合發小食

Open Now

Now Closed

早排電視介紹呢間小食店，今日經開呢頭當然要去撐一撐場！係今時今日可以一蚊一件煎釀三寶真係見少賣少！同友人一齊買左十件醫下牙癮，我揀左茄子、魚蛋、豆腐、青椒、雲吞皮！雖然size係無出面其他檔咁大件，而且溫度係有點涼，但因為要一次準備定咁多份量方便客人選購是正常的！而每樣野食配上豉油，一咬落去油炸的感覺就是爽！而且味道都叫唔錯嫁啦！最緊要係有番讀書時期放學買呢d野食既回憶浮出黎！咁既價錢與咁既水準既小店值得支持！

一蚊一件三寶,最好食係呢一間,香港仲有煎三寶賣1蚊件得返2間,但呢度勝在流量多幾乎每次買都係新鮮炸起既出品,新鮮炸起點會唔好食?末上厚厚既魚肉再炸香,我自己買返屋企仲會加少少麻油一齊食,更加香之餘味道更好食買返黎已經忍唔住先食左幾件再影相魚蛋係最高CP值,大大粒有魚味,仲有腥味,咁先夠鮮味,茄子同紅腸都係抵食！厚切大件！阿姐仲話你又黎呀！每次都黎買一盒當飯食，廿蚊食到飽！距離地鐵站十分鐘唔算太遠！

窮遊香港-葵興全港最平$1蚊一件煎釀三寶 聽講15年都冇加過價 可以話係一間良心老店小店 仲要二十四小時營業.求其點左$10 10舊⭐️煎釀三寶呢個價錢都唔會有咩期望㗎啦都幾多人keep住排隊買（明顯比旁邊對手店多人）區內應該算係好出名嘅窮人恩物記得以前食過 長沙灣 #嘉美食記都係賣$1件 但份量每舊都偏細👍🏻今日講既呢間 每舊都正常大細👍🏻仲要可以幫番返熱 熱辣辣 點都唔差既（😦但啱啱番熱完會偏油 建議等一等再食 肥肥）每舊都正常水平啦 唔一舊一舊講👌🏻今日啲茄子 啱啱出爐 入面有小小未煮透 唔夠軟👎🏻辣青椒 反而煮過龍 即使釀咗魚肉都軟奶奶（其實肉眼都睇到嘅 大家可以望一望根據當日質素嚟點 會好d)魚肉方面 每一舊都有薄薄既魚肉$1一件黎講 算係好足料 抵食.得閒既朋友 掃完葵廣 食飽飽可以散步行去葵興減肥 再試埋佢旁邊仲有一間對手店 下個post再試埋佢.#hkfunfoodrecord窮遊香港#hkfunfoodrecord_葵芳. #合發小食 (葵涌)地址：葵涌禾塘咀街珠寶大樓地下125號D舖.⭐️評分：味道：3/5環境：-/5 舊區服務：-/5 外賣抵食：5/5 毋庸置疑抵食滿

煎釀三寶，一蚊雞一件，可以去邊度搵？終於食到呢間出晒名一蚊一件唔加價嘅煎釀三寶，買$20都已經可以食飽。魚蛋紅腸茄子豆腐加幾隻雞翼。雖然炸定左，但係當你買完之後佢會再同你翻炸，雖然未至於好熱但係都係暖既。先講魚蛋，雖然明知都係麵粉多，但佢係有魚肉，唔係炸麵粉。紅腸炸得有的硬，可能因為翻炸，所以都有的乾，唔太好吃。茄子就好軟好淋既，加埋的釀魚肉都算唔錯，不過就有的油，炸豆腐係最好可能係因為新鮮炸起，豆腐又滑又夠味。Anway，炸嘢始終都係熱食最好味

如題，的確係$1☝🏻件，不過唔好抱太大期望，當然都會有驚喜既。炸魚旦，唔會太多麵粉，同魚肉嘅比例係啱啱好，唔會太鹹，加埋甜醬好好食炸豆腐，釀嗰個魚肉本身個味道係OK嘅，不過個豆腐唔知係咪天氣問題所以有啲酸，好似有啲變壞嘅感覺炸茄子，個味道係可以，不過偏油，咬落口有啲膩，甜醬都掛唔到上茄子炸紅腸，紅腸炸得有啲乾，但一蚊件就算係咁炸青椒，青椒炸得爽脆，熟到啱啱好唔會太淋，不過同茄子一樣有啲油膩總括嚟講，一蚊一件都算係咁，如果係10蚊4件嗰啲係咁嘅質素嘅話就唔得啦

今時今日,1蚊,可以買到咩呢?十蚊又可以買到咩呢?答案係,可以買到十件煎釀三寶 物價飛揚,15年前一個盒叉燒飯都要20蚊今天已經要40蚊,但竟然有鋪頭賣食物無加價仲要係15年來也從不加價,開善堂嗎?在這疫情之中,少了外出吃飯,多了買外賣我這一天經過好久沒到過的合發小食買既除左佢既平價,仲有一份人情味今天拿一張20蚊都不能吃飽的環境下我可以買20件三寶,加個公仔麵食三餐簡直係窮人恩物?好多人專誠駕車到訪,就係來潮聖1蚊件三寶好多人一買就幾十蚊,一百件咁買!我今天買了20件有炸魚蛋,茄子,豆腐,紅腸另外仲有炸青椒,唔食辣所以無買一蚊,不交行貨,紅腸照樣大大件豆腐抹上魚肉再炸香,味淡但份量大加點辣,加豉油,就變身平民美食魚蛋出奇地大粒,仲要好實淨,有人話唔好食但1蚊來說,平過買凍肉自己再開爐炸!茄片就比較吸油,最好食我認為係紅腸加魚蛋合發小食一元一件三寶,碗仔翅10蚊,燒賣1蚊粒計生菜魚肉12蚊碗,花生豬骨粥15蚊碗炸雞脾/油脾15蚊一隻!記得買既時候同老細講要翻炸!晚市仲有生滾粥~甜品有紅豆涼粉,芒果西米露等等葵涌禾塘咀街珠寶大樓地下125號D舖Shop 125D, G/F, Chu Po

🥢抵食到震一蚊一件煎釀三寶（一肚氣+肚屙）🥢之前葵涌食過一間幾好食抵食十蚊八件的炸三寶，經過大家的推介，旁邊有間終極平，一蚊一件，真係平到一個點，喺呢個社會$1都寄封信都寄唔到，原來$1仲可以買到野食真係難以置信🥢煎釀三寶$1🥢炸三寶比較細件，會即刻返炸，炸野姐姐感覺幾好人，會問下夾左幾多件，但炸完感覺味道一般，可能被人激親條氣chok 住🥢首先因為人很多需要排隊，差不多排到時有個惡死粗聲粗氣的風褸叔叔，喝叫：喂！點㗎你！ 🥢其實排得隊都係買野食架啦，想我點呢其實，所以就話買$20 是但拎走，就拎左個好核突的污糟碗夾，再大聲喝兩個豆腐夠唔夠架你🥢最後20 件炸三寶我自己夾好了，費事勞氣，佢仲要講多句，你自己好數住幾多舊呀吓，好似會呃佢錢咁，其實我都火火地，想爆佢一鑊，不過叔叔一把年紀都費事嘈，而且炸野的大姐又幾好人咁🥢其實$1 野我唔會有要求有咩服務，但過來買野唔係俾氣你受，唔同佢嘈已經好好，反正旁邊間店仲好食炸得香脆又乾身，可能太多人幫襯佢想趕咁啲客走，等佢唔洗做得咁辛苦🥢後話：食完後唔知係太油膩定個碗唔乾淨，未到第二朝已經肚痛，最後肚屙左兩日，所以腸胃

煎釀三寶🍢$1/件煎釀三寶全部一蚊一件🤩之前睇電視知道佢哋嘅存在😛咁啱經過嗰頭🙈特登搵佢哋，食埋先走😂去到都幾多人排隊😮味道都唔錯☺️全部大大件，真抵食👍合發小食 (葵涌)葵涌禾塘咀街珠寶大樓地下125號D舖

遠近馳名一蚊一件煎釀三寶由葵興地鐵站A出口 經葵俊苑就到去到小店 有幾個人買緊 受街坊歡迎店主姨姨好Nice 會幫你翻熱炸物以為一蚊件 會將貨就價完全唔係！良心價 CP值極高同出面賣幾蚊件一樣一蚊件太抵 好足料繼續支持小店👍🏻

今時今日香港地仲有$1/1件煎釀三寶，住港島嘅我去開葵涌就決定要試下呢間良心小店小店除左煎釀三寶，仲有炸雞翼，炸薯條，碗仔翅等，仲見到有客人食蒸肉餅配白飯，提供好多選擇之餘，價錢都好平而我當然就係選擇食煎釀三寶，唔好以為$1/1件就會好難食，佢嘅味道同魚肉份量絕對對得住價錢有餘。請大家記得係抱住$1件心態去食，期望當然唔可以太高，正常味道已經係合格以上除左煎釀三寶，仲試左碗仔翅同炸雞翼，但食完後覺得黎到合發都係食煎釀三寶就好了！總括黎講，如果下次再順路經過都會再幫襯

返工係葵青走嚟走去，所以夜晚都會周圍搵野食😆最近去咗葵涌光輝圍見到有一蚊一件煎釀三寶，之後即刻買咗嚟食😎除咗夠平之餘，重點係佢開24小時😙喱度嘅款式有魚蛋、茄子、紅腸、青椒、豆腐😙而且叫完之後員工通常會問洗唔洗翻炸，炸完之後就會更加好食😆

寸金尺土嘅香港, 竟然仲有一蚊一件既煎釀三寶, 兼且份量唔缩水, 大件夾抵食😳雖然平價, 但一D都唔馬虎, 魚蛋大大粒唔會係一舊粉, 係會食到魚味, 當然呢個價錢唔好諗佢幾有鮮味幾咁出色啦. 而個人最愛就食紅腸同豆腐，老闆好好人知我鐘意食紅腸頭仲專登揀比我添。而且不論幫襯幾多舊, 如果有需要老闆都會返炸翻熱, 老闆亦非常有人情味, 老闆間中見你買得多仲會送多幾舊, 唔係價值嘅問題, 係人情味係愛啊❤️所以長期都有人排住隊買係有原因嘅小店仲係24小時營業，宵夜仲一流啦🙊

下雨天中午路經葵涌，肚子唔太餓，但個心又好胃食，路經“合發小食店”看到一蚊一件煎釀三寶難抵美食誘惑，買了20蚊煎釀三寶再加3隻炸雞脾(14蚊一大隻)，返屋企與家人享用下午茶。3寶魚肉薄薄一層唔太厚但仍有口感，非常好食唔講得但一蚊一件香港難有地方買得咁便宜，不過不失，雞脾香脆可口有點咸味點綴, 提升雞脾的鮮味，比起KXX 的更好味，幾拾蚊已食得肚仔飽飽 小店在店外只有一兩張小枱櫈供食客坐，食客也樂意企著食，好有小店風味。我亦喜歡支持小店，下次再路經會再去品嚐“魚肉翅”、“炒粉麵”……其它美食

支持一下良心小店，由以前我讀書嘅時候，到而家一直都無加價，仍然係一蚊一件嘅煎釀三寶件件 normal size 無縮水㗎，而且味道仍然保持水準, 不過就唔好 expect 佢熱辣辣啦，除非嗰一round係啱啱整出嚟所以去開嗰度附近，一定會去買黎食 ，一蚊一件唔係唔買啊，一定要支持下嘅舖面乾淨，而且仲俾我老公影咗我嘅背影，因為我忍唔住9秒9 就走左去買煎釀三寶好多選擇㗎，有炸雲吞，春卷，豆腐，紅腸，炸魚蛋，尖椒，青椒，矮瓜等等⋯⋯

賣既食物種類都幾多，腸粉、粉果、雞翼、雞脾等等都有，不過最出名當然係平通街既煎釀三寶😂----------煎釀三寶 $1/件禁平都唔細嫁，魚肉份量當然會相對少啲，不過都係可接受既😉豉油、甜醬、辣醬落得非常足夠👍撞岩新鮮炸起就梗係正啦🙆不過撞唔岩都唔緊要，可以要求翻炸整番熱嫁💡----------燒賣 魚蛋 麥樂雞 春卷 都係$1/件腸粉 $6/4條