又一川

Open Now

Now Closed

呢間舖頭係由住喺觀塘嘅同事推薦同一般酸辣粉唔同呢度嘅粉類有好多種可以選擇最特別嘅係貴林米線佢唔係好似一般米線嘅質地而係好似薯粉質地嘅米線酸辣粉，除咗可以揀辣度仲可以要求多酸多麻滿足個人口味最正係呢度嘅椒鹽雞軟骨雖然佢份量越來越少但係每次都會點黎食因為真係好好味咁喺呢度既嘢食就好食，但係環境同衛生就不予置評最少我冇肚痛既

環境非常老舊，座位很窄，坐得唔舒服。酸辣土豆絲，死酸（一攞埋黎已經好大陣酸味）。正常酸辣土豆絲酸度3，佢個土豆絲起碼有10。叫小辣變左大辣，和店員反映話我地係叫小辣點解都咁辣，店員反問我地有微辣你做咩唔叫？基本刀功都冇。蒜泥白肉冇蒜泥，厚切，而且冇味。辣子雞。上漿炸，好似韓國炸雞咁，明明係叫辣子雞，可以麻到成個嘴冇知覺，咁點解唔叫麻辣雞呢？真係覺得跌錢，叫三個餸200幾蚊，出品質量仲衰過40蚊三餸飯 。

嗱，今次話你知，喺這家店試嗰啲川菜嘅辣，真係辣到舌尖跳舞🔥，但味道正到爆煲！毛血旺仲真係夠晒料，要講多次，$75有牛柏葉、豬紅呢啲重頭戲，仲有雲耳、午餐肉嚟撐場，食落去辣中帶鮮，熱辣辣嘅湯底正到喊！桂花魚叫咗大辣，嗱，前味係麻辣精準入味，魚肉又滑又嫩，真係夠晒滋味。自選四川酸辣粉，筷子唔停手呀！個碗嘅料雖然覺得細咗啲，不過呢粉絲仲係酸爽麻辣，唔衰色！至於酸辣土豆絲，攪攪下辣椒碎，又酸又辣得嚟喺度爽口，即使辣到飲水都止唔住，都係停唔到口呀！最後呢個淡定嘅萵筍炒大腸，啲大腸部分真係乾淨得來又香口，呢個鮮爽配搭可以中和下麻辣嘅狂熱，食得太上癮啦！實講，這家店嘅食物，即使係平常日都可以食到甘正，真係嚟次招牌酸辣衝擊波啦！👍👍👍

辣辣辣🥵隱世平民好味四川菜😋😋1. 水煮鱸魚（$173）是一道四川菜，鱸魚肉質鮮嫩，搭配辣椒、花椒等調料，味道麻辣鮮香，加上新鮮的窩筍，口感豐富，美中不足的是這次調味略鹹，但總的來說是一道鮮辣可口的佳餚。份量十足，價錢公道。2. 吃川菜少不了毛血旺($95)，一道風味獨特的四川菜品，其辣味濃鬱，口感豐富，以豬血、牛肚、魚丸、蔬菜等食材煮在辣椒湯底中，加入麻辣調味料和花椒等香料調味。辣味濃鬱、鮮香可口。3. 酸辣土豆絲($56)是一道中國傳統川菜，具體做法是將土豆切成細絲，再加入辣椒、蒜末、蔥花等調味料拌勻，經炒、煮、燙等烹飪後成菜。這道菜清爽的酸味和微辣的口感為特點，是一道經典下飯小菜。

嗚嗚嗚 好食到食到一半已經諗緊下次要叫咩🥹🥹-我唔知正宗既酸辣粉應該要係點，但呢碗真係好啱我口味😍佢個湯底同我平時喺香港食開嘅酸辣粉唔同，✅唔油✅夠酸得嚟好易入口，搞到我飲完一啖又一啖🤤呀，我覺得有啲似平時食 #小窩米線 +酸-我食開譚仔麻辣三小今次叫咗小辣（冇額外加麻）飲到湯得嚟唔洗飲野好食但唔夠爽 所以我下次要食 #中辣 ！🌶🌶🌶-✅酸辣粉 $27🆗木耳 +$8 如果分量再多少少會開心啲🆗凍檸茶 +$8 茶底唔夠香 nah~❌肥牛 +$11 我鍾意食脂肪多啲嘅 簿啲既 nah~-適合人數：一個人/ 兩個人/ 三個人/四個人 其實幾多個人都得哈哈-💰人均消費：我加咗兩個餸連埋嘢飲$52-⏰幾時食好：我諗晏晝去會好啲，因為我見佢個餐牌都有好多其他嘅選擇。晚市應該會好多人去食水煮系列 我諗（希望睇到呢到既朋友會同我去試Kuku)-🚪環境：一入到去有種覺得真係好舊嘅感覺，燈光都有啲暗，好有嗰仲星期六日晏晝瞓醒係屋企自己煮麵食唔開燈嘅感覺 lol 有冇人知我講咩😂😂 不過都好坐！（我覺得真係幾啱自己一個去食）-📍地理位置：#牛頭角 A2出口行6-8分鐘又一川 (觀塘)觀塘宜安街25號地下#上

觀塘區最好食同最抵食既川菜非呢間莫也隱世好食川菜💕呢度環境簡陋坐位有啲迫但勝在味道搭夠酸辣土豆絲出邊食既土豆絲成日都唔夠酸但呢度就唔同酸酸辣辣咁好開胃酸辣粉呢度既薯粉勁有驚喜係圓身薯粉勁彈牙勁爽酸酸辣辣好易入口辣子雞呢度既辣子雞切到好細粒同埋炸到好香口份量超級大份食極都重有干偏四季豆豆豆炒得好乾身無出水好入味配上肉碎味道係麻麻辣辣既食到嘴唇都會有啲痹水煮牛肉牛肉非常淋唔會好韌叫大辣真係會食到出哂汗

如果要比較咁多間係牛頭角嘅米線，又一川會係比較出色嘅一間。不過要有心理準備，環境認真麻麻。不過佢哋嘅味道又相對出色，自己衡量。首先，絕對值得一讚係湯非常熱，基本上食到尾都唔會凍曬。其次，珍珠米粉同米線個texture都係坊間少有，推薦一試珍珠米粉。餸菜配料選擇多，推薦大白菜/大豆芽/萵荀/大腸/雞尖。本身湯底比較油，介意嘅話可以叫少油。湯底/配料/麵質都唔錯，如果想食米線，絕對可以一試。小食方面，淨係試過口水雞同蒜泥白肉，口水雞好食，但白肉就唔推薦，似蒜粒多過蒜泥😂

我本身好少去九龍，今日有事去開個頭就用openrice搵下有咩好食啦，突然想食辣野，咁就搵到呢間食酸辣粉。入到去環境就一般啦，燈光比較暗，都唔算好迫，冷氣都算夠，午飯時間黎講又唔算好多人。我叫左個牛柏頁魚皮餃酸辣粉，湯味道唔夠濃同唔夠酸，薯粉太林，等我重特登行左成半個鐘去，都幾失望，但又未至於難食既。另外叫左尖椒皮蛋，不過我食曬碗粉先拎黎，我估佢地本身唔記得左，係黃金皮蛋但偏鹹。豆漿係枝裝應該唔係自家製既，不過味道唔錯。我就唔會再encore。

一直都好鍾意呢間嘅米線，今日嗌左毛血旺，吃完發現有一隻蟑螂，好生氣，將食進去嘅嘢全部嘔曬出來，已經上報食環，請大家選擇清潔衛生的地方食飯，不要再幫襯這一家！真係嬲

好好好中意吃川菜嘅我，點會錯過嚟呢間吃。呢間野成日聽朋友介紹，話好吃的記得去觀塘個邊就要去試吓啦。於是呢日計劃好晒，同同事收工就去按摩，按完摩就嚟呢間吃好西😋😋😋間鋪嘅位置其實都算小小遠，位置就係牛頭角同觀塘嘅中間位置。牛頭角角地鐵站行過去就會比近嘅。酸辣粉(紅薯粉/米線) $26份量夠晒足料麻辣牛展 $58辣子雞 $78真係淡淡都是肉係呢度吃可選擇不同辣度，就算唔辣都可以，所以怕吃辣嘅朋友唔洗驚，有唔辣嘅比你哋揀，當然吃川菜辣先好味嫁，佢有微辣可以揀，怕辣嘅朋友可以逐步逐步咁嚟。我同朋友吃完之後就已經話約好想下次再嚟吃其他👍🏿

🔺食物 👉🏻 自選四川酸辣粉📣極推📣 $45重口味必叫❗️ 本身淨粉$26 都有啲配料：酸菜、脆豆、莞芫等... 另外加埋肥牛$11 感覺上碗野比以前細碗左 份量小左，但味道同人情味依舊一樣🥺 👉🏻小菜 - 酸辣土豆絲$52必試❗️叫左小辣 但我都係食唔到😌 唯有夾開啲辣椒碎 雖然辣到一路食一路飲野 但味道酸酸辣辣 勁正👍👍👉🏻 小菜- 萵筍炒大腸$68少咸 好彩有啲麵咬下 唔係就要加碗飯先得😂😂 大腸清洗得好乾淨 萵筍相當爽口 唔錯😍自私評分：🟡🟡🟡🟡🟡自私評論：曾經幾度想食啲新餐廳既我，最後都打消左念頭，因為佢呢間既土豆絲同酸辣粉真係好令人回味🥳

即興食左個晚餐 6點幾好在唔駛排隊叫左2個粉加一個餸米線加左豬紅牛柏葉腩肉腩肉同豬紅就普通 腩肉仲有d硬 豬紅就無咩味但勝在湯底都幾好食 😆四季豆炒豬大腸好惹味！ 如果配返個白飯就正啦可惜太飽 下次再試吧😁

次次想食辣，都會黎觀塘呢間食，價錢親民之餘，味道仲唔錯。不過小店座位唔算好多，如果人多會有少少逼。酸辣粉 $26 (小辣）份量都幾多，平時會叫中辣，但因朋友唔係太食得辣，所以叫左小辣，辣度就唔太夠，但整體味道都唔錯👍🏻酸辣土豆絲 $52酸辣味適中，好開胃水煮田雞 $138 +$25淨萵荀底田雞非常大隻，啖啖肉，份量都好多，兩個人都唔係好食得晒，我地叫萵荀底，口感仲係好爽脆，一啲都唔會腍，好味👍🏻😋

之前喺米線群組見到好多人推介所以就過來試下佢，店舖位置比小巴遮住所以比較難發現，我叫咗腩肉貴林米線小辣加麻加可樂我鐘意佢個湯底同埋一粒粒脆脆地嘅野，米線唔喺煙um果種，喺比較爽嘅，腩肉唔喺好多但喺幾好味，社交平台群組有唔少人話腩肉有啲肥，但我就比較鐘意肥少少嘅，39蚊差唔多另外店舖嘅裝修覺得有種家嘅感覺（對於我），好似返咗自己嘅家鄉咁，雖然環境唔喺非常乾淨，燈光有啲昏暗，但呢種感覺好似層相識

店內嘅環境比較細，有少少擠迫，不過咁啱我比較晏去食，所以我一個人都獨坐到一個小圓枱。選咗豬肚、金菇、雞翼尖米線， 我話想要BB辣，跟住侍應話不如走辣，因為啲瘦肉粒都有少少辣，於是就叫咗走辣。米線幾快手就到咗。睇過樣感覺好似好辣，因為紅紅地。但係食落去就其實真係冇乜辣。不過亦都冇乜味道，同碗湯嘅顏色唔成比例。而且碗米線上面嗰層油太多，其實都唔辣嘅情況下都唔知點解可以有咁多油，就算食辣米線都唔一定要有咁多油，食嗰陣都特登撥開左面層油先至夾啲米線。雞翼尖嘅味道醃得OK，豬肚就切得比較細條啲，容易入口，但係過量都比較少，金菇就正常發揮。整體來講，味道普通，面層油太多，呢樣真係麻麻哋！不過有樣嘢要讚下，就係佢一坐落嚟，就會俾杯熱水，呢樣唔錯！