sen-ryo (Tai Koo Shing)

今日同同事一行三人happy Friday食個lunch,其中一個同事話想食日本野,就近近地揀左黎食千兩喇同事已經算醒目,因為佢係會員既關係, 已經一早喺十二點半前喺Apps拎定位,可惜行到過去都要等20張枱,勁誇張,等到13:08先入到座,佢既lunch set價錢由$82-$138都有,任君選擇，可惜我唔記得左影餐牌🙈我地三個都揀左$138個餐,感覺最多野食首先上埸既係沙律同麵豉湯,個湯有落左似係赤蝦既蝦頭落去煲,啖湯有鮮味有驚喜👍🏻👍🏻😋,沙律就普通貨色,有幾片生菜同幾粒粟米咁囉到主餐上埸,睇落都好豐富好吸晴刺身夠新鮮,蝦肉都係爽既,唔係林嗰種,因為本人唔食三文魚既關係,同同事換左吞拿魚返黎,食左兩件,其中一件有筋既,味道都OK既鰻魚飯出奇地夠熱,仲要係都keep到個溫度,唔知係咩技術,好食炸蝦仔佢炸到可以成隻食晒既,都算唔錯,不過我都係食左兩三隻度天婦羅蝦正,隻蝦有咬口既,唔係嗰啲無質感,食完都唔知自己食緊咩既天婦羅蝦個甜品糯米糍都好食,甜甜地煙煙韌韌咁埋單$455.2,平均一個人$138加一姐係$152, 咁既價錢有咁既份量同質素真係好抵食值得一讚既係枱上面都有一枝消毒酒精，同埋都會每人俾個口罩套，防疫措施都做得足👍🏻…Read More

今晚去咗千両食壽司，可能疫情關係啲食店，店內有好多優惠推介，今叫咗枝日本清酒，半價優惠。食方面的刺身拼盤都有半價，四人物量都係$295，拼盤有牡丹蝦，三文魚，拖羅，油金魚，帶子及墨魚。各種味道都很好，牡丹蝦有鮮味口感又彈牙，全部海鮮都交足貨。黑松露煎蛋煎蛋，味道不錯，口感柔軟，但覺有點嗆候。雞泡魚乾口感柔軟有魚味。仲點了一個炭燒日本雞，上枱鐵板上的雞都是黑黑的，是我喺日本居酒屋常點的一個菜，估唔到呢度都有。日本的雞肉都係$68非常抵食。仲點左麵豉蘿蔔炆牛舌，喺日本居酒屋十分流行的下酒菜，但呢度用左名貴價牛舌，唔係牛雜，味道出奇好味大根又入味。整體來說價錢十分公道，在優惠之下值得再幫襯！…Read More

喺太古城外圍，其實都幾難搵，帶埋BB車，店舖內環境狹窄，有樓上一層，安排我哋上樓上，要成架BB車托上去。服務一般食物質素尚可當然同價錢成正比打開Menu都覺得選擇唔係咁多不過總體質素可以…Read More

這是一家不多元化的千両, 午市時分居然並不提供鍋裏物體, 串燒, 燒物等等, 由於選擇不多, 只好點了刺身, 不同的壽司, 和一個午市套餐:)先談談這一份特大拖羅($150), 只有三片, $50一片的拖羅是什麼味道呢? 只能說慘不忍睹, 無奈地因為魚生片真的咬不開, 無法給予好評吧壽司算正常吧, 如果只點午市套餐倒是挺化算的(大約$98-$128一份), 以這一區太古坊商業區來說是良心價格炸物也過得去, 炸蝦卷較好吃, 還有不喜歡的地方就是它家的日式醬油, 實在太鹹了, 加上醬油瓶子一點也不好開, 每次倒醬油也有困難最後午餐二人共消費了人均$350, 這個價位的午餐我會期望有更好的質素…Read More

呢個季節限定千兩季節限定鰤魚套餐，greater amberjack 平時好少特登叫呢一款魚今次見到有季節限定，即刻叫試吓先，每一片都厚切，而且好新鮮咬入口軟林林，啲魚香撲鼻，仲有一隻魚油流出嚟真係好正。跟餐仲有個蒸蛋，麵豉湯同埋沙律。蒸蛋個份量真係大到你唔信呀，成隻碗咁大，真係好抵而且啲蛋好滑蒸得啱啱好。另外仲叫咗個壽司餐，我最欣賞係拖羅，真係好林好滑，脂肪含量算係高，好正。由於係會員嘅關係，餐後仲送咗個即烤番薯雪糕，個雪糕係牛奶味，好香好甜，有少少冰感，好快溶，所以要食得好快。個番薯係績效嘅加咗少少蜜糖，所以有少少甜甜地香香地。…Read More

午市但我地無叫套餐，叫散點，因為套餐不太吸引但原來午市係無燒物同串燒！今日又無海膽.........不過，好彩都仲有好多款選擇🙈😂1) 推介: 炙燒左口魚群邊🥰你見我地四個人叫左5客 (10舊)就知有幾好食喇!) 不過今次燒得唔夠炙燒囉.........🤔白雪雪無燒過咁...........Anyway，佢油脂好好好豐富！一咬落去爆晒汁😍天然嘅咸味魚油味2) 推介: 黑松露帶子壽司 (下圖有1 pat黑色野喺面that one)同黑松露個味好夾！大大粒，厚肉唔會太冧，又甜！靚帶子🎉(得我叫左😆其他人唔like帶子無叫到)3) 不推介: 三文魚腩刺身 (左下角左邊淨低一塊白白地嗰塊...)好薄...好薄... 連皮變得爽口，而唔係肥美嘅感覺.......好唔掂😨4) 不推介: 卷物唔好叫呑拿魚卷！(右上角)$75得5舊細卷！上面加啲切頭切尾用淨嘅呑拿魚切碎..........咁就$75😨呑拿魚又無乜味...5) 油甘魚不過不失6) 玉子蛋壽司加左柚子汁，幾清新，但我比較喜歡傳統的原味😆Conclusion:27件sushi + 9片刺身 + 5件薰魚刺身冷盤 + 5舊呑拿魚小卷 + 3碗麵豉湯 ($22)TOTAL: $1100左右 (4人)都真係幾貴下 人均$275！但佢係食啲特別啲嘅壽司嘅🍣又有翻相應嘅質素嘅🤔想食特別嘅魚嘅朋友可以一試！…Read More

每次同同事食飯，總係離唔開一d價位比較高既餐廳。佢地唔止食物有要求，對成個環境同格調都有一定既要求。當然，我都會有同樣既諗法，但我對呢d既要求就比佢地低，更多focus喺食物同相應既價錢上面。今日佢地就揀左喺One Island East附近既千兩。千兩其實即係高級版既元氣？所以價錢都比較高d，加埋一，九十蚊起跳。選擇困難症發作左一輪之後，我就叫左個壽司set，因為果日早餐遲左d食，唔算好餓。個set總共有十件壽司，仲有個細細地既沙律同有碗麵豉湯。壽司既quality ok，不過不失，而且種類都算多既，有魚、有蝦、有生、又有熟既，但份量就真係唔算多。我諗如果係平時要食大大碗飯既男仔黎講，細d既set可能只係佢地六成飽既份量。同事食既其他set，睇落都幾豐富，起碼好似多幾款野食，會滿足d，只係份量都好似唔係好夠咁。雖然野食既份量同價錢都唔算好抵，但同元氣一樣，每到食飯時間就要排餐勁先。不過喺呢一區，如果要食日本野既話，九十幾一百就點都走唔甩。…Read More

午餐預早 book 左唔使點等。午餐款唔多，點左這個，最貴的味道 ok, 不算最好亦唔算太差環境有點窄，唔算舒服服務員反應慢，落單落錯，，，有待改善如果太多人，以食物質素睇，唔太值得去等，，，…Read More

Going there for a late lunch. They asked me to sit at the bar table right to a leaking air conditioner. Water can actually hit that seat. I asked to change. A waitress move me to a 2 person table. As I was able to sit down, another waitress wearing black with short black hair rush toward me and say I cannot sit there. I say ok where to next. She basically kick me out and was very rude. I did not want to cause a scene and left. I try calling their number to lodge a formal complaint but no one pick up after 4-5 attempts. Who ask would their customers to sit in a puddle of water in HK? …Read More

下午茶時間就唔使等位所以好快就有位錯叫咗一個刺身飯份量就覺得好足夠嘅但係略嫌覺得刺身唔夠新鮮蝦嘅味道比較腥 另外亦都見到佢嘅壽司款式都比較多同埋好收到呢度附近嘅OL歡迎…Read More

其實提早12點黎，基本都可以walk in 唔駛等位。識揀一定揀lunch set，超抵食。綠茶冷面味道非常淡，但其餘配料都非常完美！我個人認為吉列蝦比天婦羅蝦好食同埋冇咁heavy灸燒壽司好好食，好想再食！另外甜薯薯餅都值得推介，完全唔覺好油，非常適合留到最後當甜品食…Read More

啲飯因爲上面嘅魚生而影響到有d腥味 搞到我唔太想食飯魚生幾新鮮 對得住個價呢個餐配搭得好好sorry 三文魚食左一半先記得影薯餅個溫度恰到好處牛肉烏冬嘅牛係嘟野家質素 （即係幾高質）帶子上面嘅配料添加左層次感杯野飲叫左荔枝茶抵讚嘅係唔會太甜 不過無得叫熱 得凍揀但係個甜品位唔夠細心正常應該等食客差唔多食完先攞黎但係我食到一半已經到左因為呢間野都算高級日本料理餐廳 所以我會expect 細節位左好d比起另一個會推呢嘅餐多d…Read More

非常高質既日本菜，價格稍為高但配上同樣高質既日本菜，唔會覺得唔抵食，呢度既環境好唔錯，非常呢度既魚生非常新鮮，入口就係超高級既感覺，一食落去超幸福。非常推介呢度既玉子燒，軟得黎又充滿蛋香，配上特製既醬汁，非常好味。另外，亦會推介大家可以試下係呢度食午餐，價格冇咁貴之餘又有套餐，會抵食好多，我個人推介牛肉烏冬果個餐，佢呢度既烏冬熱辣辣而且有咬口，配上幾片牛肉同烏冬湯底，非常好味，個餐仲包兩個炸可樂餅，同樣熱辣辣，裡面有牛肉粒，勁好味，仲有五件壽司同兩舊日本小蕃薯，超抵食。…Read More

Sushi at Senryo is high standard and remains to be my favourite... The hotate sushi is especially very fresh. Seating is spacious too and makes an enjoyable dinner environment. One thing they can improve is the order arrangement - currently it's customers writing on the order paper. If the order is taken by the waiter, it will match the (relatively) high class setting better. .是日random quote：All the variety, all the charm, all the beauty of life is made up of light and shadow. (Anna Karenina, Leo Tolstoy)💫🌘.🎯FF獨家評分：8/10 (滿足🤠)…Read More

同朋友黎食晚餐，周末既話都幾多人，但平日夜晚又唔駛點等位。叫左幾款壽司，另外仲叫左玉子同炸雞。玉子真係好好食，有口感同幾惹味既蛋香。炸雞既重點係個醬，炸雞就普通。總括黎講算好食但價錢完全唔親民🙈…Read More