Taiwan foodstuff (Closed)

約咗個auntie食飯 去咗安興街球場後面嘅呢間台灣私房菜 地點都幾癖 好在有日經過呢邊咁啱望到 台灣嘢不嬲係我至愛 貪佢煮法特別之餘又唔會太濃味 閒日八點嚟到 都幾多人 枱櫈顏色都有襯過 好有家庭嘅味道 牆上面仲有個招牌寫住 零味精製作 好窩心有保證 前菜叫咗麻辣涼拌雲耳拼秋葵 辣味好濃 連我咁鍾意食辣都食唔到 瘋狂飲水 而且偏咸 雲耳做得好爽脆 秋葵用左涼拌嘅做法令佢入邊嘅潺減少 口感好爽脆 台式滷水鴨舌 鴨舌可謂台灣嘅美食之一 鴨舌滷得好入味 而且花椒八角味好足夠 佢仲好細心咁去咗鴨舌嘅大骨得返軟骨 女士都可以好優雅咁食鴨舌 加上入面嘅軟骨組織好爽趣 真係有台灣嘅傳統味道 小食就有菜脯煎蛋 菜脯煎蛋夠曬香脆 菜脯夠嘢味 酥炸豬大腸 豬大腸炸得超級鬆脆 外面脆卜卜入面軟綿綿有咬口 而且一啲都唔油膩 酥炸魷魚鬚呢味餸香港都有 特色之處係加上台灣嘅秘製調味粉好惹味 魷魚新鮮彈牙炭燒台灣豬肉腸 台灣腸係我喺台灣最喜愛嘅小食 佢惹味香口偏甜 而且肉質好有咬口同喺台灣食嘅有過之而無不及 唯一唔好嘅就係冇配上生蒜頭 食咗咁多小食 我哋兩個都半飽 最後叫咗個半隻麻油雞 麻油雞係原鍋上 下面有嘅gas爐滾住 慢慢飲都唔怕個湯凍 個湯係冇味精而且好重黃酒同埋藥材味 飲完成個人暖笠笠 當中嘅紅棗同杞子好香甜 真係估佢唔到 雞肉好嫩滑 而且香口惹味 最後成煲湯同埋雞煲食曬 超補身 埋單409蚊 每人都係二百蚊多少少 食咗咁多嘢 而且係零味精又補身嘅台灣菜 超抵食同老人家或者中女朋友黎食啱曬…Read More

因為未到練舞時間，在元朗圖書館附近打了幾轉圈，最後穿入了一條不起眼的小巷，看到台灣私房菜，由於是晚想吃麵，但外面放著的餐牌只有飯套餐，正盤算離開之際，老板模樣的男士走出來，說還有台灣麵的，見咁有誠意，當然要入去試試老實說，店鋪的地理位置不太起眼，估計目標顧客是附近街坊吧⋯⋯當時大約7點半晚餐時間，店內只有小貓三兩枱，心想這回可能中伏了，剛點餐後不久，只見顧客魚貫進入，才發現是我的好運。一人套餐我要了一碗四味雞翅麵，熱檸水，另加一份地瓜葉，服務很貼心，我怕灼菜太多油，原定白灼全走，後來服務員及老闆過來問菜原來有配肉躁，正合我意就要一個肉躁另上上桌的四味雞翅有鹵水，醉雞，鹽酥加另一款都是炸的雞翼，四款口味各有自己特色，我比較愛吃炸的兩款，除了店家標榜不用隔夜油之外，雞翼大隻同非常入味但又不過濃；麵條的粗幼不一令我有人手製麵的瑕想湯底味道就像是我在台灣食過的一樣，加上不過甜的肉躁，這餐味道絕對是我意料不及，也讓我飽飽滿滿的更有動力跳舞。有些食物味道我會吃過一次就滿足又不會特別在意會想再吃，這家店的食物吃了第一次，卻想下次再到試吃其他菜式，主要因為標榜無味精同唔用隔夜油，吃炸物都會特別安心點期待下次吃到更好的味道…Read More

是日放假，老婆話想落元朗行街睇戲，睇完戲係元朗逛左陣街都成6點鐘決定食埋個晚飯先番家。老婆建議去上次果間好食又抵食既台灣私房菜餐廳，吾使我諗梗係好啦。我地6點幾就來到，門口已有個冬日滋補鍋系例。由於時間尚早，餐廳未多人客住....我倆被安排坐梳化位，好闊落舒服....我地食左一陣已經好多人客來，坐滿曬...好彩我地來得早...白板餐牌....YEAH...今次多左一版熱飲....價錢依然好抵食...我地今次點左薑母鴨(半隻)...一大鍋上，一路有爐熱住，啱曬呢幾日咁冰凍既天氣.....餐廳標明無味精, 店員建議我地飲D湯....幾好飲, 好溫暖, 老婆飲左2碗都吾止....D鴨肉軟腍, 而且份量好足...食極都有咁...正...食到尾聲時，店員會加湯再送菜, 菜份量又係好豐富，睇得出D菜洗得好乾淨, 老婆都話食得好放心...肉燥茄子, 呢個係即點即整, 一放上台面就聞到好香, 好惹味夠鑊氣....即刻叫左碗白飯配...黑毛豬烤香腸配京蔥...即叫即燒, 呢個香腸味道甜甜地, 肉質吾UN..配京蔥多種口感, 幾特別..我地點左紅棗蜂蜜茶同蜂蜜蘆薈檸茶, 啱曬凍冰冰天氣...是晚我地食到好飽，埋單都係3百幾蚊，真係抵食。…Read More

你哋睇得出呢兩杯奶茶有咩分別嗎？一杯要加$8，叫台式珍珠奶茶，一杯係普通港式奶茶，但個杯所謂既珍奶其實係都係港式奶茶，只不過係多幾粒珠，你好唔好意思叫人加$8？！仲話係台式飲品！呃錢！個牛腩飯，超咸，豉油汁只是生抽王,啲牛腩仲硬過我條命！個台式茄子肉燥，只可以講係唔難食，但亦唔係好食,兩樣我地都食唔哂，無謂虐待自己！如果呢間嘢賣$30個餐，可能我冇咁嬲，將貨就價，但呢度啲餐係$4x-5x但質素係廿蚊以下都冇，簡直係用離譜黎形容…Read More

(食評而家差唔多打咗多過50幾篇，之前都係打英文。今次就試下打中文，請大家多多支持，繼續睇我嘅食評)元朗有咩出名？相信除咗老婆餅，就係大棠紅葉。 啱啱星期日去咗大棠睇紅葉，之後乘機喺元朗睇下有咩美食 。朋友推介之下，搵到呢一間位於位於安康街嘅台灣私房。一開始睇地圖候以為好遠，但係其實又唔係wo。喺大馬路行大約五分鐘就會到，一轉入球場就會望到。舖頭前面擺咗好多唔同餐牌，包括咗午市套餐，單點菜式，而且仲有冬日滋補養生系列！真係睇到都流口水！可能因為時間尚早，我哋一入去已經有位。 鋪頭裝修簡單，感覺舒服，而且電視仲係播住台灣綜藝節目。真係一入到去已經好似去咗台灣咁！入面大多數嘅人都係食午市套餐，但哋諗住一場嚟到元朗就食好。試下叫單點，可以試多啲唔同嘅嘢食。1) 涼拌皮蛋(⭐⭐⭐⭐💢)：一個好好食嘅頭盤。同三哥譚仔嘅皮蛋相比，呢一個皮蛋少咗一份麻辣味，但係多咗一份清爽嘅香蔥同埋蒜香味。值得一提嘅係佢用即磨嘅蒜蓉，而唔係炸蒜。健康而惹味。2) 麻辣雲耳拌青瓜(⭐⭐⭐⭐💢)：一開始抄牌上寫嘅係麻辣雲耳拌秋葵，但係店員同我哋講而家嘅秋葵唔係當造，所以轉咗青瓜畀我哋。真係不時不吃， 果然有廚師嘅堅持！雲耳同青瓜既爽脆同酸酸辣辣既調味十分配合。 可惜佢比我想像中辣，但因為太好味嘅關係，我真係停唔到手，一路飲水一路要食。3) 香酥炸豆腐(⭐⭐⭐⭐💢)： 侍應係上菜嘅時候提醒我哋小心啦，果然真係名不虛傳！一咬開豆腐脆皮，就可以聞到淡淡嘅豆香味。再加上面小小嘅胡椒粉，一絕。兩個人分享就最合適不過。4) 椒鹽魷魚鬚(⭐⭐⭐⭐⭐) ：相比起豆腐，椒鹽魷魚嘅炸粉比較厚，但係亦都唔會掩蓋咗魷魚嘅鮮味，每一條都鮮甜而且爽口彈牙。一碟大約有七至八件，而且每件都包住大大嘅魷魚鬚，唔會其他店鋪咁淨係得炸粉。5) 香鹵乳鴿(⭐⭐⭐⭐💢)：都算係大隻，而且肉質彈牙，鹵水汁入味！一人兩嚿就最適合啦！6) 三杯雞半隻(⭐⭐⭐⭐⭐)：冬天食熱辣辣嘅三杯雞就最適合不 。雖然話係得半隻，但其實份量都唔少野。味道方面， 每一件都好入味，有淡淡嘅醬油同埋酒香。 食完雞仲可以加埋雞湯入去當邊爐，但係因為我哋真係太飽冇咁做到。下一次一定要試下！7)肉燥鹽酥雞飯(⭐⭐⭐⭐💢)：同其他之前嘅炸嘢都一樣熱辣辣咁上碟，而且外面嘅炸粉唔會太厚。值得一讚嘅係同其他舖頭相比唔會落咗太多胡椒粉或者其他調味。味道比較清淡，食完都唔會口渴。適合健康嘅我哋。8) 薑母桂圓茶(⭐⭐⭐⭐💢)：淡淡嘅桂園甜味，而且仲有薑母嘅少少辣味，冬天飲就真係好暖胃。而且一份可以沖到四至五杯，適合幾人分享。總括而言，呢間餐廳的台灣菜十分抵食，而且味道出色。更重要嘅係，佢唔用味精同埋隔夜油，絕對抵讚。…Read More

今天到元朗圖書館後，順道在附近晚餐。看到這家台菜餐館，門前佇立的餐牌，價格合理。還有多款套餐可供選擇，所以就在此晚膳。在內堂的卡位就座後，看到牆身的＜零味精廚房＞。堅定流？飯後就知。　點了二個套餐，再加一份鹽酥雞和青菜，就是我倆的晚餐了！由於在內裡的卡位就座，比較接近碗碟收集處。　在等待期間，職員都是輕放碗碟，耳朵覺得很舒服。環境比高分。　至少職員愛惜餐具。　真係遇過有甜品店職員掟碗碟，＜烹烹＞聲，好嘈吵。　鹽酥雞　鹽酥雞，以蕃薯粉打漿包著雞肉再炸。金黃色炸皮長時間保持酥脆，內裡雞肉依然嫩滑，還有表面灑有椒鹽，就是教人欲罷不能的台灣小吃。一定要點一份鹽酥雞，獨享！　這份鹽酥雞是即點即炸，外層炸皮不太硬。註：不喜歡硬掘掘乾爭爭的食物！　　而雞肉嫩滑是正常的。看來這份用了雞腿肉！今天真幸運！　　真的欲罷不能，一件又一件的鹽酥雞，不知不覺間，吃光碟內的炸雞了！　　　　鹽酥雞飯　　小米到過台北，當然嚐過鹽酥雞。在全日供應套餐中，鹽酥雞飯只是46個大洋！有飯，有炸雞，有飲品！這就可以滿足小米食炸雞的願望了！大碗鹽酥雞飯，小米大快朵頤。食呀食！　　　　香酥炸豆腐  全日優惠套餐中，選了炸豆腐小食。這是各款小食中，質感最軟棉棉的。香酥炸皮有點辣，都只是薄薄一層，內裡就是無牙都食到的～滑滑豆腐。　　　鹵味麻辣燙　　放棄粉麵飯，要這份鹵味雜錦。有齊多款鹵味，一次滿足多個願望。　　　　雞翼尖三件　　關節位未算一咬即散，但翼尖的皮很柔軟。　　　豬手豐富骨膠原　　　　豬腸　環狀結構，容易認出。肥美的豬腸，很甘香。　豬肚　　二層平滑的肌肉結構　　還有豬紅和生菜。　　　地瓜菜   餐牌寫明是燙地瓜菜，即是蕃薯葉，而餐牌圖片，青菜上放有肉燥。　　十八個大洋，真係好抵。　可是剛才嚐過美味鹽酥雞，又有麻辣燙，為消除心中邪惡感，所以點一份菜，而且特地要＜走肉燥＞，夠健康吧！　地瓜菜蕃薯葉的纖維真的很實在，要多點時間咀嚼。相信蕃薯葉一定會完成艱難的任務！　蕃薯葉～SEE YOU TOMORROW。　　 蜂蜜蘆薈檸檬　小米點的飲品。洛神花茶　洛神花酸MAY MAY，覺得可以消滯，所以點這個。不過，在台菜餐館裡，竟然没有嚐到肉燥系列，下次一定要點肉燥飯。這晚餐除了大碟夾抵食之餘，仲搵到考試殺手鐧。　考試100分，腸腸鼓勵你。小米發現的！！小米會否為了腸腸，而努力溫習考試滿分。真的要拭目以待了！！！！　　BODY REPORT : 回家途中，不用狂飲水。…Read More

我偶爾會光顧這間店，當初見臺灣私房以為是私房菜，原來都是普通茶餐廳，於是食了幾次。我記得9月10月的麵是用上海幼麵，12月去食見改了臺灣粗麵。麵好味好多，彈牙！見有麻油雞!當然立刻嘗試，感覺不錯，沒有臺灣的味道。味道較臺灣本土的麻油雞清，幾好味這間鋪頭改過好多次菜單，至少我去的時候菜單都不一樣。有時小食鹽酥雞會有蔥花有時無飯麵出品……一時好味，一時鹹淡不一，珍珠奶茶叫少冰，一係好多冰，一係近乎走冰。招牌麻油雞一時入味一時差小小，麻油雞湯時多時少。(不知道是不是個廚師心情不好)樓面兩個哥哥仔一肥一瘦服務態度幾好。不過鋪頭的阿姐……記得有一次坐雙人卡位，食得好地地突然隻手伸去我面前！！嚇一嚇發現有個黑色圍裙阿姐在我面前拿餐具食午餐………感覺不太好，可能我自己太敏感(因為近廚房窗口，聽到阿姐好大聲抱怨話已經少冰!!)嚴格來說，這間鋪在水準上下浮動，食品時好時壞。希望老闆可以捉緊出品。…Read More

今日去左元朗戲院睇完戲，就去左台灣私房菜食晚餐。我地叫左個二人特式小火鍋套餐，揀左沙爹湯底嚟試！套餐有好多火鍋配料，有魷魚鬚、肥牛、豬紅、鮮蝦、牛栢葉、紹菜、金針菇、栗米、米線、鮮雞件、鹵肥腸。配料好新鮮份糧都唔少！肉燥唐生菜，唐生菜好新鮮，加埋肉燥一齊食好野味香口。香鹵乳鴿，足12兩重嘅乳鴿咬落啖啖肉，滷味好滷都好入味，非常值得一試！椒鹽魷魚酥，新鮮炸起熱辣辣，一啲都唔油膩，咬落魷魚好易咬，口感唔錯。半隻三杯雞，雖然係半隻雞但係份糧都已經有好多，雞肉好新鮮嫩滑，越煲越入味！黑糖珍珠奶茶仙同草珍珠奶茶，係台灣嘅味道！…Read More

最愛試新野 見到安興附近又開新餐廳 仲要係台灣野 馬上要同相公試看看～～簡約清新的門面被安排在卡座 店員都很忙碌 等了好一會才有人清理枱面和給餐牌 先來欣賞一下嬌小的辣椒仔啦熱好立克 套餐包港式熱飲 算是大大杯啊 也夠味道的香酥炸豆腐 套餐可選一款小食 咱們選了豆腐 熱辣辣 外皮金黃 內層豆腐滑溜溜而有豆香 加有七味粉亦更惹味 弄得較很多日式餐廳都有水準蒜香雞翅 套餐另選了這款小食 蒜香味恰到好處 不過油左少少 相對豆腐較吸引五香牛展麵 $58 OK牛展鹵得香 但湯底偏淡 像上海麵一般的麵質 不算彈牙 不算喜愛台式肥腸麵 $58 肥腸洗得好乾淨 也鹵得恰到好處 湯底也是偏淡 麵質不夠爽彈 較喜歡這道多於牛展麵肉燥地瓜菜 $18 食物飲品全到齊 但地瓜菜（即蕃薯苗）卻遲遲未到 一問之下 原來漏單了 不過係好味既 地瓜菜嫩 調配過的醬油也很搭總的來說 店子算是價廉物美的 當然 作為新餐廳 可進步的空間還是大的：1）人手：不足 當日人流不算少 但店員係身兼樓面 廚房 洗碗 感覺有點混亂2）餐具：每枱都已置有餐具盒 但只放有調味料及筷子 導致上餐時 店員又要到廚房附近取其他餐具 而走道並不寬闊 增加了危險性 也浪費了不必要的人力物力3）庫存：咱們就坐在最近廚房的卡座 席間源源不斷聽到/ 睇到 各樣食材不足 要在外的雪櫃拿取 碗碟不敷使用等等 庫存估算通過更久的經營希望有所改善4）員工關係：席間常聽到廚房和樓面的對話 彼此都不太客氣融洽 或許太忙碌大家也焦躁吧 但在員工士氣或食客感覺 都不是好事啊 還是會再來試試的 希望上述若有所改善啦…Read More

上個月食完豆腐湯底火鍋之後，又再想encore! 凍冰冰好想食火煱🤪😜😋，所以今晚又去咗台灣私房菜特色小火鍋套餐🤩! 今次同樣都係揀咗豆漿湯底，配合紅棗、杞子，有益得來又唔燥～豆漿配合雞肉、牛肉同菜都係好滑、好正！成個套餐都只係＄168，仲有台式飲品兩杯！抵食到暈🤩🤩🤩每次來都必定點黑毛豬台灣腸配大蔥～～😋😋😋😋😋 啲嘢食又健康又抵食，全店都係無味精～聖誕節大餐都可以選擇再嚟食～唔使成日嗌貴嘅聖誕套餐！…Read More

今天來到元朗就來嚐嚐這家台灣料理有選擇困難症就點了乳鴿料理二人套餐作罷要價才一九八食物份量不少第一味是香鹵乳鴿乳鴿顏色漂亮鹵得入味肉質嫩滑且味道濃郁二人鹵水拼盤相當豐富鹵味大集匯份量十足尤以牛展最得我們歡心肉燥通心菜緊接送上通心菜細嫩易入口肉燥亦有水準味道香郁惹味可口是白飯殺手蒜香雞翼炸得脆口味道帶點蒜香很好吃喜歡蔥油燥肉飯那種蔥油香白飯軟綿綿令人胃口大開黑糖珍珠奶茶比一般珍奶甜帶有濃濃焦糖味珍珠煙韌另點了香辣青瓜作小吃青瓜酸中帶辣開胃又美味一大鍋熱騰騰的麻油雞派頭十足伴有紅棗和薑片等配料湯底有濃濃麻油香吃完之後再寒冬的冬天也不需懼怕…Read More

元朗區真係個個月都有新餐廳開幕，包括呢間開業不欠的「台灣私房菜」，名稱好似專食台灣小炒，讓人充滿期待！位置不算就卻，分享過的人不多！餐廳裝潢得有點似Cafe，我們被安排坐卡位，人流不多，感覺頗舒適。餐牌上的食物種類多，大路的台式牛肉麵、台式鹵水系列、肉燥飯、台式香腸、鹽酥雞、豬手麵都有；最吸引既連麻油雞、三杯雞、薑母鴨都有呢，當然不少得各款台式特飲。仙草珍珠奶茶 $25 及 薑母珍珠奶茶 $23最近愛上左仙草凍，搭配珍奶真係好夾，呢度既都沖得不錯，嚐到有茶香，叫左少甜就岩岩好；不過薑母茶的薑味非常淡，愛薑的他當然較失望。酒香當歸雞翼 $45友人偏愛有酒香的醉雞卷和醉雞，見到這裡有酒香雞翼當然要來一份。一客四隻雞翼，意想不同除了酒香外仲帶點藥材的味道，唔會淡而無味，味道不錯，但肉質再滑少少就更好。鹽酥雞塊 $39無疑係炸得香酥，肉質也頗嫩滑，但感覺就係少左份惹味感，可能真的係不夠鹽酥和缺少了九層塔吧。有點可惜。黑毛豬烤香腸 $28標旁用上台灣本地黑毛豬所製，仲即叫即烤，食得出有烤過的味道，唔係單單煎熱佢。而且肉味好香，咀嚼中會食到夾雜左點脂肪位，愈嚼愈香，同出面幾蚊條既台灣腸不能相提並論，好食！麻油雞半隻 $158，送青菜或金針菇一份 （全隻$298）一向係麻油雞支持者，未黎之前見到有已鎖定要試，餐廳仲講明用上當日既新鮮雞鴨，所以呢個價錢小妹覺得唔貴。鍋麻油雞有用爐暖住，所以唔會放到凍晒，可以慢慢飲。一鍋半隻都分到約4-5碗，麻油雞內仲加枸杞子、紅棗和薑等，飲落麻油味唔會太偏重，有嚐到雞湯的鮮甜，而且雞肉唔霉無雪味，確實唔錯。店員話有稍稍調配過個配方，更迎合到港人口味，冬天黎飲更加暖胃！鍾意打邊爐既食完個鍋可以加菜打邊爐，另外仲有其他火鍋配料揀，加湯亦會加返雞骨湯。鹵味麻辣燙 配香酥炸豆腐（2件） $58 因為友人想試麻辣燙，所以叫左份黎食，仲可以揀埋麵底同配一份小食。一碗鹵味麻辣燙入面有豬手、金菇、豬大腸、豬紅、雞翼尖等，材料上頗豐富，鹵味鹵得還算入味。麻辣燙湯底我地要左小辣，食落都幾辣，但就唔太似食緊麻辣燙既味道，可能叫左小辣吧？還是較喜愛麻油雞！…Read More

見谷友力推呢間台灣私房菜，又同家人黎試試，是晚六點多來到，小店半滿，不少是熟客，感覺溫馨。坐低後店員隨即送上水及餐牌，睇了好一陣，實在太多選擇了，哈哈，最後決定叫幾個主食同食share下。枱上的調味品，有支小小的辣椒仔好可愛呀。仙草珍珠奶茶（+$8）叫了飯或麵等主食就可以以優惠價換台式飲品，份量勁大杯，好抵呀，哈哈。要了少甜，甜度剛好，奶茶香滑，好飲。青檸蘆薈乳酸（+$8）乳酸略淡，但蘆薈粒下得不少，清爽有咬口，不錯呀。香滷豬手麵（$48）三大舊豬手加上大量菜葉，麵條也不少，豬手滷得入味軟腍，毛去得乾淨，正。湯底鮮甜，麵條掛湯，一齊食好好味。麻醬乾撈伴麵配當歸雞翼（$48）麻醬好香呀，加上大量蔥同青瓜絲，又香又水嫩，真係簡單又好味。雞翼好有藥材味，已經炆得好淋，啲骨一咬就開，相當易食。鹽酥雞塊（$39）台灣名物更係要叫一個試試，香脆又鹹香，一碟都有好多塊雞喎。涼拌皮蛋（$22）至愛皮蛋又係要叫黎試下，皮蛋都流心㗎，好綿滑，勁正！冰鎮秋葵（$28）秋葵點下豉油芥末就已經好正，不需過份調味，哈哈，冰鎮又幾搞鬼喎，試下自己整先。食物好味份量大，價錢又不貴，有下次！…Read More

元朗新圖書館真是超級大，而前面的空地雖然什麼都沒有，不過小朋友依然跑跑跳跳好開心。快樂本來很簡單，是否真的需要大形建設，人工花園，還是一片可以讓大家休息的空間？說到尋回初心，想介紹一下這裡附近一家不太起眼的小店，叫台灣私房菜。沒有華麗裝修，高級食具，卻有一種讓人感到舒服自在的感動。顧名思義台灣私房菜吃的是台灣菜，肉燥飯，牛肉麵，夜市小吃都有，種類極多。小店強調不加味精，誠意十足，價錢不貴，心裏每款都想試，一不小心就點滿桌食物（汗）原本以為細細份，誰知挺大碟的（換句話說說即是非常抵食！）小鳥胃朋友要注意不浪費食物嚕！味道方面，小食大力推介鹽酥豆腐和雞塊，新鮮炸出來確是熱辣辣，吃不停口！至於魷魚鬚炸漿我略嫌有點多，但魷魚本身挺不錯的，行過路過外賣過口癮也ok（笑）想不到這裡有冰菜沙律，立即叫一碟，加了千島醬，個人覺得沒必要，又或是如果能改為胡麻醬，可能風味更佳。不得不說，又是超大份，一次過滿足我試冰菜的願望！菜本身好像有點點咸味，水份特別多，爽口冇渣，怪不得超市經常沽清！冰鎮秋葵又是抵食之選，附豉油wasabi，不花巧，是一道平日在家也可以考慮的菜式。我自己點了一碗滷蛋肉燥飯，大碗到兩個人吃就差不多！味道中規中矩，我不能說它很有台灣風味，但比下絕對有餘。怎能少一杯台式飲料！跟餐加8元，比一般地方大杯至少一倍！天啊怎麼可以抵食到這樣子！因為不可少甜，自覺就甜了一點（但不過份甜的。）總括而言，如果期待食一餐可以抵消去台灣的心癮是不可能的，但小店的誠意和熱情就跟台灣很像，大胃皇必試，絕不會失望！…Read More

好鍾意食肉燥飯嘅我今日就係試試呢間台灣私房菜呢度裝修環境都好好唔記得影相添老闆介紹佢啲雞同鴨都係新鮮嘅而且即叫即整所以我哋叫咗個三杯雞試吓果然肉質好鮮嫩好滑我好似第一次食三杯雞覺得好入味好好食推介之選食台灣野點少得肉操飯同牛肉麵牛肉麵啲牛肉好淋，個湯底好重牛肉味最好食係啲面，軟硬度啱啱好而個雞扒肉操飯好香口啲雞塊炸得好香脆，唔會有厚厚嘅炸粉仲叫咗幾個小食同埋兩杯珍珠奶茶食物種類都算多你都有水準，價錢經濟…Read More