口福小廚

哈囉大家！今日我嚟到一間平民食堂，絕對係著家衫都可以嚟插插鋓嘅地方。我一落座，頭盤就嗌咗份椒鹽豬扒飯，飲品就係包咗一罐凍沙士，飲食界嘅雙重享受啊！啱晒返工一族或者街坊。話唔多講，個豬扒先係真正嘅主角，外皮炸到喺度叫你咬落去嘅時候啪啪聲，豬扒肉質鬆軟得黎又唔乾，啖啖肉香，椒鹽味做到啱啱好，唔會太鹹食落啱晒我口味。之後我叫咗茄子班腩飯，呢個應該叫做平民美食界嘅鮮味炸彈啦！茄子軟熟配上班腩流晒油嘅口感，夾埋飯一齊入口，真係舒服到不得了👍🏼。扒兩啖茄子班腩飯之後，我再試埋干炒牛河，簡直太正喇！河粉滑溜溜嘅，牛肉幼嫩彈牙，而且炒得啱啱好，有鑊氣但又唔會太油，係咁食我一碗又一碗🍚。實話實說，今日嘅食程真係讓我滿足晒。腦海中已經揮之唔去嗰陣椒鹽香味同埋牛河嘅鑊氣撲鼻嘅感覺。如果你想覓得一頓性價比高、好味到令人回味嘅美食，一於過嚟試下啦！會令你滿足到夜晚都仲想再過嚟一次咁vibes！👌🏼😋…Read More

西九龍中心8樓foodcourt 一直都好多小店，肯食咩基本上都係個度揀到，同事介紹呢間即叫即炒既小炒，話好有鑊氣！所以今日就買左外賣返office 食😎雖然作為一個肉食主義者，但係見到有蝦醬通菜炒雞柳飯（$42）好吸引～自己係屋企好少煮蝦醬，因為屋企人怕個陣味😂所以就決定要呢個，外賣加+$1，仲會包杯飲品。攞到返office都仲熱辣辣，打開勁香既蝦醬味，真係好有鑊氣，而且啲通菜炒得啱啱好，仲係脆口架～真心推薦👍🏻👍🏻✨…Read More

糧尾之選！唔使$40就可以食大大碟茶餐廳鑊氣小炒連飲品，非常滿足！難怪每次經過西九Food Court都見到店外有好多人企喺度等外賣。呢度嘅外賣盒比起平時嘅大，裏面仲要係放滿晒粉麵，一啲空位都冇！一餐飯可以當兩餐食！我今次用電話落單，大概十幾分鐘就有得拎外賣，非常便捷！干炒五香肉丁米粉$39- 米粉比我想像中濕潤，本身預期係乾炒米粉，油膩咗少少，不過都好惹味，五香肉丁嘅份量非常多！沙嗲肥牛炆米$39- 沙嗲味唔太重，淡淡地幾好味，肥牛同配菜嘅口感味道都好夾，推介！…Read More

口福小廚，我之前已經幫襯過好幾次，一直保持水準，我今次就試咗椒鹽雞翼飯，我由落單到取飯，等咗差唔多有20分鐘，但呢度嘅出品真係可以令到你(妳)心甘情願去等，因為真係好食，而且份量非常之多，椒鹽雞翼飯＋凍飲都係$40蚊，抵到爛！椒鹽雞翼飯真係相當香口，有大量紅甜椒圈、洋蔥絲、炸蒜頭等，雞中翼炸得非常香脆，肉質好嫩滑有肉汁，飯粒分明而又份量多，杯凍檸茶夠哂茶味，檸檬片落得足夠，酸度啱啱好我，又夠凍，非常醒神解渴，真係相當滿足嘅一餐！備註：嚟呢度幫襯有幾樣嘢需要注意，先比錢，後取食物，要自己揾位用餐，等候取食品嘅時間隨時超過20分鐘，下午兩點後直至五點幾應該係落場時間，店舖會關門，星期六、日有可能係休息日，假日盡量避免前往該舖(因為有可能摸門釘，需要注意)。…Read More

呢間小廚開咗好耐，我一直都係佢嘅粉絲，基本上每個禮拜最少會有一日係食😋😋😋😋佢翠肉瓜雜菌炒雞柳，翠玉瓜超級新鮮，雞柳都好嫩滑😋😋😋但係菇菇就係罐頭菇嚟嘅，呢個就有少少失望，但係成碟菜都超級好食， 炒出來超級有鑊氣，$45有菜有肉有飯有嘢飲同埋一碗湯，超級抵咕嚕雞球，呢個菜係我最鍾意食嘅菜，佢嘅雞球炸得好脆，就算比啲咕嚕汁浸住都唔會林晒，而且份量都好多， $45嘅價錢竟然可以食到出面餐廳$100嘅水準，正😚😚😚😚…Read More

干炒肉片河（$38) 🥩早排我阿媽係咁喺度講乾炒牛河🐮，搞到放飯嗰陣個腦即刻出現乾炒牛河4個字😂。第一時間奔向呢間之前已經食過嘅餐廳🏃‍♀️，因為印象中呢間又好食又平🤑。嚟到之後見唔到個餐單有乾炒牛河，就嗌咗乾炒片河🙋🏻‍♀️。記得之前佢啲嘢都好大份下😯，所以今次叫咗小河🙆🏻‍♀️。今日唔知咩事勁多人👯‍♀️，等咗差唔多20分鐘先有😢。拎到手即刻開啟我由中學已經開始訓練嘅食飯速度⏰。乾炒牛河係要夠鑊氣先好食🍳，呢個絕對做到👍🏻，唯一美中不足嘅係呢間野真係落好多油🛢（我老竇喺度又會話多油先香先好食💁‍♂️）同埋啲肉片有啲鹹😌。但係大家睇埋個價錢先🤩，晏晝有埋飲品先係$38💸，平到傻仲邊洗去美心大家樂😎。~咖喱炒飯($38)🍛望到個飯拎出嚟嗰下呆咗😯，成座山咁😂。今次唔記得咗叫少飯😅。（btw:就算少完都多過平時出街食的份量😜）雖然價錢平，但係味道同材料絕對唔少👍🏻。呢個炒飯入邊有叉燒🐷，生菜🥬，火腿🐽，蝦🦐，蛋🥚。而且加埋少少咖喱味辣辣地好好食，好夠鑊氣🍳。食到一半已經好飽，望一望碟飯🍚，而家先係人哋正常餐廳嘅份量😂。點解會唔記得叫少飯架🤦🏻‍♀️，有冇人同我一樣平時都會盡量食晒啲嘢🍽？所以明明係飽都會食埋嗰幾啖佢😌，但呢個真係唔得😅。自己本身好鍾意食炒飯，咩印尼炒飯菠蘿炒飯嗰啲😙。所以呢個真係幾啱我胃口，因為以港式黎講，楊州炒飯嘅話我覺得淡味咗少少🤪。✨大家唔使咁驚住，我唔係一次過食兩個飯😂。係咁啱第二日放飯個陣諗唔到食乜又兜咗過嚟，連續食咗兩日😎。如果大家下次經過西九諗唔到食乜又想慳錢嘅話都可以試吓呢間😋。不過唔知係咪個food court想啲人唔好坐咁耐🤨，呢櫈真係會坐到pat pat痛😇。…Read More

呢日呀媽唔煮飯，所以我放工炒兩盒嘢返屋企做晚飯。同事推介呢間小店多時，但一直無的起心肝去試🙈，佢哋嘅綜合評價係抵食、大份同有穫氣！我終於有機會試下了，睇下係咪真係咁高評價，哈哈。一去到舖位，就知道小店幾受歡迎。西九food court大大話話都有超過60檔，係得呢間排哂隊，有人等緊。望下個菜牌先，有大量炒粉炒麵都係賣緊$36，仲送飲品或者湯。另外，小菜就$4x到，包中國茶、白飯同湯，超抵👍。由於係逐碟即炒即煮嘅關係，所以買完真係要等10分鐘到。我見有好多同路人，買外賣或堂食都有。我就要咗印尼炒飯同乾炒豬扒河，兩樣都係$36，外賣加$1，跟餐要咗例湯。我一拎上手就感受到有幾墜手，🥡外賣盒好大個，打開發現炒飯同炒河份量真係好多，而且係塞滿成個盒，唔係得個盒大。例湯係🥕青紅蘿蔔赤小豆湯，淡淡地，但無味精的，都ok，加上用咗唔少料去煲。乾炒豬扒河，我想講🐷豬扒份量唔少之餘，仲好好味，又淋又有肉味，唔係嗰啲雪肉雪到乜味都無，死死實實。呀媽已經講定下次要食椒鹽豬扒🙈。炒河粉就正常，食到尾有啲油。🇮🇩印尼炒飯，佢同我心目中嘅印尼炒飯唔係好同，我會話佢係咖哩炒飯多啲，或者係星洲炒米嘅炒飯版，哈哈。炒飯好有穫氣，不過有少少燶，可以接受。但如果下次嚟，我應該唔會要呢款。總括嚟講，我對口福小廚嘅評價同我同事所講嘅係一致的，性價比高！抵食、大份、有穫氣、款式多，而味道亦都算係咁。如果平日lunch食，我自己一個一定食唔哂，呢次炒咗兩盒三個人食都有剩😮。小店環境一般，主要有一個男人做廚師、一個女店員做樓面落單，做街坊生意為主；女店員都幾nice，言談間聽到有啲街坊應該日日幫襯。我都會lunch嚟食多啲哈！溫馨提示，小店有落場時間，下午茶時段係唔開的，唔好嚟摸門釘😬。…Read More

位於西九龍既美食廣場，都可以做到即叫即炒，真係好有大排檔既鑊氣，好難得，最重要係35蚊起就有交易，仲跟埋熱飲，我通常都點印尼炒飯，因為有少少微辣，而且炒得好香。…Read More

椒鹽豬扒飯 HKD39（包飲品一罐）經常經過口福小廚，但都無食，因為油煙味太勁。今日終於聞名不如見面喇。同時吃了同場的 Curry Corner，相比下椒鹽豬扒飯勝（雖然兩者全無可比之處）。椒鹽豬扒飯好好味，雖然煮食空間好細，但同茶樓有得 fight，鑊氣勁到我擔心老闆健康。強烈建議西九龍中心改善口福小廚的抽油煙機。發覺西九龍 food court 多咗日本人特登去覓食，有手持旅遊書 / 本地日本人。最緊要唔好入圍米X蓮啊～～～～…Read More

又到尋覓美食嘅時間啦，開飯開飯直接出上咗西九龍中心 美食廣場經過座位望到別人食緊星洲炒米飄陣陣香味色彩艷麗 ，唔知邊間嘅出品 所以就直接問咗個人 ，原來係口福小廚， 既然知道當然直接就去幫襯啦買左星洲炒米，但睇到師父一次炒左3碟，就有搭沉船感覺呀！見到碟星洲炒粉 鑊氣夠色水夠，味道淡咗材料無叉燒轉咗紅腸同加咗瘦肉， 例湯幾好飲唔覺有味精 湯料到足。…Read More

又是深水埗… 同樣的對象又是同樣的地區吃飯真是令人有點煩厭… 但每人都有些飯局是推不了的，唯有接受這次是到西九龍8樓food court的一間小炒吃飯，未到達前已被告知超好吃，超xx，超…剛到達已有一堆人在排隊，餐牌上有不同的炒粉麵，小炒客飯，蒸魚/餸客飯（蒸魚是時價但都是60左右），什至乎你要求的也可以做（大前提是鋪頭內有材料）叫了3個套餐，等了差不多15分鐘呢，但也算快的了，因為我留意到food court內差不多每檔都只能有1位負責煮食呢，可能鋪位太細了吧~油墨菜炒牛肉， 爽口得來亦很好吃， 牛肉也非常多呢豆豉雞，雞肉夠香夠嫩滑，內裡包含大量的乾蔥，草菇，紅椒等，惹味之餘亦很適合送飯~韮菜花炒魚肚，爽口的韮菜花配上稔滑既魚肚這個配搭很特別也很不錯呢，只是小炒內的肉絲稍咸~今天的是佛手瓜湯，湯料十足，清清淡淡中和了小炒的咸味3個小炒都頗有鑊氣，同時亦有大排檔常有的稍油稍咸啦～ 但四十幾蚊一個餐，有菜有肉有例湯，份量十足味道又算ok，你還想要求什麼？…Read More

就在西九龍中心美食廣場，其中一個很不起眼的檔口，佢既小菜好有鑊氣，好有大排檔風味架我地久不久都會去食下，不過就唔係日日開門，有時都會摸門釘我地最近就愛上呢個椒鹽蝦碌最愛果大堆炸蒜粒，脆卜卜好香口好惹味，不過男友就好怕啦，佢話佢咬到會牙痛而啲蝦碌就大大隻，又爽又彈牙，炸到脆卜卜，我連殼都食埋呢個價錢實在太抵食啦！係大排檔食一定唔只呀~~~…Read More

茄子炒完仍然保留靚靚嘅紫色, 一路排隊已經有陣陣香味, 班腩茄子份量亦多, 味道不錯, 茄子炒得不會太淋, 班腩粉漿不厚, 仍然保留有口感的班腩肉, 以美食廣場價錢, 可享受大排擋風味.…Read More

走過深水埗又到食飯時間，咪係附近揾下野食！行行下走左去西九龍中心！發現都幾多間野食店！遊遊下去左美食廣場！好耐都無黎過！原來而家美食廣場多過20間既食店！中日韓印美既野食都有整！選擇多多！見到呢間小炒都有人排下隊咪試下！點左個蝦醬通菜炒牛肉！又有菜又有肉！套餐包左白飯，湯，茶！通菜好爽口，牛肉比較軟身，多汁！但有樣野比較吾好係好多油！但都好低食，岩岩好$40有齊咁多野！而且真係幾有鑊氣！小店黎講算係咁啦！…Read More

今日公司有貨返, 大家一起執貨, 未到12點已經好肚餓, 好彩Lunch前完成. 去到西九龍中心Food Court, 立即被d香氣吸引咗去口褔小廚,  叫咗三個餐, 茄子班腩飯, 葡國雞飯, 干炒班腩河, 大家勁肚餓, 但因太大碟我哋都食唔晒 下次可叫多個人一齊食! 茄子班腩飯,勁多茄子同班腩! 葡國雞飯,多汁撈飯一流! 干炒班腩河, 炒得好好唔多油! …Read More