合發茶餐廳

Open Now

Now Closed

數黃店，「龍門」、「渣哥」當然最廣為人知，其實，這間極度深黃的「合發茶餐廳」也不乏捧場客。單看它在店門玻璃上張貼的一張寫著「由即日起本店不招待警務人員直至另行通知敬請見諒」字句的紙張與餐廳內兩面牆壁上的繪畫著的巨型橫幅漫畫，便足以令二百萬不願虛作無聲的香港人前往捧場，大力地懲罸它了。這天兩夫妻一早來到，吃個「醒神早餐」。我吃的是「五香肉丁湯意 + 魚片 + 雞中翼 + 提子麥包 + 凍奶茶 」（$35），她吃的則是「榨菜肉絲湯米 + 煎蛋 + 芝士腸 + 餐包 + 凍檸茶」（$35）。這裡的早餐味道一般，無甚特別，較特別的是除了雞蛋、午餐肉、火腿、腸仔等外，竟有魚片可做配料，而且餐包竟也有普通餐包和麥包兩款，由餐廳隨意分派。此外，早餐粉麵的份量也十分之多，以這茶餐廳所收的價錢，都算相當抵食。這間極度深黃的茶餐廳，就算早餐味道不怎麼樣，怎能不去狠狠地懲罸它？店舖名稱：合發茶餐廳 店舖地址：旺角廣東道981號地下 美味度：50/100

今日中午去試，叫左蕃茄湯底豬排米+火腿蛋 奄列+奶油方包+凍檸茶，首先蕃茄湯底~應該喺蕃茄糖水湯底啱d，米粉~硬到冇朋友，腿蛋奄列尚可(如 e 樣都吾掂，摺左去好過)，檸茶冇茶味，唯一可取招呼比一般茶記好，都吾會再去

去旺角做嘢前的午餐! 被早前雜試介紹餐廳的手繪畫吸引, 所以專程到場試試…是震撼的! 去到剛剛有位, lucky! 蔥油雞扒撈丁 $52 ~ 雞扒炸得香脆, 雞肉都算嫩滑! 蔥油亦不失香氣, 份量多少少會更好! 伴有為數不少的唐生菜, 成件事感覺健康左! 如果有撈麵汁就更好! 常餐 – 叉燒蕃茄湯意粉, 火腿奄列 ~ 意粉軟硬適中, 份量頗多! 同事表示蕃茄湯有一種熟悉的味道, 有點點甜味唔酸! 叉燒應該係交貨吧, 有點乾! 註: 凍飲加 $3, 整體座位有點狹窄, 一般茶餐廳速食文化是也! 

第30個post就出啲架勢啲既先，我指個店內裝飾。一入到去見到兩邊有好高質既壁畫，內容都係時代革命主題，加啲貓？黃店既原因揾唔到好多，但門口貼住不招待警察。$50 海南雞飯午餐包菜包湯包野飲，都幾抵食。不過啲伙記既態度比較raw啲，我見有枱客好似有啲火藥味咁。？

呢期至黃，黃到發光嘅茶記非佢莫屬😎牆上嘅插畫記載著呢半年多嚟嘅抗爭，同路人自然會明白💪🏻💪🏻💪🏻網上見到佢嘅插畫，即使幾唔順路都特意走一趟，好彩唔洗排隊😂但都坐滿哂㗎🙈拿拿聲落完單就欣賞佢牆上嘅畫，真係好深嘅感受煎蛋免治牛肉飯 $49有湯又有嘢飲👍🏻個飯好好食，勁多肉碎，真係好香嘅茄果，煎蛋亦係有脆邊的☺️好似以前中學時期lunch time出去附近茶記食晏嘅味道果種感覺☺️下次要試下佢嘅芝士西多士🤤🤤🤤

成日早餐時候經過，都座無虛席，今日特登7:30到達，尚有卡位，Lucky！一坐入去就會有感而發，心口暖暖！早餐時間，叫咗兩份早餐：-沙嗲牛肉米粉拼炒蛋、餐肉方包 - 沙嗲味濃，花生味就弱啲，牛肉食落嫩滑，湯頭一般。炒蛋好明顯係用真蛋炒，食落有蛋香，會見到蛋白同蛋黃分明，唔似有時有啲茶餐廳或大型快餐店用蛋漿嚟炒蛋。方包如果牛油份量足啲會更好！豬扒、煙肉、雞翼 配餐包- 豬扒醃得真係好味，煎/炸得好香。煙肉反而似白烚多啲，本人都係喜歡食啲煎/炸到香香脆脆嘅煙肉多啲。雞翼比較乾身。餐飲 - 熱檸茶、凍齋啡，齋啡飲落驚喜，香濃帶少少苦，最緊要唔好酸。店內仲冇兩位可愛店員坐喺收銀機位置，一路食早餐一路睇住佢哋，好可愛⋯⋯

聽講玻璃畫係由兩個人畫嘅，出名嘅雪菜肉絲米果然高汁，蒜蓉厚多好香，麵包軟包皮脆，救命奶茶一樣出色，閒日早啲去吾使排長龍，舊式茶餐廳價錢抵食又大份，下次一定會再去

前排見到介紹，知道呢間茶餐廳有兩幅超靚既牆，就一直都想黎試下。今日早左放lunch，就同同事黎左呢間茶餐廳到食飯。未夠12點已經坐左9成滿，好彩早放lunch先唔駛等位。聽講店入面有兩隻貓，今次見到其中一隻，喺收銀隔黎瞓緊覺，超得意店員都好有禮貌，入面好乾淨，等餐既時間唔耐，好快就有得食。我叫左生炒牛肉飯+熱朱古力，同事叫左咖喱豬扒飯+凍奶茶。超靚既牆粉麵飯menu包、飲品menu特餐menu是日午餐+好靚既牆咖喱豬扒飯同事叫既，我冇試到，佢話幾大份幾好食。生炒牛肉飯︰牛肉幾滑，飯炒得好香，唔會好多油，非常唔錯。值得一提係跟餐既湯，今日係西洋菜湯，好大碗，飲落口好舒服，飲完唔會口渴。我哋食緊既時候開始多人，之後外面就開始要排隊。呢間小店價錢ok，野食質素幾好，店員好有禮貌。舖頭入面超靚，而且有貓下次再黎探下貓先。

早幾日同男朋友一齊放假，去左旺角行街買嘢，之後係朗豪坊的後街見到有一間裝潢比較舊式少少的茶餐廳，因為我同男朋友都見到啲嘢都幾啱食，所以就揀左呢間啦。男朋友揀左椒鹽豬扒飯，而我就揀左佢比左個good good的雪菜肉絲米加奶茶，佢呢個餐除左跟一個方包之外，仲可以揀多兩樣餸，有蛋、腸、火腿、餐肉等，仲可以揀沙嗲牛肉或榨菜肉絲，我就揀左一跟沙嗲牛加蛋。叫左嘢食之後，大約等一陣就有得食啦，我就將部份的沙嗲牛和蛋𢳂左出來，放係方包上面，自整左一個沙嗲牛肉蛋包，好好味，令到方包都可以食晒，而個雪菜肉絲米都ok，唔會話太鹹，味道適中，32蚊嚟講真係不錯。奶茶方面就正正常，無話奶味定茶味特別重，不過不失。男友的椒鹽豬扒都幾特別，佢唔似一般大排檔好煎炸的感覺，佢比較似屋企式的煮法，亦唔係一般碟頭飯咁一大碟乜都係同一碟上面，味道都ok，好好味，豬扒好入味。原來店內係有貓貓㗎，不過好可惜我地去個日，老闆話帶左佢地去沖涼，無見到佢地。以下評分以5⭐️為滿分推介⭐️⭐️⭐️⭐️

話說我要去旺中做facial，點知早咗成個幾鐘到。唯有喺朗豪坊hea。見時間尚早，不如搵個地方食啲野。 忽然醒起呢間合發茶餐廳喺附近。因為我好小食呢類下午茶，我睇咗好一陣子餐牌。最後揀咗，芝士西多士。其實佢仲有蛋白西多士，落完單後先發現仲有芝士火腿西多士。芝士西多士一放上枱，就係普通西多士既樣子。中間切咗一下，諗住擺靚啲影張相，點知啲芝士就流出嚟。影完相，就繼續切啦。啲芝士唔孤寒喎， 唔只得中間有，勁貼邊。每一啖西多都有芝士。 總結，我覺得幾好。

蛋白多士好正呀！😍多士係脆同熱嘅唔係整好擺係度嗰度！公仔麵裡面嘅生菜好好爽口！雖然係茶餐廳，但係食材都食得出係新鮮嘅食評要打80個字要點樣打80個字呢？ 唔通我話茶餐廳嘅價錢酒店嘅享受🤣經過旺角諗唔到食咩，我都會繼續去食嘅！價錢公道，員工態度都幾好！ 仲有兩個可愛嘅貓咪！

之前食左一年半載, 都算係熟客仔, 老闆娘同D伙計都熟口熟面, 加上有時見下貓貓. 可惜最近幾個月轉左手, 午餐得返幾款,有時唔太揀到, 以前樣樣都好吸引唔知揀咩好.伙計變左兩個無表情女士...有次落單果位長髮女士, 企到好遠問我食咩, 都唔行多兩步, 但果陣得幾枱客, 唔係無位行. 結果我真係要喺位度叫出去.整體感覺, 差左好多. 

合發d常餐唔太得,碟頭飯都ok o既...今日食左咖哩牛腩飯, 不過不失啦...但唔會特登去食囉.我都係附近返工,唔知食乜好, 先幫間唔中幫襯, 兩次.

今日黎食午飯叫三"送"湯粉我要左沙嗲牛肉,叉燒加雪菜肉絲通粉沙嗲牛醬汁幾香,撈入通粉入面幾好食,可惜牛肉有D韌而且無乜牛肉味叉燒只係普通貨色,仲要有D韌雪菜味唔太鹹,但肉絲太少通粉煮得剛好唔會太淋凍檸茶少甜仍然夠茶味唔錯呢度好舊式有D殘舊FEEL但呢度主要做熟客生意個個入黎都吹下水至搞笑係凍檸叫爆檸凍奶茶叫涼茶