叉燒乳豬專賣店 (Closed)

系社交平台群組見到$55就可以食到依個乳豬飯,即刻沖去試下系米咁正 舖頭系深水埗區 普通燒味店一間 個乳豬有啲肥 雞還可以 另外咸蛋同叉燒也是一般 比較出奇既連一碗湯系送既 $55算系咁上下

🍚燻蹄拼海蜇飯💰$48🐷乳豬（例）💰$158.⚡️前排突然好想食🐷乳豬、🪼海蜇、🥢燻蹄，即刻搵翻間頗有名氣嘅燒味店試下🤣先講乳豬，為咗食更多所以嗌咗例，皮又薄又脆，好！很！讚！✨不過見對面都嗌咗乳豬飯，目測份量多過例牌🫠而且叉燒飯都好似幾出色，決定下次回訪再戰！😤.⚡️燻蹄拼海蜇飯非常普通，有啲後悔嗌咗🥲尤其燻蹄皮肉分離，有啲失望，下次都係食乳豬飯就夠.⚡️PS.例湯好飲～

當日購買外賣肥叉燒飯，回家發現超瘦叉燒，太過分，員工態度差好過份，所以野都講：公司規定唔可以更改，做生意唔識轉通 真係執笠啦，什麼所謂公司規定？無生意係唔係公司規定？

係社交平台睇到燒味關注組張圖而去試食。簡左5:30下午茶時間去，星期六黎講人唔多，得幾個客。一個乳豬四寶飯，$55如果四寶飯來講，呢個價錢係好合理。打卡都好合理。但d料好多問題。飯係半生，乳豬九成肥一層皮，可能出面都係咁，$55 真係唔好咁多要求。叉燒同埋油雞都好乾身好柴。其次就係飯同餸都唔熱。燒味飯我唔期望啲餸會好熱，但個飯都係唔熱，好似買完放左好耐咁。另外枱面個乳豬醬樽身全部都係塵。座位比正常櫈低，好難坐得舒適。

乳豬唔係間間燒味舖都有，見到當然要食🤩燒鵝拼乳豬飯🍚 💰48 雙拼+💰5 包老火湯 ❤️‍🔥7/10分乳豬皮脆，但肥膏居多，食多咗有啲膩〰️燒鵝都尚有鵝味，略嫌個皮唔脆，溫度唔夠熱🫠下午茶2pm-5pm 💰30包凍/熱飲品油雞拼燻蹄米粉🍜 💰30 ❤️‍🔥6.5/10分我自己對油雞一般，唔係好重雞味🫡燻蹄有燻蹄味但未好食到會令我想不斷食咁🤣不過依個價錢的確抵食，過下癮OK嘅🤘🏻⚜️兩人食 免加一 共$83⚜️整體性價比 7/10分

之前係fb group見到人post呢間，一直都想黎試下，叫左雙拼，燒鵝好食喎，有肉又有啲肥膏，乳豬就有啲骨，個皮就有少少煙un，35蚊食到燒鵝同乳豬，仲要包凍飲，好抵 下次會想試下乳豬四寶飯

乳豬燒鵝米線😎$35下午茶，14:00-17:00😁之前見到唔少人介紹😎經過當然就走去試吓😂乳豬幾好食👌燒鵝就一般般啦😗呢個價錢有乳豬食🐽仲包埋飲品添😏又真係幾抵食😆叉燒乳豬專賣店 (深水埗)深水埗元州街21-23號恆威閣地下B號舖

近來呢間燒臘飯店嘅鎮店名物，乳豬四寶飯在FB嘅講飲講食谷爆紅，不少人都出POSt來品評此碟四寶飯，當中食評好坏參半，引致筆戰連場，好不熱鬧，連我揾食肥華見此場面，亦按奈不住在8月17日專誠到此店一試呢碟惹火尤物，老實講今日肥華所點呢碟四寶飯内嘅油鷄及义燒都唔係肥華杯茶，油鷄有翼位，义燒欠肥位，但勝在夠熱及冇柴皮都算OK，至於個主角乳豬就係肥華近年食到，最好食嘅乳豬之一，皮脆，肥瘦恰可，有應有嘅乳豬肉味，再加上嗰隻靚到漏油咸旦，呢碟僅售$55蚊嘅四寶飯，雖有缺點，肥華都彈唔，落仲要俾👍👍👍佢！

去完鴨記諗住買d滷水野返去嘆啤酒睇動畫,是旦行左入一間滷水店,買左一條鵝頸,鵝掌鵝翼各兩隻,大幾八十幾蚊,佢斬好比我我就問突然心血來潮問佢係咪有汁跟埋,佢話"醋黎,你要我咪比你囉"其實一向買滷水野都跟蒜蓉醋同滷水汁(我印象中係咁),要問,仲要咁樣既語氣我都未試過(可能我唔靚仔啦)最後有就算啦.返到屋企打開嚇一跳,然後得啖笑,黑到咁既滷水好少見,唔知係咪浸左幾十日,掌滷水鵝翼就相對淺色d ,放入口試左再講,可能好食都唔定?鹹,好L鹹, 完全冇滷水味,冇花椒八角味,只有豉油味,每樣試左一舊,頂唔順,隊左落垃圾桶.

上次食午餐時見到有下午茶餐，一碗乳豬米粉連凍飲都只需$35，今日經過有啲啲餓於是試試。乳豬同米粉分開上，乳豬份量對得住個價錢，都有五舊，味道亦都合格，皮脆。米粉都幾大碗，味道正常，但值得一讚係有兩條菜芯。

員工服務態度差，食物質素差，落單前已經同個店員購明買半斤肥叉燒，等咗5分鐘，有另一個客人入去先選叉燒後被錢，店員被另一個客人任選喜歡的一件叉燒，望到師父開始準備選叉燒斬被我時，期間亦重複多次同店員講要肥叉燒，死都吾肯換，真係好嬲，還說我的叉燒好肥，正一垃圾服務態度，垃圾食物，永遠不會再光顧，啲叉燒瘦到好似乾柴咁，超難食。等候期間見到佢斬一隻燒鵝，勁多肥膏，隔離個阿叔黑晒面，三百幾蚊，勁多肥膏。食物質素何其差，俾錢買難受，谷鬼氣。

乳豬單雙併飯（$58），有例湯送，冷熱飲品（+$5）乳豬併燒鵝飯，乳豬及燒鵝各六件，份量都足。乳豬：皮脆，肉比較少，少量肥膏，微微溫。燒鵝：皮唔算脆，但肉都叫厚身，極少肥膏，微微溫，沒有煙燻味。整體嚟講，價錢合理，味道合格，性價比高。

在深水埗有所價又平質數不錯的燒臘店。除了有燒味外買之外。此店有下午茶餐非常低吃。雙拼燒味粉麵連凍飮都是$28連燒鵝都是ㄧ樣價。ㄧ般其他店要點焼鹅的話是比較貴。雖然環境一般但服務都不錯。

諗住平平哋食個晚飯服務員竟然找少咗五蚊有點不老實地方有點迫好多人衛生情況一般地下好多水燒肉都算係脆卜卜嘅好味叉燒就幾舊林但係蜜糖唔夠甜白飯都算幾多仲有幾條菜找錢時畀一百蚊但服務員只係找52元明明38元加五件事43元應該找57