Chidori (Closed)

琴日同朋友行行下街，見到尖東果頭開咗間新式日式串燒，日式燒墨魚丸食得多啦, 日式串燒好少食，咪去試下囉! 門口果姐姐sell 咗個套餐俾我地，話好抵。我地又行到餓餓地，咪試下佢地既下午茶套餐+招牌串燒雞翼囉。我地order 咗無耐，門口果姐姐先俾杯巨峰提子汁我地。佢話佢地D 串燒係即燒既，要等耐少少。我地咪一路飲，一路等，，大約等咗15分鐘左右啦。套餐包: 一串串燒+餃子2隻+一杯嘢飲，$22 蚊。巨峰提子魔芋: 原本驚有藥水味，但飲落少少藥味都無喎，仲有魔芋食，正!餃子: 係雞軟骨餃子，ok，好味。煙肉蕃茄仔: 一串有3個，我個人鍾意食蕃茄，蕃茄燒得唔太乾，仲保留好多汁，所以覺得好好味。招牌串燒雞翼: 一串有兩隻，唔係太鹹，味道OK。聽個門口姐姐講，話lunch 有套餐食架，有炒麵，串燒同嘢飲，$29 蚊幾抵喎。下次要再嚟試過先得。整體嚟講，服務態度幾好，嘢食好味，值得一試~…Read More

今日經過尖東見到間新既燒燒燒既鋪頭仔新開喎！又走去八下卦！門面主要有個師父係度做即叫即炒既鐵板炒麵、同埋煎餃子！亦因為係即叫即炒，所以等既時間比較長一d！而我地order左d乜？叫左一串玉米$6，雞翼2隻 $8 ；等左大約10mins度一路等，一度睇住門口既師父係度炒，點知芽菜仲多過d麵！唔太ok！睇嚟間野未正式開張，以下係試業價，以試業價既炒麵$12 算ok ，可以接受，唔算太貴la！個姐姐話開業後d炒麵會賣$20的！then d 姐姐話宜家有個餐的，叫炒麵+ drinks = $25但我地只order左：玉米&雞翼門口既姐姐話招牌既係雞翼，而玉米&雞翼都係用特制既燒汁嚟燒的，而且會一路燒一燒查燒汁的！ok.... 我地就試雞翼先...... 評：雞肉都幾滑既，燒到火喉剛好，沒過火！味道 - 食極都feel唔到佢落左咩"燒汁"咁巴閉law！而且根本就睇唔到、食唔出，佢落左咩燒汁，由開始食到食完隻雞翼只感覺到好鹹、好重味精！評： (滿分為) 到玉米la！hm..... 失望...... 當晚天氣唔算好凍，我地食完嗰一隻雞翼就食佢，前後唔夠3mins，但想不到已經凍了！可以想像d玉米燒得唔夠熱了！too bad！入口既味道，直頭覺得要回水！微暖都算la，食落乜味都無，包括玉米無甜味，無"燒汁"味，連鹹味都無！只能說一句：失敗之作！評： (滿分為) so.... 一次就夠哂數！雖然我未試炒麵，但以佢地呢個水平，仲想話正試開業d串燒要加多$10以上，我可以肯定地答你，我一地唔會再幫親！唔想結業，就努力一d點吧！ @_@…Read More