峰時段,通常需要排隊等待,需要預留充足的時間。這間早餐店已經成為了深水埗一個地道的地標,很多遊客特意來此體驗傳統香港早餐文化。事實上,也有不少網紅和影片就曾經介紹過這裡的美食,可見其在香港小吃界的地位。如果你有機會來訪,一定要來嚐嚐這裡獨一無二的腸粉,相信你一定會回味無窮。…Read More

深水埗掃街第二站 - 合益泰！！試過好多地方嘅豬腸粉，但係唯獨合益泰呢度嘅真係特別滑同埋有特別嘅香味！令人會回味！個個就係豬油香啦！！（雖然好邪惡😈）重點呢個價錢真係冇得輸！！今日點左💁🏻‍♀️腸粉 $15 6條牛肉 $12 3粒豬皮蘿白 $19（細）———————————如果想快啲地道啲可以揀排隊企係街食，不過最近幾次我都揀入去堂食叫做有位坐下 不過要做好心理準備 啲姐姐好忙好忙要有耐性地等佢落單呢🤣🤣———————————🫗$15 6條 超級滑腸粉，佢地會一早落左麻醬同豉油，豉油亦都唔會超鹹，加埋甜醬同落好多好多炒香過嘅芝麻超正！！🫶🏻🐮牛肉球$12 3粒呢個就比較普通啦 佢個口感係比較粉同黏啲，如果鍾意爽口嘅就可能會有啲失望🐷🥕今次亦都好想試佢個豬皮蘿蔔，叫咗一份細嘅$19，因為見到同場都幾多人有嗌，結果好有驚喜！！兩樣都好入味！豬皮超稔！雖然有少少豬毛😂但我下次嚟都會想嗌！…Read More

見咁多人like就去試下，點知呀姐態度勁差，扮睇唔到你，我叫左外賣腸粉燒賣魚蛋，蘿蔔仲有豆漿，上咗車之後先發現阿姐比漏咗魚蛋，仲有條好核突嘅頭髮喺啲腸粉度🤮🤮🤮 專登行返好遠去問吓姐拎返魚蛋，點知個阿姐唔認數，仲話我呃佢😡好嬲，我會唔會為咗幾蚊雞魚蛋特登咁遠行返去呃佢？🤬啲魚蛋腸粉燒賣食落真係好一般，仲難食過出邊街邊嗰啲，極度唔推薦👎🏻唔明點解咁多人鍾意，第一次去亦都會係最後一次…Read More

Frd子細個嘅時候住深水埗呢頭今日出嚟行街 專登帶我去食經典名物到埗見到有條長長嘅人龍腸粉 4條/$10 + 魚肉燒賣 6粒/$10腸粉入口滑溜 口感比較實在甜醬+豉油+芝麻配搭 的確無敵仲點左魚肉燒賣 不過相對普通Frd子話食返童年味道…Read More

已經食過呢間小店幾次, 基本上腸粉蘿蔔係必點, 可惜今晚蘿蔔已經賣晒 😵 所以我改左食碗碎牛粥, 又估唔到碗粥都幾好味, 比起我早前食個間西記粥店好得多, 起碼粥都算綿細, 而碎牛又同出面有分別, 同啲粥已經混為一體, 成碗粥隻色都已經啡啡地, 望到都覺得唔錯 😊 腸粉有細, 中, 大三個size, 一般我都揀中, 細就一定唔夠, 大又驚多得濟, 腸粉夠滑, 黎到就自助加醬, 按自己口味去加, 甜醬唔會太甜, 加埋豉油, 麻醬同芝麻混醬食就最好 👍🏻 雖然鋪頭坐得麻麻, 亦都唔乾淨, 服務又冇乜, 不過腸粉, 蘿蔔同碗粥都唔錯, 但除左呢幾樣, 其他野食就真係好普通。…Read More

呢嚟到呢,就預左要排,企係條街度食.環境,服務,就唔講喇星期三下午5點到,排左5分鐘,叫左一份細既,10蚊4條.價錢正常第一啖,好重豬油味,腸粉就好滑,但就無咩米香味.醬就正常la,無咩特別.下次如果想食,都要返嚟食嘅…Read More

啲阿姐叫極都唔理你，睇到都扮睇唔到，唔會再去！環境又污糟邋遢，都唔明點解啲人成日話呢間嘢好食，啲腸粉有一般，係得個蘿蔔甜，成間嘢啲態度都不知所謂，我唔推介去呢間嘢食嘢…Read More

服務好一般，都好多人，啲態度真係唔會想番轉頭食，唔適合第一次去幫襯嘅人，問多句都喝狗咁去開嘅街坊就會知外賣就排出面，要堂食就自己衝入去搵個位，等落單，再等腸粉到。唔去開嘅，問多句都俾遮遮們喝番轉頭。腸粉就正常野啦，價錢都公道。另外嘅豬皮蘿蔔都係咁囉，無乜好特別，食物質素正常。堂食就等得比較耐，始終人多。入得去以懷舊掛帥嘅都唔好期望有禮貌嘅態度。粗聲粗氣喝狗咁先夠地道？！人多都有另一個選擇，鋪外後巷立吞。…Read More