Betsutenjin (Closed)

假日Lunch來個豚骨湯拉麵餐（HKD105），好耐無食過幼身拉麵，正呀!湯底好骨膠原，食到個咀黏黏地。無咩味精，飲晒碗湯都仲得。豚肉好腍身，唔痴牙。兩片就唔係幾夠喉囉，多d會仲開心。仲有我鍾意食嘅小辣芽菜，不過佢用七味粉溝，質感欠幼滑。鍾意食嘅都可以再夾，我都食左兩小碟。咁set同一碗豚骨拉麵（HKD75）有咩唔同呢？原來1碗會無埋隻糖心蛋。咁又真係無咁開心嘅。隻蛋又幾滑㗎，但唔好俾湯浸太耐，蛋黃會慢慢變熟。…Read More

自從港鐵有了黃埔站後, 一直都未試過乘搭, 星期日約了BUDDY去搭新站, 順便去黃埔行下街。果然黃埔站好方便, 係C1出口直到黃埔的商場。星期日果然好旺, 每個商場都好多人。到午飯時間, 基本上每間餐廳都人頭湧湧,我地又好怕同人迫, 所以過左最繁忙時候先去搵食。係AEON的超市發現好多小店, 款式亦好多, 最後揀左 [博多拉麵別天神] 。餐廳的拉麵只有兩款, 貴精不貴多。小食亦只有兩款。我和Buddy每人選了一個套餐, 齊齊試下。蝦味噌味湯套餐 $115-蝦味噌豚肉湯麵配煎餃子別天神套餐 $105-豚肉湯麵配小龍蝦蟹子沙律餐廳位於AEON超市內同一層(即係大船內), 一間間獨立小店, 坐位圍著餐廳而坐, 比你看到廚師們的用心製作。唔駛等好耐, 就有野食了。係收銀處前有一盤辣味芽菜, 給食客任意加添, 試了一碟, 果真好辣。蝦味噌豚肉湯麵湯麵上有日本櫻花蝦干係表面, 一上枱已經聞到好香的蝦干味。糖心蛋共有一隻, 有點驚喜, 糖心蛋好滑, 夠蛋味。湯麵選用幼身麵, 煮得剛好 ! 軟硬適中。豚肉好厚但又唔會鞋。有水準。煎餃子套餐有4件,散點會有6件。餃子用機器煎, 唔會過燶, 而且無油, 食多幾隻都唔怕。豚肉湯麵餐廳有溫馨提示濃湯由豚骨及純水製成, 不含味精及奶類成份, 湯是白雪雪, 飲過一口, 確實不錯。豚肉有兩片, 淋身易入口。和蝦味噌豚肉湯麵一樣也有一隻的糖心蛋, 好欣賞呢 !小龍蝦蟹子沙律小龍蝦蟹子沙律味道不錯, 有六片紫菜, 龍蝦肉切成粒粒混合蟹子沙律後, 一匙沙律配一片紫菜, 剛剛好 ! 雖然只有兩款拉麵, 但依然做得出色, 尤其湯底飲左都唔口乾。套餐並未包括飲品, 除了可以在餐廳ORDER外, 還有不少食客會在超市選購飲用。…Read More

大大碗豬骨拉麵呈上😁🤤配料好足 流心蛋有2個😋木耳好多又爽口 肉質鮮嫩多汁又好大塊好多，得好少肥膏（其實可以令肉香啲口感滑啲）同朋友各自叫咗兩款小食，我都係最鍾意沙律壽司呢個，性價比高啲。第一次來食一定要食呢一款小食。食法：沾啲啲去包住紫菜食小小辣，甜甜地，涼涼地真係好似食完野飲凍飲咁爽。因為食完拉麵，尤其係食完豬骨湯拉麵，濃味而且滿滿既骨膠原感覺，咁呢款小食完全味道唔一樣，食完鹹再食涼又甜既嘢好正朋友叫既係菜餃如果唔沾豉油嘅話就會有啲乾。好好味，但係另一款小食更加好味😋。…Read More

放工幫同事拎野返屋企，佢住黃埔，之後落左去AEON逛超級市場，買了些食品，去到Food Court，同事客氣請我食晚餐，她說這裡的博多拉麵別天神好好食，請我試試！座位是高腳木凳，圍住別之神坐，有點像吧枱！調味品就在枱上，方便客人為自己的拉麵調味。牙菜仔：一般拉麵通常都會加入牙菜仔，因為可以增加口感，但我知道有些食客不喜歡食，要下單前說走牙菜，吾記得就麻煩了，但這裡的牙菜仔是自助的，喜歡食的才自己加，而且不限次數，這款牙菜仔是帶辣的，吾食得辣就不要加太多。豚骨湯麵：湯是用豚骨和纯水，用壓力煲熬製成濃郁的白湯，不加味精，十分鮮甜，义燒不肥，夠林又入味，流心的溫泉蛋香滑，木耳絲爽口，拉麵也很彈牙。蝦味噌豚骨湯麵：這款和以上的豚骨湯麵一樣，不過這款加入樱花蝦，使味道更濃！小食我選了餃子，底部煎得好脆，少肉多菜，非常健康又美味！…Read More

黃浦的吉之島裝修完還沒來逛過，裝修過後整潔又寬敞，而且不會將貨物堆在路中心，很好逛👍🏻逛完超市，肚仔感覺很餓又聞到很香的拉麵味，原來是博多拉麵，真的忍不住要試下先😋調味架豚骨湯麵 - 熱辣辣香噴噴的拉麵，濃濃超白的湯底，他們標明絶不含味精純天然豚骨用壓力煲煲了很久才熬燉而成，真的很厲害👍配上兩片大大塊的豚肉片真的很鮮味，再加一隻溫泉蛋，簡單而清香的一碗拉麵實在令人感動蝦味噌豚骨湯麵 - 櫻桃蝦乾將整碗湯底更加提升到另一種層次，鮮味複雜豐富，濃而不膩套餐 - 跟餃子餃子外脆內嫩，點一點醋醒胃又解膩套餐 - 跟小龍蝦蟹子沙律這個相當驚喜，小龍蝦很鮮味，吃時還有少許蟹籽在口慢慢爆，調味有少許wasabi很惹味，可惜是份量太少，吃多多都唔夠😆😆…Read More

外出工作最大好處就是可以完工後提早蛇王, 今天難得走到假日像墟市的黃埔,  當然趁少人的時間走到food court去吃一頓好的 ; 其實多次經過都因為人多關係而放棄, 今天終於休休閒閒地, 揀了博多拉麵別天神的拉麵來祭祀五臟廟下午時份大家都沒有平日的怱忙, 連師傅看來也心情輕鬆, 此店提供兩款湯底拉麵 : 豚骨湯與蝦味噌湯, 套餐的話可以選擇餃子或小龍蝦沙律, 海鮮怪的我當然選蝦味噌湯與小龍蝦沙律豚骨湯底加上櫻花蝦的配搭, 湯底非常香濃, 櫻花蝦的鮮味沒有被豚骨湯蓋過, 也喝得出豚骨湯底的濃郁, 相信肴製了很長時間; 基本上沒需要加任何調味料已經香氣滿溢口腔 ; 麵底夠幼滑, 重點出色在溫泉蛋, 非常好味, 蛋黃的流心程度非常合心意, 咬下一口流心溢出但剛點到即止, 沒有太多也沒太小另外小吃的小龍蝦沙律也喜出望外, 沒有想到小小的沙律球有啖啖咬口的龍蝦肉, 不是坊間的一堆蝦肉醬, 加上粒粒蟹子的脆卜卜咬口, 配上幾片紫菜平衡濃濃的龍蝦味, 沒有想到小小的沙律也有這麼的層次…Read More

總共有兩款拉麵及兩款小食可以揀。由於我比較喜歡蝦，所以點了蝦的拉麵。等左大約10分鐘左右便上菜，很多櫻花蝦鋪滿拉麵上， 十分吸引。我急不及待加入一些配料，例如香油，蒜泥，七味粉等等。我先喝了一口湯，覺得十分有蝦的鮮味。再去將櫻花蝦和伴料攪拌均勻，再喝了一口湯，我覺得十分配合。然後我嘗試了麵，我覺得麵質適中不軟不硬。面嘅份量亦都適中而我覺得糖心蛋煮得剛剛好有留心的效果。另外餃子方面，餃子煎得十分香脆和沒有焦黑。配合附上餃子的醬汁酸酸的十分開胃。餃子的主餡料是以菜為主，十分健康。…Read More

今日本身諗住約個fd傾下旅行d野，點知佢就遲大到，我唯有自己一個周圍遊蕩一下，行均左成個Aeon 人都未到！嬲嬲地自己走左去food court 到食野邊食邊等。初頭仲諗food court應該都冇啖好食，點知就比我見到竟然有拉面食，二話不說就做好抉擇。圍住個圈排排坐，中間就係開放式既廚房 可以望住廚師成個烹調過程。我就點左佢既特色蝦味噌豚骨拉面套餐。拉面湯底呈淡黃色偏橙，上面灑左少量蔥花，另外有一小座櫻花蝦小山 特別顯眼。另外當然唔少得拉面既重要角式 日式叉燒同埋半熟蛋。未食面先飲湯！以豚骨湯為主基，再加上濃濃既櫻花蝦乾味，味道濃得黎而唔鹹，好岩本人既口味，叉燒既處理亦都唔錯，少肥夠淋身。餃子就一般，煎得太乾身而唔脆，更冇肉汁。相信店鋪可以係食材上同技術上都有待改進。整體而言，款蝦味噌豚骨拉麵係值得一試，但小食可以另作他選。…Read More

一早起身，畀人逼去睇咗一場早場，去睇咩宋仲基喎，好彩都唔悶。之後就去咗搵嘢食。晨咁早畀韓國洗完腦，所以我決定搵返啲日本嘢食，平衡下 。 喺黃埔軍艦入邊食日本嘢，仲要食啲簡單日本嘢，所以我哋決定咗食拉麵 。只有兩款唔同拉麵，所以每款各一，豚骨湯拉麵和蝦味噌湯拉麵。 豚肉拉麵，麵質幾好，軟硬適中 最吸引人嘅地方係佢個湯底，湯底原來用豬骨製作，最重要不含味精添加劑。 豚肉方面，好香肉味，最重要係好似同喺日本食嘅厚度差唔多，但係佢嘅豚肉冇日本咁肥。 至於蝦味噌湯，上面好多櫻花蝦， 湯底大家都一樣，不過呢個就加咗啲味噌，反而我覺得豚骨肉湯更加好味，因為佢真係完全不含味精。喺落單嘅側邊，有個辣芽菜， 辣芽菜真係幾辣， 但係好香口， 放埋落湯底到，令到個湯底多咗一層豐富嘅味道。小食叫左個小龍蝦蟹子沙律同煎餃子， 小龍蝦蟹子沙律用紫菜包住嚟食更加好食 ，咬落去仲有一粒粒嘅蟹子， 味道都唔錯。煎餃子， 個底煎到好脆， 熱辣辣，入面有多肉汁，味道一流。點都諗唔到， 黃埔都有啲咁好嘅日本拉麵，但都係嗰句，冇味精嘅湯底，冇得輸。…Read More

自己很喜歡日本餐，最喜愛到日本，所以一向對香港的日本拉麵店沒有好感，這次試了黃埔博多天神，卻有點喜出望外。叫了一碗叉燒拉麵，叉燒合格，但湯底非常好味，拍得住日本出色的拉麵店。剛巧他們打開壓力煲，好奇望望，原來是淆完湯，親眼看見他們用了很多很多的豬骨淆湯，怪不得那麼好味！我跟店長閒聊幾句，店長跟我說，他們沒有花巧，只是用大量豬骨淆湯，顏色便會變白，沒有加什麼牛奶，就此而已。煮食其實沒有什麼秘訣，真材實料便成！…Read More

由黃埔花園開左地鐵都冇去過黃埔花園了，今日嚟行下街先，去左aeon嘅food court，俾我見到有博多拉麵別天神食。我同男友每人食左一個餐，即係包左一個面同一小食，我食左蝦味噌套餐，朋友就食左別天神套餐。蝦味噌豚骨湯麵湯底好香蝦味，又加左蝦米仔，蛋是流心的，好正丫；而別天神豚骨湯麵湯底係奶白色嘅，又好香豚骨味，叉燒肥瘦適中，好味丫，面質彈牙，吾錯吾錯。小食分別係餃子同小龍蝦沙律，餃子有六隻，單買35元，不過不失，肉料十足；小龍蝦沙律係連紫菜食嘅，涼涼地，有龍蝦肉，味道少少咸，都吾錯。整體都好滿意，價錢又合理，會再食。…Read More

在黃埔花園條船的地庫，有幾間餐廳，其中紅磡別天神，個feel真係好似置身喜日本街頭，年紀輕輕的老闆戴住口罩好 注意衛生。他煮麵的動作最能吸引我，真係好有型架！拋拋下D麵就完成。跟住放埋整好左既温泉蛋、配菜和肉，好快手就整好幾碗！我哋一路食一路睇表演！整體味道很好，唔太濃，因為仲可以放調味料， 旁邊放左張有日文又有中文既介紹，教人點配搭最好，我覺得好貼心囉！個餐配一個小食-餃子和 蟹子沙律 一大碟，送碗麵一流！不過佢本身就無野飲跟，有點失望！不過可以喜商場入面買其他野飲飲！都好方便…Read More

今日病病地，唔想行太遠食野，就去Aeon 搵食。周圍都很多人，看到博多拉麵有安靜的角落，便坐底食野。之前去食唔到櫻花蝦味噌拉麵，今日終於可以試下。點左櫻花蝦味噌拉麵同小龍蝦沙律。櫻花蝦味噌拉麵：拉麵係幼麵底，軟硬適中，櫻花蝦份量很足，所以啖啖蝦乾味，很滿意。湯底算濃，不錯。雞蛋食材如果能夠更上選，更溏心更好。小龍蝦沙律：小龍蝦沙律能夠保持水準，啖啖龍蝦肉配上蟹籽，口感很好，而且有很多紫菜，沙律有驚喜。雖然係一個人，但亦算是滿足的一餐。…Read More

屋企附近嘅Aeon food court時常都座無虛席，lunch想簡簡單單食碗拉麵，就黎左別天神。其實一早就聽過博多拉麵別天神呢個名，淨係知佢有幾間分店，仲入主埋Aeon其下嘅food court。但估唔到嘅係，呢度嘅拉麵水準仍然拍得住街舖，小食亦好味。見到大大個招牌介紹兩款主打拉麵，咁就叫左呢兩款拉麵套餐試下。拉麵分別有豚骨湯麵同埋蝦味噌豚骨湯麵，仲有兩個小食 - 餃子同小龍蝦蟹子沙律。別天神呢度由拉麵師傅決定好湯嘅濃度，拉麵嘅粗幼，以及配料嘅份量，精心炮製出一款最合適嘅拉麵。唔好以為有得揀至係老闆，其實好多時拉麵師傅先係最清楚各方面嘅配搭，入拉麵店食，就要信得過拉麵師傅嘅選擇。我主要食豚骨拉麵，拉麵湯頭奶白濃郁不在話下，仲完全唔油膩，真正用豚骨熬製而成同一味死鹹嘅咪精湯實在太大分別。湯底係整個拉麵嘅靈魂，單係呢個湯底我已經俾九十分。朋友要嘅蝦味噌豚骨拉麵，上面撒滿櫻花蝦。同樣地，呢個湯底十分濃郁但唔油膩，飲落有一下以為係海鮮湯底。相對豚骨，蝦拉麵更濃味，愛好咸食嘅朋友一定喜愛。兩款拉麵配料都好多，尤愛粟米，湯底嘅鹹香夾雜住粟米嘅香甜真係絕配。溏心蛋亦有足足一整隻，唔洗另外加錢！小食方面，小龍蝦蟹子沙律算係喜出望外，比相片睇落大份。小龍蝦同粒粒蟹子令到口感十足，夾住香脆嘅紫菜食，更見味美。餃子有成六隻，份量亦係比想像中多。比較少見日本店舖嘅煎餃子會係用韭菜餃，煎得香脆，亦帶有驚喜。…Read More

事緣今日收工約左一位舊同學，要借一啲露營裝備比佢黎緊放假入東龍島影星星，咁順便梗係係附近行下，要佢請食個飯先返家啦咁先不枉我走黎黃埔一趟。因為平時真係好少行黃埔，淨係記得次次行過都會見到一座船型嘅建築物，今日貪得意走左入去行下。原來地下就有一個food court，驚喜地發現呢間博多拉麵別天神，相遇便是有緣，就決定食你啦 。其實係彌補返之前去日本無食拉麵嘅遺憾。眼見餐牌主打兩款套餐，我地就各點一款。餐廳仲貼心咁係餐桌上貼左一d簡介同埋口味推介，等我地可以根據上面既推介配調出最適合自己口味既拉麵！豚骨拉麵 。 湯底呈奶白色，簡單配料有日式叉燒、半熟蛋、蔥花及木耳絲。食拉麵前先飲湯是常識吧，湯頭豚骨味十分濃郁而且咸淡適中唔會好涸喉，玉子半熟完美呈現流心蛋黃，煮烚時間控制得唔錯。日式叉燒係半肥瘦嘅，帶有小小肥膏，食落更嫩更香 。友人就揀左蝦味噌豚骨拉麵，配料大致一樣，但上面就鋪左一大層櫻花蝦。我試左一啖湯底，味道比普通豚骨湯底更濃，而且帶有一股蝦乾嘅咸香。相比起原味豚骨，我反而更愛呢個蝦味噌豚骨湯底 。可惜啊。因為都餓餓地所以追加左兩款小食，餃子味道還好，咬落差左少少肉汁，略嫌乾身，算係一般水準。適合浸落個拉麵度吸下湯汁先再食。而個龍蝦蟹子沙律就有小小特別，食法係用紫菜包住蝦肉蓉一啖擺入口，作為小食佢鮮味得黎又有啲酸甜嘅清爽，可以舒緩返個豚骨湯嘅油膩感，確實唔錯。雖然店鋪係係food court入面但飲飽食醉後，仲可以方便客人行埋Aeon先走，同西武百貨有異曲同工之妙。…Read More