南龍粥店 (Moved) New Location

幾日前睇咗某報章媒體嘅介紹，今朝就帶咗阿朋友嚟呢度食糭應節。之不過，未食就已經出事，仲要完全中晒伏嗰隻！1. 柯打咗一隻綠豆糭，送來嘅竟係紅豆糭，我哋同阿姐講，佢夾硬迫我哋要，我當然唔肯妥協，最後搞咗幾分鐘佢先無奈嘅同我哋換番。2. 綠豆咸肉糭及花生咸肉糉內一嚿肉仔都無，搵到嘅只係大大嚿嘅肥豬油！明白最近無活豬供應，又唔想賣到啲糭咁貴，呢個我哋了解，但其實係咪可以用雪藏豬肉嚟代替呢？3. 完全飲得出個豆漿溝咗好多水嚟稀釋，食肆生意唔係咁樣做㗎。4. 太子同旺角有好多粥店，𥚃面所賣嘅糭比呢間更勝一籌。究竟某報章媒體撰文的朋友，有否真正品嚐過呢度出售嘅糭呢？呢點好值得商榷！有相為證，無得抵賴！

處於長期糧尾嘅我，今日獨自一人出黎搵食，霖黎霖去都唔知食咩好🤔甘啱經過南龍粥店，而且呢度平時都有幫襯，又唔係太貴，決定再幫襯多次！平時係呢度就食開粥同炒米粉多，因為夠曬大碗，料又多，不得不讚炒米粉超抵食，十一二蚊一大碟，飽到嘔🤢而我今日就揀左湯飯試下，38蚊三餸一菜，我就揀左兩餸兩菜，豬肚豬潤西洋菜同白菜。哇！！！啲餸多到嚇親我😱大大碗，就快滿瀉甘，味道方面算正常，唔會話好好食，又唔會話難食，不過就志在平同抵食😊

近期唔舒服，唯有食粥囉.係旺角睇完戲，記憶中最近嘅粥店係南龍，所以再黎幫襯.上次黎無食碎牛粥，今次再黎試試，睇吓牛肉足唔足料先，但我都未講完食咩，個阿姐已經走開！阿姐！我未講完架！今次點咗個牛肉粥多蔥，蝦米腸同炒麵.牛肉粥：好明顯無多蔥啦！牛肉份量都叫足料，粥唔會太咸，係最滿意一環.蝦米腸：一睇就知唔係即叫即蒸，係預制組件啦，都算，最大問題係入口有一股怪味，當然，加咗甜醬花生醬就冚哂味囉.炒麵：凍，問題同上次一樣，唔熱.一路食，一路見D姐姐對客人都唔係好有禮貌，都係少D黎幫襯！

我叫左碟油菜$21，佢就比左湯菜，都吾緊要。但點解仲要成碗湯菜都有蟲，勁多個隻， 根本啲菜洗都冇洗過。叫左齋腸$13我打開自已落返d 醬汁，個阿姐行過黎叫我：「 唔好阻住曬啦， 快手啲」仲推我隻手，我火都黎。 唔使指意我再叫呢一間外賣 我病我都唔會食你呢一間d粥，垃圾不如， 野食已經唔掂。啲人嘅質素仲差！呢一餐我食左幾囗全部掉了。祝你哋早啲執笠！

夜晚十點鐘係百老匯睇完戲，想食d野但又唔係好肚餓喎，唔想食太多飽，醒起花園街有間粥店，打算食條粉腸就算，去到先知間粥店，無咗！再行前少少，見到南龍，印象中舊果間唔係叫南龍，但門口又擺放咗好鬼死大隻嘅粿蒸糉喎！舊果間粥店又係咁款喎，係咪同一間黎架？搬咗鋪？原本只想叫炸腸，牛肉腸同炒麵，口多多，叫多咗個咸肉糉。咸肉糉我中意落豉油，覺得落沙糖係細路仔食法，咸肉糉內有咸蛋黃同肥豬肉一件，無驚喜正常嘅。炒麵唔夠熱，而且咸咗d.油份過多。炸腸內嘅油炸鬼，唔夠脆冧哂咯.....最滿意係牛腸，牛肉無偷工減料，即叫即蒸夠熱，外層粉腸夠滑，掂！下次黎會點免治牛肉粥，睇吓又有無偷工減料，依家係香港食免治牛肉粥，牛肉少得可憐呀！

炸兩的油炸鬼係淋加趙唔開，唔知隔左幾多晚。豬紅粥鹹到死店員用腳好似踢世界盃咁將一個膠桶(裝住D白粥粥底)喺後欄踢出店面衛生很差，不停有好多烏蠅嬲食物。檯面地下都極污糟。點解衛生幫唔落叉廚!?

食過兩次,因為我趕時間,為左可以食快少少,就泥左依間粥店度食左兩次。第一次都覺得都唔係咁好食,但係係旺角食野周圍都要排隊,等野食又耐,所以再食多次,叫左碗牛肉粥同炸兩。 係我未泥碗粥前,已經分別有兩個客人投訴d果蒸種同碗豬血粥好難食,佢地食左幾啖就走左,個店員呀姐唔單只唔聽客人意見,而且態度差劣反話客人唔識貨,係垃圾之類。跟住到我碗牛肉同炸兩泥到,碟炸兩一食落口已經feel到d野凍哂,d油炸鬼食落口毫無彈性,好似由朝到晚擺左好耐再攞番出泥賣咁。總之好難食,之後再食碗牛肉粥,初時都無咩野, 但食到一半就發現有隻蒼蠅係碗粥度,跟著我同呀姐講, 佢話係我食到一半隻蒼蠅飛落碗粥度,我心裏極之無奈,最後我好後悔無影到碗粥既相比大家睇,好嬲咁走左。總之,依間野我搵唔到會再食既理由。 無論出品,人情味,服務態度無一樣野係合格既。 勸勸大家,食依間野之前真係要三思,已有好多人中左招,真係唔明依間野點解會仲可以生存到!

晚上外賣了一碗生滾魚片粥（$22）。因為是生滾粥，大約5分鐘就可取。魚片切的挺幼細的，一片片的，粥是有味的粥底，一碗份量剛剛好！他家還供應各式湯飯、湯麵、盅頭飯及點心，喜歡中式餐飲，或者晚上想宵夜的朋友都可以來試一下。

我同細佬入去食粥，坐低咗，細佬點咗一個粥一個米粉，我冇點嘢食（店舖係冇註明有最低消費嘅）。我哋一邊食一邊傾偈，都未食完，個待應已經喺隔離嗌「你嗰份$32啊！」，仲講咗起碼三次，好似催我哋走咁！等到我細佬食完，個待應拎住個地拖又行埋嚟，同我講「小姐，你出去先等啦」，咁我都冇咩所謂嘅，反正我哋都著緊外套準備走，咁我就行出去先啦，點知我一轉身，都未踏出第一步，就聽到個待應話「阻住晒」，呢種服務態度，冇下次！

清下腸胃 呢排腸胃麻麻地🤭唔係既話我死都唔食粥😂是但入左間粥鋪 大食仔👦🏻點左滑牛粥 炒米 叉燒腸 我👸🏼點左皮蛋碎牛粥🍲腸粉都幾難食下 個皮厚到🙊炒米都麻麻 粥就還好👾

我諗幫襯呢間粥店既人除左食佢人情味之外，應該冇其他野食。話說我幫襯佢既時間係夜晚十點半。當日點左皮蛋瘦肉粥，齋腸同叉燒腸。粥底雖綿，但勁多味精。個粥唔係即滾，係先落料，後加個米皇嗰種，完全冇皮蛋瘦肉粥應有既味道。個粥都算，齋腸同叉燒腸一夾就散，都唔知發生咩事。個人認為係佢個米漿做得唔好。仲有腸粉唔係即整，係預先整定。但係就算唔係新鮮整，有咩理由一夾就散先得架？整體上，幫襯呢間粥店係貼錢買難受，可一不可再，差到離晒普。

態度極之差，點都唔會再幫襯，食左都背脊骨落，一間食店態度都好重要，食到咁唔開心，龍肉都冇味啦！！！睇佢地處理食物既手法又唔乾淨，味道好一般，連鎖粥店都好味過佢多多聲！！剛剛仲目擊有個女人買外賣，人地未拿穩就放手，跌左都唔緊要，最賤係鬧到個客狗血淋頭，我都未見過服務業態度咁差，我同朋友見到個情境都已經食唔落去！其他客人都睇到口呆目定，唔明白佢地點做生意，罵人爲樂，我絕對絕對唔會再食，我寧願食集團式經營都好過食佢，不知所謂！

今日行經呢間粥店,見到鋪面幾整齊清潔,自己個肚又有少少肚餓,就入去試吓佢啦。坐低望吓餐牌有乜野好食,佢地有湯飯、蒸飯及粥品、油器及餃子等,個粥品種類算幾多及有新穎配搭,我就鐘情舊式粥品多d,所以叫咗個及第粥同炸两。及第粥材料夠足料,有豬肚、豬腰、豬膶、豬心及豬腸各兩舊,全部都好鲜味,正!,如果加返肉丸咁就完美嘞。可惜個炸两就差少少,條炸面以為會有少少脆口,点知口感似食牛脷酥咁,成碟嘢冇乜温度,如果炸两個腸粉皮佢地可以做到即叫即捲就會完美d。

我點的是鯪魚球生菜粥、椰菜炒米粉、炸兩，有圖有真相！本人很反感「膠水粥」粥底，反正上網搜一下「膠水粥」就知道什麼一回事，而且粥底更加是沒味道的，沒有家裡煲的香味和甜味(注：真的只是白粥，沒加瑤柱之類的)，鯪魚肉偏硬，可整碗粥的味道就靠這鯪魚肉了；椰菜炒米粉沒多少椰菜，鹽都沒下，又是無味的一款食物，也沒有「炒」過的痕跡，更似涼伴；不知造好了多久的炸兩，油炸鬼(油條)已經軟趴趴的，唯一慶幸是軟了也不韌。。。三款粥店的標準食物，價錢也不算貴，本來還算「抵食」，可惜實在不合我口味。。。

The 油條 (long chinese donut) are delicious, especially when made fresh. You can see the guy frying it from the window so if you can time when you buy, get it fresh! The rest of the fried dough pastries are good but not amazing, comparable to stuff you can get anywhere. I ordered the beef congee and unfortunately, the congee is quite bland. It tastes like it was cooked with only water and no chicken broth/bullions were added. I had to add a fair amount of soy sauce to make it taste like anything.