Chef Kitchen

因為我自己平時好小黎上環呢邊~不過咁啱今日探朋友就去開呢一頭我個朋友又好鍾意食上海嘢既，佢就推介我地食呢間~咁我哋一行幾人就決定試咗呢間啦~食完之後覺得個味道都幾啱我哋，不過今次臨急臨忙就冇乜點影相，而且又掛住同班朋友傾計，有機會下次再黎~…Read More

#breakfastforlunch, #cheapest, #sheungwan, #茶餐廳a very spacious restaurant and the clean vibe keeps me coming back again and again. they used to have a lot of set to choose, now they do mix and match.. give a lot of flexibility.I personally like their breakfast more than their lunch... might see my another review on their lunch... still not bad though …Read More

間中來這店吃，早餐雖則是千篇一律，但有心的店总有有心的菜式，例如這店有兩款早餐是必吃的，一是生滾老薑豬潤通粉，一是生滾老薑牛肉通粉，都很熱很好味，生滾出來的就是不同。今天來午餐，看看餐牌，有單人羊腩煲套餐，單人而且是午市套餐，有羊腩煲吃，那種喜出望外的感覺，真是不言而諭。羊腩帶骨本不應該，但考慮到才賣 98元連白反及熱飲，ok無投訴，份量好足，羊肉有約8件，很軟熟，若多点肥更好，汁味偏濃，淡点好些，煲雖不是燒着的但熱度夠。這家店另一好吃是酸菜魚，即叫即做，份量很大，那種麻，那種辣，超超正。总體這店無論是早餐，午餐，晚餐也不錯的，茶餐廳價錢，菜館食物質素。…Read More

店鋪得幾枱客，所以唔駛等位，而且有卡位坐~我地兩個人見個二人套餐都唔貴，又有好多款小菜揀，就叫個二人套餐黎食啦~二人套餐$188拍青瓜拼雲耳茶樹菇排骨湯酸菜魚茶樹菇抄牛肉可惜嘅係味道都係一般般。首先頭盤唔夠味，而且撈得唔夠均勻。 個湯就落左幾重味精，唔知自己飲緊咩～🤢個茶樹菇抄牛肉其實都幾香茶樹菇味， 不過d牛肉就淡而無牛味 ，仲有陣鬆肉粉味。而且個菇硬到好似食橡膠甘。唯一可讚嘅就係個酸菜魚，川椒都放得幾多 酸菜都唔會太咸， 而且d魚都切得幾薄 值得加返分。總括黎講，唔會再去!…Read More

南北小聚上環干諾道中138號地下今日因為公事同左幾個同事黎左上環呢邊做嘢，搞掂晒之後都tea time ,大家都唔熟呢頭，所以就求其搵左間餐廳入黎坐啦，首先留意到呢間餐廳係因為都幾大間係正大街，而且望落入邊都坐得幾舒服，座位好闊落所以就決定入黎試下睇左meun原來呢到有得食辣嘢，咁就岩晒我啦，疫情之前都會專登上深圳食水煮辣嘢，但近呢半年都無機會，終於可以頂下癮呢到既水煮牛肉同魚片我覺得算唔錯，都幾地道唔會淨係得個辣字同埋唔算太油，而個紅燒肉就肥瘦分明，一層層咁都正呀:)雖然同正宗係內地食嘅水煮，就一定會有啲差別架啦，但以4x蚊呢個價錢黎講，絕對食得過既，而且份量都好充足…Read More

兩個人食，叫左陳醋小排骨同醉雞，配菜飯同上海麵。小排骨份量都幾多，$38有八舊左右。甜甜地、微酸，幾開胃。入味、不過口感有點柴。醉雞都入曬味，夏天食一流，涼涼地，而且好滑，酒味清清地，合我口味。仲有成七、八塊雞肉。$48抵食。包埋熱飲，四十幾蚊一個人都OK。配上海麵幾好，夠曬飽，正！…Read More

午餐一個餐要$68、所以下午茶$48,跟杯熱飲會抵食好多:)2pm-5pm下午茶食過紅燒肉、口水雞跟菜飯，飲熱呵力紅燒肉真係有驚喜，肥肉超滑，個醬汁甜甜鹹鹹好入味，香到撈埋飯食，全清。菜飯好多菜，感覺好新鮮炒起，唔錯。另一樣試左口水雞，係微微辣，個汁好重口味，食到有d好似炸左既黃豆脆脆地，底下浸有2塊拍青瓜雞肉係幾滑，都有大概八塊。個賣相係好吸引，但個醬其實我覺得麻麻、唔香，唔係難食，不過唔會想再點。兩樣都係下午茶餐，各$48,跟熱飲。可以試下，環境坐得都舒服。…Read More

近排鍾意食呢間嘅港式早餐同下午茶。早餐啲炒蛋好滑，下午茶沙嗲牛麵好香花生味，生炸雞脾同煎雞扒外脆內嫩，半件西多都好香甜足料。但午餐食過兩三次都麻麻地，上海排骨好乾柴，肉絲忟米撈唔勻一啲好咸一啲無味。飲品方面，茶底不錯，檸茶奶茶都合格有餘👍🏻就嚟變港式小聚。。點解會咁架😂P.S. 呢個時勢外賣多左，盡量跟湯(湯同麵唔分盒)同走餐具飲管啦唔知點解唔夠200字唔止無得評分，連submit都唔得，拿打到而家就夠喇。…Read More

以前很中意呢到食Lunch, 因為抵食夾大碟, 份料十足.$70有找便有一大份水煮魚, 加飯/麵. 飯更可揀白飯/菜飯, 麵仲有清湯麵及擔擔麵.擔擔麵係好食的, 因為D麵都算彈, 湯底亦濃.可惜水煮魚就退步了, D魚完全吸唔到水煮既辣味, 食落好似水煮汁還水煮汁, 魚還魚.…Read More

今日和同事去上環吃午餐， 走到上環干諾道中，見南北小聚上海菜， 餐牌相片吸引， 午市價格約$70，餐廳環境亦舒適， 不用排隊， 決定入去試試。見有多張吉枱， 都要安排搭枱； 但搭抬亦算坐得舒適。點餐時間， 午餐也有很多選擇， 有麵有白飯有菜飯， 有我最喜歡的上海粗炒。 我選了上海粗炒， 同事選了回鍋肉。等餐時間， 一邊滑著手機， 一邊和同事閒聊， 一邊聽到對面位幾個客人不斷在抱怨， 食物太油。他們在比較誰得菜油比較多， 結論是如果仲有下次要點排骨菜飯， 是全場最少油。 上菜時間， 我的上海粗炒來了， 不算太油， 可以接受， 賣相不錯足料。 當我問侍應姐姐要一碟豆瓣醬調味， 她走到枱邊， 打開"茶記式"櫃筒， 掏出幾包獨立包裝的辣椒油， 說沒有豆瓣醬， 只有這些。不可以評食物是劣食， 但"上海菜沒有豆瓣醬"， "上海菜沒有豆瓣醬"， "上海菜沒有豆瓣醬"， 真的不會再幫襯。…Read More

以前質素還不錯，味道都可以最近再來食，質素一次比一次差今次真係難食到忍唔住要講下今次同同事黎食lunch 叫左幾款唔同嘅餸share 首先講個薯粉 只是熱水加辣油加薯粉，無咩味 完全食唔落 唯一可取嘅係薯粉個口感都唔錯 有啲脆脆地咁 但都食唔落啊！之前食過上海麵但覺得有陣怪味 所以今次叫薯粉 點知都係中伏問過其他同事 佢話以前唔係咁跟住個水煮魚好腥又有雪藏味醉雞同口水雞都係有陣雪藏味 餐具好污糟枱椅有食物殘渣同好油仲有好多小昆蟲飛黎飛去見佢人流都少左好多 以前都要等下位 搭下枱依加個場有一半係空嘅 佢價錢雖然唔係好貴 但相信同樣價錢可以係上環食到更好更高質嘅 甚至仲平 起碼可以食得落食得飽希望可以好好改善下 就算唔進步都唔好越做越差…Read More

係附近番工食開，一開始都正正常常但最近呢幾個月一次比一次難食人都越黎越少。口水雞有陣雪味，完全好似求其拎隻雞淋啲辣油上去就算嫩雞燴面無雞，得面全部野得番個排骨同白飯係放得入口，同事嗌個薯粉話得油味食幾啖就唔食，仲要啲枱呀餐具全部都要自己再抹過哂，張枱永遠都係痴立立，抹左等於無抹，搞到環境越黎越污糟多蟲。價錢仲要6x一個餐，完全唔值，所以宜家lunch time 都可以勁多枱淨。今次真係頂唔順先留，一定無下次了…Read More

Sheung Wan lunch againToday 太多同事一齊出去lunch la咁人多嘅話要搵返可以坐到多啲人嘅餐廳先得啦所以今日就黎咗呢間叫南北小聚嘅餐廳一人揀一個餸再share大家一齊食我係冇影晒咁多碟餸我地total有成九個人 所以叫咗九樣嘢黎食成都老城口水雞 $68呢個係我叫嘅辣辣地 幾惹味又開胃 我覺得呢個唔錯毛氏紅燒肉 $68個汁都唔錯嘅 算係咁但比較肥 邪惡個啲麻婆豆腐 $58一般麻婆豆腐呢個冇乜人夾黎食所以一般般但我覺得都ok嘅 辣辣地咁跟菜飯 或者 担担麵兩款我都試過唔錯嘅整體黎講算係ok嘅但價錢都差唔多每位六十幾左右加埋嘢飲我覺得ok la …Read More

星期一中午來到開餐, 一行二人可以直接入座卡位, 兩人坐在同一邊. 客人非常多, 有九成坐滿人. 中午時間提供套餐, 一個餸, 一個飯面. 飯面, 有好多選擇, 有白飯, 菜飯, 上海面, 四川擔擔面, 重慶麻辣紅薯粉. 熱飲和凍飲也要加少少錢. 陳醋小排骨排骨比較油骨質硬硬整體一般老壇酸菜魚酸菜魚大大盤的魚很多, 食到底還有魚魚滑滑, 還有紅薯粉打底份量好大辣味, 能食辣的會不夠我不食辣的, 夾起來的魚也可以食到當然要不斷飲東西解辣. 菜飯, 不過不失. 還好!套餐選擇很多, 紅燒肉和八仙醉雞也想試試.…Read More

係上環返工, 放LUNCH難得見到唔洗排隊就即刻入左去, 坐底左勁耐都無人理, 餐牌都無個, 要自己行出去拎, 最後叫左個口水雞同埋咕嚕雞球, 諗住呢兩樣點都應該唔會太差既, 點知難食到食唔落, 個口水雞既汁有小小似泰式辣醬咁= =, 完全唔係正常食開個隻, D雞勁多血水又乾又鞋又硬, 我真係未食過咁難食既口水雞, 另外個咕嚕雞球直頭硬到石咁! 真係唔知點咬, 食左小小就走左, LUNCH 百五蚊食個飯食到餓住走真係第一次, 成餐飯又貴又難食, 唔怪得唔洗排隊! 都唔係人食既, 以後都唔會幫襯!!!…Read More