Nanyang Hut (Closed)

今日行過熊貓，就黎左呢間東京洋風堂x南洋工房。叫左個雙色蛋包飯同咖喱雞串農夫包!!蛋包飯賣相好好，蛋薄上有茄醬同麻醬，炒飯底，好有誠意，配以日式咖喱汁燒雞同粟米火腿汁，咖喱同粟米汁香，濃度岩岩好，配埋飯食好有層次，口感一流!!咖喱雞串農夫包好大個，南洋咖喱有比較香辣可口，連同塗上牛油既農夫包好好食，不過啲雞串就老左啲!!總括黎講都好食!!…Read More

地方闊落，平日食晚飯時間，人亦不多。雙色蛋包飯味道相當有層次，白汁和日本咖喱汁稀杰程度適中正常，白汁有好多粟米和火腿。咖喱雞少滑，有d乾。蛋包飯入邊係西炒飯，有廚師腸，用料十足，味道複雜。飯有濃烈蕃茄味，偏酸，鍾意食蕃茄嘅人應該會好鍾意食。咖哩薯仔好稔，好入咖喱味。咖喱雞串農夫包咖喱，農夫包搽滿牛油，牛油同咖喱汁味道好夾。食咗幾啖感覺有啲濟🤣，好食但建議多人share。兩個人食到都有啲反艇🤣。農夫包d薯仔冇蛋包飯d薯仔咁稔。雞味道有點怪怪的⋯⋯。…Read More

試左碟原條鰻魚蛋包飯套餐及無骨芽菜雞飯套餐，整體覺得唔錯，環境可以、有即磨咖啡、三合一奶茶、美綠、豆漿任飲(罐裝飲品除外），2個人晚餐埋單都係$140算經濟，會再次幫襯及推介朋友黎食…Read More

又係午餐系列...店面有裝簧，有D文青感覺，人流不算多，座位算舒服。店員招呼不錯，幾有禮貌。點了鰻魚蛋包飯，蛋包飯幾大分，有成條細鰻魚同上，味道普通，感覺唔到咩野南洋特色。同事點了肉醬蛋包飯，表示肉醬略咸，味道無甚特别。點餐包一罐氣水或無限量添飲的奶茶/咖啡，其實午餐都不會飲到幾多杯茶啡，但食店有這個安排，予人一種大方的感覺，令食客留下一個良好的印象，加分！香港人，辛苦得來志在食，如果想安安定定食個飯，唔奢求驚為天人的味道，南洋工房合格有餘。…Read More

我個人好喜歡食蛋包飯，經過見到，而且出面落雨，就決定坐底喺商場呢度食。講真，環境同銀碼話比我知，我都唔應該有啲咩要求，不過食落都唔錯。首先我叫左個吉列豬排蛋包飯，原因係佢話比我知無雞排，9點幾夜晚，都合理既~其實豬，蛋，同個飯都ok味道，但凍左啲。我老婆就揀左個茄湯烏冬配芝麻雞，呢個雞幾得意，真係滿佈芝麻，幾香口。另外有杯好啖口既紅豆冰，係個麵跟餐既，其實我想轉凍0茶，不過佢同我講無檸檬。。。。。好似怪怪地，原來佢無乜野飲，得部禁出黎既咖啡機，得幾種野飲，都係啲平日唔多會飲既野，連名我都唔記得，服務好好，所以比返合格😊😊😊…Read More

今次介紹一款傳說中日本蛋包飯，連我不喜歡吃飯的人，都非常喜歡吃，還會心思思想吃。餐廳的名字叫南洋工房 – 聽個名，以為是食東南亞美食，但餐牌卻有日本食物吃，其中有款蛋包飯，是配一些肉類，有很多款式選擇的。醬燒雞肉串配雞扒蛋包飯，賣相不錯，很精緻。雞扒是半煎半炸的，雞串口感嫩滑，肉質不會太乾，不錯不錯。粟米粒也多汁有咬口。重點出場，蛋包飯，你會發現它好像西炒飯甘，但同西炒飯不同是它的口感，可能是用珍珠米做的，吃起來有些煙韌，番茄味不會太酸，帶點甜甜地味道，配些腸仔栗米粒，加上蛋皮很滑很薄，吃起來好過癮，好有東京洋風的味道。配上一杯熱咖啡，雖然不是即磨，但與這個蛋包飯是絕配，沒有搶去大家的口感。每次都會不自覺吃晒所有蛋包飯，因為實在太美味了。我想日本美食非要到傳統日本餐廳才吃到，平民化餐廳，稍微改良一下，就能做到美味絕倫香港人的日本美食。…Read More

平時都蒲開荃灣,但好少黎悅來坊呢邊,搵野食時好似到到都好多人,本身諗住食kfc喇,但係咁岩係出面商場指南見到,呢個南洋工房好似幾正,就試試看,一睇到個餐牌就鎖定左要食喇沙！咁就試試食喇沙雞扒喇,上菜一見到都覺得賣相好吸引,仲配埋好耐無飲既紅豆冰,好急不及待要試味,點知食落去完全2回事,喇沙湯雖然賣相好吸引,但湯底實在太稀太淡,離譜d講好似糖水既甜多喇沙既香甜,雞扒雖然好食,但同喇沙湯唔match,分開食好好多,另外,紅豆冰都係,好似水咁淡,紅豆又唔甜,好失望,唔會再黎！…Read More

朋友的電動車要差電大概1個鐘，所以我地一行人就去左商場行下隨便食個下午茶:)最後決定食呢間南洋工房因為menu望落選擇都幾多。各自點完餐之後大概等左10-15mins就有食物送黎。我叫左番茄牛肉烏冬，諗住咁簡單既款式應該唔會太難食。結果......勉強都可以接受既烏冬煮得太耐所以「太淋身」，牛肉一d都唔嫩滑。…Read More

野食等得耐，又唔夠熱，經常叫咩冇咩服務超差劣👎👎👎👎👎餐具勁污糟🤮🤮🤮勁冇禮貌，又呼喝老人家！仲經常漏單唔止一次，明明未關門野食未到但要人埋單先。。。勁唔開心的一餐飯😔😔…Read More

尼到d午餐，下午茶食物既味道，衛生都👌。我鍾意食佢尼到既雞脾。但個咖哩牛腩味道都好好食。但一次俾一次個份糧少😔每一次嚟到d服務態度真係不好😡由其著制服肥既女人，帶眼鏡顧住玩電話，傾計當時坐係我隔離枱，叫她幫我落單，因為她不是落場又不是食飯只顧同同事傾計。而另一同事還在忙我老公叫她一次扮聽唔到，我老公再講唔該落單，她既眼神好不願意幫我地。就算落單都好，叫另一個同事幫佢手拎野俾客。以後都少d嚟食。…Read More

同朋友去咗南洋工房食 lunch, 間餐廳嘅裝修唔錯, 有特色。牆上畫了ㄧ個大海洋, 側邊有兩間木屋, 住係入面可以對住個無敵大海景。店舖內還有ㄧ把吊扇, 好有懷舊 feel. 我們點了香煎魚枊蛋包飯及醬燒野菜肥牛蛋包飯。我每次都會 order 蛋包飯, 鍾意佢煎到金黃色的蛋皮, 入面包住 d 捞了蕃茄醬的飯, 食落唔濕的。魚枊唔腥, 煎到金黃色, 十分香口, 至於另ㄧ個肥牛餐, d 牛肉配了洋蔥, 加上濃香的醬汁, 好有和風嘅味道, 套餐可以揀奶茶咖啡, 或者汽水。…Read More

大前日(25-2-2018 Sun 年初十) 晏晝,同老公o係荃灣執好o野肚餓,就去食個晏,由於拎住好多o野,又要搵地方闊落啲o既地方食,咁就o黎呢個商場啦.我帶老公落o黎B1呢層睇,見到呢間同札幌都唔多人,札幌之前幫趁過,今次就試呢間啦,坐o左張四人枱,好彩都唔會迫我o地坐二人枱.睇睇menu,有埋隔離南洋工房o既menu o既?啊,原來兩間係通o既,我就要o左南洋工房,精選午餐中o既H,$50.00日式芝麻雞塊配番茄湯讚岐烏冬,要熱金橘蜂蜜綠茶,老公要東京洋風堂,精選套餐中o既1號,$59.00o既日式咖哩吉列豬扒蛋包飯/蛋包麵,要蛋包飯同可樂.冇耐,我o既日式芝麻雞塊配番茄湯讚岐烏冬到o黎,之後係飲品同老公o既日式咖哩吉列豬扒蛋包飯.先飲啖熱金橘蜂蜜綠茶,只似到金橘蜂蜜o既味道,綠茶味冇乜.味道:3分日式芝麻雞塊配番茄湯讚岐烏冬,雞塊沾滿芝麻,外脆肉嫩,好味;番茄湯番茄味道濃;讚岐烏冬份量唔多,仍有少少彈,未至於太腍.味道:4分而老公o既日式咖哩吉列豬扒蛋包飯?份量好似都幾多,我試吓食先,咖哩唔辣,吉列豬扒同樣外脆;蛋包飯裡面o既係茄汁飯,味道唔太濃,而且有腸仔粒,粟米亦多,蛋嫩滑,唔錯o既.不過老公話仍差啲,感覺有啲hea.味道: 4分抵食係2.8分…Read More

今日去悅來酒店工作，之後跟同事在樓下吃午餐，這邊好多餐廳，花多眼亂，我們在門口看到這家餐牌食物種類繁多，就進來這家南洋工房吃了。食物外表看來都很吸引，特別是日式食物。我點了芝麻雞加蕃茄烏冬，跟想像不同，芝麻雞真的佈滿了芝麻，而且很香芝麻味，吃下香口也不油，很讚！蕃茄烏冬看來油油的，不過吃下不覺得油，而且有粒粒蕃茄肉，真材實料，味道濃郁程度可以把這個湯底改成餐湯賣了，真的真的真的非常好喝！（重要的要說三次）這餐很滿意、很滿足。…Read More

完全冇服務可言，野食麻麻地蕃茄湯得個色，好淡。紅豆冰冇味，似飲緊奶水重點係坐左大半個鐘先有野食，黎到啲野食仲要凍既！絕對唔會有下一次！亦唔會建議其他人黎食，除非你有好多時間可以浪費！…Read More

中午諗住係悅來覓食，同朋友一行兩人就想食泰國🇹🇭越南🇻🇳野、見到南洋工房外表靚靚仔仔，但內堂鴉雀無聲。但係我都把心一橫，拉左朋友入去試一試。 一坐低睇下餐褲，朋友點了個🐮肥牛喇沙米線，配凍檸水。我就點了個🐥海南雞菜飯配好立克恐龍🐲，再加碟菜。上菜後，喇沙淡而無味，好似水咁，湯底太稀，米線變了米粉、朋友很不開心。而我果個🐥菜飯就ok，不過不失，雞量多，但都係無味，我食了成碗鼓油、另外，菜飯都係太淡😭飯身太軟😭😭😭今日午餐埋單128蚊。…Read More