Sennome Japanese Restaurant (Closed)

大角咀呢間居酒屋性價比極高，大件抵食又好客呢碗特選丼，有海膽、赤身1切、帆立貝1隻、三文魚2切同白身魚2切。真係未見過好似玉子咁厚嘅海膽，鮮香到不得了！其他刺身都好厚好靚仔，好似去咗魚市場食咁跟餐仲配有是日沙律及味噌湯，沙律唔係普通嘅一碗，係大大碗配有海葡萄，好有誠意味噌湯熱辣辣，好足料，事前暖胃真不錯珍寶蟹棒壽司係呢度嘅其中一樣signature，原來加多$3再可以升級做特大珍寶，果然厚度係超超超誇張，連壽司飯都俾佢重量壓扁，啖啖肉燒得好香軟殼蟹卷都好抵食，一份有8卷，軟殼蟹脆脆地有蟹香，上面有勁香嘅牛油果醬，極之開胃，有啲似他他醬咁正免治雞肉棒好大條，打勻雞蛋同醬汁，點雞肉棒食一級棒鴨肝燒得好實淨，好有汁燒嘅香味，裡面都入晒味牛舌芯又係好厚身，鹽燒味道非常香，口感好彈牙。白鱔燒到外皮脆卜卜，冇乜骨好香脆燒豚腩燒得勁吸引，又係激厚，油光閃閃，我見油憐，咬落不得之了，點解可以又爽又綿？嗌5款串燒，就有Orion啤酒送，見到咁嘅優惠即刻bling bling眼呀老細仲好好人，送多杯巨峰提子汁畀胃民，真心爽呀用完餐原來仲有甜品送，椰汁糕都好香口…Read More

大角咀隱世居酒屋🏮 我搵到一間好食抵食嘅居酒屋 食材好新鮮 環境舒服 服務好親切🥰 ✨千目特選丼$168有海膽 赤身 白身魚 帆立貝 三文魚 仲有沙律及味噌湯 刺身非常新鮮 帆立貝勁大粒 海膽都好多 推介🥰😋 ✨炙燒三文魚腩壽司$22/件x2✨炙燒珍寶蟹棒壽司$13/件x2✨海膽壽司$78揀咗幾款自己鍾意食嘅壽司 三文魚腩超肥美 蟹棒好長 啖啖肉 海膽軟綿清甜👍😋 ✨鹽燒雞軟骨$20✨鹽燒雞腎$26✨椒鹽雞翼$28x2✨燒豬頸肉$28x2佢啲串燒都好出色 燒到微微焦香 －上枱就香氣撲鼻 好有食慾 依家叫五串仲有得送啤酒或者係一杯🥃 正😎 ✨什果特飲$18桃味特飲 味道清新😉 整體嚟講 係值得推介嘅小店 好快會再encore佢😉 🎈千目 (大角咀)大角咀大全街34號地舖…Read More

❤️ 燒肉盛盒一人錢 $198必點套餐✨呢個超級抵食！佢話係一人前但兩個人食都好夠食😍個套餐包括漢堡扒、牛柳、牛舌心🤤完全係比足份量🫶🏻每件都大大嚿，佢仲有配埋白飯、沙律、小食同埋味噌湯🍵（味噌湯嘅料勁多！有海帶同埋竹筍）❤️ 天婦羅冷烏冬（兩蝦兩菜） $68呢個份量都唔惹少🤣🤣🤣佢個炸蝦天婦羅外層好似係用米糠咁包住再去炸😚大愛！個番薯都好甜🤩外脆內軟咁呢個麻醬烏冬以為佢細細碗咁，但勁飽肚嫁❤️ 炙燒三文魚腩壽司 $22/件超級肥美嘅三文魚腩🍣事關我係好鍾意食燒三文魚壽司嘅人🙂‍↔️呢個大推！❤️ 蟹肉忌廉薯餅 $26咬落去好Creamy🥲🤙🏻真係要俾個叻佢，整得好好味❤️ 日式炸雞 $42/5粒食落一啲都唔熱氣🤣反而帶俾我哋有種開胃嘅感覺😚令我哋清晒其他嘢😂（真係食咗好多）❤️ 免治雞肉棒 $32成條都係雞肉嘅口感🥹冇骨啖啖肉！配月見汁😋😋😋❤️ 燒三文魚飯團 $36上面有一嚿鰻魚再配兩邊都係飯焦嘅飯團🍙口感好豐富🥳❤️ 燒飯團（醬油味）$28有甜甜地嘅醬油味，同🍘餅差唔多😆但多咗飽足感😋🥰 晚市附送甜品-桂花糕+啫喱糖桂花糕嘅味係比較淡🌼啱啲唔係鍾意甜食嘅人🥰個甜品碟勁靚🍬🙌🏻 店舖嘅人係勁熱情咁樣幫我哋燒❤️🥺好有愛，因為我哋其實都唔太識燒，仲要佢哋勁有愛😆✨個個都好得意，服務滿分😍店主：知唔知千目最出名係咩？我：係咩？店主：斟茶🤣🤣🤣🤣🤣🤣🤣🤣📍 千目 (大角咀)大角咀大全街34號地舖…Read More

✨整體上，性價比正常。不差但都唔算有驚喜，勝在店員服務好好 🎡 店面整齊，枱同枱之間有空間，唔會太焗促。🥢🍽️  三文魚🍣 親子丼 $88配沙律同面鼓湯。 三文魚算新鮮，魚子都非常之多，surprise到我😂 🍜 千目拉麵 $78配料好豐富，有成個手掌大的叉燒，大大粒帶子，蟹柳同埋蟹鉗。性價比很高。💡 值得一提: 冇加一✨ 整體上環境: 🌕🌕🌕🌗服務: 🌕🌕🌕🌕食物: 🌕🌕🌕抵食: 🌕🌕🌕🌗…Read More

街坊日本料理小店～本身性價比已經好高，而家仲要買五串串燒就送一杯Orion生啤！🍣炙燒三文魚腩壽司$22🍣天使蝦壽司$28🍣炙燒帆立貝壽司$24🍣炸蝦加州卷 $42我覺得佢哋嘅壽司特別正，用料靚加埋即叫即握，好食過連鎖店好多。三文魚腩超肥美。帆立貝特別大隻鮮甜。平時好少地方有得食天使蝦，鍾意佢彈牙鮮味，見到一定食。炸蝦加州卷都算係充滿童年回憶嘅comfort food。多料少飯，有齊炸蝦、青瓜、蟹柳，加埋蟹籽同埋魚子醬，味道超豐富。🍜天婦羅冷烏冬$68兩隻蝦兩款蔬菜，炸得好酥脆。彈牙嘅烏冬撈滿麻醬。做正餐一定飽，性價比幾高。🍗煎油封鴨髀$88估唔到呢度會有油封鴨，而且有整得幾對辦。鴨皮酥脆，鴨肉食落去充滿油脂嘅香味。✨日式炸豆腐$38豆腐炸得金黃而且外脆內軟，加埋蔥花同埋天婦羅汁已經好好味。✨鹽燒牛舌芯$46✨鹽燒雞軟骨$20✨鹽燒雞翼$28✨燒鴨頸肉$26✨汁燒鴨肝$26買五串串燒就送一杯Orion生啤，當然要嗌五串。鍾意佢哋唔係用預先串好嘅急凍雞軟骨。同埋燒到有啲焦脆嘅口感。牛舌又厚又多汁。鴨肝肉味道比起想像中濃厚，配啤酒食真係勁啱。…Read More

哇，今次嘅晚餐真係好正！我同男朋友去咗奧運站附近一間特色日本居酒屋，食到一啲超級新鮮嘅海鮮，真係好滿足。首先，試咗佢哋嘅**千目特選丼**，裡面有海膽、赤身、帆立貝、三文魚同白身魚，真係每一樣都好新鮮！特別係海膽，口感滑溜，味道濃郁。配埋日式沙律，清新又開胃，再加上鮮甜嘅麵豉湯，簡直完美！然後仲有**千目刺身盛盒**，裡面有白身魚、三文魚、八爪魚、甘蝦同帆立貝。每一塊刺身都切得好厚，質素超高，特別係帆立貝，口感鮮甜，食完真係令人意猶未盡。再講返**窩燒烏冬**，麵條煮得剛好，口感彈牙，配上豐富嘅湯底，暖心又滋味，絕對係個好選擇。最後，**馬刀貝壽司**，貝類嘅鮮味完全表現出嚟，鮮甜得來又有嚼勁，真係一口接一口，食到停唔落手。老闆態度非常親切，不時嚟關心我哋食得點樣，令我哋感受到熱情款待。總括來講，呢個晚餐體驗真係非常好，食物質素高，海鮮新鮮，絕對值得再來！…Read More

今天晚上，我們去到大角咀千目晚餐。我們點了千目特選丼，叫了五樣燒物， 例如 燒安格斯牛 、燒鰻魚飯團 、香燒大蝦 、鹽燒雞翼 等等； 另外附送甜品 ，桂花糕。千目特選丼，真是美味無比， 包括三文魚、海膽、帆立貝、白身魚和赤身， 配是日沙律和味噌湯 。另外五樣燒物，讓我们大開眼界。燒安格斯牛肉，鮮嫩多汁；燒鰻魚飯團的風味獨特；香燒大蝦則帶有濃郁的香氣；鹽燒雞翼更是外脆內嫩，讓人一口接一口。餐廳正在進行推廣活動，還附送了一杯清爽的沖繩啤酒，增添了用餐的樂趣。此外，甜品桂花糕的清香，為整頓餐點畫上完美的句點。服務員熱情周到，讓我感受到賓至如歸的感覺。 我們十分享受今天在千目的晚餐。…Read More

今日約朋友6點幾大角咀食飯，特登搵間冇入座時限既日本餐廳慢慢傾。鋪面係一般日式家庭小店風格，風格好溫馨，有間可以容納8人既小房間。老闆同店員好有笑容同主動同客人傾計，見佢哋推薦白身同串燒，我哋又試吓啦。白身魚薄造- 上枱時層層乾冰煙霧，好有儀式感，其他客人都望哂過黎，白身魚薄切上每塊加上金薄，配上減咸醬油，食到魚生既鮮而不腥，新鮮就係好。鍋燒烏冬 - 個烏冬配料豐富，配有扇貝，蜆，蟹柳，香菇，天婦羅蝦等等，天婦羅蝦食落脆口肉鮮，湯底屬於少少濃，配合上黎味覺好滿足。串燒- 燒豚腩（鹽燒）、鹽燒牛舌芯、鹽燒雞翼 - 串燒有驚喜！我最中意燒豚腩，好入味同香脆，朋友中意牛舌，軟腍彈牙有咸香。店員仲喺上菜時，放低小交剪，好體貼。鐵火三色丼 - 赤身，蔥吞拿魚蓉同三文魚子組成嘅鐵火三色丼 ，配沙律同味噌湯。沙律同味噌湯係標準質素，蔥吞拿魚蓉好似出邊食肉餅咁厚，加埋赤身既鮮味同三文魚子既微油咸香，好食！刺身- 食完白身同赤身後意猶未盡，再加左三文魚、油甘魚同帆立貝刺身，一如之前，肉質鮮味同魚身既油份好出，係新鮮先保留到既味道。成餐飯，老闆同店員好熱情細心，會主動建議冷熱菜式既上菜次序，成晚時常加水又會主動換碟，聽到其他客人同老闆店員同好親切傾計。 以質素黎講，個價錢唔算貴，而且成晚用餐好愉快。呢啲溫馨小店要支持，下次如果黎大角咀食飯會再去。…Read More

位於大角咀嘅千目，係一家🇯🇵日式料理店！晚市主食🍱幾十蚊就有交易，而且份量足，夠晒親民🥰！🌟千目刺身盛合 A $198親民店都有打卡菜式！以寶箱上菜嘅刺身盛合，儀式感滿滿！盛合包括三文魚、帆立貝、甜蝦、八爪魚各2切，款款厚切夠足料，帆立貝仲要係原粒上冇開邊，肥大肉厚更顯鮮甜！是日白身魚6切為真名鰹，魚肉有彈性，淡雅嘅鮮甜味的確唔錯！🍢鹽燒牛舌芯 $46｜鹽燒安格斯牛 $42｜鹽燒豚腩 $28｜鹽燒雞翼 $28｜免治雞肉棒 $32Order任何串燒五串，即送日本生啤一杯，係必點嘅優惠combo！串燒可自選鹽燒/汁燒，整體香口惹味！🍣蔥吞拿魚腩蓉反卷 $42吞拿魚腩蓉份量夠多，而且綿滑可口！🍚鰻魚炒飯 $78內含大量肥美嘅鰻魚粒，每粒飯都沾上油香！🍮紅豆糕 Free晚市奉送自家製甜品，送完即止！…Read More

知道千目開咗幾個月，今晚第一次幫襯。餐廳位於大全街，門口有位置停車的，不過時常都泊滿。餐廳燈光足夠，座位亦算舒適，地方整潔。晩市餐牌都幾齊，有前菜、刺身、串燒、拉麵、烏冬、丼飯。我們叫了如下食物炸豆腐：外脆內軟劍魚和油甘魚刺身：食材新鮮，特別之處是上枱時有乾冰墊住盤底，做出煙霧瀰漫的效果串燒豚腩、免治雞肉棒、牛舌芯、鴨肝：份量十足、調味適宜餃子拉麵：餃子皮脆，配辣油十分惹味總結：餐具好精緻，食材質素高，師傅手藝亦好，份量十分足夠。老闆招呼很殷勤，價錢亦相當合理，非常滿意的一餐👍🏼…Read More