十八座狗仔粉

Open Now

Now Closed

上堂前搵野填肚 見無咩人就走左入去大概下晝6點幾鬆啲 落緊雨店舖:店舖比較細 有4-5枱，每張枱有4個位行既通道較窄我諗大隻少少 進出都有啲唔方便服務:可以用手機點餐 出餐算快食物: 馳名狗仔粉+火鴨下脾狗仔粉: 味道黎講正常，但未去到話超好食/好驚豔咁，個質感好似食緊羮咁啲狗仔粉好似啲麵粉條唔會爽口亦唔會彈牙火鴨下脾: 我覺得呢個唔錯~腿位有包張紙仔 方便你拎住食味道黎講我覺得好食既好似食緊燒鵝脾咁因為佢燒完再煮所以佢有個隻燒味但又唔會太油膩感總結:火鴨下脾 下一次黎我都會叫黎食P.S. 火鴨脾好似有限量

🥢十八座狗仔粉好耐冇食過就入去坐低，啲位逼到呢😪望下啲價錢都加到成$33碗😰馳名狗仔粉 + 芫茜 $38微暖，食落好粉，徧鹹個辣菜脯好辣，辣得好過癮🥵芫茜係生既，因為碗粉唔夠熱，浸極都係好生☹️豬油渣 $5入口成浸油膉味，唔好味😐招牌火鴨翅 $33足料，質感好杰，重鴨味，係好食既秘制千味醬細雜燴 $31大腸、豬肚、豬皮、蘿蔔大腸冇腥臭味，豬肚正常，豬皮淋蘿蔔有渣，未煮夠，有啲硬個汁係幾夾，但係好鹹，鹹到想洗腎😵‍💫竹蓆茅根水 $12正常屋企煲個啲味印像中食過係唔差既，但今次食完覺得差咗，好似食味精味咁😵‍💫仲要賣到咁貴，冇咩事我都唔想再去幫襯啦😤😤😤

18座狗仔粉出咗咁耐!!咁多分店真係未食過!! 路過尖沙咀分店又有啲人食緊!就買個外賣試下! 買咗一個狗仔粉加辣，一個魚肉翅! 狗仔分第一啖就已經爆咗粗!!打開碗碗仔翅望一望! 望落去好似糊仔! 試一啖即刻講究竟憑乜嘢收我71蚊??? 仲要攞幾年米芝蓮!! 係咪真係未食過好食㗎??? 講番個狗仔粉先!! 粉食落去口感係散! 辣菜脯完全食唔到菜脯本身嘅味! 個湯係杰撻撻!! 唔會再食第二次! 碗仔翅加魚肉--碗仔翅足料個湯夠味 !!但係都係好杰撻撻! 望落去真係有啲似嘔吐物! 係個魚肉比較好食!! 呢間嘢真係冇下次!!仲要咁好生意真係唔明白 !!!因乜解究????

今次就嗌左狗仔粉溝火鴨翅，金絲火鴨魚肉湯(生菜魚肉)，黑白炸丸，細雜，五花茶同竹蓆茅根。狗仔粉溝火鴨翅: 正常，因為火鴨翅本身都幾杰身，所以個人口味就加左少少魚肉湯落去一齊食。另外每張枱都會有兩樽菜甫，按個人口味加，一樽唔辣，一樽極辣。大家可以按照自己程度去加辣菜甫。金絲火鴨魚肉湯 其實姐系生菜魚肉加幾條人造翅，個湯幾清甜，魚肉彈牙得黎有少少煙韌感，生菜爽脆，最欣賞系當中加左本人最鍾意既麻油，令啲魚肉多左份麻油香。黑白炸丸 系炸墨丸同貢丸，個人口味較喜歡貢丸，因為彈牙得黎又夠汁同埋仲帶有少少脆口，墨丸都不錯，食到墨丸肉粒。細雜 : 有蘿蔔，豬皮，豬肚，豬大腸。先講蘿蔔 : 整體黎講算淋，無渣，不過就唔太入味，有少少失望。豬皮 : 正常，吸汁，中規中矩。豬肚 : 大大件，好易咬，不錯。豬大腸 : 無異味，夠淋，幾好食。最後個醬，唔系好食得出有咩味，淨係食到似有啲甜醬系入幾，好食。五花茶同竹蓆茅根 : 預先入好樽，兩樣都系無乜特別，純粹系當日口渴所以嗌黎飲。今次呢間系紅磡站附近既，狗仔粉附近仲有好多唔同既舖頭，所以大家黎到既話可以留少少肚，到時再試其他野食。

開咗好耐都無食，因為好細啲位又好迫，所以lunch 唔考慮，早餐每次行過都無人嘅，門口又無擺早餐牌，一直都唔知咩價錢。今早特然想食生菜魚肉，咁就去買個早餐，店無客人，2個職員，點咗個魚肉湯，原來要34蚊，唔怪得一個客都無🤣🤣, payment 仲只收現金，ali pay 同we chat pay , 實在只做遊客生意，無顧及港人需要😏.湯係即叫即整嘅，大概3mins , 返到公司打開，仲有啲“翅”，唔知係咪好耐無食，又覺得幾好食，“翅”都幾粗，啲湯都好味，不過整體份量就唔多，所以性價比偏低嘅。

朝早又唔想食太多野，本來想係呢度買燒賣堂食，但原來最低消費$20 先可以堂食...就改左要碗狗仔粉啦入去食既話，店員叮囑一定要掃安心出行枱上同牆上都有晒餐牌叫左大碗，非常之熱，又香味道適中，可以加辣菜脯唔使加一快靚正，十分鐘食完 走得

今日夜左收工，諗住行過買碗火鴨翅，滿心歡喜返屋企有正嘢食，味道認真麻麻好咸，不過員工服務就唔錯，禮貌好好，希望食物有所改善！另外在買咗雜錦，味道就唔錯！幾好食！

其實都係想食串好味D既魚旦同燒賣啫，係咪真係咁難呢😑😑😑今日Lunch 不是太餓，諗住簡單篤兩串野算數經過呢間十八座好多次都未幫襯過，所以今日嚟試吓，點知😓😓😓叫咗四樣嘢，香辣魚旦、魚蓉燒賣、鴨絲翅、黑白炸丸香辣魚旦 - 係陳皮魚旦諗住有驚喜，點知質感偏淋，辣汁唔辣😔😔魚蓉燒賣 - 普普通通，阿姐話辣汁好辣架，其實又係小小辣，想點呢🤣🤣鴨絲翅 - 味道其實唔錯，不過生粉好似落多咗少少，所以成碗野好杰撻撻，不過呢個係最好了👌🏻👌🏻黑白炸丸 - 炸牛丸同墨魚丸，唯一好食嘅係佢夠熱其實之前响官塘幫襯過，嗰次係覺得好好味，唔知係咪因為舖頭唔同，做法唔同，所以咁大分別。🤔🤔🤔Anyway, 尖東就冇下次了🙏🏻🙏🏻

食物尚算正常，例牌食火鴨翅同下脾。好耐以前食嘅時候，仲會食到鴨味好香，近年愈來愈失色。不過先$30一碗，都收貨。但店舖衞生就真係唔得！落左單先發現枱面有蚤，仲要係好多蚤！一入嚟已經見到，幾枱都無執枱！當時完全唔係忙，只有3,4枱客。而且只係叫兩樣嘢食都漏單,啊姐咁都入漏單。無奈落左單，只好快快食完就走，一定唔再返黎呢間食！已經離開咗間鋪幾個鐘，到而家都仲係好痕！希望老闆會睇到呢個意見，改善下呢間餐廳分店衛生問題。

早前6月份，我租住尖東九龍富豪酒店 Long Staycation，當晚，跟朋友第一次食飯，我們由西環堅尼地城搭巴士到紅隧口陪我落車，然後沿天橋行送我返酒店，落天橋經過科學館道，見到有間米芝蓮推介小食店 <十八座狗仔粉>！其實！我得知這間小店多年，卻是一直都無幫襯過！今次絕對是大好機會，不容錯過呀！端午節當日，我自己悠悠閒，在尖沙咀遊走，食完早餐行完 K11 Musea，便走返酒店做 Gym，之後肚餓，就去附近幫襯 <十八座狗仔粉> 買外賣返酒店食嘞！餐牌供應：堂食及外賣 +$124小時營業馳名狗仔粉 $30 (外賣 +$1) 走辣菜脯濃稠的湯底滿載蒜香味！風味十足！菜脯口感清爽！狗仔粉看似短身的上海麵，軟硬適中，吸收湯精華更入味！食一碗都夠飽肚！