十八座狗仔粉

Open Now

Now Closed

之從知道做野附近有十八座狗仔粉, 就差唔多每星期都食一次, 佢個粉仔比較杰身, 辣菜脯好正, 不過都幾貴, 一碗都要$28, 佢既燒賣同魚皮餃都可以一試, 唔想食飯既時候係一個好既選擇~

元朗的十八座，印象中也開了差不多一年了，一直想試，可惜元朗美食太多，輪不到。但適逢上兩週在旺角想來個快的，便在十八座的旺角分店立食了一碗狗仔粉，印象中那碗狗仔粉正正常常，只是對那辣菜圃夢縈魂牽。終於找到了一個誘因到元朗的十八座吃個慢的。看見菜單有這些十元八塊三兩件的選擇很是到位，大嘥鬼也能吃多幾個款式。掛念辣菜圃點狗仔粉是常識吧。但到來的狗仔奄奄一息，湯頭是滿滿的粉仔屑，猜想定必是在鍋裏待久了吧，大家可以想像本以淥得過淋的即食麵，家中小鬼還對著誓願半個小時，麵身經已和湯底溶成一團，這便是元朗十八座的狗仔粉了。未知是否因為元朗店是二十四小時營業，所以狗仔也得浸在湯中 on call 36小時。碗仔翅吃了廿多年，但平生只曾以瘦肉伴食，因而對招牌火鴨翅寄予厚望。但送來的賣相也是奄奄一息..放入口中溫溫燉燉..火鴨肉鞋烚烚之餘跟碗翅毫無火花，用瘦肉..把啦。十元三只的魚皮餃，貨式跟家中冰格的一樣已是有心理準備。但我向來對醬汁不會放過，大多會舐乾舐淨，但這魚皮餃的醬汁不知所謂程度能令我少有地撇汁。論款式，全店只有十款上下，也能做出這個樣子，出色。

巧合經過十八座，睇到店面貼上好多明星相，就入去一試。　店比較細，位比較窄，坐得都唔是太舒服。四個人點了數個招牌菜：馳名狗仔粉（４碗細），招牌火鴨翅（一碗大），大雜燴（一碗大）。每枱都有各一樽辣同唔辣菜莆任你添。狗仔粉：一睇就覺得好「杰」，聞落去就幾香，食落去咸咸地，加左少少少少少菜莆（半匙），已經辣到飛起（利申：本人只食到小辣），同枱朋友都是食辣之人，都覺得辣度十足！食完會想再加辣。雖然味道唔是太特別，但平民小吃來講，都幾ｏｋ，可以一試。火鴨翅：一睇就覺好多料。聞已經好香火鴨味，但食落去就味偏重，食多兩啖就覺咸，同味精味都重。大雜燴：豬腸好肥= =，蘿蔔好淋，但個汁幾正，甜甜地。總括而言，試左三樣野食，四個人都是每人夾四十蚊左右，味道都唔錯，可以一試。

炎炎夏日變得胃口唔多好…於是乎就諗下食返d輕量既掃街野食…實行小食當正餐啦…行開呢頭…見有位就入左黎啦…野食得幾味選…唔駛點諗啦…招牌馳既名既通通拎哂黎啦…hehe...馳名狗仔粉～粉仔造型唔似平時食開果d白而尖尾既…反而似自家製長條切開一寸寸…細軟而有口感…湯底亦唔係平時食開白雪雪果d粉水…相信亦係自家製湯底…簡簡單單有冬菇蝦米菜甫…清清地幾好味…唔夠菜甫既話…當然可以添加辣與不辣…建議>>真係食得辣先好加辣…招牌火鴨翅～睇落去料唔係好多…但實則d火鴨絲真係好幼細…成碗都係…雖然口感好似齋飲獻咁…但火鴨味道超濃…大雜燴～有豬肚，豬皮，豬腸，蘿蔔…每樣都煮得腍而均勻…味道唔係一般用咖哩黎煮…感覺似有d酸梅味…但朋友話唔覺…都ok好味啦...整體野食ok...但份量較少…價錢變得略貴…

我本人對食唔太高要求煎蛋加白飯我都可以當晚餐呢間野d狗仔粉 同 鴨肉碗仔翅一放上檯面見到個賣想已經覺得不妙碗仔翅D色係麵線咁嘅色呢兩樣嘢食食第一啖已經唔想食鹹到不得了又勁重五味粉味我發誓絕對唔會有下次

早聞十八座狗仔粉的大名，但因為屋企附近也有馳名多年的粉仔，所以又一直提不起勁特意尋找十八座；這次跟朋友在元朗掃街同時，終有機會一試，但最後我們卻沒有點狗仔粉 餐牌上的 翅滾火鴨脾 下脾$30，無論相片跟其他雜誌報導都是脾加翅的圖片，雖然呀姐落單時都說了句「脾還脾。翅還翅」但還是會令人誤解是「另上」意思，最後等了又等，再問之下才知悉是「分開叫」，脾都放涼了，這裡有點不爽，但只能怪自已理解錯誤。用火鴨翅翻滾的火鴨脾，光亮的外表，潺潺的外層，其實不太合自已口味，但烹煮過後，肉質軟腍度再下一城，一撕就開，但同時也要犧牲肉質可能會滾老少少，總括而言，不會再點招牌火鴨翅 - 聲稱用四隻燒鴨同煲六小時而成，有鴨油同行，顏色確實亮麗不少，而且本身都足料的，不會膩滯撐胃，中規中矩其實浸過再吃，分別也不大，感覺是噱頭而已火鴨脾與火鴨翅都表現平平，但金絲火鴨魚肉湯 [$27]卻大有驚喜，一來是魚肉沒有撈太多粉去降低成本，二來裡面除了蔥粒還有大量馬蹄，一小撮素翅放面，論口感層次，這碗生菜魚肉絕對是水準之作，放底的生菜也並非切絲，是一片片的，下次來只會encore這個快來快吃，水準平平，反而魚肉有驚喜，下來再

每次行過都想試，今天終於有機會。其實食粉仔，兩溝，翅，都係食兒時回憶。。。。麻油要問，醋都無。。。老闆娘話醋會蓋過d鴨既鮮味，但sorry囉唔係睇住張廣告同埋佢講聲我知，我真係食唔出。菜葡係勁辣，辣到苦。完全唔係個種feel。如果要找兒時味道，可以不用去了

聽講食狗仔粉一定要入元朗食，今日難得入到黎，即刻去整返碗朝聖下先！第一次食，啲狗仔粉短短地幾得意。但係好似食極都食唔到有野落肚咁，加上陣味有啲奇怪，唔知係啲配菜定係狗仔粉本身既特色，食落去既時候都幾失望，同想像中有好大既出入。另外，今次叫大碗，但其實都唔算大，食完都唔夠飽，不禁好奇到底狗仔粉馳名既原因係咩。魚皮餃，正常啲，無咩奇怪味，但亦都無特別無驚喜，而且一份得三粒，唔算太吸引。老實講，食完一啲都唔飽，而且食唔到過人之處，相信唔會再黎。

星期六下午無無聊聊行過見到呢度有粉仔食~ 食個下午茶先~ 有粉仔同魚肉燒賣~ 粉仔加辣菜脯好好食~ 碗粉熱辣辣又足料~ 冇得頂 加多個魚肉燒賣，又彈牙又大粒 正呀 ~ 一定會再黎幫襯！

佐敦的十八座吃過很多次,元朗的第一次.今次沒有吃狗仔粉,只吃了鴨絲翅燒鴨脾鴨絲翅比起佐敦的,鴨絲份量少很多,其他材料也較少,而味道卻很咸,味精極重,而鴨脾肉質也較霉,元朗店,不會再吃了.

十八座狗仔粉賣的食物款式不多，就只要幾款小食。之前外賣吃過狗仔粉覺得很不錯，決定再來堂食，試試其他小食。非常足料，有很多火鴨絲在內，肉味很濃。不過本人始終較喜歡吃傳統的碗仔翅多一點，因為材料除了肉絲、木耳之外還有冬菇，味道、口感都比較有層次。坦白說，$30一隻鴨下脾本人覺得有點貴，雖然有很香的鴨味，而且不會肥膏多過肉，連皮也很好吃，但鴨脾好像不太值這個價錢，又不是燒鵝脾（當然啦～燒鵝脾可能更貴吧）。普普通通，沒有甚麼特別，豬腸、豬肚、豬皮及白蘿蔔，小小的一碗就要$30，很不值，試過就算了。總結是，十八座狗仔粉果然只有狗仔粉好吃！

某日收到大哥的報料，告之建業街一帶有新的食店登場，主打懷舊味十足的狗仔粉, 並附上多張美食照向我「示威」，圖中各款小食都非常吸引, 加上見小B一臉津津有味似的, 人家工作時收到這誘惑, 實在太過份啦! 哼! 他爸媽常取笑他似足姑姐貪吃且揀吃, 學到我優良的一面，他大愛的東西該不會差吧? 這樣更教我想會一會呢!週日真正放足全日假, 本想乖乖的留在家中, 但突然心血來潮想到元朗覓食去, 誠邀不願郁的爸爸同行，製造走動的機會, 難得他這麼爽快答應, 三人行大計要成功啦!狗仔粉這名字, 顯然是歲月的見證, 出現於七八十年代, 主要以粘米粉混入水搓揉而成, 加入其他配料經熬煮, 全人手製作, 美味又夠且飽肚, 成了勞苦階層的恩物。 記得小時侯唸書, 早餐間中會見到它, 滿滿的一碗新鮮熱辣, 基本的蝦米、冬菇下足, 還以豬油渣灑面, 香飄飄 , 誘人得很。店子本來不大, 午後時段人流不斷, 陸續坐滿了。在門外等候時, 阿姐揮手示意我們內進, 但見圓檯已坐了兩人，硬要我們仨迫入, 只會手碰手, 叫人怎會吃得安心? 寧可多等一會, 恰巧近樓梯底的小方檯有客人走了, 分上下右三方坐, 總算自成一桌,

夜媽媽肚餓想食野，原本打算食點心，忽然想起十八座係24小時營業又未食過，一於試下先，叫了一碗細狗仔粉，一客雜燴，狗仔粉足料，有冬菇又有菜莆，咬落爽口，雜燴有豬皮，豬肚，豬腸，蘿蔔，豬肚夠淋，正，蘿蔔夠甜，配埋秘制醬汁，好味，真係想問阿姐有冇白飯撈個醬汁食

今日去完覆診 就到又新街覓食啦 十八座狗仔粉 佐敦總店名氣不俗 兩個家姐也專程到佐敦一嘗懷舊美食 ！但我只有在旁羡慕一番 但十八座狗仔粉竟在元朗開上分店，我有幸到來一試 不用出佐敦嘗鮮 門外的門牌 店內的位置不算逼挾 進內就有半開放式的廚房 跟 收銀處 可以只是11:30左右還不是午市 所以進內只有我跟媽媽 店員也十分有禮的 點餐時 點了大狗仔粉(26$)，小雜燴($22)加魚蓉燒賣($10)店員仔細問要不要蔥跟辣 餐單上每樣食物也引人入勝 每樣也吸引我點一轉 奈何我的胃裝不下 十八座狗仔粉($19小，$26大 外賣一律$27)湯頭不算鹹 加上原味菜甫 也不錯 走蔥變相畫面少了點生息 內有冬茹 份量不少 我加了小小辣菜甫今狗仔粉添上不少生息 辣菜甫加進任何一個食物也會帶上特別的味道 兒時經常食粉仔既狗仔粉 現時有重拾舊時味道餐單的設計 有點懷舊又有點新潮燒賣 $10/8粒 沒有太特別 味道不會差的 因為燒賣應該不是自家製的 只加了醬油 可能加辣會較好!!!!!!!!!!!小雜燴($22)雜燴包括原味大腸，五香豬肚，清湯豬皮，鮮甜蘿蔔大腸不算肥

中午唔想食飯，諗起有間十八座狗仔粉閧咗一排都未試過，老公BB話去試吓，我咁大個人都未食過，唔知係乜，試吓都好。見到佢寫住24小時營業，心諗如果好食第時半夜又多個好去處。去到未夠2點, 但係唔係好多客, 連埋我哋都係得3枱客, 食物種類唔多，我同BB叫咗個大狗仔粉同大碗仔翅 share 黎試。