Roast Pot (Closed)

食物---食野最緊要安全, 所以叫d大路野一品鍋: 好足料, 眼見的, 有豬骨, 雞腳, 粉腸, 豬手(好多骨髎原), 咸菜, 粟米, 番茄…牛柳粒:係安格斯牛柳粒,入口即溶, 口感厚實,一D都唔"鞋", 鞋口即係虐待自己個口,佢唔鞋, 抵讚。肥牛好薄同埋新鮮！其實如果厚, 我不如食牛扒,使乜打邊爐..而薄,正正係要碌一碌即食得個陣效果, 所以, fit！美國大桶蠔: 好大隻, 唔錯~鈴: 好有豆香, 入口唔會成口油, 呢個真係抵讚！！服務方面好唔錯，佢地會自動波加水，食全餐都未試過乾塘, 全程夠水碌, 比起好多唔識自動波要人叫先醒水, 呢間真係典範又會幫你撇油！！！食牛一定好多油, 食到咁上下, 成個湯底都變左啡啡黑黑咁, 但呢一間野, 夠膽搵人來幫你撇油, 將d牛油撇走晒, 食慾都返晒來。 …Read More

同朋友一行十人去食打b爐，有幾個湯底都好特別，左簡右簡下最後簡左個以牛尾牛腩做的湯底，湯底唔錯，好濃味，食物就一般，同普通火鍋無分別，點知埋單要每人360，好貴的一餐打b爐！！！…Read More

本來打算去食拉面, 點知勁多人排隊, 就過左隔離間野打邊邊。坐左埋去, 選好食咩先發覺侍應d速度勁慢, 揮極手都無人睇到, 嬲嬲地打算走人先有人見到我點左個椰青雞同埋d牛肉海鮮。個椰青雞係倒d椰青汁入去保, 幾得意, 之後會放埋d鮮雞入去煮驚喜ge係係個湯底了, 原來保椰青汁都真係幾正, 加埋d雞肉真係幾match, 有雞湯ge味道又有椰青個種甜味, 以後可以係屋企試下用椰青保雞了LoL而且打邊鍋雖然有水, 但係都幾熱氣, 佢地用椰青做湯, 飲落去會涼涼地的, 夏天食呢個都應該可以接受其他食材例如海鮮同埋牛肉都係正常野啦, 如果鍾意食豬肉ge可以試下, 撈埋個湯都幾夾ge敗筆係食完d雞就開始無咩湯係個保度了, 叫伺應加湯佢地就加水...加左水之後個湯底就唔得了, 如果可以加返椰青汁就會好dd囉…Read More

It was a Sunday.  The 5 of us walked pass this place and we decided to give it a try.  It was around 8pm and there were plenty of free tables. This restaurant does only a la carte. Menu has both Chinese and English.We ordered a dual soup base. Better quality soup base with more soup ingredients were also avalible.  Tea, finger 'snacks' and the buffet assorted dipping sauce tray were extra.  As for food, we got a seafood plater, 2 kinds of beef (one thin cut and one in cubes), squid paste, assorted balls (not the factory produced bouncy ping pong ball ones), dual dumplings, hand made noodles, fried bean curd roll (响鈴), a few kinds of vegetables and a couple of cans of Cokes.Thin cut beef was yum but the cubes were a little tough. Squid paste and the assorted balls tasted very nice and last but not least, the seafood plater... definately exceeded out expection... the seafood were exceptionally fresh.  Some were still moving!  Service was ok. All in all, the food & experience were exceptional.…Read More

一行5個人, 加上涼涼地, 最好打邊爐~ 朋友之前食過依間覺得幾好食, 我就第一次黎, overall 都唔錯, 食物質素中上, 係每樣餸嗌既睇過食評大家推薦椰青雞煲, 咁特別梗係試一試。誠如大家所講, 侍應會係你面前開2個椰青再加少少水, 刮埋椰子肉做湯底, 滾起就加雞塊成為雞煲。食落去似食椰青燉雞, 好滋潤咁, 個湯都甜, 顛覆咗以往食雞煲既印象 (朋友入面有2個第一次食雞煲, 就以為平時雞煲都係咁哈哈哈) 但雞塊多肥膏, 肉就少 😞雞煲食定嗌咗其他餸, 特別既係牛肉拼盤, 有肥牛, 牛, 牛柳粒, 牛脷, 有牛既油香同牛味其他餸如餃子, 菜呀菇呀就不過不失啦餐廳地方大, 好坐, 有電視, 十幾個人黎都唔怕, 都可以坐好耐。價錢有少少偏貴, 多d人黎可以食多d, 除番開又抵d, 一大班人就最好~…Read More

Overall, 食物質素還可以的，服務時好時壞。主角系椰青雞煲，半只雞，2個椰青，waiter會倒d椰青水落煲，煲內有幾片藥材之類既野。等椰青水煲滾（個waiter一直唔記得幫我地開爐，搞到我地乾等左10分鐘），就可以落雞。雞件好似無醃過，但其實煲起之後，系有味的，好清甜！唔知有唔加糖咧？！其實煲野之後無論煮咩都帶清甜，所以呢個煲都系清淡，滋潤之選！肥牛，4寶丸，齋睇賣相都覺得ok，味道都唔錯。響鈴 - 呢度既響鈴好大個，有d難handle。因為4個女仔食，而且有個素食者，所以我地叫左好多菜。…Read More

重慶雞煲嘅熱潮依然有增無減，不過，次次都喺麻麻辣辣嘅雞煲，會唔會間唔中又多心想轉吓口味呢？其實，小弟都幾鍾意食重慶雞煲，不過，只限少辣程度，所以，無意中見到「南燒北鍋」嘅「椰青嘉美雞煲」，就好有想試嘅傻勁。「南燒北鍋」位處加拿芬廣場2樓，一出電梯見到人山人海，唔喺咁旺呀嘛！原來大部人都喺晌度等隔離鋪「茶木」嘅位，入到餐廳內，一樣唔少客，枱櫈拍得密麻麻，環境如一貫中式火鍋店格局，深啡木圓枱，嵌入式電磁爐，掛牆大電視（播緊無線師奶劇）……。「南燒北鍋」日頭賣點心，夜晚有做小炒，不過主打為火鍋，而火鍋依一瓣亦跟出面火鍋店無乜兩樣，全部散叫無任點任食。詳情唔嘥口水講，掃描咗佢張火鍋點菜紙俾有興趣嘅朋友參考。而今趟目標喺椰青嘉美雞煲，所以，點餐無乜懸念。雖然可以好似一般打鞭爐咁，點個椰青嘉美雞煲湯底，再加其他火鍋配料，但兩公婆淨喺個雞煲都飽咗大半啦，仲可以食到幾多嘢吖。故此，佢哋有個套餐，$148一位（二位起），已包埋$20位嘅醬料費，另外俾番前菜及加一。整個套餐（以兩位計）包括椰青嘉美雞煲湯底（半隻雞）、日本黑豚肉、三寶丸、響鈴、田園時蔬、自家鮮製手作麵、汽水 / 紅酒 / 特飲（兩杯）及特製甜點，個人覺得抵食划算。醬料前菜有一小兜醃蘿蔔，酸爽微辣，叫人食得甚開胃。而本身$20位嘅醬料費就只有柑桔、豉油、薑粒、辣椒、芫茜，選擇較少，做得比較hea。特飲一杯要酸梅湯，另一杯要柑桔蜜，好過成日飲汽水啦:)。另外，亦可以揀竹蔗水、柚子茶依幾類較健康嘢飲。椰青嘉美雞煲:):):)一嚟個鍋內已有蓮子、馬蹄及竹笙，以及兩個椰青及一支蒸餾水，見識少嘅小弟仲以為支蒸餾水喺俾我哋飲，原喺喺連埋啲椰青水加入煲內滾起，此外，侍應仲會幫你刮埋啲椰青肉入煲內一齊煮。之後，個湯滾起就加晒碟嘉美雞落去煮，店方仲俾個5分鐘嘅流斗時計，夠鐘表示雞熟啱啱好，收細火慢慢食。香港本地嘅嘉美雞嘅賣點喺低脂肪、含豐富骨膠原、無激素、更無添加，碟雞有晒成副雞肝雞腎，新鮮雞嘅證明，絕對喺健康之選:)！個湯溫而不燥，椰青味淡雅清甜，所以，未再入加上湯打邊爐之前，都先多飲幾碗。而雞件真喺煮得啱啱好，鮮味肉滑，椰青肉都喺第一次煮完先食，質感依然好滑好清，味道不俗。所以，最後鍋內嘅雞件、椰青，仲有蓮子、馬蹄、竹笙都被我哋一掃而空。日本黑豚肉:)咪睇佢好似好大碟，完全喺靠啲椰菜絲墊高晒，其實成碟黑豚只有4大片，幸而質素又真喺唔差，烚後雖然唔算好滑，但都可以叫做肥而不膩，又有點肉香，晌啲豉汁上加啲柑桔汁，再蘸黑豚肉食，感覺更唔同。田園時蔬:):)一整碟時蔬有小棠菜、紹菜、冬菇、本菇、金菇、藕片、粟米、芋絲，粟米超甜，可惜只得兩細件，而其他蔬菜都新鮮OK。三寶丸、響鈴、自家鮮製手作麵:)三寶丸中嘅豬肉丸較彈牙好食，而牛丸較實，龍蝦丸不嬲都喺得個名架啦！響鈴輕灼，半脆半腍，不過不失，而個自家鮮製手作麵好似得嗰少少，但煮起會有少少發漲，夠兩個人食，麵質煙韌，有啲似台灣嘅關廟麵。總之，食埋個麵就真喺飽到上心口。特製甜點:):)一般中菜或火鍋店話包甜品，唔喺紅豆沙，就喺西米露，不過，晌度所送嘅甜品勢估唔到喺隔離鋪「茶木」出品嘅雪糕厚多士。點解咁筍，因為南燒北鍋同茶木都同屬太興燒味囉，真喺意外驚喜，唔晒排餐懞都有茶木厚多士食。不過，份厚多士就做得hea啲，只喺加上一球糝滿椰絲嘅雲喱嗱雪糕，以及唧上朱古力漿，件多士微暖帶脆，所以跟雪糕未能做到好冰火嘅感覺，但整體都算唔錯。以兩個人計，食完個椰青嘉美雞煲都有半飽，加埋其餘幾碟配料一定好夠一般人食，如果3個女生嚟食都應該夠。萬一唔夠都唔緊要，可以額外追加其他火鍋配料，當然要另外逐樣計番錢啦！早段時間未喺好多人，環境都感覺闊落，及後客人多咗，就稍稀有啲密，而且十居其九都喺食火鍋，好彩冷氣夠，唔會太熱太焗促，招呼亦都好好，除咗幫我哋搞個湯底之外，更前後換咗3次碟，啲阿姐侍應又幾好傾幾好講，最後貼士都醒多佢哋少少。…Read More

朋友生日去食生日飯,嚟左呢間火鍋,我們七個人,一早訂左一個海鮮拼盤. 7點鐘唔係好多人,唔算好大間的舖,叫左一個鴛鴦湯底,沙嗲加皮蛋芫茜,我們叫左好多嘢食,海鮮拼盤賣相好靚呀,好吸引,入面有一隻蠬蝦,螺,鮑魚,蝦,蠔等等. 好新鮮,蠬蝦好爽口,幾多肉呀,好味呀,鮑魚有三四隻架,螺都有幾多隻,鮑魚OK喎,都鮮及爽口的,蝦都好鮮甜好好味,仲有蠔架,蠔都唔算細隻,都好鮮好肥美架.另外還叫左蝦滑,墨魚滑,雲吞,豬紅,肥牛,肥牛粒,白鱔片,冬菇,粟米,秀珍菇,羊肉片,黑栢葉,金菇,白蘿白片,魚皮鮫,響玲,油麥菜,豬頸肉肥牛好薄好好味,一放落湯度就差唔多熟啦,羊肉片都係,好薄,少少酥,好味呀,豬紅好大粒架,好味,好硬身的,好味道,黑栢葉好硬呀,雲吞都好足料,好香. 粟米好甜架,好好味.飲品叫左酸梅湯,可樂...我們一路傾計,一路食,食食下有人話一隻螺臭的,跟住俾左一個女仕應,佢攞走左,但冇講會點,換番定點,跟住問第二個,佢就過一陣問我地有冇人攞番一隻螺俾我地,我們等左好耐都冇,之後問部長定經理,佢就馬上話可以送番一籃菜俾我地, 我地揀左白菜, 好大棵的白菜呀.整體食物及服務都是滿意的.…Read More

上到去見到排隊排到樓梯口, 以為要等好耐, 點知所有人都係等隔離間台式Cafe, 唔係等打邊爐, 咁我地9點45分去到, 又見到出面寫住9時30分后78折, 咪入去試下囉, 點知入到去係冇乜客既, 吉咗3分2枱, 但竟然係都冇乜冷氣, 唔緊要啦, 叫野食先首先講湯底, 擇咗皮蛋芫茜, 湯底算係好少料, 芫茜及豆腐唔新鮮, 芫茜食落苦過苦瓜, 重要成煲湯係冇味架, 真係一D味都冇, 覺得似清水咁, 跟住餃子拼盆, 收88蚊, 但唔覺特別, 似超市買返黎的魚皮餃4只, 雲吞2只, 白菜餃4只及水餃2只, 除咗魚皮餃, 睇得出黎其他係佢地自己包的, 因為其他餃重細隻過隻魚皮餃, 毎只重要收10蚊, 而且賣相好一般魚片頭好硬, 個色都好似病病地, 第一次食到冇味的魚片頭, 重差過粉面舖食既, 最差的要講係$168桶蠔, 如相中所見, 共得4只, 2只大到得人驚, 唔知點入桶, 2只細到好似人地賣流浮山珍珠蠔的size, 有冇搞錯呀, 發水發到咁, 唔正常囉, 食過都知桶檺唔係咁架下話, 重話海鮮係主打, 咁样都出得黎俾人食架咩, 重要有沙添!!!埋單的時候重要冇78折的discount, 阿姐話俾咗, 但張單都寫正價, 唔知佢地點計, 問佢又冇解釋, 重係咁催我地埋單找數, 算啦, 隔離枱都係咁, 唔夠佢大聲架啦, 但真係估唔到今時今日重有D咁的舖頭, 唔清唔楚咁收人錢, 一定冇下次!!!…Read More

service is ok椰青嘉美鮮雞煲湯好甜quite unique!!!牛胸爽好肥唔好食but, quite 彈牙响鈴麻麻...羊肉ok豬下青無咩特別XX菇quite nice雞好滑芥菜膽quite nice and fresh!!!鵝腸好肥太肥墨魚滑正正正好咬口入面有墨魚…Read More

同Friend本來打算去隔離間台式Cafe食飯既，但一黎因為太多人二黎見到d相幾吸引，所以後來臨時決定黎呢間 南燒北鍋 食。入面其實都幾中式酒樓Feel，不過就乾淨企理d。等到肚餓所以咩都唔理叫左佢地宣傳緊既椰青雞煲，佢地d員工會係你面前倒2個椰青同1支水，然後就落雞同一d配料。員工教滾左之後焗5分鐘就啱啱好，搞到我地4個突然之間又真係好期待打開蓋果陣椰子味好出，真係好香趁仲未落肥牛之前飲左湯先，個湯就椰子+雞味，個雞味仲比我想像中出，唔係講笑好耐無食過有雞味既雞啦另外個員工都有同我地講點用d調味料，有薑，辣椒，青桔仔(我初頭仲以為係青檸)同豉油，呢個組合真係第一次見。反正係免費咁咪試下，無諗到雞肉同酸酸咪咪既青桔同豉油好夾，因為用椰青煮係好香，但加埋青桔同豉油先係真係好食朋友仔食得辣，話加埋薑同辣椒都好食。然後加湯，食埋套餐上面既其他野食。個豬肉最好食，唔係好肥又有少少油脂香。響鈴夠脆，唔錯:)另外再加左兩碟肥牛，牛肉味都幾重，不過比起豬肉，牛肉就同個湯底無咁夾最後個甜品係雪糕多士，其實都幾得意既，兩樣野一個凍一個微暖，一個Creamy一個脆口，夾埋咪有唔同衝擊其實又唔難整，自己係屋企整都得。不過睇在唔係例牌咩咩糕(食放題次次見到都寧願唔食)而且幾好食，為成餐同呢間酒樓加左唔少分…Read More

之前去過南燒北鍋午餐，ok喎！可以用平靚正去形容！今晚試下飯又何…嘩嘩嘩..人頭湧湧，原來係隔離關嘢，但係就不是我們今晚主題。六點半，好多檯。睇完餐牌，柯打咗幾個小菜，而家就評下啦：必食招牌鐵板叉燒，上檯時熱辣辣，再淋醬汁，似食鐵板牛扒啊。叉燒味十足，入口軟林不un！但有少少底部比鐵板高溫烤得燶了些，倒扣分！深海龍躉的肉質口感也不錯，就配上的西蘭花幾爽口喎！一口牛柳肉鬆軟，好味！當然部份都帶有少少黐住d根嘅,而且過有些「那過」的感覺，扣分!紅燒豆腐就是較為普通咗啲。最後兩個甜品就有新意。啫哩椰汁膏，色彩斑斕；而涼瓜布丁，食個陣時加上蜜糖，好似食龜苓膏咁呢！整體唔錯，下次再幫襯:)…Read More

想起快夏天，趁還算稍稍有一點涼意，去打個邊爐如果鍾意食海鮮既，堅係唔錯啲海鮮全部都幾新鮮，又大隻。美中不足係東風螺，有啲沙，我仲比沙銀到牙...後尾，有個朋友話join我們加左個肉拼盤ummm... 無咩特別話好食佢啲豚肉我直情覺得唔好食:(:(我怕食肥豬肉講講湯底，叫左麻辣湯底。不過，我覺得佢個湯底麻同辣都唔夠...呢個時間食就覺得唔夠，唔好話涼啲既時候了:(如果嗜辣，真係會令你失望的成餐飯，最正係海鮮拼盤鍾意食海鮮，可以一試~…Read More

Actually it wasn’t a very cold evening, but it did not change my love for hotpot:)That’s why we went to here for my pre-birthday dinner.We booked a table in advance but we found out that the restaurant wasn’t really full.Anyway, we order lots of hotpot dishes with a ‘Tasty chicken pot’The chicken was not spicy at all, compare with other Chinese restaurant, this one was nice but nothing special to stand out from others.Then the waiter helped us to pour the soup and we started our next step!I love seafood so I ordered a assorted seafood combo and shrimps in wine, also beef for meat lover like my dad lolAt first I thought the assorted seafood combo was a bit pricey ($4XX), but later on I changed my mind.I like the abalone the most cause it was fresh and I really love the springy texture. Oyster was another nice and fresh choice as well. Crab and fish were so-so. But overall I think this combo is nice enough for seafood lover to share with family/friends:)The ‘fresh local beef’ was excellent too, all we needed to do was put into booth for several seconds then enjoyed the tasty and tender beef, yummy! On the other hand, the ‘fresh assorted balls’ looked great but the taste and texture just OK.All in all, the food was pretty good and fresh enough. Environment and service were OK too. For me this restaurant would be listed on my ‘return lineup’, and maybe next time I will try the assorted seafood combo with the collagen giant grouper bone broth? Hehehe...…Read More

呢個係同同事去食lunch 8個人叫咗成枱都係 最好食係個腸粉 好滑 炒飯都粒粒分明 又香口 唔錯 燒賣同叉燒包都唔錯 上到黎熱熱地 個蘿蔔糕就凍左少少:( 而且比較鬆身 唔食都得 牛肉球就一般貨色:) 不過不失:) 整體d點心都好食嘅…Read More