叙福樓金閣 (Closed)

💛 #黃色經濟圈 呢幾日睇到天town嘅敍福樓同牛涮鍋都要執粒🥺兩間都係男友屋企最近最常食嘅黃店☹️要搵黃嘅酒樓真係好難而家又執一間…😭酒樓有樣野我好鍾意~就係好似傳統酒樓咁❤️會有點心車姐姐叫賣~仲可以自己用點心卡出去攞野食~而家都冇乜酒樓仲有呢種懷舊又有人情味嘅風格🥺🍴點心拼盤($49.8)拼盤入面有蝦餃、燒賣各兩件，叉燒包、菜苗餃、潮州粉果同埋棗蓉糕各一件😋啱曬我地得兩個人又心大心細嘅人叫黎食😋除左菜苗餃之外其他質素都可以~🍴排骨陳村粉呢款又係懷舊點心之一❤️排骨醃得幾又食~但係陳村粉唔係好夠滑😋而且唔係好掛到汁食落就唔太香~🍴咸菜豬肚呢款又係我飲茶好鍾意叫嘅小食😋但其實我唔食豬肚淨係鍾意食咸酸菜🤫份量好足料但係胡椒味唔夠濃~總括黎講雖然食物質素唔係太出眾~但係食嘅係個種人情味😋我都要係佢結業前食多次🥺📍 叙福樓金閣 (天水圍)天水圍天華路33號T Town North1樓N106-109號舖

懷舊酒樓早已買少見少，見社交平台消息話敘福樓不獲續租做到月中，趁尾牙去支持吓。午市正價時段仍一如既往聚集咗唔少街坊等位，無嚟一排，食物質素進步返唔少。每次嚟都會食佢哋嘅豬腳薑，大大碗好足料。薑夠大塊入味，吸滿酸甜適中嘅薑醋汁，愈食愈暖胃；豬腳大大件，皮肉晶凝彈滑，一咬就食到滿滿膠質，好滿足。少數我覺得炸得出色嘅芋角！外層嘅蜂巢鬆脆鬆化，絲毫不油，無油抑味，抵讚👍🏻芋頭同樣鬆軟，包住豬肉、菇粒等，鹹香除去炸物嘅膩，入口更香口；豬肉係粒狀而唔係肉糜，仲食到落咗菜莆，兩樣加埋好有咬口🤩燒賣比以往更大粒，可能收爐大酬賓😂餡料幾飽滿，正常水準。香港地無幾多間酒樓仲好似昔日咁，要拎住點心紙出去追餐車攞熱辣辣點心。希望唔係結業，而係另覓租舖啦。

住喺天水圍，成日嚟呢間敘福樓飲茶，主要貪佢有一樣野就係有車仔推出嚟嘅點心，同埋下午茶時間都幾抵食，首推$10.8嘅排骨飯，不過注意可能要排一陣隊，同埋芝麻流沙包都係個人推介😋😋

疫情下人人都無得見，稍為可以見下人，食肆都開始熱鬧上黎。請左平日假，去遠啲嘅地下行下。先係黎到天水圍飲個早茶，點會星期一嘅早上，都可以多人到咁。。。真係等左好耐位，差唔多一個鐘先有位，好彩可以行下。佢有做外賣，仲有架點心車做外賣。呢間酒樓形式係自己出去點心拎點心，選擇都幾多，基本上想食嘅都有。20元碗叉燒飯叉燒就麻麻，咸蛋撈飯當然係好食，小食多滋味。呢個都幾抵㗎，4x元有一籠咩都有，不過我就抽唔中叉燒包。呢啲就係出去攞，好耐無食牛肉腸粉，豬手係俾家人，有芋角，但就油左小小，可能係放得太耐。整體係ok，但就碗碟有啲唔乾淨。

時至今日，仲保留點心車嘅酒樓已經唔多，好多連鎖式集團都轉以點餐紙落單，感覺少咗陣人情味。敘福樓金閣係天水圍區唯一一間仲留有餐車嘅酒樓，難怪長期都人頭湧湧。飲茶必點嘅燒賣，一籠四大粒，表面鋪滿蟹籽，肉餡充足；雖然蝦仁唔係原隻，但混和鮮嫩嘅豬肉，飽滿又彈牙相反蝦腸粉皮太厚，粉感重，口感不佳，蝦仁份量少，無乜鮮味。價錢合理，豬腳件比外面大件厚身，豬皮稔軟煙韌，除毛乾淨，入口膠質滿滿；蛋同薑片好入味，味道酸甜比例恰到好處。唔係度度有嘅灌湯餃，當然要試吓湯係砂窩雲吞雞果種清湯，清而不鹹。肉餡除豬肉外，混入鮮蝦、蟹柳等，增添咗一陣鮮味；扒開餃皮，肉汁傾出，令湯汁倍增鮮甜，層次更上一層樓。茶芥$8一位，比市價便宜，點心種類幾足，點心車自取令食物保持熱辣辣，如果入天水圍飲茶可以一試。

因為疫情打擊之下少了人到酒樓飲茶經過的時候見到敘福樓有做外賣已經包裝好一盒盒餸，又有甜品紅豆沙，或者炒麵炒粉.我就買了一盒豬腳薑回家，$25味道正正常常，有三四件豬腳及一隻雞蛋煮得也很入味.不過排隊俾錢就排咗好耐

回想起以前屋企商場都有架，但已經倒閉左好多間,估唔到呢度有,有機會都想試下,最鍾意佢既薄撐,超懷念,仲有佢既蘿蔔糕，馬蹄糕，香煎蝦米腸,不過我印象中佢既點心好夠熱,例如燒賣,牛肉,同臘腸卷👍👍👍👍唔知道佢當年既懷舊點心仲有邊樣仲會重現眼前呢？😢

其實天水圍都無乜茶樓好幫襯印象中細個食呢間 感覺都麻麻但我見大老闆最近都算有良心就再食下佢啦!其實係我娘親大人好堅持要食佢佢覺得好食過海港 同埋新鮮D仲係推車仔既年代呀! 佢裝修左都仲留呢個傳統!要左個牛肚個汁又幾惹味 少少辣 又唔會蓋過左啲牛肚既味! 排骨都係! 意外地 真係有肉 唔係得骨都係新鮮既 無雪藏既味道~炸曼頭我就無食啦係細佬要食見佢都真係炸得好金黃 個鍊奶真係無開稀過燒賣都好足料, 咬開見到有蝦肉 又幾彈牙唔係一pat野果種!

很久沒有去這家飲茶了 預先用App取號節省了排隊的時間 去到整場也是人我們坐的是2人桌子 挻好的不用拼桌子🤭這家是用舊式點心車 真的愈來愈少見會有所以也要拍拍照片才行 很少機會再看到這些·百醬蒸鳳爪 HKD$25·蘿蔔炆牛腩 HKD$22·流沙奶黃包 HKD$22·咸菜豬肚湯 HKD$48味道也只是不過不失的味道 但份量也不差的這個價錢算是一般價錢 這家沒有下午茶優惠午市時間去到1600 這個午市時間很長吧去的大多是老人家/上年紀的人們 很少年紀輕的因為這個時間不太多上班族會來食東西吧~

行過敍福樓諗住都係酒樓一間，但俾佢個餐牌吸引咗😊 其實係咁岩我又想食粥😉 $1 粥？ 一定好細碗啦😏就試下啦🤣 都係$1 啫😜有蝦有蟹有雞好似仲有魚😂 咁多野揀嘅❤️最後揀咗蟹粥😉 嘩😆 真係大大煲呀😇 仲有2隻蟹咁多😎味道不過不失，不過一定有味精😂咁既價錢，想點？ 我覺得呢個價錢有呢個水準，超值！當然唔會淨叫一煲粥啦，仲叫多兩個小菜😉 黑椒牛仔骨煲牛仔骨份量多，個黑椒味都可以，唔會太辣。肉質又唔算太腍，就算有鬆肉粉都唔算落得多😇仲有一個海味一品煲有好幾種菇，不過都有海蔘蝦等等。。。但味道種種一樣🤔大致ok啦

黎呢頭飲茶, 唔會出現選擇困難症, 不是去A酒樓, 就是去B酒樓了.呢間較易搵位,至於食物質素就是一般般的,即使我要求不高, 都覺得D點心嘅賣相真係要執執佢...今日約左班舊同事一齊食lunch,志在聚舊, 分享下近況,所以都係唔好太計較了, 大家開心chat下就過左一個愉快嘅中午.有圖有真相, 齋睇到幅相就知道佢有幾正... 唯一好的地方是份量好大. 賴粉本身又其實唔太差. 湯底好味因為有味精. 賣相爭少少, 味道也爭少少...抄手.  唯一感想係, D皮好厚...呢個. 唯一感想係, D皮更加厚...係咪跌左落地再執番上黎.

無論係黎飲早茶定晚市，都一定要嗌呢間嘅燒味，叉燒同燒腩仔都好出色，其他野就普普通通過得去咁。晚市黎食本來預咗好貴，但係6個人最後食咗800蚊左右都叫做ok。燒味雙拼98 都夠大碟，燒腩夠脆，叉燒夠嫩晚市優惠係8蚊一大煲蟹粥，抵到咁其實冇唔算好期待，但煲粥真係有成隻蟹係到。相都見到，好稀，冇乜味. $8算係咁鼓汁帶子蒸豆腐 98豆腐好滑，除咗豆鼓係有味之外其他野都好淡，不過清清地都幾啱老人家食，帶子都有甜味嘅海鮮組合268 普通牛仔骨今次失水準份量又少，啲肉又唔入味，明明上次食好味好多，證明師傅手勢都唔定

好嬲呀，第一次去酒樓食飯咁鬼嬲🤬🤬食到最後我地籠壽桃包有2隻小強，部長扮冇事，攞走。我問佢你攞走咩意思？佢話再整過。。。我話仲整，你送俾我都唔食。部長講：我幫你取消左籠包。由頭到尾，唔好意思咩都冇講。。。我去到櫃臺埋單，問佢咁喱單野點搞？佢話我不如唔收你茶錢。我話就咁咋？成餐飯慶祝爸爸生日，就係咁俾龍包掃興。最後我話咁我報上食環署，完全冇諗過點解決件事同一句對不起都冇。服務態度好差🤬🤬🤬最後解決方案係佢所有茶錢唔收同唔收我白飯同炒飯錢。喱間以後都唔會去。

去飲過幾次早茶，一般要好食嘅佢都做得唔好，排骨蒸到d肉係霉，潮州粉果個皮唔掂，個餡勁重五香粉味，成陣藥材味，牛肉林back back 😰 其他點心都係屬於低分數，難怪二樓另一間酒樓咁好生意，因為人地真係好食好多 😣 今晚因為 book 唔倒二樓嗰間，逼住要食叙福樓晚市，出品令我完全改觀，基本今晚叫咗呢幾味菜式都好滿意 ☺ 伙計都好熱誠招呼客人，唔會扮睇唔倒，晚市絕對會再幫襯，早茶真係好唔掂呀 👎係咪無人檢測吓出品呢？如果人地飲完個茶覺得d嘢咁差都唔想試個晚市啦，要好好檢討

諗住一家人嚟食個晚餐， 叫左個套餐，芝士龍蝦伊麵, 芝心蝦球, 照燒雞，燒乳豬，鮑魚北菇菜膽，碧綠炒帶子，花膠海鮮羹，金磚豆腐.....等等。賣相與味道真係一個字「差」龍蝦碎到得個殼又無芝士，煮到好似湯伊麵咁，芝士蝦球無芝士味又乾又‘鞋’， 炒蝦球啲蝦肉係雪到透哂明果種,見到就都唔想食。 金磚豆腐係酒樓推介， 仲話係得獎名菜， 但嚟到嘅金磚係好似無炸過咁, 軟到一堆野咁， 有個部長見到都幫口出聲同個經理講話金磚豆腐炸成咁嘅樣，但係竟然個經理回應話係咁架啦！我地都無野好講。 既然咁嘅水平同質素，真係blacklist 呢間上市酒樓， 以後都唔洗再嚟！ 一個字差。