叠記咖喱麵食

Open Now

Now Closed

最近我去咗叠記咖喱，真係一個好正嘅經驗！我點咗佢哋的叠記自選麵，選咗橡筋幼麵，搭配腩汁，味道真係好出色！腩汁濃郁得來又唔會過鹹，啖啖都可以感受到肉香，真係好開心。我加咗牛腩、豬軟骨、蘿蔔同墨魚丸，啲配料真係唔少！牛腩好軟，咬落去好有口感，豬軟骨又香又滑，兩者搭埋一齊，味道勁好。蘿蔔吸咗啲湯汁，清甜得嚟又唔膩，而墨魚丸就有個海味，真係食到我笑開懷。飲品方面，我試咗檸檬蜜，冰冰涼涼，好清新，唔會太甜，啱啱好可以解膩，令整餐更加開心。如果你鍾意咖喱或者想試下新嘢，叠記真係一個唔好錯過嘅地方！下次我一定會再嚟，期待有更多新發現！

叠記澳門咖哩麵 佐敦 超級伏又一大伏🚁🚁🚁。見新開張，當然要去試下過江龍有咩咁正啦，點知原來係幾咁差😆佢哋嘅名物澳門辣魚包，個包中間切開，有啲汁喺個切面度，但係完完全全無厚度🤨，打開一睇，中間夾住啲零星魚肉碎😱，仲以為佢地求其將罐頭魚啲汁淋上去咁款，於是問下個侍應辣魚包係咪就係咁，佢都唔肯定，嗌入廚房問下，得出嘅結果竟然係：「係咁㗎啦，咁樣係正常架😱」。唔係咁HEA下嘛😵。呢個包38蚊？經典呀！🤣🤣。個包真係似俾人偷左啲沙甸魚囉。咁唔緊要啦，一次貨仔，俾你囉。食完睇返佢show張相出嚟包同包之間都有一定嘅厚度架。

《老字號澳門咖喱店🥘》———————————————-#叠記咖喱 🍛-呢間來自澳門嘅咖喱店歷史悠久，老字號，非常抵食，每碟都大大份，而且質素好高，性價比極高💰-🐮 牛三代麵呢碗麵裡面有咖喱牛腩、牛筋同牛肉，真係一個肉食者嘅天堂👼🏻 牛腩煮得軟滑入味，咖喱香辣惹味，唔會過於油膩，搭配啲河粉一齊食，好正🙌🏻 牛筋咬落去彈牙，增加咗口感，整個碗麵都好有層次感🤩 加埋秘製辣汁真係一絕，真心辣，好過癮🌶️-🐽 瑞士汁豬頸肉飯豬頸肉啖啖肉，肉質嫩滑，瑞士汁味道濃郁，配埋白飯簡直係絕配，每一口都充滿咗肉香，吃到最後都唔會覺得膩🥳-🍋 大大杯檸檬水/茶真係一如其名，超級大杯，份量驚人，啱晒食辣嘅時候飲，飲落去清新爽口，消暑一流😉-⭐價錢參考：牛三代麵：$62瑞士汁豬頸肉飯：$48大大杯檸檬水/茶：$12🍌抵deal 指數：7/10

今日路過佐敦店，本身想入去試豬扒包，但入到去又見到個豬軟骨飯，又變心想試吓。豬軟骨飯可以再另加菜同餸，諗住咖哩應該出名，點左份咖哩麵根同加左通菜配奶茶。廚房好明顯係第一日返互田，唔係太熟習，比漏左咖喱麵根，要同服務員反映先後補返。豬軟骨好入味，好淋好食。通菜份量算多，咖喱麵筋有3件，不過比較失望，因為個咖喱反而無驚喜，只有🌶️味。想贊下短曲頭髮無戴眼鏡嘅姐姐，佢好體貼咁見我食完野執走啲碗，問我要唔要杯水，我話杯奶茶唔夠奶，佢即刻幫我加奶，好細心。下次真係會試吓個豬扒包，見到好吸引。#叠記咖喱 #佐敦美食 #咖哩

今日一點半鐘嚟幫襯，店內只有一、兩成客人，侍應好友善，點咗咖喱牛腩粗麵（中辣，因為店員話大辣好辣）、瑞士汁豬頸肉同埋凍檸檬茶少甜少冰。 飲品同食物都幾分鐘內上到枱，牛腩份量有點少，而且肉質麻麻哋，但個咖喱汁夠香又夠辣、仲有餘勁添。 個豬頸肉幾好食，瑞士汁可能甜咗少少，但點埋咖喱汁嚟食又真係唔錯。 餐廳打理得幾乾淨，而最緊要最緊要係冷氣夠，食咖喱等辣嘢係必需的。 埋單五十蚊 又真係幾抵，下次都會再嚟試吓其他食物。

Lunch 過佐敦真係有好多選擇，見小店主打食澳葡咖喱，就叫個招牌咖喱牛腩湯粗麵$43，又想試埋牛筋，咁就雙併叫左牛筋另+$12, 牛筋有柱侯味同咖哩味，點咗柱侯味唔辣既試下。咖哩湯底香濃不過鹹，香辣度適中，唔會蓋過牛肉既味道，配粗麵好夾，牛筋炆得很有火候，軟硬適中，又不會碎上，都有3條多，另有一塊牛心椗，口感有嚼勁。店員服務細心，主動落單及講解。見其他食客點既飯餐都好足料，下次要試佢既咖喱薯仔雞翼飯😋👍🏻

禽日行開附近見到，可能外面搭左棚唔係好顯眼，呢間店主打咖喱同牛腩，但我又唔食咖喱又唔食牛🤣🤣🤣，不過見到有豬嘅選擇，嗱喳麵有我鍾意食嘅餸，所以決定試試。😁😁店入面企理乾淨，問阿姐原來開左都唔係好耐，係澳門過黎香港開，1947年都好耐歷史。點左嗱喳麵，唔太想食麵，可以轉菜底，正👍蘿蔔淋甜無渣好味😋，生菜烚得岩岩好爽脆，我嘅至愛係豬腸同豬紅，豬皮都大塊爽，點左杯凍檸茶，正正常常啦～阿姐好好禮貌，店入面播緊啲懷舊歌，真係岩哂我呢啲半老餅人士🤣🤣🤣食得好開心👍

聽人講佢既咖哩麵食好正，今日一於黎試下。係地鐵站行5分鐘左右，好易搵。祖傳咖喱牛腩 蘿蔔薯仔河粉薯仔蘿蔔真係my favourite! 煮到好入味，好味！牛腩大大件好靚之餘都好腍，咖哩味好濃，好味！瑞士汁豬頸肉/紫菜幼麵瑞士汁甜甜地，豬頸肉好大份又好腍，唔錯！紫菜主要幫湯底提鮮，湯都飲埋！炸雲吞瑞士雞中翼 小食黎講算大份，味道唔錯good，隻滷水唔會太咸，亦都食到好香既香料味整體唔錯，可以再黎試埋其他咖哩小食。

澳門老字號店主打祖傳秘方及人手烹調獨特咖喱香辣帶甘 不一樣的辣舖頭裝修非常新淨寬敞 整潔皮坐椅非常舒適🍜牛三代麵咖喱牛腩+牛筋+牛肉牛腩好入味彈牙有咬口 又唔會好鞋好硬牛筋非常出色口感軟綿 濃稠但不黏口牛肉都滑不過比較煙韌橡筋麵口感軟滑 有彈性 有嚼勁辣味獨特選擇BB辣 都幾辣不過香辣帶微甘不會辣的刺激好快口腔只留下辣香味整碗麵口感非常豐富

做完運動經過食個車仔麵😆🍲門口寫話係有成70年歷史嘅澳門咖喱餐廳🤓唔知好唔好食所以叫咗個牛三寶同朋友分🙂‍↕️1️⃣牛三寶 - 牛心定、牛柏葉、牛腩三隻辣椒🌶️🤧一上枱已經feel到好辣🥹最索汁係牛腩🙂‍↕️如果驚太辣可以額外攞碗牛骨湯洗下😹😹好欣賞夠大份😆最鐘意係牛腩唔會太肥但又軟腍😆🤓2️⃣雙拼麵 - 橡筋粗、蘿蔔牛雜、牛肉 + 雙拼麵 - 幼麵、紫菜、魷魚、芥蘭🤍大推蘿蔔牛雜！呢個餸超大份😆基本上爽口又彈牙好滿足（蘿蔔牛雜都好出色，蘿蔔清甜🫶🏻牛肉都抵叫超多瘦肉+咬肌友好🫶🏻.📍叠記咖喱麵食 (佐敦)佐敦白加士街3-11號地舖

今日同男朋友今晚去佐敦做嘢諗住搵間平平哋嘅餐廳見到呢間聲稱係澳門過江龍我哋就諗住入去試過究竟男朋友就叫咗個咖喱牛腩麵個面底好得意可以揀 橡筋粗麵店員話喺澳門嘅特產我哋即刻試吓 比起普通嘅粗麵係彈牙d男朋友話牛腩都唔錯之後我就叫兩餸麵配左呢個咖喱魷魚牛柏葉同埋牛雜我覺得咖喱魷魚同埋牛柏葉都好入味 同埋彈牙牛雜都幾新鮮我哋仲加咗辣汁 食得出個辣汁唔係死辣加少少已經做到提鮮嘅作用之後我哋仲叫咗瑞士汁雞中翼同埋雜錦四寶都十分唔錯

“咖喱牛腩麵”($43)“嗱喳麵”($69)“瑞士雞中翼”($21)“澳門豬扒包”($38)“可樂”(+$8)嚟自澳門嘅叠記咖喱最近喺香港連開3店今次去開佐敦一於去試試先😛餐廳有6款預設好嘅特色粉麵推介另外都可以自選配料湯底好似車仔麵咁我地就揀咗當中2款推介首先係招牌咖喱牛腩配橡筋粗麵食落咖喱味夠哂香辣,好惹味🌶牛腩好入味又腍滑☺️特色橡筋麵幾爽彈好特別😙第2碗點咗嗱喳麵入面有豬腸,豬皮,魚蛋,豬紅,蘿蔔,生菜真係夠哂豐富😋當中蘿蔔大大舊又腍又清甜,好好味😍小食都點咗2樣😝瑞士雞翼味道香甜豬扒包大大個,食落又香又脆,正呀🐷

有冇人同我哋一樣鍾意食咖喱😋有成70年歷史嘅澳門咖喱食店開到嚟香港，佐敦都有啊😍緊係要去試下☺️唔洗特登過大海先食到喇🥳🤎牛三代麵咖喱牛腩，牛筋，牛肉嗌咗佢哋嘅招牌試😋bb辣🔥上枱已經聞到超香🥰好入味啊橡根粗麵好彈牙，牛腩半肥瘦，食落冇筋，牛筋有咬口，新鮮牛肉嫩滑，記得飲埋湯😗🤎雙拼麵墨丸，波霸魚蛋，蘿蔔牛雜呢碗叫左河粉，波霸魚蛋真係超大粒，jumbo size 😆爽口又彈牙，好滿足😛蘿蔔牛雜都好出色，蘿蔔清甜入味，完全冇筋，正啊🥰🤎瑞士雞中翼瑞士汁，大隻又入味🤎咖喱魚蛋秘製辣汁，鍾意食辣嘅一定要試吓🔥粒粒魚旦入味😚咖哩汁好惹味，魚旦彈牙，食得超爽🤎生菜，腩汁

澳門🇲🇴開業近80年老字號，開到嚟香港，我終於有機會去試吓！ 分店有三間，都集中在油尖旺區，今次去佐敦這間。 無華麗裝修，但牆上掛住「一根扁擔，三代人堅守澳門咖哩味道」卻好搶眼！ 主打麵食，亦有飯、小食及下午茶餐～我地點了兩款麵食推介，牛三代麵及咖哩五寶麵，並特別揀咗澳門獨有橡筋粗麵底。牛三代麵比較有驚喜，我都怕辣，所以湯底選了腩汁，而咖哩汁另上，果然名不虛傳，咖哩汁色彩鮮明且濃郁，真係辣到飛起！ 分別有牛腩、牛肉及牛筋，牛腩牛筋好入味，食落軟腍，牛肉嫩滑但無咁入味。 橡筋粗同港式粗麵外型好似，橡筋粗勁爽口，好特別！ 咖哩五寶麵配料好豐富無咁辣！另外仲有水餃配牛骨湯底，水餃飽滿香口。

澳門名店開咗嚟香港，是晚就同朋友去試下😋堂食坐滿人，外賣都唔少人等緊，人氣滿滿。⭐咖哩牛腩麵朋友點咗最出名嘅咖哩牛腩，加辣汁同肥牛，麵底就要咗粗麵。呢度個咖哩汁係帶紅色辣油嗰種，又香又辣係好味喎，不過朋友話叫咗中辣都唔太辣，佢嗰碗個顏色睇落仲淺色過我碗小辣，唔知係咪畀錯辣度呢🤔⭐餃餃麵自己就叫咗碗餃餃麵，呢度個水餃同雲吞出名嘛🤤同樣加辣汁，而麵底就揀咗米粉。澳門水餃好得意喎，一塊水餃皮黐住一嚿餡，唔似廣東水餃或者北京水餃咁包起一個形狀，不過咁樣黐住令到個水餃皮好滑，而餡料用上豬肉、蝦滑同木耳等，鹹香鮮味有咬口，係好食嘅。⭐通菜在加咗啲通菜要腩汁，大大碟又爽脆。⭐咖哩五寶呢度咖哩出名整多份咖喱五寶先，入面有雞翼、魚蛋、魷魚、豆卜同豬皮，吸曬咖哩汁好正😋呢份個咖哩汁冇湯水溝稀，原汁原味，呢份中辣真心正，想要個白飯撈咖哩汁，哈哈。⭐可樂&檸茶小店無水吧，有樽裝汽水、罐裝汽水同支裝水選擇，食辣嘢配汽水啱曬啦。份量大又好味，加上價錢唔貴，唔怪得咁多人嚟食啦👍