Betsutenjin (Closed)

拉麵超硬不淋，豚肉也不淋有渣，拉麵的湯底不是新鮮煮的魚湯也吃不出菜單上所寫的蝦味味噌，從未試過咁差劣又貴夾唔飽的垃麵，煮麵的人雖然有穿手套，但煮完食物后不立即除下就去拿其他東西包括抹枱毛巾，極不衛生，本人吃完不到兩小時就肚子痛…Read More

拉麵控又出動雖然是bar枱座，但都是要去收銀處叫餐等叫號再去取叫了蝦味噌套餐等了幾分鐘可能是剛好有一堆人叫，儲埋一次過煮，餃子和麵煮好又要放配料，再放上盤，都攤了些時間。不是最剛煮好即吃，可能影響了質素麵★★直麵，腍，黏黏湯★★★★OKOK叉燒★★★★唔乾蛋★★★正常(ps 收銀店員さん幾靚，冇圖XD) …Read More

放工就會喺附近揾食，一直未試過喺AEON foodcourt食野，今次終於試下呢排去日本旅遊心切，好想食拉麵，揀左呢間拉麵店。foodcourt有度唔好，要自己行去呢度果度俾錢拎野食，不過呢間野又值得喎我中意濃味嘅拉麵湯底，但好多間食完都好口渴，我唔知同味精有冇關，就連食銅鑼灣果間米芝蓮一星拉麵店都係咁。但呢度係湯底濃得黎，唔會食完好口渴！拉麵質地軟硬適中，都係我喜歡嘅類型所以話，其實拉麵店都係人夾麵緣下次試埋個煎餃子先…Read More

好鍾意食拉麵嘅我今日去試咗食一間新嘅拉麵店別天神。別天神入邊款式唔係好多，主要都係兩款拉麵，豚骨湯麵同埋蝦味噌豚骨湯麵。咁我同朋友就叫一個套餐一個唔係套餐，大家都不約而同叫左蝦味噌豚骨湯麵🤤如圖所見櫻花蝦份量好多🤤🤤粟米份量都好多，幾乎啖啖都可以食到櫻花蝦同粟米。佢個叉燒係有燒過先拎出嚟，肥瘦均勻食落有淡淡燒香過嘅味，超好味。湯底亦好好味，好濃但一啲都唔油冇感覺到味精，拉麵掛湯一流，到最後我差唔多可以飲哂成碗湯🤤 事後完全唔覺口渴👍🏻套餐就一碗拉麵跟餃子＄115 ，淨一碗拉麵就＄85，我同朋友share所以碗麵有糖心蛋，正常係冇架。總括而言別天神價錢唔係好貴食物質素高，性價比超高，好推薦大家去食呀👍🏻…Read More

聽朋友介紹過呢間Japanese Ramen Restaurant, 早排得閒就入左去試. 黎到呢間鋪緊係要叫最出名既豚骨湯拉麵啦, 因為好肚餓驚唔夠怕就另加左1份pan-fried dumplings.拉麵麵質非常爽口, 湯底清淡唔會太油, 同味精湯底差好遠, 雖然唔係太濃味, 但絕對食得出係冇落味精.pan-fried dumplings 好脆口, 味道唔錯.值得推介比咁 多位…Read More

其實一早聽過呢間拉麵店，返工附近都有一間，但慳妹lunch好少食超過$50😅所以一直無試。今日放假去黃埔睇戲前醫醫肚先，男友話食別天神先發現原來food court 入面有一間😳店內只有兩種拉麵選擇，就係豚骨湯底同味噌蝦湯底。我地一人食一款😁首先我食呢款豚骨湯底，有紫菜、叉燒、溏心蛋同木耳絲，我係走左蔥既⋯另加左辣芽菜。奶白色湯底，賣相望落就己經吸引～食拉麵當然第一時間試下個湯底先，豚骨味濃郁，齒頰留香👍🏻👍🏻而且無多餘油份拉麵係幼麵，軟硬程度適中爽口，有點掛湯..溏心蛋流心程度剛好，唔會太咸～叉燒食得出少少甜味，有腌過的，肉質鬆化，算係不錯👌🏻配料辣芽菜，如愛辣人士要加，腌得好好味，mix 埋一齊perfect !男友選擇味噌蝦拉麵，見到好多蝦仔，呢款仲有粟米，呢個湯底蝦味鮮甜，相比下係比較惹味既選擇😮呢度仲有埋提示教你點加調味料會好食d,幾貼心👀跟餐有4隻煎餃子，無咩特別既煎餃係煎得幾靚姐😂😂另一跟餐小食係呢個小龍蝦蟹子沙律開頭以為呢pat咩黎，食左一啖又幾得意，入面仲有蝦肉加埋蟹子卜卜聲，味道幾開胃，比到驚喜我🤤…Read More

湯底似即食麵味精湯底，完全冇油，冇味，得個鹹字。配料欠缺，只有葱(如果你冇走葱)同木耳，正常拉麵冇理由咁少配料種類。麵冇口感，啲叉燒甜甜哋(鍾唔鍾意，見仁見智啦，我就普通嘞)，偏乾，唔夠肥美。隻糖心蛋又係好鹹，好似食緊鹹蛋咁。雖然鹹蛋鹹好多，但係未食過拉麵隻蛋係咁鹹，隻蛋亦都唔算太香，蛋味偏淡，而且蛋亦都太熟，接近全熟，冇哂糖心。簡單啲講，80蚊食個衰過即食麵嘅拉麵，出面同等價錢好嘅拉麵食過佢好多，未食過咁難食嘅拉麵，去超級市場是但買個即食麵都冇咁嬲…Read More

今日咁岩去黃埔行街又經過呢間拉麵，好回味佢既芽菜，決定又食多次同上次一樣，我地2個人叫左2款拉麵，分別係原味既豚骨湯底同櫻花蝦味噌湯，加套餐配左煎餃子同小龍蝦沙律。拉麵同上次一樣，比完錢之後員工會比個牌你，拉麵即叫即整既，整好左之後個牌會閃爍提示你可以去拎，十足日本既food court小食黎講最鐘意就係佢既小龍蝦沙律，沙律酸酸甜甜好開胃，入面撈左完粒既小龍蝦肉，唔會食到好虛無咁，包住紫菜食又得，就咁食又得，食完開胃哂再食拉麵就岩哂。餃子正常，煎得好香脆，點埋醬汁食酸酸地好開胃豚骨湯骨膠原好厚，飲落去圍繞口腔不散，麵條比上次硬左，可能我鐘意食硬啲，覺得比上次好食。溏心蛋夠溏心夠入味，叉燒肥瘦勻稱，但得2塊唔夠喉！櫻花蝦湯加入左好多蝦，十分足料，味道偏重口味，每口都食到好濃既蝦味，記得要加啲辣芽菜食，芽菜撈落湯之後將湯底變得香辣，爽脆既芽菜夾住麵條食，一爽一淋，好夾。…Read More

自從黃埔有了地鐵就好方便了，今晚約左係黃埔住的朋友一起去AEON 逛逛，逛到差不多食晚餐時間便看看有什麼好吃，AEON的超市都有很多款式的小店吃東西，最後揀了吃拉麵。看看餐牌有兩款拉麵和小食，我們點了兩個套餐，由可以試到兩款拉麵和小食，一齊開心share。在旁有一個提示牌說明怎樣加調味料方法自行調教。蝦味噌套餐 $115蝦味噌豚骨湯麵配煎餃子蝦味噌豚骨湯加上櫻花蝦干，流心蛋，豚肉，粟米和蔥花。先飲了一啖湯湯底味道很濃郁，陣陣櫻花蝦干的香味，兩片豚肉厚度適中，又軟又淋好有咬口，流心蛋流出蛋黃來好滑。套餐煎餃子有4隻，餃子用機器煎，所以煎得均衡乾身，肉汁豐富爽口。別天神套餐 $105豚骨湯麵配小龍蝦蟹子沙律湯底豚骨味很鮮甜，清清地唔錯，麵底夠幼滑，同樣都有流心蛋，豚肉，蔥花和木耳絲這些配料。小龍蝦和蟹子味道很夾，還有六片紫菜可以包住一起食。估不到這個拉麵味道真的不錯，價錢都合理，快食完之後我們継續逛逛買東西了。…Read More

個fd住黃埔，未有地鐵前真係懶得入去搵佢食飯而家有 終於可以入去行翻轉大家行aeon行到攰攰地就去左food court食野試左間拉麵 都好抵食下呢度唔使畫紙 直接去買飛落單就ok1)蝦味噌拉麵套餐 $115揀左餃子 有四隻都好夠食蝦味噌湯底有好多蝦米仔 咸咸香香 隻溏心蛋熟度岩岩好 2)別天神拉麵套餐 $105揀左龍蝦沙律 仲有幾塊紫菜 夾住嚟食好正丫 夠哂開胃豚骨湯底無味噌果個甘咸 肉味重啲 食落有少少黏口 個fd話呢間拉麵仲有兩間分店 下次就腳可以再食…Read More

唔明點解上面啲人話好食, 如果價錢係$40, 都免強讚下佢平, 叉燒拉麵加龍蝦沙律要$105, 冇野飲, 舊叉燒重鞋過煲湯豬肉, 去一蘭或豚王, 好食十倍, 唔只哂錢, 重哂埋個胃去消化佢…Read More

今日專程去黃埔和好友尋找雙子星，加上這次是雙子星和珍貴時刻cross over，我都好想來影相。我們差不多2時才到黃埔，由於都已餓了，便想吃了東西才去影相，這裡變了非常多，多了很多商場，所以食肆亦很多，正在尋找想吃的東西之時，我看到了之前在尖沙咀食過的這家拉麵店，便跟友人說我想吃這間拉麵店，朋友都想試試看。同樣只有一個餐牌，只有拉麵可以選擇，兩種湯底 - 豚骨湯 和 蝦味噌豚骨湯。吧枱上有教食客如何調校濃味/辛辣味湯底，架上放了蒜蓉、芝麻、七味粉、紅薑和拉麵胡椒我們各點了兩個拉麵和一款小食。一、小食 - 小龍蝦蟹籽沙律上次都吃過，覺得很好吃，用紫菜包著來吃，吃到龍蝦肉和蟹籽，很鮮甜!二、櫻花蝦味噌拉麵上枱時已聞到香香的蝦味，先喝一口湯，真的很美味，很多櫻花蝦在上面，有2片豚肉，挺厚身又軟腍，只有半粒流心蛋，又一次以為熟了的蛋黃側一側已流出蛋黃來，很滑。我還加了蒜蓉、芝麻和七味粉，但這裡無辣芽菜放出來，不知是否要問店長取呢? 我都不理了，反正都已很好吃，但仍很渴望吃那個辣芽菜。朋友吃豚骨湯拉麵，我之前是吃這個，所以相信這個一樣非常好吃，而朋友都吃光光，湯都喝了不少!迢裡是很自助形式的，吃完東西要自己放回餐盤收集處。這裡很多餐廳選擇，但這裡亦不乏食客，大概是真材實料的吸引吧!…Read More

唔好以為超市入面既食肆水準一般，今次去到黃埔aeon入面呢間拉麵鋪水準都幾高拉面店用吧枱形式營業，廚房為半開放式，食客可坐係櫈到望住廚師煮面，十足現代版既日式拉麵店。呢間黎自博多的拉麵店內主要供應兩款拉麵，分別係豚骨湯拉麵及蝦味噌豚骨拉麵而佢地既湯底係標榜不加味精的既然黎到緊係要食哂兩款店內有套餐可選，即其中一款拉麵配小龍蝦蟹子沙律或餃子。原味既豚骨湯顏色乳白，豬骨湯好濃厚，一飲落去湯既骨膠原即刻痴住係口腔入面，一碗麵有兩塊叉燒，叉燒有小小厚切，食落口唔會入口即溶，但豬肉質算淋，加10$就可以配埋溏心蛋，蛋流心度夠，亦夠入味，呢間拉麵店的拉麵係用細麵，即使麵條幻，但湯汁亦濃到掛到湯。小龍蝦沙律可以就咁食或包住紫菜食，我就喜歡後者，包紫菜食脆卜卜，沙律入面食到原粒既小蝦肉，酸酸地十分開胃鐘意重口味既朋友一定要試蝦味噌豚骨湯底蝦味噌湯底濃郁，啖啖都是蝦既鮮味，出面好少見到，比較特別。提一提大家，呢個蝦湯底係限定既，餃子係菜肉餡，店主煎得十分香脆，點埋醬汁食，一口一隻！覺得唔夠味仲有蒜泥及秘製超辣芽菜可以加，聽講係黃埔店獨有。 個人推介超辣芽菜，又爽口又香辣，加落湯底一齊食將成碗麵昇華，刺激味蕾。…Read More

叫set會飽到撐，但好值得叫。飲品呢，附近有水吧可以免費攞水。第一次見到咁多木耳拉麵，份量真係好唔錯。豬骨湯底好濃郁好香。塘心蛋好滑啊。肉量好多好驚喜。菜餃好香👍🏻…Read More

今日陪屋企人行完Aeon就去左呢度既food court食lunch，最後揀左呢間食拉麵。店鋪座位都用左拉麵店一貫設計，可以見到師傅為你即席烹調。而且都放左拉麵店有既調味料。七味粉，蒜蓉，芝麻，酸蘿蔔同拉麵胡椒粉，可以自己按需要調味。店內只有2款拉麵，可以揀跟餐/單點。我地每款拉麵都叫左一個餐。跟餐小食都有2款，我地都係各一。其中一個係煎韮菜餃子，煎得好香脆。個皮好薄，入面包住好多好多韮菜，加埋酸酸的醋汁，開胃。另一個小食係小龍蝦蟹子沙律。用紫菜包住沙律黎食，味道清新。而且都真係有一粒粒爽口小龍蝦肉，相當有驚喜。至於拉麵，先黎一個豚骨湯麵。拉麵最緊要就係湯底，豚骨湯好濃，又唔會好鹹。木耳絲都好爽口，塊豚肉好厚身但又唔會鞋口。另一款拉麵係期間限定既蝦味噌湯麵。味噌湯入面有多櫻花蝦乾，都幾濃蝦味，個人幾中意。但如果唔太愛海鮮味既人可能會覺得有少少腥。而2碗麵最值得一讚嘅係隻糖心蛋，蛋黃好香濃，半生熟。蛋白都好嫩滑，又夠入味。總括黎講，個餐係有少少貴，但味道唔錯，鍾意食蛋嘅朋友記得要在再加多一隻糖心蛋！…Read More