Yau Ming Recipe (Closed)

之前食過一次友鳴食譜，質素都唔錯，決定今晚再去食☺️水煮魚非常之有水準，辣得過癮得來，而且魚片軟滑，仲有好多配菜，有芽菜、蓮藕、萵筍等等，口感非常之豐富，非常之抵食😎上海炒年糕都唔錯，首先大大份，而且年糕軟腍，而且醬料調得好好，非常入味，我自己都食咗兩碗😍另外叫咗半隻海南雞，都非常有驚喜，雞件多肉，而且好有雞味，配搭四款醬料，滋味更加爆棚，最鍾意呢一味😙手拍青瓜作為前菜都非常之唔錯，鹹鹹辣辣，非常開胃；甜品方面叫咗紅糖糍粑，食落煙煙韌韌，而且紅糖漿非常香甜，作為甜品一流🥰餐廳設計都非常現代化，有別於一般傳統川菜中式設計，而且環境闊落，食得好舒服🤩…查看更多

今晚來到北角，見到英皇道一間中菜館，有傳統的中式菜及川式菜，餐廳裝修很雅緻，於是晚餐選擇了此餐廳:友鳴食譜。Menu都頗多選擇。豉椒炒蜆，廚師用醬料豆豉及配料 豉椒、洋蔥等一齊炒，蜆肉都頗清甜。薑蔥田雞則用香蔥炒，田雞都頗鮮甜。南乳一字骨，一長條的，好多肉，炸得外帶微焦脆，內裡爽彈，很入味及香口。三絲炒麵炒得不會太干，配料韭菜、銀芽、肉絲及火腿肉，拌著炒麵， 朋友話很久未食過這麼滋味的三絲炒麵了。秋葵雲耳炒百合，是健康清新的一道齋菜。餐廳裝修雅緻漂亮，入到餐廳感覺 就像佈滿了天上的繁星，服務態度也不錯。…查看更多

沙爹牛呢d咁普通既野都可以整得咁難食！第二次來呢間餐廳，上一次食早餐都尚算可以，吉列魚柳都夠脆夠大，但今日份沙爹牛肉麵就好奇怪，唔知係牛肉變質或者係特登加醋整酸d牛肉，人生第一次食到酸味沙爹牛肉，接受唔到。我通常都會食曬d野，但今日份沙爹牛肉麵就真係食唔落。份多士就可以再熱少少，牛油俾得夠多既，多士太凍，牛油就唔夠融。杯奶茶中規中矩，ok。 環境都算舒服， 裝修新淨應該開左冇幾耐。 北角區出來食早餐既人都算多既，如果可以改進一下，早餐生意一定可以吸引多d客。…查看更多

身為街坊冇可能不光顧。剛開張冇幾耐可惜這間餐廳遭遇水浸問題曾經關門。雖然唔係一間什麼四星級或五星級食店但食物水準非常滿意。也可惜樓面服務經常轉不穩定。最可怕是樓面話不懂落外賣order及長期電話不通，不是生意好而是沒有把電話放好。相信樓面趕走很多生意，因為香港人現在習慣打電話落外賣的。老闆請關注。上海炒年糕味道平均不太鹹年糕炒得柔軟前菜口水雞份量多好味早前食過的菜煨麵也好好打完波唯一一間食店9:30pm 可以買到的外賣廚師水準好，也要樓面配合，才能生意興隆，希望你們會繼續努力，地理環境位置那麼好為何不珍惜好好利用。請一些有水準的招待員，不要請亞嬸呀！…查看更多

中午時間1:30，其他餐廳都好full 唯獨依家有位，又見有酸菜魚$75，價錢又合理，就試試佢，點知原來係酸菜魚柳，叫左中辣原全唔辣😑。冇辣冇酸配菜有雲耳、酸菜、蓮藕、一夾就爛既薯粉、萵筍。啲魚柳仲要腥腥地。。唔會有下次再試依間！！！…查看更多

行過北角英皇道，見到一間飯店，個名叫做友鳴食譜，飯店就見得多，叫食譜就未試過，睇睇餐牌有川菜有粵菜，亦都有時令蟹粉菜式。於是我就點咗蟹粉豆腐，豆腐非常非常滑啲蟹粉都好有蟹油香味。聖子蒸秋葵幾創意，未食過咁嘅配搭，聖子好鮮嫩秋葵有益，一齊食都唔錯。之後兩款川菜，先食口水雞，唔係前菜咁簡單，份量都幾多，啲雞都大大件，最重要係超滑，大部份都係雞髀同雞背冇咩雞胸，就算有一件兩件都係好滑。剁椒蒸黃花魚唔需要驚好辣，香香地幾好食。重點左個新疆菜式，孜然羊肉，啲羊肉都炒得幾好，唔騷，很嫩。街坊飯店街坊價，光猛企理上菜快，就喺地鐵站對面好方便，住喺附近不妨來試吓。…查看更多

今晚決定落街食返幾味中式小菜，黎咗呢間友鳴食譜，餐廳光猛四正，仲有卡位可以坐，環境舒適。蟹粉豆腐 $108見有時令嘅蟹粉memu，揀咗味蟹粉豆腐，送飯一流。香濃蟹黃蟹膏，仲有蟹肉，加上嫩滑豆腐，入口順滑鮮味。糖醋菊花魚 $138食完比較清嘅豆腐，跟住黎返味香口菜式，師傅將魚原條起肉之後拎去炸到金黃酥脆，食落冇骨啖啖肉，配埋個酸甜糖醋汁，開胃解膩。魚香茄子 $68另外叫咗魚香茄子，岩岩炒起熱辣辣好夠鑊氣，茄子炒得夠軟熟。XO醬海鮮炒飯 $88炒飯軟硬適中粒粒分明，入面加咗多種海鮮，非常有口感。重點當然係面頭嘅XO醬，撈埋炒飯一齊食，相當香辣惹味。拔絲雙拼 $128食飽諗住叫甜品，發現呢度竟然有拔絲水果食，仲可以一次過拼幾款水果。我哋最後叫咗菠蘿拼士多啤梨，師傅用糖絲拉成藝術品咁，清香酸甜嘅菠蘿同士多啤梨外面包住一層脆糖皮，甜到入心。。。友鳴食譜 (北角)北角英皇道433-437號珠璣大廈地下B舖。。…查看更多

今日同女朋友黎到北角我地都好中意食中菜咁岩我地經過見到呢間京川滬菜就決定入去試下餐廳裝修好有心思，有好多閃燈有格調得黎帶點浪漫餐牌有好多選擇，豬雞牛羊都有季節限定以蟹膏做主題，好吸引回鍋肉呢道菜好經典，但做得好一點都不容易但呢碟做得好出色鑊氣十足，做到回鍋既味道豬肉好香口，好好送飯菠蘿咕嚕肉咕嚕肉做到外脆內軟，加上酸酸甜甜既醬汁又一道送飯名物蟹粉扒菜苗蟹粉好足料，佈滿整碟菜苗好香口，令菜苗都變得邪惡味道做到平衡，好高質既一道菜擔擔麵擔擔麵湯底好濃郁得黎香辣麵條掛湯，食得好惹味…查看更多

與好友共鳴讚好的晚餐💯意想不到的出色好味乾淨衞生的環境員工的禮貌…價錢的合理中西合璧. 川菜.滬菜. 上海菜集合於一起，成為友鳴食譜·覺得名字很特別，所以又多口問吓店員，原來是合顆人老闆的名字「友➕鳴」😁😁😁😁😁—————————-🐟酸菜魚：滑溜溜的魚片，味道出色，少少辣，足料美味👍———————-🦀️蟹粉扒豆苗：啖啖的蟹肉、豆苗的鮮嫩鮮甜——————————-🐷鐵板豬什 ：做得好味嘅豬什，好少地方食到，呢度認真整得唔錯，熱辣辣的鐵板飄來香氣已經令人流口水🤤—————————🍮雙拼拔絲士多啤梨🍓菠蘿🍍飯後甜品更加少不了，脆卜卜的…..香噴噴的……甜絲絲的美味………————————-飲品：凍檸蜜椰青水——————————六個省份都友鳴·出色味道友共鳴👍😋其實開心🥳簡…單就在你身邊..…食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-…查看更多

北角有間新開餐廳幾抵食又夠大碟，而且仲有質數！當晚遲左收工，見8:30pm後仲有折頭，幾大都等多陣，唔好蝕呢！Menu有四川， 湖南，上海，福建菜，岩哂唔同口味既人，店員態度親切有禮。我地就叫左個薑蔥炒田雞，醬汁味道好入味但唔會太咸！田雞份量夠多而且肉質夠緊緻大大隻，骨與骨之間既軟骨最正！不能錯過係旁邊既薑葱蒜呢！非常惹味。糖醋菊花魚，賣相非常得體，價錢夠抵食$138,炸得香脆，脆卜卜既質感好正，醬汁剛好唔會令粉漿淋哂！外層脆內層幾香滑，滲出陣陣鮮魚香味！高質抵食。蟹粉扒豆苗，大大碟高質之選！蟹粉芡汁味道剛好！剛好掛在豆苗菜，豆苗新鮮夠嫩無渣，非常欣賞這碟菜。瑤柱蛋白炒飯炒得夠乾爽，碟底無過多油！好考廚師既功價，所以知道有番咁上下。…查看更多

呢排成日食西餐🫣今次想介紹返間京川滬料理嘅新開平民餐廳放工同朋友嚟咗北角英皇道嘅友鳴食譜dinner約喺北角站等 一上路面就見到對面就係餐廳位置超方便 入到去裝修都好時尚值得一讚係店員服務態度好好👍👍🦀蟹粉豆腐 $108適逢呢排係食蟹旺季🦀 餐廳都出咗限定餐牌 全部都係蟹粉😍豆腐可以美顏 叫咗個蟹粉豆腐濃郁甘香嘅蟹粉令人食唔停口🫣🫕花膠螺頭豬展燉雞湯 $288全晚最正就係呢個燉湯勁大煲係夠四個人飲飲落火候十足好足料花膠螺頭燉雞真係好滋補😍又養顏 啱晒我咁貪靚🤭🐟酸菜魚 $168其實我唔係好食得辣但係唔知點解幾鍾意食酸菜魚🤣呢度嘅酸菜魚完全唔辣 湯底用咗好多唔同嘅配料仲比我見到有魚頭😲🥬蒜蓉炒豆苗 $88價錢略貴 但食得出啲豆苗係靚嘢蒜蓉炒出嚟夠香有鑊氣📍友鳴食譜地址: 北角英皇道433-437號珠璣大廈地下B舖…查看更多

今日收早，嚟北角探朋友班，之後一齊食晚飯。友人想食中菜，揀左港鐵站附近呢間新開嘅「友鳴食譜」。估唔到呢度嘅用餐環境咁舒服，完全沒有壓迫感，加上天花掛滿了星星和羽毛吊飾，裝修好有情調，充滿浪漫氣氛。餐牌嘅菜式選擇好豐富，除左粵菜外，仲有四川菜、上海菜、湖南菜、福建菜等。朋友想食海南雞，而我就對豉汁蒸白鱔情有獨鍾，一於各取所需。海南雞 ($138/半隻)  率先送上，黃色雞皮亮麗反光，賣相超吸引。雞肉食落好嫩滑，就算係雞胸位亦無嚡颯颯，皮下脂肪亦唔會太厚，食完無罪惡感，點埋薑蒜油同辣醬一齊食，更添滋味。豉汁蒸白鱔 ($188)  味道亦唔錯，白鱔很嫩滑，肉質夠晒肥美，豉油同豆豉嘅份量亦拿捏得啱啱好，豉汁又香又惹味，用嚟撈一流！蕃茄豆腐鱸魚湯 ($168)  鱸魚原條切半上，魚皮煎得好香口，魚肉白滑，肉質細嫩，啖啖肉又無腥味。豆腐同湯底都好正，前者豆味很香濃，唔會一夾即散；而湯底嘅味道亦頗清甜，加上新鮮蕃茄，營養十分豐富。最後嚟客紅糖糍粑 ($36) 作結，糯米粉糰炸至煙韌軟糯，入口外酥內軟，配上甜甜嘅糖漿，趁熱食，口感甚佳！…查看更多

友鳴食譜😋😋😋合家歡食中譜北角一間全新裝修嘅新形格餐廳、深海藍色、掛滿星星吊燈、好夢幻感、部份梳化靠背坐椅、精緻四人私人空間、三二知己聚一聚、品嚐美食、川菜上海菜好選擇😋豉汁蒸白鱔例$ 188⋯肥美的鱔、一口一口啖啖鮮魚香、質感彈口、有嚼口、無得頂、豉汁蒸、冇得輸👏🏻👏🏻蒜泥白肉$68⋯薄薄豬肉片、青爪分隔、底層舖滿粉皮、配🈴️蒜蓉帶點微辣、醒胃、開心凉食、好清新👏🏻龍蘇鳳尾$128⋯用春卷皮包裹着帶尾鮮蝦、脆炸、外層酥脆、不油膩、還炸到好生動、好似跳躍中的蝦、賣相吸晴、yummy yummy 😋 酸辣湯$78⋯上海菜必叫酸辣湯、湯料豐富、豬肉絲、薑絲、竹筍、木耳、冬菇、蛋花、豆腐等等、超級豐富材料、帶點酸辣、開胃、醒胃、暖胃之「一」😘上海炒年糕$78⋯材料有、娃娃菜、紅蘿蔔、豬肉、冬菇、主角上海年糕、年糕煙煙韌韌、有嚼囗、配上蒜頭辣椒爆香炒、夠火喉、炒🉐️清香😍#四川#上海#新派#打卡#chill#北角友鳴食譜北角英皇道433號至437號珠璣大廈地下港鐵北角站B1出口、步行約2分鐘…查看更多

在北角地鐵站附近剛開業不久的友鳴，門面光亮，裏面裝修更是精緻，餐廳的出品更是好味、大份兼抵食。擔擔麵$48單看價錢，真的沒想到擔擔麵竟然有這麼大碗，似酒樓窩米一樣大😅擔擔面湯底濃厚，麻醬和花生味很突出，面條掛滿湯汁，真心不錯。蚵仔煎$128跟我平常食慣的樣子有些不同，這個口感比較煙韌，不太油膩，但同樣鮮味。鐵蔥爆牛肉$108火熱辣的鐵板把大蔥香氣全迫出來，牛肉嫩滑，夠晒鑊氣。蟹粉炒年糕$108季節推介蟹粉菜式，所以要了這一個蟹粉炒年糕，雪白的年糕片包裹著鮮味蟹粉蟹糕，鮮味爆登，而且年糕柔軟唔漲胃，非常好吃。龍鬚鳳尾$128賣相和顏色配搭精緻，大蝦外面包著雲吞皮油炸，雲吞皮比薯片還香脆，同時雲吞皮又能給蝦起到保護作用，令大蝦🍤又鮮又嫩唔會乾，這蝦送啤酒超正。最後要讚讚友鳴的服務態度非常好，雖然隔著口罩，但還是感到他們的笑容。…查看更多

食潮州嘢來講呢間餐廳都算高貴而有格調，牆邊有夜景畫🌃同埋交通工具車仔作裝飾😍好有特色！仲有不得不說嘅係呢間餐廳超級近北角地鐵站！出地鐵後3分鐘都唔使就行到👍🏾🐷涼拌萵筍絲 $48萵筍絲每條都切得好幼細，睇得出師傅嘅刀工👍🏾味道十分爽口，仲有陣陣既麻油香味🤩🐷口水雞(小辣) $78🐥一上枱見到份量非常多好有驚喜🤪配料非常香，尤其係佢啲紅油！平時食開譚仔5小/10小辣既我覺得小辣來講都啱啱好，味道都唔錯。🐷蟹粉炒飯 $108香噴噴嘅蟹粉配搭炒飯真係一流！仲食到好多粒大大嚿嘅蟹膏 🦀真係非常適合呢個食蟹嘅季節😋🐷蟹粉扒豆苗 $118雖然佢同蟹粉炒飯上面嘅蟹粉一樣，但配搭埋新鮮嘅豆苗食落截然不同🦀！估唔到夾一齊食咁入味😍🐷酸菜魚(小辣) $168My top one today!!!🌟🌟佢用咗好多唔同嘅香料同配料去烹調！湯底非常入味！而啲魚又唔腥又冇碎骨又大件🤩真係最岩怕魚腥嘅我🐟同埋呢個價錢來講份量非常大份！配料同魚都好多！好抵呢～🐷紅糖糍粑 $36MVP also!!🌟一上枱已經聞到香噴噴🤩仲熱辣辣添！食落去感覺塊皮唔會太厚，口感煙煙韌韌，再點埋啲紅糖漿一齊食真係非常夾！香甜軟糯😋(食到最後咁飽都覺得三舊唔夠喉🤣🤣)🐷烏龍茶 $15環境 🐖🐖🐖🐖4/5食物質素🐖🐖🐖🐖 🐖5/5店員態度 🐖🐖🐖🐖🐽4.5/5✨人均消費 $300🏠 友鳴食譜 (北角)📍北角英皇道433-437號珠璣大廈地下B舖…查看更多