Nanyang Hut (Closed)

今日星期日 諗住叫外賣食啦 掃下掃下先到蛋包飯想食 所以就叫左呢間🤦🏻‍♀️ 係我錯！冇睇食評就叫左！簡直難食到喊出黎！！！叫左兩個蛋包飯 兩個都會見到盒嘅角落頭係一灘黃油 好噁心 另外蛋係又鞋又老又薄 難食過茶餐廳啲蛋！仲有一啲茄汁火腿沙律醬定唔知忌廉汁嘅野撈埋一齊 衰過大學嘅頹飯！個炸雞軟骨先係最惡劣 成舊係得炸粉 我基本上十舊得一舊食到有鼻屎咁細粒嘅「雞軟骨」 舊野係冇味 究竟點做到？？？想喊 要煮多個麵食先得😨😨😨…查看更多

附近幾間餐廳都坐好多人就係呢間特別少諗住疫情期間，小人安全D又冇睇呢度嘅食評點知真係入咗間伏嘅餐廳個飯樣都叫做靚靚仔仔啦點知食落去真係嚇死人！！從未食過咁難食嘅沙嗲牛肉味道苦嘅，帶有強烈有燶味嗰陣味係難食到入唔到口係咪疫情搞到冇生意呢？啲食材放咗唔知幾多日變晒味？？？50幾蚊，話貴唔貴 但比呢啲質素比客真係接受唔到而杯奶茶，超級甜。完全冇茶味感覺就好似飲緊糖加水，加小量奶好少食飯會食唔晒更何況日式飯來講好難整到會唔好食呢間真係經典，真係請都唔食…查看更多

今日放假訓到好晏😝，諗住去附近買個下午茶返屋企慢慢嘆，見未試過南洋工房既下午茶，就買佢😗雖然話下午茶，但我起身到依家咩都未食過，勁肚餓，見到佢有日式咖喱牛腩飯食，即叫，再見到menu上有個二人餐，可以自選配多個輕食，所以再加多個咖吔多士配紅豆冰🌈外賣等左5mins左右都好快有🥰✨日式咖喱牛腩飯-個汁超咸，咸到用黎餸飯都食唔到，d牛腩好似牛肉乾禁，又嚡又硬，d薯仔正常，夠淋✨咖吔多士-拎到返屋企已經唔脆（不過預左🤪）d咖吔醬小得可憐😣同埋個人唔鍾意有皮的薄多士✨紅豆冰-超級無敵甜，啜左幾啖已經唔想飲🤧利申：之後幫襯過佢晚餐食蛋包飯，唔覺d野咁差，不過經過今次，短期內唔會再幫襯😫…查看更多

招牌雞飯$6x，比大xx快餐店貴, 賣相、味道、服務...> < 卻是香港少見的。熱飲要強制廚房落糖， 熱奶茶顏色味道好似阿華田溝好立克一樣的熱水...南洋的餐廳， 以上的招牌菜式為評...(無言) 不要浪費大家時間...…查看更多

疫情之下，但求搵間人少少既餐廳用餐，見餐牌價錢幾平，就走進去。樓面只有一個人服務，佢見冇咩客人，都同其他食客閒聊，服務態度很好，可惜敗筆在於食物。食物方面，先講煎餃，又乾身又硬，好似隔左幾晚夜再入微波爐返釘咁。作為一個蛋包飯，個蛋煎得咁熟咁乾，完全冇水份冇蛋香，應該係我食過最難食既蛋包飯。佢能夠將好地地一個日式飯餐整得如此難食，實在出神入化，真心配服。如果閣下知道有排都冇得去日本旅行，想將對日本食物既美好印象徹底破壞，可以一試。…查看更多

今天晚餐 在大窩口一帶徘徊了一圈 本來想吃麥當勞 但想到今天牙齦腫脹 便決定走多兩步 去了熊貓酒店 選了南洋工房 與女朋友共進晚餐沒多細想之下 我們選了金菇肥牛蛋包飯 和瑞士雞髀讚岐烏冬先說金菇肥牛蛋包飯 一個字 新鮮！ 彷彿聽到gordon ramsay 在我耳邊大叫: ITS FxCKING RAW!!! 洋蔥爽脆無比 帶着一股清新的辣味 店主人知道我平常不愛吃蔬菜 本上有四成都是清菜 金菇肥牛蛋包飯 顧名思義 食材有金菇肥牛蛋和飯 但是金菇嘅質素 竟然出乎意料地珍貴 佢嘅出現簡直係成個碟入邊嘅奇蹟 金菇有一條！ 我當堂感動到鼻涕都流埋出嚟 之後食蛋包飯 只係一啖 我直情哭𠹌咗 上邊嘅茄汁令到我想起三歲嘅時候媽媽餵我食嗰啖飯 去到瑞士雞髀讚岐烏冬 雞髀有如廟街賣淫的北姑 老過我老母 而讚岐烏冬 我極力推薦米知蓮比一粒星佢 佢嘅湯底係日式豬骨湯 味道竟然係現時最熱門嘅出前一丁豬骨濃湯味 加上我小學最愛零食 媽咪嗰包粉嘅味 估唔到係兩隻唔同年代嘅味道之中 佢哋竟然出乎意料之外地配合 嗰種鹹香 有種從遊大澳嘅感覺 溫暖嘅係 我哋啱啱坐低叫咗嘢食之後 店主為我哋送上蛋花粟米羹 彷彿為我地雪中送炭 事關頭殼頂個冷氣吹到我雞皮都出埋 雖然係免費 但係店主絕不馬虎 落味精嘅份量一啲都冇小到 絕對冇因為係免費就偷工減料 我十分欣賞去到最後就梗係要講下個杯收咗$3嘅凍咖啡 自問我都係茶餐廳凍飲嘅常客 但係依杯凍咖啡少甜 真係令我齒頰留香 水吧嘅夥計 本着良好嘅抗疫精神 將平常出邊飲品嘅標準以一比二嘅份量沖到好淡 可能佢知我平時有失眠 呢個咁細心嘅舉動令我覺得人間有愛我同女朋友懷着呢個開心愉快嘅心情離開 心情久久不能平復 真係難以想像 係呢個百物騰貴嘅香港 $114竟然可以買到咁多種感覺 實在難得…查看更多

假日輕輕鬆鬆，去荃灣食個胃食之區逛一逛先！今次見到特色小店，係本地特色既感覺，環境都係假日休閒風，所以比佢吸引一下就入左去嚕！//😚😚😚一睇個menu發現食物都唔貴（$45-60）lunch，我地就叫左蕃茄芝士吉列豬排飯（$49）同咖哩雞排農場包😘😘（$59）豬排飯㚈脆內嫩，值得一讚！而農場包除左㚈形十分吸引！入面包住蒲式咖哩汁加份量十足既雞排，面包加醬汁真係好好味，不過記住要襯熱食，凍左無甘好食架！（ps依到既熱飲好淡味，要小心叫呀）…查看更多

來到荃灣行街，心癢癢要去悅來酒店的南洋工房食蛋包飯。上次食左鰻魚雞扒，今日就食金菇肥牛。上枱賣相超討好，半盤肥牛。肥牛拌著蛋飽飯一起吃，好滿足。咖啡奶茶任飲，未病好只敢飲奶茶，都幾甜。朋友食喇沙雞翼面，橙汁都任飲。…查看更多

悅來酒店LG1有好多食肆，但因每間食肆面積都唔大，所以一到午膳時間，每間店門前都有一大堆人等位。今日行過呢間店門口，見張介紹午餐的banner內有芽葉無骨雞菜飯，睇個名幾吸引，又見有位，所以決定點這午餐。個餐跟汽水，都只係$58，價錢嚟講，都幾抵。碟飯嚟到，個賣相就真係幾好，有一大嚿菜飯，雞，少量芽菜墊底，薑溶，醬油另上。菜飯，味道就唔錯，但飯就好似盛起咗好耐，飯溫只係微暖雞🐔，可能係雞胸關係，所以肉質比較嚡反而薑溶最美味唔會咸，有薑的香味，只薑溶也可食一碗飯…查看更多

周日下雨，本想逛街的，弄的有點掃興，想想先去熊貓食蛋包飯再說。店面一般大，大約20張枱吧，1點鐘的南洋工房人客不多，即時找到位置坐下。中午選擇很多，光蛋包飯已有5，6款。我每次都吃鰻魚雞扒蛋包飯，稍貴一點，要65元，但材料豐富。鰻魚輕煎加上醬汁，香香的，很開胃。雞扒有少少陪襯的感覺，但味道不差鰻魚，一片小小的。重點是蛋包飯，外層蛋會硬少少，不容易碎，輕輕切開，看到軟軟的飯粒在裏面，一匙羹一匙羹的吃，味道豐富。這裏套餐的咖啡奶茶無限續杯，當然飲2杯才走。…查看更多

試食咗呢間餐廳嘅芝士肉酱蛋包飯，幾乎只食得出甜到漏嘅茄汁味，完全冇芝士味。呢間嘢雖然以蛋包飯為賣點，但蛋味完全畀茄汁味蓋過，蛋出面又落茄汁，飯入面又係茄汁，個蛋包得咁靚真係嘥晒，似單純嘅茄汁炒飯。唯一好嘅地方係奶茶咖啡任飲。…查看更多

今日去左南洋工房道食lunch十一點七八到啦我諗熊貓嗰道一排全部都係餐廳 就呢間最多人食 所以就食呢間啦叫左兩個午餐雙色蛋包飯 個份量好多味道係ok既 保險之選 哈哈好少會難食其實咖哩唔辣 小朋友食都冇問題如果一大一細食就岩岩好飯係需要跟返個汁食唔配汁就略淡 不過本身設計應該都係要跟汁食既貌相同餐牌係符合既 就只差在冇抹碟邊令成件事頹左哈哈雖然味道可以接受 但雞既質感就麻麻地偏乾同硬 雞份量唔多 但唔算好食所以都ok呢個飯跟左個黑色既汁 唔知咩黎 有少少酒味咁個飯ok 唔會太多油太膩跟左薑蓉 幾正 唔會太鹹但個雞都係麻麻地 唔知係唔新鮮定咩問題總之就係麻麻跟餐係可以無限斟野飲/一罐罐裝飲品我就跟罐裝飲品 好似衛生啲坐低無耐就愈黎愈多客身邊個侍應好搞笑 每次經過身邊都聽到佢嘆氣服務就不過不失既 離遠見你有意食已經為你帶枱總結各樣野都唔係差 但都唔係值得表揚有潛力做得更好…查看更多

荃灣悅來酒店又叫做熊貓酒店， 入面嘅商場愈開愈多食肆， 今晚兩位小朋友要求想食蛋包飯! 咁啱行過見到餐牌放咗出門口 ，大大幅相就係蛋包飯! 兩位小朋友即刻衝咗入去坐低😂 我哋點了3個餐，分別係瑞士雞髀蛋包飯($49)， 雙色蛋包飯 ( 咖哩雞及粟米肉粒飯) $58 + 番茄濃湯日式吉列大蝦湯麵 ($48)。蛋包飯嘅飯係有用雞蛋炒底，唔太乾又唔太濕，但淡味左d,好彩蛋皮有茄汁令個飯加返d分😅! 咖哩雞唔會太辣適合小朋友食! 吉列蝦估唔到幾好食 👍每個餐都包嘢飲，例牌凍飲加三蚊! 最值得一提嘅係呢度飲品係任飲🥰，自己行出去自助"飲吧"要飲乜自己揀自己斟，要凍飲自己加冰 ! 但我覺得佢就咁將啲冰擺喺一個盤上面就咁任由客人自己畢，又冇蓋蓋住有啲唔衛生， 希望呢一點可以改善!…查看更多

Lunch 唔知食乜好，喺悅來坊行嚟行去，見到呢間食南洋嘢嘅餐廳，佢仲crossover埋東京食堂添，而且嘢飲係無限添飲。咁就膽粗粗入去啦，點知真係一失足成千古恨……睇個menu見唔到佢啲相好似幾吸引，就叫咗個雞扒鰻魚蛋包飯，佢上菜個賣相同影張相一樣，幾吸引。好似日本家庭式餐廳嘅蛋包飯咁，真係成隻蛋包住啲飯，而且裏面啲飯仲係茄汁撈嘅。可惜調味爭咗少少，最慘啲飯唔係珍珠米太冧 一pat pat咁，失敗失敗。 至於個無限添飲就唔好提啦， 叫咗熱奶茶，佢係部機度撳出嚟，完全冇茶味，又冇奶味，好似係啲糖溝水咁，真係飲一杯就算啦。結果埋單lunch都食咗62蚊，呢個價錢真係交唔到貨呀…… 真係傷心1999…查看更多

是日去荃灣開倉喺附近嘅悅來商場食飯食午餐叫了炸豬扒奄列蛋包飯，蛋包飯味道一般炸豬扒正常叫了即磨咖啡可以無限添飲😋至於咖喱雞扒包味道幾好雞扒肉滑，咖喱香濃有點辣飲品方面叫了熱檸蜜另外送了一碟油菜😋…查看更多