10 Shanghai (Moved)

餐廳由資深名廚主理，呈獻正宗淮揚風味。🥢**前菜**- 香糟醉鵝肝，鵝肝口感嫩滑，散發出深沉的酒香- 蜜汁脆黃鱔，外皮香酥- 黑松露珍珠燻溏心蛋，松露的香氣與煙燻味碰撞，層次豐富- 杭州油炆筍，筍片鮮嫩滑口- 涼拌胡椒萵筍蟶子：爽嫩蟶子與鮮脆萵筍的爽口開胃前菜- 碧綠圈子，燜煮後的豬大腸一層一層套成小圈子，味道香濃有層次🥢**主食**- 脆煎灌湯小籠包，底部金黄酥脆，而內部係鮮甜肉餡和湯汁- 蓮香蜜餞火方，口感豐富，甜而不膩，係主食中的亮點。- 濃雞湯蘿蔔：雞湯濃郁，蘿蔔清甜- 生拆蟹膏燴粉皮：係比較失望的一道菜，總體蟹味唔夠濃郁🥄**甜品**- 棗泥窩餅，窩餅薄而酥脆- 炸芝麻湯圓：內含芝麻餡料嘅小煎堆🎞️餐廳佈置帶有舊上海復古味，而且空間闊落。…Read More

家人偏好中菜，平時出去食飯一般都會揀中菜。今次就搵到哩度同佢哋慶祝生日，餐廳喺利園二期商場入面，一上扶手電梯就到，好易搵。鐵板灌湯生煎包 (四件) ($78)Sizzling Steam-fried Shanghai Pork Buns家人喺我未到嘅時候叫咗一個小食，所以無相 😆生煎包用鐵板上好保溫，就算放咗一段時間，生煎包仲係微暖。底有少少脆皮，生煎包入面多汁，好好食。都幾有驚喜，平時對生煎包都唔會抱好大期望，度度做得差唔多，但哩個真心正。蓑衣黃瓜 ($88)Sliced Crunchy Cucumber Served with Garlic Soy Sauce我哋係俾餐牌張相吸引到❤️每次帶屋企人出去食，都會叫佢哋揀啲平時好少食嘅嘢。家人睇餐牌嘅時候已經對佢心心眼，我即刻好決斷咁落咗單😌雖然只係青瓜，但係佢嘅賣相已經值回票價。佢分開一段段，唔係完全切斷，所以夾起都唔會散哂。青瓜本身冇咩調味，係點餐廳特製豉油一齊食，但個豉油太咸，我哋加咗啲醋落去，就岩岩好。酥炸鳳尾魚 ($118)Deep-fried Anchovy我第一次食哩個小食，係炸魚乾。佢個調味係甜甜哋，幾好食。如果個魚乾做得再鬆脆啲就好。黃金蝦球 ($298)Wok-fried Prawns with Salty Egg Yolk每隻蝦都好大隻，肉質好彈牙，好好食😍有6大隻，我哋3個人分，每人有2大隻。以哩個價錢，食到咁大隻蝦，好抵食。蒜苗肉絲炒牛蒡絲 ($188)Stir-fried Shredded Burdock Root with Shredded Pork and Garlic Bolt叫咗一個蔬菜，肉絲唔係好多，炒得好惹味，但略為油咗啲。我哋墊起咗一邊碟，等啲油留埋一邊，唔洗啲菜浸住啲油。肉絲炒准山麵 ($148)Stir-fried Yam Noodles with Shredded Pork最後，叫咗一個主食。初頭以為係乾身嘅炒麵，可能係准山麵嘅關係，所以食起上黎有啲油同笠。我哋自己落咗少少醋，等個麵清爽啲，無咁膩，但味道方面係唔錯的。對於整個用餐體驗好滿意。幾個月前試過雪園壹號，聽聞都係幾出名嘅上海餐廳，而且好full，要一個星期前打去訂位。但係兩間相比之下，哩度做得好好多，無論服務、環境、食物都比雪園壹號優勝。價錢又比雪園壹號抵，價錢同食物份量、質素成正比。職員都好有禮貌，推薦哩間餐廳👍🏻👍🏻👍🏻如果大家係1957會員，可以叫二人餐，都好抵。…Read More

十里洋場主打淮揚菜，餐廳最近推出全新菜單，加入六月黄、鮑魚、魚翅同蟶子等矜貴食材，鍾意食海鮮嘅朋友絕對唔可以錯過！而家只要登記會員，就可以享有二人同行一人免費優惠，等於成餐飯即時半價，登記會員仲要免費架，超級抵！淮揚夏日尊尚盛宴 （每位$988+10%）江南四喜拼盤賣相好精緻，四小碟包括花雕醉蝦、香檸醬油蟶子、四喜烤麩同糖醋小排骨。小編最推介蟶子，加入檸檬汁同醬油調製，鮮香惹味！酸辣紅燒翅紅燒翅以矜貴奢華嘅魚翅配上竹筍、冬菇絲同雞肉提鮮，相當足料！味道酸辣醒胃，做前菜一流。
蟹皇黃魚蒸雪裡紅肉餅黃魚柳肉質細嫩，表面鋪滿以六月黃蟹肉同蟹膏炮製而成嘅蟹皇，味道鮮香濃郁，豐腴甘香。底層係肉餅，略嫌口感有點過於軟腍。
六月黃醬炒年糕（一隻）六月黃肉質豐滿，仲好多蟹膏，蟹肉相當鮮甜，配上煙靭軟糯嘅六月黃鮮醬油醬炒年糕，鹹香十足，亦非常入味，小編極力推薦！
煙燻手撕雞拌海蜇廚師先將三黃雞煙燻後再炸至外皮金黃酥脆，其後再將雞隻拆絲，製作工序繁複。
鮑魚小龍包小龍包外皮夠薄，鮮肉餡料加入鮑魚粒，令湯汁呈現鮑魚鮮香，肉汁豐富，呢道菜亦令小編同朋友讚口不絕！楊枝甘露小丸子楊枝甘露以香甜當造嘅芒果加入西柚、西米、椰果同小丸子等配料，食落酸酸甜甜，都幾清新解膩。…Read More

十里洋場准揚菜係中國傳純四大菜系之一，今次第一次食准揚菜，果魚名不虛傳😋🥚黑松露珍珠燻糖心蛋（$68 2pc)呢道菜上枱即刻有大陣黑松露同煙燻味，糖心蛋黃都好滑好有蛋香☺️🫓鐵板灌湯生煎包（$78 4 pc)因為鐵板嘅關係，生煎包嘅底部煎得好酥脆，咬第一啖嘅時候，湯汁即時流出，雖然好燙口，但啲肉汁好鮮甜，好正😋🍗茶皇煙燻脆皮雞（$292 半隻）雞肉經過茶菜煙燻處理，令到雞肉帶住獨特嘅茶葉香味，而佢嘅外皮亦好脆，雞肉都好嫩☺️🥙碧綠圈子（$138）本身見到個中文名唔知係咩， 要靠個英文先知係大腸燉菜心🥬大腸燉得好淋 加上菜心，一啲都唔膩！我地order咗兩樣甜品，兩樣都好高質😍🫘雪蓮豆沙香蕉（$40 2 pc)豆沙香蕉好軟綿綿，入口即溶，甜度啱啱好😋🍡黑糖糍粑呢樣甜品簡直係成餐飯嘅精華😍糯米粉同黑糖令到佢有著黏糯嘅質地，煙煙韌韌，加上包住小小黑糖，簡直100分！🥰…Read More

週末諗住搵間餐廳lunch同屋企人坐得舒服可以傾下計💬，就搵倒呢間係利苑嘅飲茶☕️，座位闊落，不過冷氣有啲凍，著短褲嘅朋友記得帶件外套🧥 前菜有3款，西芹，青瓜🥒，豬軟骨粒🐖，3款都好開胃，最啱等嘢食嘅時候食住先☺️ 6個人嗌咗雞絲粉皮🐓陳醋紅蜇頭🪼蟹粉芋角🦀紅油抄手🥟香葱家常餅😋脆煎灌湯小籠包🥢灌湯生煎包😍棗泥鍋餅🤤黑糖糍粑🍡 黑松露珍珠燥溏心蛋🥚 可以按人頭嗌嘅溏心蛋，我地6個人所以叫咗3隻切半，溏心做得非常好，好流心，上面嘅胡椒粉點綴左成道菜，蓋過咗蛋本身嘅腥味☺️ 蜜汁脆黃鱔🐟 賣相好吸引，一望就知道脆卜卜，用蜜汁包住炸過嘅黃鱔🍯，香口惹味，好似薯片咁脆，忍唔住會不停食🤤 小籠包同生煎包都有脆底，用佢提供嘅迷仔鏟就可以好容易咁鏟起佢 ，唔驚穿 紅糖糍粑🍡 上到嚟唔係我expect咁嘅樣，似係一塊糯米搽咗紅糖再圈埋，唔似出面一條條糯米再點紅糖食，食完飯諗住食啲甜品結尾，不過呢個煮法略嫌比較油，所以最尾都係太膩食唔曬☹️ 總結: 樓底唔算高，所以餐廳多人嘅時候都會有少少嘈，如果想同屋企人飲茶，又坐得舒服，呢間會係唔錯嘅選擇， overall嘢食都好滿意👍🏻…Read More

好友聚會, 選擇咗上海菜 "十里洋場", 環境舒適優美, 燈光沒有傳統中菜館的名亮, 較為有格調, 看得出廚師將每道傳統上海菜都加入了小心思🤗黑松露珍珠燻溏心蛋🥚將雞蛋煮成溏心狀態, 加入醬油、糖醃漬, 再經過煙燻, 濃淡適宜, 味道剛剛好無錫煙燻䱽魚🐟䱽魚炸得脆口, 甜甜酸酸好好味, 如果醃製時間再長啲會更加完美十里香蔥雞🐓雞煮得有味嫩滑唔"鞋"口, 點上薑蔥油更加美味東坡千層寶塔東坡肉切薄片, 砌成一座金字塔形狀, 賣相相當吸引🤩, 店員等我哋影相之後, 切開千層寶塔, 原來裏面放滿梅菜, 東坡肉做到入口即溶, 梅菜味道啱啱好唔會鹹, 將梅菜同東坡肉夾著一齊食, 完全可以解膩, 配埋夾餅仲好食🤤龍蝦蘿蔔絲酥餅🦞蘿蔔絲酥餅內放入龍蝦餡料, 外層做得鬆化脆口👍, 但龍蝦餡味道比較清淡…Read More

淮揚食府「十里洋場」今個春夏推出了「十里珍饈百味宴 (HKD980/位）」，當中選用了不同珍貴食材，包括花膠、鮑魚、魚翅、和牛等，經大廚巧手烹調，呈獻七道美味佳餚。盛宴以淮揚四小品揭開序幕，包含四款輕盈清新的小菜：無鍚煙燻䱽魚酸酸甜甜的十分開胃，花雕醉花螺肥美嫩滑，而菜脯花生豆干火雞腎，鹹香惹味，是道不錯的下酒小食。第二道菜是火瞳雞燉翅，矜貴魚翅炆煮1小時後配搭大廚精心挑選金華火腿中的「火瞳」以雞湯燉煮6小時，鮮味濃郁，魚翅份量的特別多，每一羹都能吃到魚翅的鮮味。滬式醬油大虎蝦以滬式醬油爆炒大虎蝦，鮮甜入味，蝦肉十分爽彈。及後呈上黃魚茸脆皮花膠，自家製彈牙蝦膠釀入花膠後以大火炸至酥脆，淋上黃魚茸作點睛之用。好喜歡這道紫蘇鮑魚炒鴿脯，鮑魚配上鮮嫩多汁的鴿脯和紫蘇，有獨特的香味，風味醇厚，十分惹味。主食方面有牛肝菌和牛炒飯，和牛配牛肝菌是一絕，最後以燕液楊枝甘露為盛宴劃上句號。…Read More

另一位由細識到大既好朋友L小姐，相約替我慶生☺️☺️ 可能年紀開始大(!?😆)，大家都揀食中菜，選擇多啲而且環境亦都適合坐得耐😄 L小姐揀選了銅鑼灣利園二期既<十里洋場>食lunch，而我也是第一次來這裡，試試什麼是淮揚菜😄餐廳裝潢有點古色古香，燈光不是很光猛果種，而是夕陽燈光帶點點滄桑感😆 食物種類繁多，望上去似上海菜食材。📍前菜三味：麻辣豬軟骨粒、手拍青瓜、西芹麻辣豬軟骨肉：幾腍同時有少少咬口，帶少少辣幾惹味，唔錯。手拍青瓜，幾爽亦有少少麻油味，幾開胃。西芹：正常味道，冇咩特別。📍太雕醉乳鴿第一次食呢道前菜，擺盤幾靚，排返一隻乳鴿樣子，有體面。至於味道上，用上花雕酒調調味，有酒香，而且肉厚，可以講係啖啖肉，幾好食，唔錯唔錯📍蜜汁脆黃鱔另一款前菜，賣相亦不錯。黃鱔炸過後，再用蜜糖汁再炒幾炒上碟，即炸即炒即上。黃鱔用蜜糖汁炒過後依然很脆口，就好似食薯片咁脆身，香口惹味，會繼續想放入口食😆😆📍鮮茄蛋疙瘩疙瘩即係用粉團搓出來的，即係麵食既同類。這道主食細細碗，用上蕃茄、雞蛋、菇菌類烹調而成。湯底幾清甜，配有蕃茄蛋係幾開胃，但就略嫌疙瘩大舊，太粉團感，如果細舊點就會好好多，相對容易入口。📍涼拌胡椒萵荀蟶子也是開味前菜😅😆 L小姐好想食蟶子。萵荀切絲，用上麻油，胡椒調味，而蟶子份量起碼都有5-6隻😆 有咬口唔會過老，呢款煮得幾好食📍鐵板灌湯生煎飽這也是即叫即整，由我地落單到上菜，大概30分鐘左右，餐廳職員都提點我地要小心鐵板。由於用鐵板盛著，生煎飽真的很熱很燙口，而且飽亦煎得脆口，當咬到飽中心，湯汁即時流出，燙口而且肉汁鮮甜，很好味。都話熱既食物係最好味啦，呢款真心推介餐廳播放著懷舊國語歌，好有老上海既味道，而在這裡用餐也不用擔心太嘈吵。餐廳職員都密密手沖水和執碟，亦沒有趕食客結帳，服務都可以呀。和L小姐邊食邊食計，起碼逗留了3小時☺️☺️😆 過了一個愉快的中午😇事後食評：-味道：4.0/5.0價錢：3.5/5.0環境：4.0/5.0衞生：4.0/5.0服務：4.0/5.0…Read More

父親節就到啦，唔想同人迫既我都習慣提早慶祝，亞爸鍾意食中菜，今年就揀左食淮揚菜既「十里洋場」餐廳裝修華麗又帶點懷舊，就好似將昔日繁華的十里洋場帶到黎現代大都會咁，環境舒適十里珍饈百味宴火瞳雞燉翅有著金華火腿既咸香，入面仲有雞、瘦肉同埋魚翅等等既材料，魚翅份量都唔少，成個燉湯一d都唔油，清澈得黎湯底濃厚又鮮味淮揚四小品無錫煙燻䱽魚：好香脆同埋仲熱架，微微既煙燻味，醬汁酸酸甜甜，好好食酸辣福花：醃製過既椰菜花酸酸辣辣，係一道好開胃既前菜花雕醉花螺：花螺爽口彈牙，浸住花螺既花雕酒實在太香了，忍唔住飲左幾啖，好好飲☺️菜脯花生豆干火雞腎：全部都切到細細粒的，咸咸香香又有咬口滬式醬油大虎蝦好大隻虎蝦呀，泡過油既虎蝦連蝦殼都好香脆，滬式醬油甜甜咸咸非常惹味，味道唔會話過濃，真係好出色既醬汁黃魚茸脆皮花膠個脆漿好鬆脆，入面釀左蝦膠同花膠，外脆內軟，再淋上黃魚茸，真係滋味無窮紫蘇鮑魚炒鴿脯鴿脯炒得鮮嫩，鮑魚片亦都鮮美彈牙，紫蘇既出現令到成個菜式增添不少香味同色彩，仲有爆香左既蒜子、乾蔥頭，香氣撲鼻牛肝菌和牛炒飯每啖飯都充斥住牛肝菌既香味，蛋絲炒得好幼細，仲有和牛粒，菜莖片，成個飯濃郁得黎又唔會好咸燕液楊枝甘露有別於平時甜品舖既楊枝甘露，呢款相對較稀同無咁多芒果醬，加了椰果好有咬口，亮點當然係加了燕窩，養顏又好味蟹粉小籠包小籠包皮薄多汁，每粒小籠包都食到蟹粉既味道，可能唔係當造既季節，味道唔算好濃郁黑金流沙包個包熱焫焫的，一摵開個包，入面既奶黃咸蛋黃醬流晒出黎，好好味整體食物都好有水準，「十里珍饈百味宴」只要即場加入成為1957會員，就可以享有二人同行一人免費，呢個價錢可以嘗盡珍饈百味真係好抵食☺️…Read More

The environment is ambient but atill quite noisy!!! 😝😝😝The best food of the day is wonton chicken. The skin of wonton is thin and the content inside is firm!!! 👍🏻👍🏻👍🏻 The soup is very tasty!!!Another highlight is the pork tower. The preserved vegetables and the pork taste and mix so well!!! It is lovely to eat with crispy bun or steamed bun!!! The skin of little bun is very thin too but most of the bun break down and leak all soup inside. 😵😵😵The smoked egg and fish are not bad. Stronger taste will be better for me!!!The fried dumplings tastes normal and has soup inside but all of them are not fried enough!!! 😝😝😝Another crazy dish is the eel!!! 😖😖😖Although it does not taste bad with onion, it is not classic enough. It should come with caraway and bean sprout!!! To be frank, it is hard to find this now. Please le me know if you know where it is!!!…Read More

Comfortable seats, 有啲幾好坐既卡位！ 大廳啲位都算闊落！ 服務又好好， 開左兩壺茶比我哋三個人！打開餐牌， 好多不同選擇， 有貴有平！味道都算不錯！ 喺得利苑都算係咁！ 唔算好貴！ 裝修都幾好， 廁所都乾淨企理！好適合一大group人 或者同屋企人！ …Read More

我和朋友二人進入餐廳被安排在類似茶餐廳對坐位，檯面只適合放每人一個碟頭飯，叫了茶讓侍應把一壺開水拿走，因為空間太小，理解此地的貴租。我們叫了998元的套餐，食物質素也是令人失望！除了醬油大蝦處理的比較好，冷盤不過不失，這碗所謂的魚翅湯就是一碗雞肉和豬肉的湯，把湯渣撈出來之後，湯只剩下半小碗，魚翅在碗底才看到小小的幾條。蘆筍炒鴿肉鮑魚，簡直就是笑話！蘆筍成了青辣椒「超辣」，鴿肉你的牙無法咬非常堅韌，鮑魚只是二片薄薄的關頭鮑魚「還可能是螺片」因為到此時察覺不到餐廳對食客的誠意了。還沒結束那碗牛肝菌和牛炒飯，上來的時候是很香，但當你一口吃下去時感覺是滿口的油膩，每粒飯都包裹著油，廚師的水準太不合格了，一碗炒飯做成這樣比不上茶餐廳的普通炒飯。侍應的服務這裡不累述，不要期望就合理了。…Read More

 一向都覺得銅鑼灣的［十里洋場］食物有水準，而且抵食，尤其是幾次下午茶好出色，太太同閏蜜聚舊，都曾經選擇十里洋場。同以往的推廣一樣，只要係1957 會員，便可專享二人同行一人免費優惠，而每位$980，連埋原價加一以及菌茶芥，都係$600左右。而且只要光顧［十里珍饈百味宴］，又可以用$50，享用咸亨太雕十六乙壺，以及$288，兩小時無限暢飲Nicolas Feuillatte Reserve Exclusive Brut NV香檳、Cloudy Bay Sauvignon Blanc白酒及Cloudy Bay Pinot Noir紅酒，實在相當划算呢！今次就同太太丟下家中兩隻小魔怪，來個二人世界。淮揚四小品 無錫煙燻䱽魚、酸辣福花、花雕醉花螺、菜脯花生豆干火雞腎鯧魚肉質比較結實，但太太就是喜歡這個嚼口，而且煙燻味好香，不錯。想不到就連簡單的福花，都變得酸辣，咬落爽口，非常特別。如果說到可以慢慢消磨時間，就一定係菜脯花生豆干火雞腎，切得夠細碎，又有嚼口。而同樣有嚼勁的花雕醉花螺，細細隻又入味。火瞳雞燉翅足料到一個點之餘，火喉十足，但湯色依然清澈，每口湯都是精華所在，香醇甘甜，單是這個湯已回本不少。滬式醬油大虎蝦上海［本幫菜］濃油赤醬的代表，選用大大隻虎蝦，尤其是𐝹開蝦背位，令醬油更加入味，蝦殼咬落脆卜卜，用來佐酒一流。黃魚茸脆皮花膠選用肉質細嫩的黃魚肉，上漿粉炸至香脆，原本是平常不過，但黃魚茸加入膶腸粒埋芡汁，多了一份膶香，很特別。紫蘇鮑魚炒鴿脯以乾蔥蒜子來爆炒，香氣四溢，兩種截然不同質感的食材，海鮮與飛禽的配搭好特別，又係一道下酒菜。牛肝菌和牛炒飯好香牛肝菌味，亦富和牛油香，加上蛋絲令口感更佳，油份亦比預期少，份量啱啱好，不錯。燕液楊枝甘露太太本身已經係楊枝甘露粉絲，今次仲要加埋燕窩，養顏加美味，自己唯有乖乖奉上自己半碗比太太。餐廳專頁 : 十里洋場地址 : 銅鑼灣恩平道28號利園二期1樓101號舖 電話 : 23385500 味道 : 4  環境 : 4  服務 : 4  衛生 : 5  抵食 : 5  位置 : 5 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! …Read More

提到 Afternoon Tea，大家吃得最多應該會是西式的三層架吧！對於中式的不知道大家有沒想法或吃過哪一間呢？十里洋場是一間提供淮揚風味美食的中菜館。剛好這裡就有推出中式 Afternoon Tea，能一次過吃到數款的淮揚小品。餐廳室內是運用了流暢的線條和起伏的曲線將舊上海風格呈現在眼前，有種瑰麗感。淮揚美點龍蝦手工麵下午茶套餐 ($288/位)這個下午茶套餐現在有買一送一優惠，另外只在星期六、日供應。套餐包括放在大蒸籠內的淮揚小品，會有五款。黑松露珍珠燻溏心蛋 - 最濃香是有淮鹽添味的蛋黃，蛋白部份較啖。水晶肴肉 - 透明的滷凍比例不算多，吃落稍鹹了些。女兒紅醉雞、麻辣順風的調味都有點淡，所以不太嚐到酒味和辣味耶相對之下，四喜烤麩 比較濃郁，鹹中帶點甜味。最後就是半隻 脆皮煙燻BB鴿 外皮很脆﹐肉嫩多汁得來有濃郁的煙燻香。除了淮揚小品，還有一碗看起來很吸引的 龍蝦上海手工麵橙色的湯其實只是清湯來，而且味道是超級淡味那種，另外手工麵的份量很多。幸好龍蝦還算不錯，口感都幾紮實彈牙，還有薺菜鮮肉雲吞是整個麵中最濃味的。套餐也有包括一杯滋潤飲品，我選的是 楊枝甘露。芒果頗酸，而且加了不少椰果。可能因為芒果酸的關係，飲落不會很甜。…Read More

介紹返💁🏻‍♀️。。🇨🇳 上海菜 在銅鑼灣 🇨🇳。十里洋場 10 Shangai。利園二期1樓101號舖。四喜烤麩 Roasted Bran Dough with Peanuts & Black Fungus。HKD78 + 10%鎮江冰官肴蹄 Jiangsu Style Pork Trotter Aspic。HKD98 + 10%黃金蝦球 Wok-Fried Prawns with Salty Egg Yolk。HKD288 + 10%松子桂花魚Deep-Fried Sweet & Sour Mandarin Fish with Pine Nuts。HKD318 + 10%醬燒茄子Braised Eggplant Stuffed with Pork in Soy Bean Sauce。HKD152 + 10%走油元蹄Braised Lucky Pork Knuckle。HKD328 + 10%上海醃篤鮮 Pot-au-feu Jinhua Ham Brothwith Dried Bean Curd & Spring Bamboo Shoots。HKD182 + 10% @ 例牌。HKD91 + 10% @ 半份上海粗炒 Shanghainese Style Stir-Fried Noodles。HKD138 + 10%鐵板灌湯生煎包 Sizzling Steam-fried Shanghai Pork Buns。HKD72 + 10% @ 4 pcs金牌小籠包 Signature Steamed Xiao Long Bao。HKD75 + 10% @ 5 pcs炸芝麻湯圓 Deep-fried Sesame Dumplings。HKD48 + 10% @ 4 pcs🤫 話說家中長老ss即將要移民英國..然後作為上海佬嘅父親大人話想試吓位於利苑嘅十里洋場..咁所以我哋一行八人Book好六點鐘嘅枱嚟呢度食返餐以作餞行🤫 十里洋場餐廳名詩情畫意..裝修走高級路線..價錢亦都係中高價..可惜比我嘅第一個感覺係..服務並未去到應有嘅水平..首先好多餐廳都有指定嘅入座時間..問題係你要我Book 六點枱..竟然真係搭正六點正先開門..然後所有早到嘅客人全部迫喺門口度等候..雖然餐廳準時開店係冇錯嘅..但係係咪會有更加好嘅安排呢🤨🤫 咁我哋終於埋位然後揀吓嘢食..落Order嘅時候嘅嗰位落單阿姐呢～(我唔想尊稱佢做侍應..因為態度囂張到好似去咗茶餐廳🤷🏻‍♀️) 父親大人好聲好氣想問吓生煎包Size大約幾大..因為時下嘅生煎包好多都偏大嚿..未必個個屋企人都食..呢位阿姐竟然一句話”生煎包呢啲嘢唔可以Share個喎”咁樣..其實問Size幾大就代表要Share 㗎喇咩💁🏻‍♀️ 總之全個過程成個態度我都覺得佢只係一個落單阿姐..絕對冇利園裏邊應有嘅服務質素🤫 好啦好啦～我發洩完啦😂認真講吓啲嘢食..我家老頭子出名嘴刁..一眼就睇得出小籠包唔係即叫即製..係翻蒸龍虎榜..不過個人認為小籠包入邊嘅湯都好多而且有鮮味..不過不失啦..另外正宗嘅四喜烤麩應該係手撕麵筋..然後呢度係用刀切開一粒粒嘅..雖然都非常入味但係手法唔夠正宗..可能係我腌尖咗啦🤫 鎮江肴肉份量OK..味道亦正常..同其他上海舖同等質素..比較想讚吓嘅係黃金蝦球..鹹蛋黃醬汁調配得宜..鹹甜味適中而且脆口唔油膩..蝦球仲非常大隻爽口..呢味菜絕對推介🤫 然後醬燒茄子冇乜特別..感覺係重醬汁嘅煎釀茄子..走油元蹄方面..呢個都OK嘅..元蹄入邊嘅瘦肉都OK鬆軟..肥豬肉唔會好油膩..而且成隻元蹄都入味亦都好鬼大隻..多人一齊食係非常適合嘅🤫 再嚟就係另一個要讚嘅項目～醃篤鮮..喺香港地醃篤鮮真係已經比較少見..所謂嘅醃意旨醃製嘅鹹肉..篤就係以慢火長時間煨煮嘅烹調方法..而最後嘅鮮係純粹鮮味嘅形容詞🤪十里洋場嘅醃篤鮮係出色嘅..竹筍鹹肉嘅鮮味鹹香全部都能夠引發出嚟..再加上份量相當多嘅百頁..乳白色嘅湯汁味道濃厚..連飯腳仔都要添飲🤫 最後講埋生煎包同埋甜品炸芝麻湯圓..正如前段所講..呢度嘅生煎包並唔係父親大人心裏面嘅生煎包..最起碼個包並唔係生煎嘅..應該係蒸熟咗個包先再煎到個底香..不過又咁講..有幾多人要好似佢咁刁鑽先得㗎..我自己就覺得生煎包個底都煎得好香脆..入邊嘅湯汁亦都好多好濃郁..都不失為好味嘅生煎包嘅..至於炸芝麻湯圓..有些少搞笑..個樣根本就係迷你煎堆仔..Any肥..新鮮滾熱辣上台..好味嘅🤫 總括嚟講..十里洋場環境裝修雅致舒適..燈光稍微昏暗..嘢食都屬於中上嘅品質..甚至有幾味係值得推介..唯獨係服務態度有待改善..真心～一粒曱甴屎可以整壞一鍋粥..所有職員嘅服務幾友善有禮都好..一個阿姐嘅服務態度影響觀感..你話幾唔抵先🤯 。。翻兜指數：🙆🏻‍♀🙆🏻‍♀️️🙆🏻‍♀️（5個🙆🏻‍♀️為翻兜爆燈）。。…Read More