叉燒大王

Open Now

Now Closed

今日得我同爸爸兩個食飯, 就嚟河畔睇下有咩好食~見到呢間叉燒大王嘅外賣燒味好吸引, 就入去餐廳睇下有咩好食啦~待應姐姐見到我爸爸熱到出晒汗, 就好貼心咁安排左個近冷氣出風口嘅位比我哋坐☺️仲有一樣小事係值得一讚嘅, 就係待應哥哥開好茶會放埋洗碗兜喺枱面, 方便我哋倒走啲洗碗嘅水👍🏻👍🏻而家好多茶樓都唔會主動比呢個兜兜㗎啦好肚餓呀~就試下叉燒大王嘅招牌叉燒先😋😋 望到menu有豉椒炒蜆又想食🤤再叫多個菜食就啱啱好🤔落單冇幾耐, 店員就開始上菜啦😍係我最期待嘅叉燒呀😍🤤🤤表面燒到微燶,半肥瘦🤤🤤🤤燶邊嘅肉帶有焦香, 麥芽糖嘅香甜味, 咬落去啲唔肥嘅肉位, 最怕就係太硬,或者太乾, 但呢個叉燒就冇呢啲問題啦, 啲瘦肉位就算厚切都好稔, 好好味🤤🤤🤤🤤🤤👍🏻餸飯食一流🤤🤤🤤🤤第二樣係豉椒炒蜆, 好惹味, 啲蜆仲保留到少少海水味, 好啱餸飯👍🏻係時候食返啲蔬菜啦~金銀粉絲蒸勝瓜超多蒜蓉同粉絲呀🤤🤤🤤用嚟餸飯好正🤤夏天食絲瓜好消暑, 外爽內軟😋😋下次好想試下呢堆小食呀😍😍😍

好耐冇食燒味，香港燒味周圍都係，但講好食嘅叉燒數一數二嘅一定係河畔依間叉燒大王。唔使諗入到去，一定嗌個叉例$88。4個人食都夠食，依度嘅叉燒真係食過返尋味，唔肥唔瘦又唔硬，拍得住周星馳嗰套嘅暗然銷魂叉燒飯，我哋仲叫咗白飯，正wo係絲苗白飯。淨係睇碗白飯都唔hea絕對不是平價米, 配埋佢全日免茶芥嘅茶已經係賞心樂事。香港人整嘅叉燒真係好正。舊叉燒燒得啱啱好肉質軟淋又唔肥。老公話想食牛。我哋叫咗蜜薯牛柳粒。原來主角反而係啲薯仔外脆內軟，牛就係一般嘅牛柳粒冇特別驚喜。跟住見到個Menu有個叫做鐵板肉鬆炸茄子。睇相賣相幾靚仔所以又點左嚟食。依個都幾特別原來茄子入邊釀咗啲豬肉加鯪魚肉，又係外脆內軟。原本以為叉燒大王淨係食叉燒或者燒味一類，估唔到係依間中菜都有呢啲特別嘅菜式。如果想食好食燒味，又想坐低飲啖茶又想有鑊氣嘅大排檔就揀呢間。

今日happy Friday, 老婆話唔煮飯想出街食，咁我哋就去河畔睇吓有咩好食，喺門口出邊已經見到好多人，間鋪頭叫叉燒大王，一聽個名就覺得佢應該叉燒係超級好食，咁老婆都想食中菜咁就入去啦。特選蜜汁叉燒王貌相非常好，份量都好多，燒得非常香口，色澤均勻，肥瘦適中，唔會好韌，入口有好香蜜汁味，超級好食，係出面舖頭，街市都食唔到。值得稱得上叉燒大王。蜜糖牛仔粒，除咗牛肉仲有薯仔薯仔整得好鬆脆，牛仔粒好鬆軟唔會好韌，蜜糖汁同牛仔粒夾非常好味。燒汁肉鬆釀茄子，個菜上到黎仲係好熱因為有鐵板非常特別，茄子非常鮮甜，入面仲有靚魚肉同肉鬆，非常脆口。絲苗白飯唔會煮得太軟同太硬軟硬適中。鐵觀音，非常甘香唔同出邊酒樓嗰啲鐵觀音好苦。環境方面座位非常舒適唔會太迫，今日仲要全場爆滿。

懷緬廿年前的味道，大熱天時，趁星期日帶埋家人來品嚐。一入門口阿姐話：卡位無人執，坐依D大圓枱啦！ （我一行三人，聽指示自行就座）點菜了，點了兩份叉燒煎蛋飯，同一份燒鵝髀飯，問阿姐：叉燒飯隻蛋係唔係太陽蛋？阿姐激動的說：煎蛋唔同......乜乜乜。我見佢無啦啦激動起嚟，我地就話，咁你幫我轉做太陽蛋丫！見圖：寫做太旦再叫埋一罐汽水、凍朱古力及凍檸檬茶。戲肉到了，$82 燒鵝脾飯都叫做有隻脾，加一排肥膏，應該叫做成餐飯最似樣了。係有個位得塊皮無肉，如果$82而言，可以有更好的選擇！叉燒太蛋飯到了，竟然落單阿姐爆seed完，上枱的，依然係一堆好似煎蛋的物體，阿姐都記得佢爆完我，仲好意思問我要唔要果堆「蛋」，我拒絕了❌ （阿姐即時收走左，我影唔到相俾大家睇，嗰對蛋買相有幾惡劣）*全程都係，同一個戴黑框眼鏡的阿姐「招呼」我地！講到大熱天時，一定飲啖凍野先啦，凍朱古力1:99 淡過水、凍檸檬茶好似洗潔精咁既味，最好彩應該係罐裝可樂，只係唔凍啫！如果我因爲當年食過返尋味，我會因為今日的經歷，同大家講，食到咁火，真係唔會再嚟，係以後，以後都唔會嚟！

老公很喜歡食叉燒，朋友推介他有一間叫叉燒大王，這裏的叉燒不錯。難得今晚不用加班，老公說不如去看看。來到餐廳門口，已經有很多客人在等候。我們只是兩個人，所以等了一會就可以入座。餐廳裝修是中式的，坐得也寬敞舒服。餐牌有很多選擇，基本上中式的菜式什麼都有。來到叉燒大王，當然一定要選叉燒。我們點了一個特選蜜汁叉燒王，石鍋生啫通菜及豉油王海蝦。特選蜜汁叉燒王賣相很好，例牌的份量很多。叉燒燒得很美，色澤均勻，叉燒是半肥瘦的，入口蜜汁味道甜甜，咬落有油香，一點也不韌，非常好吃。石窩生啫通菜，份量也很多，這個菜是用了蝦醬及豬油渣炒的。豬油渣的油滲入了菜裏面，入口有這種油香的味道。另外有淡淡的蝦醬的味，菜炒得很碧綠，爽口，整體口感不錯。豉油王海蝦賣相很吸引，海蝦真的非常大隻。海蝦新鮮，口感結實，爽口。入口非常香口，味道亦不大太鹹，很夠味道，有鑊氣。以為這裏出名的是叉燒，但原來小炒也很好，有點驚喜。這麼多好餸，當然要叫兩個靚仔(白飯)。白飯不太硬不太軟，正常好食。叉燒大王沒有改錯名，叉燒真的好食，其他小炒亦夠鍋氣，怪不得這麼多人幫襯。

呢排要keep fit，多菜少肉。但爸爸媽咪同我嚟呢度食飯，我望到隔離左右啲小菜，keep fit呢兩個字就消失左～仲主動order呢度出名嘅叉燒同班頭腩～🔆金銀蒜粉絲蒸勝瓜 - 正所謂樣靚味道正，蒜蓉粉絲鋪上勝瓜上面，落豉油蒸完再落熟油，試問呢個配搭又點會輸？飯都食多兩碗！🔆特選蜜汁叉燒王 - 蜜汁甜度啱啱好，叉燒肥瘦適中，肉質嫩口。睇電視學過，新鮮肉造成嘅叉燒，中間嘅肉先係偏向新鮮豬肉白色，呢度嘅叉燒正正就係咁，而且好好味！🔆紅炆斑頭腩 - 平時我好怕多骨嘅餸菜，但爸爸係咁叫我試舊，真係一試就愛上。雖然都係有骨，但易食喎。炸過嘅斑頭腩加埋燒肉、白菜仔同炸豆腐，加入醬汁去炆，燒肉同炸班頭腩嘅味道，滲晒落去白菜仔同炸豆腐。個煲熱辣辣，冬天黎食肯定更加滋味！呢度環境光猛闊落，坐得仲舒服過酒樓，亦真心覺得味道好過一般酒樓。但呢度冇加一，所以我覺得性價比高過酒樓好多。食飽見到隔離枱碟乳鴿，差啲想叫埋。。。回頭指數：⭐️⭐️⭐️⭐️⭐️

用得「叉燒大王」做招牌，叉燒當然好食啦！平時會買叉燒外買，今次就堂食食埋其他菜睇下好唔好味先。好耐冇來了，原來已經打通左，變得大間，座位亦舒適。嘩！咁勁既...... 叉燒王！我們當然點了「蜜汁叉燒王」啦，例牌、「豉椒炒蜆」及「醬燒脆皮茹子」。嘩！睇見都覺得好味 肥瘦適中、肉質嫩滑、入口香軟 果然實至名歸！以為大多數是食燒味，沒想到有炒蜆。豉椒炒蜆，惹味！店員推介這款「醬燒脆皮茹子」，見咁特別就點了。口感很特別，平時食的茄子未食過這種煮法。因醬燒鎖住D汁，美味！

打完乒乓球，朋友話沙田叉燒王唔錯，於是去品嚐品嚐。來到餐廳，見到有不少人外賣。進了餐廳，安排坐卡位，非常寬敞。運動後肚子餓，很快點了三樣東西。🔸️叉燒例牌子$88份量多，肥瘦適中，蜜汁甜甜的🎶咬下去口感不錯喔～😋juicy,軟淋度剛好，燒焦的程度剛好。🔸️牛仔骨$ 98服務員手端過來時候已香氣撲鼻。配菜有青瓜洋蔥。趁熱食，來一口，不錯喔～黑椒味好香，牛仔骨肉嫰滑。有驚喜的是洋蔥挺清甜。🔸️金銀粉絲蒸勝瓜$68份量十足，賣相吸睛。蒜香混合勝瓜和粉絲一齊品嚐頗滋味😋😋👍🏻勝瓜肉厚多汁，唔會瘦而無肉。食得開心的時間過得很快，7:30，遠見門口有人排隊，於是賣單讓位。整體而言，性價比高的餐廳，值得再食。

我外國朋友來到香港好少食中餐，呢間d叉燒佢真係讚不絕口！.特選蜜汁叉燒王(例牌) (推薦指數:😋😋😋😋😋) $88🐷🍯🔥叉燒要既香、鬆、化、燒焦、肥瘦適中全齊！我食過最好食的叉燒就，沒有之一！呢隻叉燒真係入口即溶的感覺！一咬落去，係好林的感覺🤤😌你仲可以要求要肥d！瘦d都得！最重要係平同抵食，$88真係真心講收平左我啦！真係一定要食！.黃金蝦🦐$88 (推薦指數:😋😋😋😋)蛋黃醬好香！一上菜我玩緊電話都已經聞到。個蛋黃際醬好黐個蝦殼，十分香口。同埋都有好多隻蝦，普遍d蝦都幾大隻。.剁椒蒸鮮魚鮫🌶🐟$88 (推薦指數:😋😋😋😋😋)呢個有少少辣辣地，不過個汁送飯真係一流！個魚鮫食得出係好新鮮。.整體來說，呢間餐廳的餸大多都係$88，即100蚊內，係十分大眾化同抵食，仲有以下的menu

去沙田食乜好識食一定行入少少 去河畔花園食因為價錢平啲之過 乜類型/國家嘅菜都有雖然要係火車站行10分鐘左右 但值得的.叉燒大王👑人氣都幾高 用餐前後都見到要排隊等位餐廳入面採用沙發椅 坐得好舒服仲有好多部電視📺有啲似酒樓.主角叉燒❤️外層係甜甜嘅蜜汁裏面係半肥瘦嘅叉燒 咬落去非常滑入口溶化 叉燒肉好入味 仲有脆邊係一個高質素嘅叉燒 自稱叉燒大王係有道理.豉油皇海蝦🦐外觀好靚炸至金黃色 差不多有成部電話咁大隻咬落去蝦殼好脆 真係可以連殻食蝦肉鮮甜 而且豉油嘅味道好濃好香重點是有少少蝦膏 非常驚喜.胡椒浸豆卜🍲好足料湯底有好多蝦乾 豆卜釀住肉碎底下嘅粉絲索哂啲精華 大大煲好正個人覺得胡椒多咗少少 味道較濃但送飯一流 可以按自己食量加一兩碗飯

今日中午同朋友行經河畔聞一股好香既肉味就好肚餓，於是跟隨香味去覓食，香味應該由間叫叉燒大王既餐廳傳出，於是我地決定入去品嚐。望左一陣餐牌，見到有粉麵、燒味飯，仲有埋特餐揀，於是就同朋友一人一個五寶，佢要叉燒五寶飯，我就豪少少要乳豬五寶米粉，我地吹左一陣水，野食就到了，乳豬五寶米粉，碗米粉很大碗，湯底落過心機煮, 就咁淨食都好夠味，而另上的乳豬五寶放滿成個碟，成隻燒鴨髀加一排乳豬、紅腸、咸蛋和雞翼，我開始擔心我食唔食得哂。。。唔諗啦，我拎起筷子就即刻偷朋友既叉燒食，這裡真的做到半肥半瘦，食落甜甜地，係我鐘意既正宗靚叉燒味道，朋友被偷叉燒，當然唔會放過我既乳豬啦，佢話乳豬皮香脆，帶點玫瑰露酒味道，大家叫唔同野食share 食甘先開心既。話名五寶梗有雞翼、紅腸、咸蛋，D紅腸黑黑地，原本我有點擔心是否擺耐左，但食落先知應該係滷過關係，相當入味👍👍成餐都食肉，所以叫左杯凍柚子蜜幫助消化，都係加$5 者，夏天飲消暑開胃！～

叉燒鴨河粉，端上來，一肚子火。這燒鴨，3小塊沒問題，問題你挑些什麼給我。以前總是來這邊，現在覺得，是不是師傅換了的問題，你價錢貴點也行，就這樣，還好意思端上來。

今次同朋友去左沙田食！叉！燒！聽落好似好搞笑，竟然專登去餐廳食叉燒？係啊！依間叉燒大王最出名就係招牌特選蜜汁叉燒王。一去到間餐廳就叫咗一碟例牌叉燒，侍應仲推介左墨魚嘴同椒鹽豬骨。嗰度環境同茶樓冇乜分別，仲可以嘆下茶。做嘅大多數都係街坊生意。等左唔使五分鐘一碟香噴噴嘅例牌叉燒就送到我哋面前。叉燒肥肉均勻分布，色澤鮮亮。我同朋友都急不及待咁夾左一舊試吓。一咬落去覺得肉質好鬆軟，連埋肥豬肉嘅香味，加上秘製蜜汁真係絕配啊! 炸墨魚都好香口，好新鮮，配埋葱一齊撈飯就正啦！椒鹽豬骨多好惹味！我同朋友爭住食最後一舊黎撈飯！哈哈！啲肉質厚實，但一啲都唔韌！個人好支持港式餐廳，如果大家有時間一定要去試吓！不會失望呢！

✨ 今日，友人A突然間話想飲兩杯，咁小妹就諗住不如去沙田啦，還掂知道有間bar靜靜地，咁所以就去咗河畔花園覓食了。✨餐牌✨ 間餐廳叫得做叉燒大王，咁叉燒就必嗌㗎啦，見到出面都有海鮮，就叫咗個蒜容粉絲蒸蟶子，同埋小妹最鐘意食嘅薯仔牛柳粒。✨ 特選蜜汁叉燒王👧🏻 叉燒黎講，小妹最唔中意嗰啲乾到柴嘅叉燒咖啦😩，而呢度嘅叉燒半肥瘦，肥膏唔膩而肉幾淋，加埋啲蜜汁，不得了，呢度嘅蜜汁真係好似加咗蜜糖咁，甜甜地，唔同出面嗰啲，無乜甜味。✨ 蒜容粉絲蒸蟶子👧🏻 小妹最鐘意就多蒜容，呢度嘅蒜容好足料。咁啲蟶子黎講，幾爽口，係大隻嘅，有啲似係出面食海鮮嘅質素。✨ 薯仔牛柳粒👧🏻 啲薯仔個表皮係脆嘅，牛柳粒都幾好食，係大粒咗啲，不過牛柳粒幾煙韌好有咬是。

六點鬆小小既時間已經開始要等位啦🙆🏻‍♀️，可見其係區內既受歡迎程度呢！我地急不及待快點開動點菜啦！個肚打鼓🥁了今次大家決定叫半隻鎮店頭抽雞，賣相唔錯，因為色澤立立令加上頭抽嘅顏色，一食落就知道唔係用冰鮮雞，肉質夠彈牙仲夠滑，而且用過頭抽來浸嘅味道係唔同嘅，豉油味令人一定要食雞皮，唔識食就真係浪費，隻雞本身帶少量脂肪，所以食起上嚟更加滑啦，果然也沒有令我們失望，用來送飯一流呢！除了燒味外，我們也點了清蒸沙巴斑。上面鋪滿蔥絲同薑絲，斑嘅下面就係蒸海鮮嘅豉油同埋鮮味嘅汁，淋返上面頭就最啱啦。魚肉鮮甜，魚也十分厚肉，沒有半點魚腥味，唔駛十分鐘，我地將整條魚清掉了！🤤條魚本身夠新鮮，清蒸煮法最能帶出鮮味，用來控制蒸煮嘅時間都好重要。最後仲有避風塘風味既蓮藕餅，賣相超正，仲有陣陣香椒味撲鼻，口水直流。避風塘味道真係炒到無得輸，辣味剛剛好，藕餅超脆口，加上用新鮮蝦膠釀製，啖啖蝦肉同蓮藕味超夾，真係令人食過番尋味。