千之瀧日本料理 (Moved)

得閒又嚟下食，食品同服務都keep到。 今次都叫到燒雞皮。去咁多度食呢樣嘢，都係呢度最好，所以食完一份再叫多份。 即使市廣場地下果間"洞"都做唔到呢個水準，而且果度燒物通常得一串，呢度價錢平少少仲有兩串。所以我覺得抵好多。 不過今次竟然有失手嘢，叫咗個白酒煮青口，過熟而且完全無酒味。埋完單我至同位侯生女侍應提一提，只係想可以改進……女侍應聽完行開咗，我亦離開。點都未出到門口，女侍應截住我比番青口份錢我，而且比番加咗一嘅錢我。 接住見厨房度位厨師打招呼話唔好意思。。。有heart嘅舖頭，绝對要贊…Read More

今日下午行完山喺水泉澳呢邊落山，其實都知水泉澳商場入面其實冇乜好食，所以都係再行番去沙田河畔花園果邊先多啲選擇。今次我同朋友再行入左啲，搵啲再隱蔽啲嘅食肆。好好彩去到呢間千之瀧其實已經full左，但等左5分鐘左右都冇就已經有人賣單。入面啲位其實勁窄，老闆攞盡晒啲位俾多啲人坐到，所以坐得唔太舒服，有時仲要讓下人地出入。鐵板燒廣島蠔，超好食，連啲草菇同洋蔥都好入味，啲蠔又肥嘟嘟，非常惹味。呢款雞軟骨餃子都係好好味，啲餡料夠多，而且味道岩岩好，沾啲醬汁即刻提升晒啲鮮味！枝豆，平時食啲枝豆都係當冷盤咁食，呢個一擺入口，喂，熱既（？！），都唔係熱，暖暖地咁啦，但口感個啲都ok,不過不失！魚生飯，做人最緊要有飯氣，所以叫左個魚生飯，叫飯跟個麵豉湯。食左小食，再加個飯剛剛好！刺身算新鮮同足料，睇下pea海膽就知！河畔花園呢邊日本野都唔少，呢間雖則地方不大，但質素好，比我地大大既驚喜！…Read More

2個人。。八點半進店。。裡面人不多。。店鋪也不大。。朋友黎過話間野ok ..就黎試下就日式料理。。有刺身，壽司，卷物，手卷，燒既野，炒飯，炒烏冬，拉麵等。。都好多種類。。價錢黎講都算中高。。好。。我地叫左。。鐵板濠。。甜蝦壽司，，活赤貝壽司，，蔥吞拿魚卷物，，牛舌，，牛肉炒烏冬，，燒銀雪魚骨，，係咁上下。。有一二樣唔記得😝先黎是壽司。。個甜蝦無乜特別。。都幾ok個活赤貝好新鮮。。入口鮮甜爽口。。推薦個蔥吞拿魚卷物。。唔。。。普通。。唔洗試。。個人覺得麻麻。。跟住個鐵板蠔。。幾好食。。有d 菇仔。。牛舌。。可能我個fd 加左檸檬汁。好fresh..再來牛肉炒烏冬。。我幾欣賞。。因為唔會炒到好乾身。。幾好仲有個燒銀雪魚骨。。對於我唔太好魚既人黎講都幾好味。。總括黎講呢間野。。刺身，壽司。。係新鮮既。。好味。。燒物我朋友話正。。我就覺得幾好。。未去到好正。。炒野。。可以試下。。真心不錯。。魚魚。。愛魚之人會欣賞。。價錢略高。。2個人。。5百左右唔係食好多野。。但都夠飽。。服務呢。。有進步空間。。叫佢地應得好快。。服務到好快。。個杯無左幾次水。。每次都係叫佢幫我地加。。唔夠主動。。我下次有機會都會再去。。。由於我食食下先諗起影相。。所以d 壽司就無影。。。見到個炒烏冬出色好先醒起影相…Read More

食過呢間多次，一直水準幾好，我覺得佢係同區最好食嘅，款色多又有創新嘢。刺身新鮮必定喇，煮或燒物都好得，燒雞皮係我最愛嘅。店員亦都有禮貌，所以會定期嚟食。唯一可以彈下係舖面细咗啲，晚飯時間幾迫下，不過可以接受嘅，因為呢度啲客都比較斯文。今日點咗呢啲，上枱排序:1)汁燒银雪魚腩: 呢個正呀，好香好滑，推介2)海葡萄: 第一次試，口感幾得意，淡啲3)汁燒大腸: 第一次試，皮幾脆，香口，唔錯4) 牡丹蝦: 唔係咁甜，頭無糕5)燒牛舌: 香，推介6)安格斯牛柳粒: 重牛味，推介7) 雪刺身: 好似差咗，有幾種魚好似同味，都新鮮嘅8)鉄板蠔: 好食本來點咗燒雞皮，一直無嚟，可能無貨，但侍應無同我講，埋單睇單見只係塗咗呢個order, 其實上次嚟食都無燒雞皮…Read More

今日又約左呀姨食lunch，為左方便一陣我地都返工，所以就去附近食野，見到時間尚早，又見到千之瀧冇咩人，就即刻入去食日式午餐！餐廳坐位少，比較迫！午餐餐牌！星期一至五唔洗加一我地就叫左兩個拉麵定食，每碗就跟一份壽司同前菜！前菜都幾特別，係羅白黎，整得幾好味，壽司用料都新鮮👌🏻海鮮烏冬：材料都好豐富，天婦羅炸蝦都幾大隻九州拉麵：义燒都好大件，湯底都ok，有好多配料，日本魚旦、紫菜、雞蛋、粟米等，d拉麵都ok午餐50幾蚊食個拉麵，又包壽司，價錢都ok，係坐位比迫少少！…Read More

河畔花園一向多餐廳多美食，近年餐廳不停轉，大概係因為近年租金不斷上升。唯獨千之瀧屹立河畔十多年，慢慢只做熟客都接近滿座。路過河畔搵美食就揀左哩間。先來一個千之瀧沙律，醬汁酸酸甜甜十分特別，三文魚、墨魚都十分新鮮，開胃又美味。再來一個墨魚汁炒飯，感覺十分淡，比較普通。再來炒烏冬，醬汁較得好，不會太濕太油或太乾，烏冬也算爽口彈牙不錯。最後再上炒雜菜， 正正常常不錯。整體來說，小店較擠逼，經常要等位，但十分整潔，一個不錯的選擇。…Read More

今日同屋企人黎到沙田圍搵食👣，喜愛日本菜🇯🇵既小妹見到日本餐廳就二話不說揀左呢間🤣。麵豉湯：麵豉湯送到黎個時熱到出煙♨️，擺到食完個便當先飲就啱啱好😝。   刺身便當($98)：刺身便當🍱相當豐富❤️，有：三色刺身、蜜桃三文魚沙律、香芒風乾腿芝士卷、三文魚海膽飯，仲有麵豉湯同自製甜品🍨。蜜桃三文魚沙律：三文魚刺身🐟新鮮肥美，質量相當好🌟。沙律菜🌱就不過不失，吾算特別新鮮👌🏻，不過甜甜地既蜜桃🍑令整體味道提升左⬆️～三色刺身：三色刺身好新鮮✨，質素都吾錯啊！不過後面塊紫蘇葉🌿穿左窿😥，小妹怕怕，冇食到🙊...香芒風乾腿芝士卷：呢個卷物幾有特色～芒果同芝士🧀入口即融，味道非常夾👏🏻！三文魚海膽飯：哈哈！又系三文魚，呢度既三文魚刺身真系幾新鮮😇～不過海膽有少少腥味，小妹覺得一般😶。至於壽司飯🍚，飯同醋既比例剛剛好👍🏻，酸度適中，好開胃啊👅！焦糖燉蛋：自製甜品系焦糖燉蛋🥚，面既焦糖夠薄夠脆💥，燉蛋口感軟滑😄，帶點肉桂味，不過個人覺得焦糖燉蛋同肉桂呢個配搭麻麻地👀～呢度既食物價錢實惠💰，有幾款都好吸引啊😜！不過我地都覺得餐廳入面都幾迫😟，枱同枱中間既距離只系啱啱好夠1個人行過😧，真系肥d都入吾到去啊😬...…Read More

今日係媽媽生日，本身諗住同佢去附近間德美食個lunch，點知嗰邊滿座，而且就黎3pm落場了，所以轉場去千之瀧，都係想食日本野嘛 入到去只有3檯6個人，其實睇得出佢都係做熟客多，師傅有d客傾下計咁。因為人地都就落場，我地就拿拿林揀餐，淨係專注睇個午餐餐牌，全部都唔貴，60幾70蚊左右。最後我地叫左三文魚海膽飯同雜錦刺身。碗飯一上黎，份量唔多但都夠食嘅。三文魚算肥美，有6塊都算係咁，海膽幾鮮甜但份量太少，淨係俾得一少pat… 個飯就唔夠米香了，亦都只係普通飯，唔係珍珠米。雜錦刺身有4款，另上一碗白飯。刺身食落亦新鮮，不過淺色嘅魚因為比較淡味，咬落有少少未溶雪。可能同德美有對比，對呢間感覺一般般，未必翻食了。價錢就算抵食，60幾蚊有個細前菜、湯同飯，不過有得揀我都係會揀返德美 :) 份量多d，刺身口感都豐富d。…Read More

一入到間舖，覺得環境幾好，食物偏貴，但如果好食都抵既⋯咁我就點左三文魚海膽飯、海鮮拉麵、鐵板廣島蠔、火龍卷。跟住佢先上左三文魚海膽飯，個size超細，同大家樂d細叉燒飯差唔多，三文魚還好，不是太薄，有五六塊到，但個海膽真係太少，海膽軍艦都多海膽過佢= = 佢應該係餐牌到寫三文魚飯，都無咁嬲⋯海鮮拉麵好似自己係屋企煮咁，湯底係味精湯。火龍卷就有塊芝士係上面，但又唔夠融，食入口係芝士同卷完全分離。個廣島蠔算係成餐入面最好食，有d炒菇同洋蔥配，幾好食，但總括黎講，係超級唔抵食，淨係呢4樣都已經三百幾蚊。唔會再去…Read More

service is pretty good but to me, the food is a little disappointing.  in general they can do their seafood right, but robatayaki was disappointing.  i walked away feeling a little 可有可無...nothing too special or to rave about.…Read More

想食拉麵，所以走嚟千之瀧試試，因為從朋友得知，這小店幾抵食。叫了鰻魚拉麵，拉麵夠爽，不會過淋。豬骨湯底味道稍淡，但熱度足夠，雖然湯底味道稍淡，亦因為呢個原因，可以飲多幾啖湯而不會太膩。日式魚旦有很多片，其他拉麵店通常都係兩片咁多,味道都係一般日式魚旦味。另鰻魚很好吃，尤其嗰汁，整得好好，鹹甜適中，帶出鰻魚嘅味道, 而且鰻魚煎得很香口。另外午餐頌送壽司，有一件三文魚壽司，一件熟蝦壽司，兩件青瓜卷，味道都ok, 算係新鮮。…Read More

話哂生日，我一定要去一間信得過既餐廳，因為唔想有hardfeeling，所以朋友一致講返: 老地方啦:)。千之瀧係沙田區係用心經營既日本餐，地方不大，我去過北海道同大阪，千之瀧就係比返個種感覺我。好親切既居酒屋，所以對於上則London_Rocker的評論，本人聯想到特首夫人的金句，「倒抽一口涼氣」，因為評語真令人感到很莫名其妙。支持一: 燒三文魚頭 乾身,脆口 8.5分字面已經寫了，先排除L_R的理解及認知能力，這菜式是用燒烤爐燒的，正如其他留言朋友，怎會出油浸呢? 支持二: 九州拉麵 足料 9分L_R所講用$20 pack個種蟹柳，我本身都最唔鍾意食個種蟹柳，先排除L_R唔多食拉麵，不懂得分分辨食材，是不出奇，因為作為食評，一定要問清楚，我問過主廚: 如果係普通蟹柳，就不要浪費，因為我一定唔食，但佢同我講係"大崎蟹柳"，唔係個D用粉整既，我就真係要試，味道當然與超市既，兩回事吧。糖心蛋，千之瀧師傅用"魯"水汁，再調味去煮，我對這個好有要求，不能太咸，每次食千之瀧糖心蛋，我都好感動，因為內裡既蛋汁，係橙色、好似日落咁靚，仲要慢愎流出黎。支持三: 鰻魚飯 醬汁香濃 9分初初我都問，呢個鰻魚飯要$76，有咩咁犀利? 作為追求高質素食物既客人，我會問主廚，原來千之灑用靚價既蒲燒鰻魚，每次出菜，都要燒一燒:)，不是烘熱或叮熱，咁樣先夠香，基本上汁同飯既比例係啱啱好。 所以對於L_R所寫的"維持生命"既心態去食，這句評語，很抱歉，令我再次聯想特首夫人所講: 無知、涼薄。 講反生日飯，都是食個幾道招牌菜，但今次要值得推介: 鹽燒喜知次魚，乾身脆口，絶非油。…Read More

好多年前跟隨父母去食過印象中是不錯的,但今次再同爸爸去,真係十分失望....我本來不打算寫食評所以沒有拍照,但食完後感覺實太惡劣,一定要寫出黎,等大家小心....在此先為這不專業的食評說抱歉,------------------------------我同父親,男友,3人去食,6:30左右到達,當時得一枱2個客人,我地想坐入去一個4人枱,但有 一個女侍應卻安排我地坐近果兩個客昤既門口既6人枱,但父親堅持下我地得以坐入面既4人枱不說門口枱好熱呢個問題...3人坐6人枱已經好怪吧...我諗係女侍應想方便自己傳菜啦...呢個同食物質素無關,就5講咁多啦...------------------------------坐定左,首先我叫左一個九州拉麵,父親叫左鰻魚飯定食,男友叫左咖哩豬排飯定食...再叫左d串燒,同一個燒三文魚頭... 聽父親說拉麵是不錯的,因此我都頗為有期望...趣事又黎啦~我叫左一個 日本年糕串燒 , 女侍應問我 "好, 一個串燒, 個串燒你要燒咖可?"下!!? 我叫緊 串燒 喎... 九州拉麵無幾耐, 拉麵一到,已知無料到! 個湯底好稀,無味,完全係味精粉開出黎既感覺, 一個拉麵,湯底5掂...已經無左一半食慾, 我居然仲係個湯道見到平時打邊鑪20蚊一pack 果種蟹柳係入面... 如果我想食味精蟹柳湯麵我自己煮啦,做咩要黎食呢 ?...都算啦...講個麵,係普通粗身拉麵... 煮到完全林哂,5講彈5彈牙啦...:(但係係難食到入5到口,直頭林到爛既...過身份左小小囉sosad...個糖心蛋係全熟既, 叉燒係硬到狗不理既...成個麵都係不知所謂既...55蚊我都知5可以期望d咩咖啦...但係居然難食過味千...講真佢收55,但我覺得只係值25蚊囉...中間有10蚊係比裝修,有5蚊係比個碗,因為洗得好乾淨同幾靚,...果碗野根本5可以稱為日本拉麵...鰻魚飯定食&咖哩豬排飯定食之後父親個鰻魚飯定食.... 咪放左塊鰻魚上個飯道囉,汁都無,無話好5好味,無特別難食咁囉...唉...到我男友個咖哩豬排飯定食,又一狗不理之作,個豬排硬到佢食左3舊,忽然停口望住我..."我個口咬到好痛呀..." 之後佢就放棄左個排啦...一個咖哩豬排飯,豬排係入5到口既...真係世界級燒三文魚頭食左一半個燒三文魚頭到左, 評語!? 好油,好油,好油~!其實味道不差...只係油到呢...其實我係咪叫錯左油浸三文魚頭...成餐飯,搵樣野黎讚下都無...連最基本既日本食物都煮5好,令人太失望,好懷疑到底仲想5想做落去建議: 去果道食叫剌身,壽司同生蠔比較穩陣        如果叫熱食,都係抱住"維持生命"既心態去食吧,會有驚喜總結: 根本不是日本餐廳,有錢都不要去...…Read More

是晚原本諗住去打冷的, 但經過呢度門口, 老公話好耐冇食呢間, 不如比多次機會佢, 試下, 於是就入咗去, 但咗去後我想走人, 因為佢邊位的2人枱已留座, 得返門口果張6人枱, 但已經有一家三口食緊, 即係變相搭枱, 仲要趕1個鐘後交枱, 我真係想走, 但老公想食刺身, 所以就坐低咗............ :( 豬軟骨拉麵不過不失, 豬軟骨唔會林到化哂, 仲有少少咬口, 個拉麵就一般, 唔夠彈牙, 至於個湯底就有少少味, 但唔夠濃 薄切鱆紅魚刺身原本我地係叫menu上的普通鱆紅魚刺身, 但落單時個伙計話是日廚師推介係薄切鱆紅魚刺身, 我又係好不情願地接受咗, 雖然呢個薄切係好多塊, 但價錢比普通切貴幾倍, 我又唔鍾意太薄冇口感, 但老公話薄切冇咁易有筋, 係就係冇筋, 但口感都冇呢, 薄到死, 食哂成碟都唔覺食咗~ 天婦羅蝦自從多年前食過一次係好好食, 個炸粉好似日本果只咁之後, 食咁多次都唔得, 無論個粉定師傅功力, 一來個粉唔同咗, 所以冇咁好食, 二來炸完之後, 成張吸油紙都係油, 唔掂lor~ :(   火龍卷呢個反而有d驚喜, 唔錯, 個炸蝦卷係用小鐵板上, 熱辣辣, 面頭仲有溶咗的芝士, 超正~基本上好多都係熟客book咗枱, 街客最非好早嚟, 如果唔係都唔駛等, 因為我見d熟客通常都係七點零開始嚟, 間中仲有好多人入嚟外買三文魚刺身~…Read More

同朋友講左好耐, 終於都黎試食，有燒雞翼, 雞軟骨, 帶子, 田樂茄子, 海老天婦羅, 什菌軟殼蚧天使面同埋一個牛肋肉，千之瀧卷: 大量蟹籽, 蝦炸得好脆, 連殼都吞埋, 推介!-鵝肝壽司: 飯好味, 鵝肝夠香, $48/2件-雪刺身: 冇諗過舖頭細細有咁好的刺身,極之新鮮!-天婦羅: ok, 冇乜特別咁啦!可能用料較好的關係, 所以貴少少! 整店坐滿人,有好多都係在附近學校教書的教師...服務都唔錯,地方淺窄,店員仍堅持將食物送到面前,又主動幫人斟茶... …Read More