Marvel Teahouse (Closed)

上網見團購咁抵（$55一位）緊係去試下啦 諗住差極有個限度去到坐低 俾左一張刪去左好多點心既點心紙你然後同我地講腸粉個機壞左 腸粉全停叫左咸水角 有種好油“壓”味， 皮好厚另外春卷 個餡得肉都唔緊要同樣有油“壓味” 好油我慣左春卷會點喼汁 佢個到個啲喼汁好似用水沖淡左咁冇咁酸 好奇怪 粉果 啲皮有半厘米咁厚 個餡過得去有個點心叫灌湯小籠包 四粒入面得一粒有小小湯汁 食到我都打左個突:(平時飲茶一定會食馬拉糕 比較淡口再乾 凍左更難入口 蒜香排骨 排骨有啲好韌 咬唔爛 鳳爪還可以 普通酒樓既味道 但總括 佢衛生環境好一般 餐具係全部已用殘既筷子同鐵匙每個蒸籠都好濕 同埋上炸野既兜係 冇洗過的 仍然清楚可以上手客人留低既醬汁 淨係就咁用一張新吸油紙放上去抹都冇抹從來未試寫食評，我只希望其他人唔好同我一樣會失望…Read More

今日咁啱行過, 見到入面都有唔少食客食緊, 無諗過係咁差, 食物差, 招呼差, 環境差, 唔夠冷氣, 點心用料好一般, 價錢一D 都唔平, 春卷係有油'益'味, 坐低食緊至知大部份客人都係團購而來的, 真係中晒伏, 叫咗4個點心, 埋單要$130, 咁冇招呼佢都收加一服務費, 我食完都快快走呀, 唉..............真係如果唔係咁差, 我都唔會寫我第一個食評呀, 做得咁差, 真係只用了半點心去做, 團購都應該幫佢唔到啦喇!!!!!…Read More

週末三節時間選中段, 即上午十一時至下午一時。 過了十一時才到, 本人和友人站於門外看著女侍應一個人正在忙, 數分鐘後她召我倆自行入座。女侍應遞上點心紙, 只見上面好些選項被黑粗筆刪去, 飯後回到家以印象對照一下團購紀錄發覺的確有所出入-- 沒有了懷舊糯米包、菜肉包、鮮蝦肉餅飯、蠟味糯米飯; 唯相應地增加了其他選項, 包括有吃進肚的蒸粉果、杞子桂花糕、凍馬蹄露及沒試吃的流沙奶黃包、蛋散、芝心牛肉球、咸水角、煎腸粉、蔥花炸兩、白灼西生菜、雞絲粉卷等等。不供應的選項中有本人想吃的嘛... 原來團購條款細則內有表明「餐單內容或會因時令或食材供應而稍作調整，恕不另行通知，一切以店內餐牌為準」, 在在都為違反商品說明條例「包底」。待第一輪點心期間, 友人乘便走去置於舖內一免費任玩的遊戲機打一陣懷下舊, 本人則觀看聲色俱全之大液晶螢幕電視機。可能本人異常幸運, 第一輪所點選食物只需等大約十五分鐘就逐一上桌, 味道也跟去一般酒樓沒太大差別。反而發覺有部份點心分量比較多, 譬如一般酒樓的一客鳳爪通常只有四隻, 這裡有六隻; 一客四粒桂花糕的每粒體積更多約三分之一。 當然, 不好吃的有小籠包和蒸粉果那同樣的厚皮, 只是前者真的很難咬開! 還有蒸蘿蔔糕, 雖然白蘿蔔絲不少, 可惜一夾之下碎掉, 相信此糕乃師傅弱項...第一輪已吃得我與友人飽足, 第二輪就打算吃完甜品離場, 今次待了近二十分鐘仍未奉上, 兩款甜品應該毋須即叫即弄吧, 大家都心領神會是食店故意拖延至完場前三十分鐘截單的死線, 但本人急於趕往銀行使用櫃位服務, 友人一再催促並提示吃完離場下方肯上桌。…Read More

家人買了團購, 好啦, 同佢地試下新野, 點知.......團購係由早上11點開始的, 我地10點50分去到, 店內無人, 只有的早市食剩的點心籠, 店內衛生好嘛嘛, 只有點心師傅開工, 我同家人問佢可唔可以入黎坐住先, 佢好好, 叫我地入黎仲幫我地開埋茶. 跟住我地等到11點, 有個姐姐終於返工了, 點心師傅同佢講:我幫你開左茶啦, 做埋你個份. 個姐姐竟然反駁話:咩呀! 我返11點架嘛! 我同家人O哂嘴, 呢個員工咁都得, 身為食肆, 11點開舖, 點可能11點先返呀!跟住我地開始用點心紙叫野食, 見到個著粉紅色衫既男人, 認得係老闆, 撓埋雙手, 唔想應我地咁, 佢哨一哨我地就叫佢個伙計埋黎, 我想, 身為老闆唔係更加親力親為架咩?唉....結果我地第一枱黎到, 等到連最後一枱入黎既人食完走埋我地都未有野食, 我地摧完又摧都不果, 結果跟收銀理論, 我問我地叫左咩點心, 你印返張單比我地睇下叫左咩都好呱, 佢話團購無得印架, 咁我問, 係咪團購D服務就係咁, 佢話唔係, 求我地留低, 話D野食仲有2分鐘. 我地再等, 其間隔離枱自由行就不斷有野食, 佢地仲話有D唔係佢地叫, 真係啤~~~~~ 事後諗返, 緊係, 佢地遂碟計丫嘛.跟住我地終於有野食啦, 我個人好均真, 係好食就好食, 佢個灼菜, 淡而無味; 蘿蔔榚, 粉多過乜; 鮮竹卷, D肉係酸的! 只有排骨同小籠包稍為正常.... 真係食到一肚氣. 仲有一樣搞笑野係佢無器皿裝豉油, 用個杯, 真係唔小心差D飲左呀!講真, D野真係無乜點食就想走啦, 臨走前問個伙計哥哥我地係咪走得啦, 佢話係. 我地走啦, 跟住個店員姐姐竟然追出黎話, 你地仲有$41未比! 我真係火都黎!!! 食物質劣, 態度惡劣! 仲好意思收, 不過我地深明呢間餐搞成咁, 老闆責無旁態. 我呢$41緊係比足返, 都唔係乜錢, 但咁既老闆, 咁既員工再加食物質素, 真係祝君好運!…Read More

今日，同老公行街行到攰攰哋搵個地方食個Tea，咁啱想食點心，咪入去食少少囉，門面寫到好勁咁，見佢啲蒸籠都係Tailor made,都諗住呢個間嘢啲出品應該唔馬虎啦…………一睇點心紙，嘩啲點心好似好多款咁，個名仲幾新穎，但基於我都有啲怕中伏，所以都係叫咗4樣穩陣派點心1） 煎鍋貼 ～ 無汁都算，個餡係蝦同豬肉2） 醃春蛋燒賣 ～ 個餡都係蝦同豬肉最核突係個籠仲黐住上手嘅包皮蓉:(3） 蟹子鳳冠餃 ～ 個餡亦都係蝦同豬肉[我絕對有理由相信！！！佢全部點心個餡都係一樣:(]4） 雞紮 ～ 竟然豬皮扮魚肚，火腿扮豬肚，無菇，得粟米仔充吓…仲收我29蚊 茶芥兩個夾埋10蚊，食咗四個點心，埋單都要百四環境好逼，冷氣開咗，但係完全feel唔到有涼嘅感覺…………。真心覺得好唔值…Read More

食左一肚子氣!逼到我忍唔住開ACC打食評!!! o係團購網見到呢間野, 因為住附近所以先諗住同屋企人試下入到去, 佢安排我地坐門口位, 咁我爸爸覺得好多熱風吹入黎唔係好舒服, 見到入面仲有幾張吉枱, 就問呀姐(後尾發現係老闆娘)可唔可以轉枱, 呀姐就寸寸地話老闆話果D枱係留俾食正價既客, 但過左陣我地見有客人拎住團購紙入黎坐左其中一張枱, 我地就好有禮貌咁問多次可唔可以轉枱, 呀姐即刻黑面話唔得, 勁悔氣咁話人地果間團購貴過我地, 爸爸做開服務性行業覺得佢唔應該咁對客, 質問佢點解要咁劃位佢就直頭唔應我地, 過左陣媽咪好聲好氣問佢野佢又唔應…我當時已經覺得呢間野有問題, 買團購好似乞食咁, 有幾張吉枱冇人坐都唔肯換俾我地都算, 仲要咁既面口, 不過諗住廢事嘈我地決定快D食完冇下次點知 低處未算低  我地開始點緊野食冇幾耐, 呀姐突然粒聲唔出掟左二百幾蚊(團購時已付的錢)落枱兼搶走我地點緊果張點心紙!!!!!!!! 嘩我完全傻眼!!!! 連我咁怕事都忍唔住問佢咁即係咩意思, 佢直認係趕客!!!!! 我地同佢理論話佢唔尊重客人, 佢仲惡人先告狀: ”你地再唔走我就報警!!!” 我地成家人即刻火都黎埋(從未試過咁嬲! ), 明明我地已經妥協左仲要俾佢趕走仲要拉我地天呀咩道理黎架!!! 最後老闆出黎了解件事先緩和番DD, 然後老闆話俾入面張枱我地坐, 我心諗你老婆完全冇悔意繼續黑口黑面一副好鄙視我地咁既樣, 俾你都唔敢食啦… (所以食物質素無可奉告)後尾睇呢度D食評先發現呢位呀姐不嬲都態度差, 尤其對團購客, 其實你做團購都係想吸D新客試食姐, 客人食得開心的話一定會願意用正價再幫襯, 你睇唔起團購客就唔好做優惠啦!! 平時經過呢間野見冇咩人食仲諗會唔會係因為位置比較偏僻, 而家終於知點解, 咁既服務態度真係大開眼界… …Read More

本身鐘意食點心, 見有點心放題團購, 買黎試下!!買左先發現, 每日三至六先可以訂位, 打左好多日都無人聽...要打去團購公司代訂...好, 滿心期待, 入到去, 冷氣唔夠涼, 好似無開咁... 比張點心紙, 原來團購好多點心都無得叫 (當時團購有好多相show 出黎, 有蝦餃, 實際無得叫)第一次二人點了九個點心: 牛肉 - 有陣怪味, 而且肉很硬牛肉腸 - 還可以春卷 - 很油牛肉飯 - 都係牛肉有怪味咸肉糭 - 無肉, 全是燸米鮮竹卷 - 全是肉, 汁很杰燒賣 - 很多肉, 很實小籠包 - 很多肉, 無汁烚菜 - 還可以因為本身鐘意食牛肉, 所以點了幾樣, 但味道很怪, 其他點心感覺那些肉也是下等的...之後我還想多點一個烚菜, 烓花糕, 雞扎, 他竟然說已售罄, 但我食的時段是 8pm-10pm當時只是9pm, 佢仲有一個10pm-12am, 整體感覺已中伏, 無下次的 點心放題團購星期一至五 9am-11am / 8pm-10pm / 10pm-12am (三選一)…Read More

其實我住响半點心茶座附近, 之前試過一次, 雖然係貴, 但味道確係唔錯, 上個月見到有做團購, 即刻買咗幾張嚟打算約狗友一齊去食...不過去之前幾日, 打極電話都無人聽, 中午, 下畫, 夜晚都係無人聽, 再上open rice睇, 先知有咁多負評, 個心己經沉咗一下, 但俾咗錢無理由食唔到架嘛, 唯有星期六同狗友行過去睇下啦, 見到有個男人, 相信係老闆, 咁就同佢講打咗好多日都無人聽, 佢好好人, 即刻同我預訂星期日o既booking...咁我哋就一行四人, 再加兩隻大狗坐响出面, 其實睇完啲食評, 對嗰餐都無咩期望, 但求唔嘥錢填飽個肚就算, 亦都希望唔好撞到食評中o既婆婆就己經好好 當晚八點入座, 有好多客幾乎坐滿, 因為有兩隻大狗, 所以我哋就坐咗响出面, 人係忙啲, 啲嘢食都上得都唔算耐, 15分鐘左右啦, 啲熱辣辣o既腸粉上先, 叫咗個义燒腸, 啲义燒唔算多, 但啲皮就好滑又薄, 值得一讚, 最讚o既係鼓油、麻醬、甜醬都係鋪頭自己調味出嚟, 同出面食開好唔同, 下次去可以試下仲叫咗蝦蛟 (蝦夠新鮮,皮夠薄)、燒賣、雞包仔(包軟熟, 但涵好少)、鳳爪排骨飯 (飯香排骨滑)、牛肉 (無特別)、蘿蔔糕 (比之前好食, 之前食過比較粉, 而家口感好好多)、鵪鶉蛋燒賣 (賣相味道都唔錯)、古法馬拉糕 (我至愛, 比出面食o既無咁甜, 同埋好軟熟), 總括嚟講都好!我哋4個點咗兩次嘢食, 己經好滿足, 所以嘢都超乎我意料之外, (講真, 睇完之前食評, 本身都不抱期望)相信老闆睇到之前食評己經作出咗改善, 只係聽電話方面仍有改進空間啦!…Read More

與友人同行，走過廣華街，看半點心茶座，在沒有團購的優惠下，便試吃這點心。先吃蝦餃$32，蝦肉鮮味，爽口，但外皮口感淋一點，有待改善:)。燒賣$29肉是爽口，用人手搓成:)雞飽仔$20外表軟滑，包内之雞肉是人手搓成，與茶樓吃的口感不同。北茹蟹柳雞$29，想不到的好味，一定要試牛肉飯$29，牛肉與飯的比例是各一半，牛肉嫩滑，味道适中。這裏的點心味精味不重，直得一試。…Read More

昨天與家人行經旺角廣華街想搵啲嘢醫肚見有間食點心嘅舖頭，大部份點心做緊全日特價都係$18-22，於是入去試吓，我們四人叫了十樣點心，首先要推薦蝦腸，蝦肉彈口新鮮，腸粉十分滑口，蝦餃，燒賣，鵪鶉蛋燒賣，牛肉，可能即叫即蒸，所以十分好味，特別係糯米雞，入面十分足料，十分新鮮。春卷，炸雲吞炸得脆卜卜，不太油。加埋兩盅飯都只不過$269，十分抵食，下次會再來試其他點心。:)…Read More

從來都未試過食嘢食到咁一肚氣，呢間“半點心”真係不知所謂！雖然係買團購優惠(6:00-8:00 2小時任食)，但唔代表我要去受氣👹👹👹👹！！！同朋友二人買左團購，話要至少2日前3:00-6:00打電話訂位，點知每次打去都無人聽，打多幾次後仲變成長響唔通，足足打左一星期都打唔到，以為間鋪執左，就同朋友決定直接過去睇下，發現有開門，就喺門前打電話訂位，先有人聽，仲要等到20日後先有位，已經一肚火！到左食嗰日，我同朋友6:00到，因為訂左位，去到唔使等，我地即刻點嘢食，第1次叫左8碟:燒買、鳳爪、春卷、炸雲吞、腐皮春卷、馬拉糕、蟹柳蒸雞粒同埋义燒腸。等左10分鐘，先黎春卷、炸雲吞同腐皮春卷…即刻炸所以都脆口，但裏面嘅料實在太少，近乎無。再過10分鐘，所有蒸點就黎…燒買較實，蟹柳蒸雞粒d雞肉好重雪味，腸粉皮厚但算ok，而鳳爪算係夠味。我地食完晒所有嘢到6:50再叫第2次，呢次叫左鳳爪、义燒腸、春卷同腐皮春卷…又等左20分鐘左右先黎齊。食完到7:25(我隻錶同電話顯示)，我地諗住叫第3次(鳳爪、义燒腸同燒買)，點知有個阿婆(唔知係咪老闆娘)話我地過左7:30 last order，話唔比叫。當時我指住個收銀處個打卡鐘(顯示7:25)，我話未夠鐘，阿婆話樓面鐘已經過左7:30(當時樓面鐘顯示7:32)，仲大聲話打卡鐘同樓面鐘時間唔一樣，佢地係跟樓面鐘，仲話我地叫第2次時已經係last order，所以唔比叫，其他食店都會提客落last order，但阿婆話唔會提。之後佢仲要大大聲不停講話“有人返工遲到，但話自己隻錶未夠鐘就唔算遲”，呢句擺明就係比說話我地聽啦👹👹！最諷刺係電視TVB報時7:50嘅時候，佢嗰個樓面鐘已經係7:57(即個樓面鐘比實際時間快左7分鐘) 咁你話係邊個有問題先！唔通我6:00到，你將個樓面鐘較快個半鐘至7:30，然後叫我一黎到就係last order，我都要跟！咁你將個樓面鐘較到幾點都得架啦~後來阿婆唔知係咪覺得自己理虧，就話“你鍾意就叫喇，你食得晒先好”，然後再繼續依依哦哦。之前已經聽到阿婆話隔離枱叫2次咁多，仲問人地食唔食得到。講真，人地都係食完晒所有野先再叫，又無浪費食物，叫嘢食有咩問題！做得任食優惠 又千方八計唔比人地叫 真小家！ 如果你覺得$55團購任食係蝕本嘅話，咁你一開始就定高d價錢，客人想食嘅都唔介意比多d錢，但阿婆怕蝕本就不停話人，做生意做成咁不如唔好做啦！呢d咁嘅服務，仲要收服務費，簡直貼錢買難受！唔怪得晚市都無人幫襯！何況正價都唔平，出面大把點心店好味過佢。價錢再平都無用喇，要咁受氣法，我寧願比多d錢去食其他嘢都唔會再去。呢個阿婆簡直係趕客，我地食嗰晚幾枱客都比佢話過，阿婆仲大大聲話以後都唔做團購，唔做我地生意！各位朋友如果想一邊食一邊比人話，鍾意受氣嘅就去試喇！…Read More

友人介紹話d芝心牛肉球好似權頭甘大, 內有3粒芝士甘多. 我就lunch食少d, 晚上黎試都唔怕膩...點知....可能已經改左, 其實應該入位前問問, 但佢試過, 所以信佢啦, 點知縮水版.... - 芝心牛肉球 ($28) : 好似平時d牛肉球size一樣, 的確有芝心, 但一粒食時流出黎都幾正. 另一粒已爆流哂係碟底. - 醬汁蒸鳳爪 ($23) :味道普通, 分量都岩岩好, 中評. 只係價錢貴左少少. - 雞球大包 ($16): 都抵食, 大大個包, 餡同燒賣差唔多, 但就有雞肉件同鵪鶉蛋. 足料好味. - 鵪鶉蛋燒賣 ($29) : 幾好味, 雖然價錢貴少少, 但好少有懷舊點心, 而且味道唔錯, 豬肉餡都好好味. - 一品鮮蝦腸 ($32) :腸粉做得算薄, d蝦太少啦, 同埋成碟野太油, 價錢都係偏貴.最期待既芝心牛肉球縮水了, 而且人流少, 服務麻麻地, 杯,碗都唔太乾淨好似好舊甘.價錢偏貴, 食完都唔飽, 又唔太好味.…Read More

今日滿心歡喜想食點心   行過就見到呢間點心相信你出黎做得點心  應該難食極都有個譜既  點知...都唔可以話難食...係極之難食...我相信我以後都唔會番去幫襯首先一入到去個阿姐態度勁差...我同朋友入到去見仲有成4張大台係空咪是但揀張執好左既台...其餘3張都有垃圾 唔係咁想坐之後阿姐就問有冇訂台...我話冇...之後佢就調我地去張有垃圾既台度坐衛生環境真係麻麻地之後叫左6碟野  燒賣明明叫燒賣皇...細粒到同平日D普通燒賣差唔多仲好意思收人30蚊一碟  我敢講買叮果D都好食過佢牛柏葉,咸水角, 叉燒腸同排骨飯就一般 不過不失蝦餃就有D腥味...唔係太新鮮最後埋單加茶錢加埋一都要165蚊貴得黎又唔算十分好食…Read More

差到要開AC寫食評，買左團購任食已經打左九十萬次電話先有人聽，聽電話個阿嬸態度已經好差，Book枱時已經一肚氣，到食果日，第一轉叫左8個點心包括兩盅飯，腸粉凍既，燒賣只系實得得既肉球，蘿蔔糕得粉冇蘿蔔，排骨D肉硬既，只系D飯OK，fine,明白團購平所以食物方面都吾敢要求太高，但最谷氣係D務態度真係超!級!差!我地頭一round 8個点心入面只係食剩三分一盅飯同一舊叉燒包皮，注意，係包皮吾係成個包，個阿婆過來收野時竟然摷返唒我地嫘出來既骨，之後問我地第二轉係咪叫左好多野，話我地食剩好多，我話我地只係剩左少少飯，佢就話我地食剩叉燒包，但我地只係食剩一塊皮，真係聽到已經一肚氣!!第二round黎到，馬拉糕硬既，冇口感，差D比佢哽死，一路食個阿婆就係咁系後面行來行去，一係就一路望住我地一路望住鐘，想點姐!廢事佢又阿支阿嗟，D野幾難食都夾硬哽落去，收野時我地已經係咁講唔該，個阿婆就黑口黑面，做乜姐而加，孤寒唔想比人點吾好搞團購任食啦！食到一肚氣，食左咁多團購餐廳未遇過一間咁差的，阿媽話觉得自己好似乞衣同佢地乞食咁…Read More

如果唔參加試食團都唔知旺角有間專食點心的專門店，舖位雖然不大 ，但傢俬充滿中式風格，木枱木椅極有特色，還看到有外國人士幫襯，應該都有不少遊客光顧。點心全部即叫即蒸，所以等候時間較耐，需要改善，點心份量方面不算大，蝦腸的腸身幾滑，但蝦的的味道還需要改善，要夠新鮮才可。而最驚喜的是牛肉球，有「澳洲牛肉球」、「巴西牛肉球」和「芝心牛肉球」，老老實實，我真係唔識分澳洲和巴西有乜分別？！ 但芝心牛肉球真係好食！牛肉底部已經有一層溶化了的芝士，已夠吸引，咬落去仲有芝士流心流出來，口感特別但唔怕「溜」，要襯熱食先夠正！其他點心如果份量大些少，會較合性價比。…Read More