NAM VIET NAM CAFÉ

今日收工約咗朋友去旺角試咗間好多人推介嘅越南菜館，果然無令人失望！真心好食，樣樣都唔錯，值得再encore～頭盤叫咗「惹火上身鹹檸豬頸肉」，個名已經贏咗😂 豬頸肉烤得香口又juicy，加咗鹹檸檬汁好開胃，微微辣好過癮！跟住試咗「越式咖哩牛肋條配蒜茸法包」，咖哩香濃唔膩，牛肋條炆得軟腍，點蒜茸包食真係無得頂～「南越蟹肉絲網卷」同炸豬肉春卷,扎肉撈檬,炸得脆卜卜，餡料足又唔油膩。個人最鍾意「扎肉捞檬」，酸甜汁撈埋扎肉同檬粉，清新又夠味，夏天食一流！另外「無骨鳳爪沙律」爽口酸辣，好醒胃飲品方面叫咗Citrus Blossom同斑蘭龍眼茶，兩杯都清新解渴，尤其斑蘭味好香，唔會太甜。服務態度都好好，員工有禮又細心。整體來講性價比高，一定會再嚟試其他菜式！…Read More

餐廳的裝修越式風味甚重，還很有現代感元素加進入來，食物風格也是十分大膽創新！南越金絲網蝦春卷炸得很香脆，一點也不油膩，內裡都釀得滿滿的蝦肉，沾上甜酸醬同吃甚好吃！扎肉心內美米纸卷內裡包上了紅蘿蔔絲、青瓜絲、漬物、豆苗及札肉，沾上花生醬吃，味道酸甜又有花生香！脆米紙薄餅的薄餅底用上了炸米餅作代替，口感香脆而不膩，加上了甜酸的沙律醬，紅蘿蔔、青瓜絲及臘腸，質感清爽輕盈又開胃！NVN 咖啡骨又時很特別，豬軟骨上放了棉花糖，把咖啡淋到棉花糖上溶掉到骨裡，香而甜美更可口！嫲嫲南越湯金邊粒內裡有牛肉和牛丸，牛肉剛好是粉紅肉，肉質冧軟；金邊粉亦彈牙好吃！南越滴漏咖啡非常香濃，看著咖啡滴出來後，再自己倒到冰塊中，好玩又好喝！柑桔檸檬綠茶，超好喝，檸檬及柑桔味也濃，綠茶味會在喝後再慢慢揮發出來！…Read More

餐廳食物質素還好 但份量偏少服務態度欠佳，當時大約星期日0600pm 去到餐廳，明明餐廳勁多空枱，但係俾嘅枱都係要貼住其他人，兩張枱超貼，勁唔好坐，如果你有多個書包，連放嘢嘅位都冇，雖然店員話可以放係梳發後面嘅露台，但嗰到全部都放哂盆栽，根本放唔到。第二，雖然上菜速度快，但張枱好細，基本上好似趕住你係咁食；而且仲有店員將其中一個餸，送錯去隔離枱，嗰餸已經送到去其他客大約超過5分鐘，而且嗰個客都已經打開過，店員經過一陣嘅爭論先發現有問題，再送番去我張枱，有向店員表示人哋開過，想換新嘅佢淨係話人哋冇食過，咁樣嘅處理手法非常差，不會再去。…Read More

呢間越南餐廳喺旺角，裝修幾靚，坐得舒服，食物仲好有驚喜！ 越式脆球餅：脆卜卜嘅外皮，入面餡料豐富，口感好正，小食必叫！ 扎肉米紙卷：爽口彈牙嘅扎肉配新鮮蔬菜，米紙卷皮煙韌！ 秘製雞翼：炸到金黃脆皮，咬落去好香，正鹹檸豬頸肉：豬頸肉燒得香口，肉質爽嫩，加埋鹹檸檬嘅酸香，好惹味，送飯一流！ 越式咖喱牛肋條：咖喱香濃帶椰奶香，牛肋條炆到超淋，撈飯食簡直無敵！ 玫瑰花茶 & 龍眼茶：玫瑰花茶清香解膩，推介。龍眼茶甜度剛好整體嚟講，呢度嘅越南菜好正宗，價錢合理，一定會再嚟幫襯！…Read More

已經是第4次幫襯南越南，在旺角算是我心目中頭幾位的餐廳。首先價格合理，其次食材質素及味道符合期望，菜式較為特別﹔有自創的咖啡骨。再者餐廳的舒適度亦不錯﹔座位不會迫夾，裝潢算有特色，環境乾淨企理。最後職員的態度也不錯，要求的都能滿足。餐牌內選擇較少是尚欠理想的部份。…Read More

相約舊同事食飯，去咗旺角樓上呢間南越Fusion菜Cafe－NAM VIET NAM CAFÉ，好有驚喜！NAM VIET NAM CAFÉ主要供應南越特色嘅街頭美食，出面比較少食到。環境都好啱傾計，樓底好高，裝潢走型格路線，擺放巨大熊公仔，更添玩味！脆米紙薄餅（ $58）用米紙做薄餅底，香脆可口，上面鋪滿紅蘿蔔及青瓜絲，清新開胃，而且加咗臘腸粒增添鹹香。呢道開胃菜好適合夏天食呢！NVN咖啡骨（$78）好吸睛嘅「咖啡」！咖啡杯上放咗一球大棉花糖，用咖啡壺倒入香濃嘅越南咖啡，棉花糖會慢慢溶化，形成集香濃與香甜於一身嘅醬汁，層次豐富！咖啡杯內裝有炆得軟腍入味嘅豬軟骨，食落帶淡淡咖啡香氣，份量都好多！越式咖喱軟殼蟹配蒜茸法包（ $108）軟殼蟹金黃香脆，蟹肉飽滿，食落啖啖肉。咖喱口感順滑，帶有香料嘅辛辣，調味好好，好惹味！推薦！最後點咗一杯蜜桃青蘋果花茶($30)解解膩。…Read More

今日同媽媽撐枱腳，我問佢有冇食開越南野，原來我同佢都只係停留係認識pho 嘅階段！今次終於可以試下唔同菜式！越式惹味粟米條果真好惹味，粟米條夠甜，上面有烤蒜，秘製準，酸酸，一定清哂！惹火上身鹹檸豬頸肉打卡最愛，唔會太濃味，點汁嘅檸味重！金邊粉好大一碗，兩個女仔食一碗都可以，湯頭重口味，越式味濃秘製烤萋葉雞翼好香口，外面好香脆，內面多汁！越式咖哩牛肋條配蒜茸法包小小spicy,法包好脆，牛肋條炆得好軟腍，好入味南越蛋咖啡第一次試，好特別，唔再只係識滴漏咖啡，蛋黃煉奶再燒焦，有d 似焦糖蛋係黑咖啡上面，我幾鐘意！…Read More

價錢適中菜式特別味道出眾好好食的旺角越南餐廳 ✅✅豬頸肉開餐之前，會有個點火儀式可以準備手機影靚相拍片✅✅紙薄餅卜卜脆的米紙夾住臘腸、青瓜🥒和紅蘿蔔🥕淋上沙律醬味道超多層次✅✅蟹肉醬配脆球餅蟹肉醬很足料配上脆球餅味道清新，層次豐富✅✅咖喱牛肋條配蒜蓉法包牛肋條炆得超入味超鬆軟蒜蓉法包點上咖喱汁，非常入味一試難忘❎❎咖啡骨應該口味不是人人都適合咖啡苦苦的感覺味道和排骨不太配合…Read More

平時都比較少食越南嘢.見到好多人介紹而且喺附近好近.所以同朋友決定晚餐過嚟試吓！食物：-脆米紙薄餅-南乳雞翼-鳳爪沙律-咖喱牛肋條配斑蘭椰香飯-香茅豬仔骨-斑蘭龍眼茶-柑桔檸檬綠茶第一次食米紙薄餅.係好脆既米紙係底.食既時候配埋紅蘿蔔青瓜仲有臘腸一齊食.口感好豐富好脆加埋個醬好惹味👍🏻雞翼好香口配上南乳醬好食.冇骨鳳爪酸酸辣辣配上沙律菜係好正既開胃前菜.豬仔骨烤到岩岩好.一咬就脫骨.牛肋條非常入味同食到好香咖哩味.配埋椰香飯.超級下飯🙌🏻飲品都吾會太甜好飲好解渴！整體方面：餐廳較大坐得好舒服.地點係top商場後面.過左天橋轉彎就到真係幾方便.下次要再去試多幾款唔同既野先☺️而田最近餐廳仲有印花卡活動.基本食一次下次就可以減錢/送小食啦🙌🏻正…Read More

今日Lunch去左食越南的餐廳，好Full House
Staff又nice，可encore1️⃣ 秘製烤萋葉雞翼（4隻）新menu一定要試下
雞翼外焦內嫩，包裹著香氣四溢的萋葉，味道獨特2️⃣ 扎肉心內美米紙卷（5件）口感清新，餡料勁豐富，一口食唔哂3️⃣ 南越金絲網蝦春卷（4條）外皮酥脆，金絲網的造型獨特4️⃣ 惹火上身鹹檸豬頸肉Staff問要唔要影相，先知原來會著火! 除左豬頸肉，菠蘿都係重點，鮮甜多汁5️⃣ 越式發酵茶葉沙律沙律清新可口，份量勁多6️⃣  越式咖哩軟殼蟹配蒜茸法包（4件）軟殼蟹外酥內嫩，咖哩香氣濃郁，搭配蒜茸法包，更加豐富…Read More

約了友人旺角睇戲順便食Lunch，上網見到間特色餐廳，主打南越南風味的Fusion菜，好似幾正就試下，假日1點多去到冇乜人。餐廳以深綠色及木系為主調，綠色植物的布置感覺自然舒適，同時燈箱裝飾亦有時尚感，有天花板有隻大熊仔坐係，好可愛！餐牌，都係手機落單。茘枝雲朵咖啡，$38，賣相精緻，頂層有舊雲朵棉花糖及玫瑰花瓣作點綴，配上咖啡及荔枝的漸變色更美，有咖啡味同時有荔枝香氣，味道平均又清爽好適合夏日。南越蛋咖啡(熱)，$38，友人的。NVN 咖啡骨，$78。見個杯咁細預左份量少的打下卡系列，賣相特別，就咁睇以為係杯飲品，杯上有舊雲朵棉花糖，倒入咖啡，棉花糖即溶好治癒，排骨肉質鬆化，肉骨茶味濃郁，有淡淡的咖啡味及少許甜味，味道上都可以幾有特色。鹹檸豬頸肉撈檬，$72，夏日最好食撈檬，豬頸肉惹味，倒入碌冧(魚露酸甜汁)伴食，檬粉爽口，味道酸酸甜甜微微的鮮辣，清爽又開胃。越式咖哩牛肋條配斑蘭椰香飯，$88，咖哩質感唔算好稠身，味道偏向似叻吵帶有椰香味少許辣同時有種清香的味道，牛肋條軟腍，斑蘭椰香飯，好出的青綠色，食落有淡淡的斑蘭味，不俗。南越蟹肉醬配脆球餅，$68，賣相有特色，釀入蟹肉食，口感香脆，味道鮮味，有蘿蔔絲伴食增添清新。脆米紙薄餅，$58，米紙卷食得多，米紙薄餅就第一次見，用米紙造餅底，面層材料十足，有肉乾粒、青瓜絲、蘿蔔絲、脆脆及醬汁等，口感酥脆香口又清新。食物味道不俗價格中等。…Read More

又黎到726搵食～今次搵到黎1/F 食越南嘢～老老實實80% 差唔多full house 咁濟 巧多人 一定要book位一共叫咗2drinks + 4小食 + 2main 太多嘢想試哂真係 重點樣樣都唔算貴班蘭奶蓋Coffee – 打卡able + 好易入口唔飲咖啡嘅frd子try完都忍唔住飲2nd 啖自家製香茅green apple tea – 有d似竹蔗茅根 好fresh清熱 100分 仲要$25 only 用玻璃樽上夠哂有feel沙律酸酸地開吓胃先, 份量好大, 兩個人食極都有 好足料 OMG！小食當然唔小得叫雞翼啦～烤得好酥脆， 加埋靈魂醬汁，絕對係encore系列Pizza用脆米紙做, 有d 酸may may嘅sauce + 類似臘腸本身以為無咩味, 加埋d toppings 完全係有驚喜！真係第一次見有咖啡骨, 好奇心之下見$78就try try佢黎到又綿花糖又要倒coffee落去 又睇得又玩得又可以打卡 -0-食落真係初體驗, 首先會有coffee嘅苦澀味湧出 之後就有d酸酸甜甜嘅豬軟骨肉汁 啖啖肉絕對一定一定要試大胃王最後以撈檬同春卷結尾 😊價錢唔貴可以放題咁食真係好爽 試哂咁多樣 都唔肉痛餐廳位置方便 食物定位平 裝修唔錯 又坐得舒服 明白點解咁多人黎啦～～～～～…Read More

好耐冇來啦～發現menu換左 試下新嘢先😋 仲有得儲印花換小食 開心😃前菜🥗越式鳳爪沙律&米紙卷估唔到越式鳳爪可以咁fresh 米紙卷嘅醬汁都好清新秘制烤雞翼🐔個醬超特別啊 係其他地方未食過～同烤雞翼一齊食超好味香茅豬仔骨🐷豬仔骨食得多 烤得又入味 又咁方便食嘅真係第一次 唔洗用手套 因為豬仔骨一咬就脫骨 😄 調味仲好正越式咖哩軟殼蟹配蒜蓉法包🥖🦀️抵食又好食啊🤤 大大隻軟殼蟹 炸得香酥入味 香噴噴嘅蒜蓉包加上咖哩、蟹 好食😋嫲嫲南越湯🍜牛肉係剛剛熟嘅程度 所以非常新鮮 牛丸好彈牙 成個湯非常鮮美：）蜜桃青蘋果玫瑰花茶& Citrus Blossom好靚嘅兩杯飲品 一杯蜜桃香 一杯荔枝香😌位置仲咁闊落 同朋友一邊食飯一邊傾計好Chill～…Read More

今晚再訪這間在旺角中心對面、好評如潮的越南餐廳，吃了豐富的一餐☺️-扎肉心內美米紙卷（5件）清爽的米紙卷配上沙嗲醬醬汁，十分開胃🫰🏻😝-秘製烤萋葉雞翼（4隻）雞翼煎得香脆，配上帶點椰子味的微辣醬汁，超好味呢！🥰-南越蟹肉絲網卷（6條）絲網卷十分酥脆，蟹肉味香濃，夾在生菜中間吃去除油膩感，好正☺️-越式秘製香茅豬仔骨 $88豬仔骨肉質香嫩，配上酸甜秘製醬汁吃，推薦！-鹹檸豬頸肉撈檬 $72檬粉份量頗多，豬頸肉肥美，飽肚之選😋-柑桔檸檬綠茶 $25超好飲🫰🏻酸甜解渴-Citrus Blossom $52飲料上的泡泡超可愛🤣🤣西柚配上檸檬汁好清爽😋…Read More

餐廳很近地鐵站，B3出口走3分鐘路上天橋便到，裝修很有時代感，門口位置更有一隻大熊仔公仔，超可愛～越式無骨鳳爪沙律～鳳爪大隻無骨，沙律菜清爽，配上酸辣的醬汁非常開胃～南越金絲網蝦春卷～春卷非常香脆，內裡材料都是滿滿的，加上生菜包著吃，即是解膩，美味～秘製烤美葉雞翼～雞翼香脆有水份感，醬汁特別，有點像沙律醬那種～越式秘製香茅豬仔骨～豬仔骨的骨肉，咬時剛好能分離，熟度剛好，醬汁鹹鹹的，很惹味～越式咖哩軟殼蟹配斑蘭椰香飯～軟殼蟹炸得很香脆，咖哩汁亦相當惹味，配料也多；斑蘭椰香飯更是令人吃不停的，味道特濃，斑蘭椰香味超吸引～南越蛋朱古力～朱古力的味道很香濃，當朱古力喝到最底時，便可用匙羹吃蛋了，蛋亦燒至有焦味，很得意～斑蘭龍眼茶～很清爽，濃濃的龍眼味度，不太甜，好喝～…Read More