KOKON2 (The ONE)

經過尖沙咀想食日本野🍣🍱唔想去xx郎排長龍 見The One有就試試😃下晝人唔算多，有卡位坐😃我叫咗拉麵set🍜正常好味嘅豬骨湯，係我鐘意嘅拉麵質感🍜我鍾意食辣嘅七味粉🌶️即刻升華😋火山 有驚喜😃真係有🔥架。女侍應好好，仲貼心問我洗唔洗影相拍片，拎定電話先點火，儀式感滿滿😆好IGable 📸一舊飯咁上菜 真係睇唔出入面有乜料🤣佢有幫我切開4份😃好好味🤤內脆外軟多醬，一啖食落去口感豐富😆份量好夠我哋兩個女仔食😋好飽下次想坐bar枱位食 有feel🤣Btw買單嗰陣個員工好靚仔🤭…Read More

嚟the one就當然要搵間餐廳食個午餐，行經見到古今二就醒起上次係觀塘分店嘅用餐經驗都十分唔錯，所以就嚟好味再Encore。午市時間都多人，好在都只係等左十幾分鐘就有枱。餐廳環境簡潔而且帶有少少日本風，整個感覺都係輕鬆舒服。先嚟一客 柚想蝦你沙律，擺盤都非常精緻，新鮮爽脆嘅沙律菜再配上大量柚子肉，當中仲有蟹籽、車厘茄、蘋果、牛油果同埋甜蝦，令到成個感覺都好清新，而佢個柚子汁令到整個沙律多了一份酸甜口感，開胃度滿分。卷物方面我地叫左 蜘蛛 同富士山，單睇個名都覺得好得意。蜘蛛卷以炸得香脆嘅軟殼蟹為主角，再配上青瓜、牛油果同蟹柳，幾種食材加埋一齊食，令到口感非常豐富。而富士山 就以蟹柳為主角，卷物上鋪滿海量嘅蟹柳絲做成為富士山頂，而卷物入面就有鰻魚、牛油果同脆片，入口脆卜卜，口感幾得意，仲感受到廚師嘅創意。薄餅嘅餅面舖滿蟹柳絲、蟹籽同埋脆片，底係炸過帶有嘅飯焦飯，加埋個醬汁一齊食，已然覺得好有驚喜。食落入口脆卜卜，層次感非常豐富，好啱我口味。另外，我都叫左鹿兒島黑豚荔枝卷同埋鹿兒島黑豚露筍，兩款串燒都燒得非常香口，黑豚肉片多汁而富有嚼勁，分別捲住蘆筍同荔枝嚟燒，鹹鹹甜甜嘅口感都幾特別。…Read More

💫柚想蝦你新鮮嘅沙律菜, 車厘茄, 牛油果, 柚子, 蝦肉, 搭配上清爽的醬汁, 口感豐富同埋好清新, 十分開胃💫火山店員用火槍燒著, 圍住邊起火, 真係火山一樣, 好靚裡面係巨型吞拿魚蓉蟹柳壽司, 顏值擔當😍💫埼玉 網燒牛舌牛舌切片厚度適中, 入口肉質鮮嫩多汁, 肉香濃郁有彈性, 搭配嘅醬汁好夾, 增添左牛舌嘅風味😋💫自家明太子玉子燒賣相好吸引, 表面烤到微微焦脆, 望落勁似巴斯克蛋糕😂明太子嘅鹹香同玉子燒嘅甜蛋非常無敵正, 大愛🤤🤤💫鹽燒白鰻外皮燒到焦香, 魚肉keep到鮮嫩, 鹽味更提鮮💫壽司薄餅 （辣味三文魚，蟹柳）薄餅底部好香脆, 唔會過於厚實, 上面嘅辣味三文魚與蟹柳搭配得好好💫鹿兒島黑豚荔枝卷串燒咸甜交融好特別, 荔枝當造非常鮮甜👍…Read More

多元又好味，無論係串燒定壽司都好有心思，味道仲有層次～🥰👌價錢合理之餘，份量都幾足！💃🍢🍣 柚想蝦你 🍤柚子同鮮蝦嘅沙律組合，酸酸甜甜加埋蝦嘅鮮味，入口超Refreshing！🍊✨一啖接一啖😋💛 鹿兒島黑豚荔枝卷串燒（1串） 每次黎都必叫！荔枝嘅Juicy同黑豚肉嘅肉汁好癡呀🍢🍖荔枝仲拎嚟燒香咗，有清甜味 fresh！✨🌸 埼玉網燒牛舌（4件） 呢個網燒牛舌真係燒到啱啱好，薄薄一片，咬落去彈牙又Juicy～🔥🐮配埋啲特製醬汁 好味🇯🇵💯 富士山卷 呢個壽司真係靚靚的🍣⛰️壽司上面用咗好多配料堆成一座「富士山」，咬落去啲口感層次豐富，鮮甜魚生加埋薯片碎，真係一啖滿足！🗻 彩虹卷 呢個壽司真係名副其實，五顏六色！🌈🍣每件都包住唔同嘅魚生，食落去口感豐富✨💖 三文魚牛油果卷 💥🐟🥑牛油果滑得嚟又香，三文魚鮮甜得嚟帶油脂香，夾埋一齊食覺得好健康添！😍🌿…Read More

同朋友揀咗古今二慶祝生日。位置喺The One ，好方便，訂咗枱，七點直入。叫咗二人set，入面有沙律，刺身拼盤，牛肉鍋，同埋玉子燒。我哋另外仲加多咗兩個卷物。呢度嘅嘢食種類好豐富，全部都好好食。尤其欣賞佢個卷物，我哋叫咗炸蝦卷同埋吞拿魚卷，賣相好靚又好食。今次食飯係順便慶祝埋我生日，估唔到佢哋仲有寫碟嘅服務，好靚好精美。兩件蛋糕仔，係藍莓味，味道都唔錯。最搞笑嘅係原來佢哋係用咗燒汁嚟寫字，仲以為係朱古力醬。…Read More

早排同朋友去咗尖沙咀The One一間叫做「古今二」嘅日本餐廳食晚飯，整體感覺真係幾好，特別係佢啲串燒，好有水準。我每次去日本餐廳都會試吓串燒，今次點咗鹿兒島黑豚荔枝卷串燒，豚肉燒到啱啱好，外脆內Juicy，加埋啖啖多汁嘅荔枝，口感超級match！另外埼玉網燒牛舌都唔錯，牛舌燒得剛剛好，入口有嚼勁，鹹香味好突出，食完真係想再encore。沙律方面我地叫咗個叫「柚想蝦你」嘅西柚蝦沙律，除咗有西柚、蝦、仲有蟹籽、生菜，食落清新又有層次，夏天食一流。之後重頭戲嚟啦，「火山」一上枱職員即場點火，打卡一流！入面係蟹柳加芝士同蟹籽，底下係飯，芝士香味撲鼻。仲有個壽司薄餅，用辣味三文魚做topping，底係炸過嘅飯，有啲似飯焦，超有創意！最後「東京爆脆」係個飯卷，入面有脆脆配料，食落好有驚喜。…Read More

一早係openrice book好位，夜晚同屋企人食生日飯。我地4個人係門口等個侍應，已經見到同時有另外一台人等緊。我去完拎個蛋糕返黎，見到屋企人表情唔對路，一問之下餐廳竟然比左張3人台我地坐，個有啲年紀嘅女侍應仲要態度好差咁話我地book係話3個人，又話我屋企人嫌地方窄🙄🙄搞左一大輪，原來佢地自己擺烏龍，將本身我地book嘅台比左walk-in客，叫我地坐3人台話我地book錯，之後對資料都講錯曬先發現自己搞錯🙄🙄欣賞個男侍應應對好快，態度都好好，但係個有啲年紀女侍應真心唔知做咩😬…Read More

今日同朋友lunch time 去食, 12:45pm已經落左單,1:15pm開始追單，追左好多次d食物都未齊，最後個壽司set 個壽司仲未黎，個waiter話個set無壽司？！😡之後追左好多次不同waiter 都仲未有，追到1:45pm出埋壽司bar 追，都好似無人理，叫佢轉外賣唔等喇，都等10分鐘都唔幫我pack , 等左足足一個鐘不停追都無黎過個餐，真係好過份！其實以前去左好多次，次次都好快黎，我唔知點解可以咁？眼見唔係做唔切，因為不停有師傅整緊壽司，但點解可以追咁多次都無人理？！以後唔好再去，太失望…Read More

尖沙咀創意日料古今二 (尖沙咀)火山店員送上這份料理時，特意舉行點火儀式，火焰燃燒的畫面極具震撼感，完全是打卡的最佳選擇。壽司飯上鋪滿帶子、青瓜和牛油果，配料豐富，口感層次分明。雜錦刺身沙律 新鮮的刺身堆疊成小山，包括厚切三文魚、油甘魚和三文魚子，份量十足，視覺與味覺雙重享受。沙律醬微微帶辣，清新又開胃。鹽燒雞中翼 雞翼外層烤得香脆，內裡依然多汁，只用鹽調味，原汁原味，咸香適中。軟殼蟹牛油果卷物 壽司卷物融合了酥脆的軟殼蟹和細膩的牛油果，兩者口感互補。每一口都有酥脆與綿滑的對比。黑豚豬頸肉串燒 & 蒜香牛油燒帆立貝 這兩道串燒也是不容錯過的選擇！黑豚豬頸肉多汁而富有嚼勁，帶有濃郁的燒烤香氣。而帆立貝經過蒜香牛油的調味，鮮甜的味道被完美釋放。📍古今二 (尖沙咀)尖沙咀彌敦道100號The ONE 5樓L502號舖…Read More

如果你喺尖沙咀The One想試下日本菜，古今二🍣絕對值得一試！首先推介佢哋嘅琦玉網燒牛舌，真係又香又有咬口，咬落去啖啖都係肉味，令人意猶未盡！🔥另一個必試嘅係鹽燒白鰻，肉質鮮嫩，配上少少鹽，味道好入味！而佢哋嘅原味玉子燒亦都好正，蛋味濃郁，口感滑溜，簡直令人滿足！🍳打卡方面，火山壽司真係一個唔可錯過嘅選擇，蟹柳壽司上面點上火，效果一流，拍照時都好靚！📸再來就係柚想蝦你沙律，裡面有清新嘅柚子蝦同生菜，口味豐富，食落去好清爽，夏天食正啱！🍤🥗最後，彩虹卷裡面有牛油果同蟹柳，色彩繽紛，味道亦都好配搭！🌈 #古今二 #日本菜餐廳 #打卡餐廳 #香港日本菜 #尖沙咀 #尖沙咀日本菜 #香港美食 #尖沙咀美食 #香港探店 #香港旅游攻略 #香港旅游…Read More

今日同老公撐枱腳，去咗尖沙咀食個靚lunch～ 我哋嗌咗：柚想蝦你呢個名真係夠晒可愛！酸酸甜甜嘅柚子加埋爽脆嘅蘋果～淨係聽到都已經覺得好清新！加埋牛油果、蟹籽、麻醬，呢個沙律真係相當開胃！火山視覺效果一百分！卷物鋪滿蟹柳、蟹籽，砌成火山形狀，店員會喺盤上點火，火炙令成個卷物味道更加香濃，仲可以帶出帶子既鮮美🤤埼玉網燒牛舌牛舌鮮嫩，牛味香濃！加埋特製海鮮汁，風味更加昇華。彩虹卷係一個吞拿魚、油甘魚、三文魚、青瓜、牛油果既組合～顏色就肯定夠晒靚㗎啦，而且每一都唔同，食落仲好清新！自家原味玉子燒熱辣辣嘅玉子燒鋪滿特製醬汁和蟹籽，蛋味濃厚好香，加埋啲蟹籽，真係充滿口感！鹽燒白鰻白鰻燒變咗金黃色～識食一定係要食白鰻(*^^*)肉質好有彈性、鮮嫩多汁！…Read More

好友約我去位於尖沙咀彌敦道100號 The One 5樓L502號舖的《古今二》食晚餐，環境舒適，坐得舒服，今晚食客雲集，好熱鬧。我地點左：🥢蟹柳沙律（ 細）唔辣 $48：沙律菜新鮮又鮮甜，配上蟹柳和蟹籽，十分好味。🥢富士山（4件）$55山底有4件卷物，有蟹柳、鰻魚、牛油果及脆片，卷物上面的蟹柳堆成一座富士山，有創意。🥢青龍捲（4件）$58：鰻魚蟹柳卷鋪上牛油果，賣相精緻又好味。🥢埼玉網燒牛舌（四件）$78牛舌燒得外面香脆，肉質爽嫩又牛味香濃。🥢鹿兒島黑豚荔枝卷串燒（一串）$32黑豚味道香濃，新鮮荔枝鮮甜，好味道。🥢鹽燒白鰻（1串）$38：白鰻魚燒得皮脆肉滑，魚肉鮮甜好食。🥢火山（4件） $68：火山係店員用火槍燒一燒，即是火炙芝士牛油果蟹柳卷，好有特色。…Read More

尖沙咀The One呢間古今二位於五樓餐廳整潔明亮 日式風格🎐座位闊落 員工友善龍捲風沙律 $58沙律大大碟 面頭有大量嘅蟹籽同蟹柳 底下有脆片 海藻同蔬菜 食落酸酸地好開胃 最鍾意係落咗好多醬汁 我呢啲唔係咁鍾意食生嘅菜嘅人都食咗好多火山 (4件) $68火山嘅視覺效果一流！一上枱店員會點火 呈現出火光圍住中間嘅卷物 真係好似火山咁面頭有大量嘅蟹柳 配搭芝士同蟹籽望落好似岩漿咁 下面嘅管物 有牛油果同青瓜減輕咗油膩感辣妹 (4件) $58面頭係辣味吞拿魚 吞拿魚碎食落夠綿滑 卷物包有炸蝦天婦羅同芝士 一啖食落去口感層次豐富東京爆脆 $98卷物入面有熟吞拿魚同蟹柳 最特別係仲有一層脆脆 再配有辣辣地嘅沙律醬 幾特別鹽燒白鰻 $38白鰻外皮燒到好香脆 咬落肉質鮮嫩 油脂豐富鹽燒雞中翼 $32雞翼有兩隻 調味啱啱好燒 得外脆內嫩好juicy埼玉 網燒牛舌 $78牛舌口感軟嫩 厚薄適中 帶有油香…Read More

今日行The One嗰陣見到呢間幾chill嘅日式餐廳，就入嚟試吓火山 Volcano Roll $68係其中一個特色卷物，富士山都好吸引，不過我鍾意食帶子所以揀咗呢個，入邊有帶子，青瓜，牛油果，蟹柳，火山效果，原來真係會點火㗎，打卡able,佢係由四件蟹柳牛油果小壽司再加一大堆蟹柳響上面，同埋芝士蟹籽集合而成嘅小火山，微辣嘅醬汁配搭得幾惹味柚想蝦你 salad $58即係柚子蝦沙律，口感不錯，入邊有蘋果，中華沙律，羅馬生菜，牛油果，柚子醬，細甜蝦，入面加咗蘋果同中華沙律係有口感上嘅提升， fresh得來得來又唔使淨係食菜嘅感覺超級龍捲風 Super Cray Roll $98入邊有鰻魚，海老，芝士，青瓜，脆片，係一個有口感嘅特色卷物，啱啱炸起嘅海老夠晒脆口，加上溶咗嘅芝士響面，芝士同鰻魚一如既往嘅夾，為咗配合呢個名，佢啲脆片就係散落一片嘅凌亂美埼玉網燒牛舌 Saitama BBQ Beef Tongue $78見到係 recommend item 已經即刻想試下，平時啲牛舌好少會有朵，今次呢個標明咗產地既牛舌真係非同凡響，唔係厚切嘅牛舌，火候控制得啱啱好，牛舌都做到少少入口即溶嘅感覺，得四件真係唔夠喉添鹽燒白鰻 Salt Roasting White Eel另一個推介食品，只用鹽和簡單調味，直接烤製，食落外脆內嫩，突顯鰻魚鮮甜，好香口自家明太子玉子燒 Housemade Egg Omelette $65一番人氣推介既前菜，蛋香同明太子鹹香夠突出，開胃一流鹿兒島豚肉荔枝串燒 Skewered Kagoshima Pork and Litchi $32豚肉油香配上荔枝清甜，鹹甜交錯，層次感豐富，難怪咁受歡迎…Read More

🍽️古今二📍尖沙咀彌敦道100號The ONE 5樓L502號舖記得好耐之前亞仔帶過我去食過觀塘分店，今日我就帶老公嚟試吓尖沙咀呢間分店，有驚喜啊❤️～龍卷風沙律呢個龍捲風沙律真係幾吸引，啲沙律菜新鮮爽口，上面有蟹柳絲、海藻、脆片同埋好多魚子，口感層次好豐富！醬汁唔會太膩，酸酸甜甜又有少少辣辣地，幾開胃㗎，夏天食一流！😋～特色卷物揀咗超級龍捲風同青龍卷，超級龍捲風有八大件，一上枱已經好吸睛，牛油果、鰻魚同蝦肉夾住壽司飯，面頭仲有蝦尾，好足料！仲有芝士、青瓜呢啲配料都好好味😋青龍卷有牛油果鋪面，入面有蟹柳同鰻魚，醬汁甜甜地，壽司飯煙韌，幾有層次感，口感豐富😍，最後我哋仲加多個「火山」，餡料豐富，牛油果、蟹柳，青瓜，帶子全部都係我鍾意嘅食材，仲有點火儀式，好睇又好食😍～串燒埼玉網燒牛舌、鹽燒白鱔同鹿兒島豚肉荔枝串燒都冇得彈，師傅控制火候好好，調味又啱，真係食到停唔到口🥰尖沙咀地點The One好方便，下次想食日本嘢會再嚟encore🤗…Read More