南記冰室

Open Now

Now Closed

因工作關係又太肚餓，昨晚在葵涌工廈區求其搵間茶餐廳食飯。環境: 5/5乾淨企理，相信開業不久。值得一贊係餐具兜的刀叉都好乾淨，本人十分滿意(對茶餐廳or冰室嘅唯一要求)。食物: 4/5我叫左蒜香椒鹽豬扒飯+凍檸茶。原諒我強差人意的拍攝技巧，但事實係個餐真係份量十足，老世做生意太老實啦。起碼有十件肉，個飯都好大碗，連女仔界算大食嘅我都食唔囇，建議女仔真係真係要叫少飯。而且我見隔離左右食客的食物都係好大份，真心抵食。至於味道也是不錯，起碼肉夠入味夠鑊氣，唔係一味靠落味精死咸個種，係工業區可以有甘嘅質素，不能要求更多了。夜晚時間都有7,8成滿，相信weekdays 日頭應該好多人幫襯。服務: 5/5幾個姐姐服務都抵贊，有禮貌。

原本想去隔離間Little Prince, 因為唔係度度有。 入去囡囡話早餐到11點完，我睇錶未夠搭1。Fine, 隔離就係南記，好型嘅皮褸老闆娘話 ：過左幾分鐘整埋被你啦😊😊😘。呢D咪開門做生意囉。地方都夠寬敞，KCC都算新場，所以都算新淨。餐廳乾淨好緊要，有D場連地下都油淋淋，好得人驚。叫左個份量應該細D 嘅30蚊早餐，A+B自由配搭。唔好意思，post出嚟食左少少米粉😬😬😬，其實好大碗，雪菜都算多。今日星期六，好多公司唔洗返工，個場唔爆好正常，所以可以憂閒D😁😁😁

星期日只有假日特餐，豬扒湯意粉，豬扒全浸湯，豬扒硬、凍及味道變酸。食到一半已唔想食，非常失望，我以後唔會再幫襯。完全無誠意，咁既餐要$57，我食到一半都唔想再食落去。

葵興食野真係冇咩好簡南記冰室車仔麵都係唔錯選擇佢有最低消費（最小38 唔計野飲）腩汁有小小八角同陳皮味湯底有得簡小辣 中辣 大辣今次我就冇簡辣以前食開米線今次就試左粗麵粗麵真係好粗食落勁硬 同埋係冇簡水味 麵條乾身 唔索湯下次都係簡番米線/湯河今次叫左3送牛腩係必叫（👍🏻👍🏻👍🏻👍🏻）蘿白都必叫（👍🏻👍🏻👍🏻👍🏻👍🏻）豬耳就普普通通牛腩份量多唔會淨係得2-3舊蘿白超淋又多汁 食落口超甜下次可以再試下其他送

具有懷舊香港地的冰室越開越多，這間餐廳的位置卻於繁華的商業區中，繁忙時間有不少附近寫字樓辦公室的人士光顧。名稱十分特別，南記冰室，它是跟香港仔南記粉麵同一飲食集團，故此知名度頗高。餐廳的內部裝飾以藍色為主調，牆壁上甚至近玻璃窗位置的沙發背面更印有餐廳的英文名稱。由正門進入已看到一座落地書櫃吸引客人，兩邊掛起油燈盒狀的古老街燈，令他們置身潛進清澈的海洋中不一樣的感覺。它的面積卻不算大，只是約100個座位，到了午飯時間更經常大排長龍。可知當中的特色菜跟其他附近餐廳差天共地，只是這一間才找到。是次精挑細選了一道差不多其他餐廳也無法找到的特色菜，咖哩局魚柳飯。整個局飯系列與眾不同之處是以可進食的麵包皮代替鐵器皿，用料十分環保，更不須把早餐經常切三文治的材料，造成不必要的浪費。本人點了一個，賣相非常吸引，它是用蒸熟了的飯加上其他配料及醬汁置於掏空了麵包皮中間部份再放進烤爐中加熱。加熱後依然保留其原有面貌及各種食材的柔韌度，把麵包皮的正面切開，攪拌後內面的材料瞬間「火山爆發」，化成一團岩漿流出來。每顆米飯也充滿香濃咖哩的味道，加上土豆及魚柳分明的肉質一起進口，才能嚐得到它的嚼勁。把食材吃過後，連麵

又係名叫南記嘅餐廳，上星期先食咗南記海鮮，呢次呢間係南記冰室。叫咗車仔麵食，最少要過$38 蚊嘢，即係起碼三餸再揀一個麵左右，佢將啲嘢食分咗類，唔同嘢配料收費唔同，我就叫咗腐皮蘿蔔牛腩河，又幾好食喎，個腐皮好厚，大家都以為係蛋lol 食落好有質感，鍾意食腐皮既人好似我，就會好開心，因為佢個腐皮夠厚，好重豆味，而且煮得好夠腍，唔會話某part 硬「掘掘」咁，另外個蘿蔔都好有驚喜，細細舊但比咗好多舊我，好入味，好腍，而且無喳，好高質！唯一無咁可取嘅係個牛腩，比較肥，同埋有啲根，有少少痴牙。係一間會想幫襯第二次嘅餐廳。

其實係間茶記 坐得舒服 卡位有軟墊阿姐好好禮貌咖哩牛腩飯好食 夠香夠多汁 牛腩都唔少滑蛋牛肉飯 都好多牛肉 飯同汁的比例啱啱好椒鹽豬扒 就較乾身 over cooked 左d以5、6拾蚊一個 晚市小菜 今時今日已經好難搵 而且味道不錯過開嚟 葵興嘅朋友 不妨一試