十八座狗仔粉

Open Now

Now Closed

已經有幾年冇食過呢間小店，今晚有啲肚餓，就諗住買個外賣返屋企食，今次買左個"招牌火鴨翅"$34， 但估唔到非常失望，除咗冇味道之外，獻汁猶太"杰"，而且餐廳服務又差。好難會再回頭幫襯

有時收工夜，當宵夜都會喺尖沙咀附近搵間狗仔粉食下，開胃，又唔使食太飽坦白講，服務就唔多批評，只可以講正常。唔會差到發脾氣，不過幾間分店嘅服務其實都有參差好似我呢啲食完就走，就冇乜特別去留意或者批評狗仔粉同細個食嘅粉仔好似，平時如果餓的話或者有其他朋友share都會叫埋翅，同埋魚皮餃。每次嚟到必食嘅狗仔粉，一定要加豬油渣！雖然而家要比$5加，但係都係要加先救滋味同埋勁多辣菜譜。自家制的，好食超級match

呢加香港啲舖真係好收左好多，所以政府先話要攪個夜繽紛振興返個經濟，事實上疫情過後，大家生活習慣都唔同左，變左有時想行街，就冇時間食飯；食得飯黎，又冇時間行街。為左可以同朋友周圍行耐啲，決定晏少少食飯，就會幫襯呢間24小時既18座狗仔粉。大家都唔陌生，因為呢間舖周圍都有。今日食左狗仔粉，同火鴨翅，可以自行添加辣/唔辣既菜脯，一碗食量已經非常足，而且味道非常濃香，食飽飽之餘都非常滿足，係我地宵夜之選。

其實都係黎買個外賣遮！首先成間舖冇客，只有一個呀姐坐喺最出面食飯，吾俾我入叫我買外賣企出面等，好 吾緊要！買完野我話想落菜譜，問可吾可以自己入去加？呀姐話：你頭先又吾出聲？ 幾個呀姐啲態度差到冇人有！不知所謂！ 以後吾會再食！

⭐️馳名狗仔粉啲粉條煮得啱啱好，辣菜脯特別香辣，係狗仔粉味道嘅點睛之筆，令整碗粉更加美味⭐️招牌火鴨翅火鴨翅本身都係Q彈有嚼勁，令食物更加有層次感，而火鴨亦都好入味，加埋木耳絲更加有豐富嘅口感

請問你地間舖咩事？愈煮愈差！！ $35蚊買你地既「米糊」？ ➕幾條木耳絲？一次差過一次知你地係尖沙嘴賺遊客錢 都唔需要咁啊？ 飲粥水咁喎 根本你地賣壞曬自己名聲。一次半次我已經冇出聲，之前試過幾次都有幾舊糊狀既米糊咁既嘢我已經算了，今次簡直係飲「碗仔粥水咁」 ⋯⋯

超級耐無食過火鴨翅，勁足料，個人覺得禁多間分店，尖沙咀店係最正，比較”傑”身，多鴨肉，一絲絲，都好嫩，無叫到狗仔粉食，個人建議食火鴨翅遲d買，咁會濃d，狗仔粉就早d買，咁無禁碎，掉翻轉🤣

如果唔想做服務性行業就唔好做，唔好西口西面，要求也都唔高，唔好咁惡，又無得罪你地，也都唔係叫你地要比咩服務，起碼基本禮貌要有啦下哇，唔知仲以為識，態度差成咁都有，離曬譜

舖頭坐到最入都係dd涼風都無熱到出曬汗🤒間舖又細逼埋一堆食見佢上榜米芝蓮，期待左好多年一上，見到用發泡膠碗裝住個熱辣辣嘅粉已經深感不妙一食落佢去，驚嚇不已🤢個粉煮到過曬龍，超級軟，勁削💀似無睇火煮左半個鐘軟曬嘅麵🫠一dddddd味道都無😑傻更更加左個$5豬油渣完全一d幫助都無一半都食唔落口寧願成碗放棄唔食比較對得住自己😠同小朋友唔識睇火煮嘅麵差不多水準至少自己煮會有味先完全失望至極🤯🤮10分滿分 我比-10分坐窗位仲可以望住出面d蟑螂食飯添🫡

一入到去個姐姐就係咁用用命令嘅語氣人坐低。好心同佢講用廣東話同我哋講嘢就得，佢就串返你話你聽得明咪得囉！真係火都嚟！聽唔聽得明係其次，佢嘅態度先係最大問題！同埋地方細到你想擺少少野都無位，然後個姐姐就會串你話我哋地方係細嫁啦！本身細間舖，仲要坐住3,4個服務態度惡劣嘅姐姐，果種壓迫感呢，多謝無下次！

一入到去坐低落元單，個阿姐送食物過嚟一夜劈喺個枱面度，好聲好氣想問佢，好似唔想理你咁就走咗，之後再叫佢，佢就好唔願意咁行過嚟，問佢呢兩碗粉係咩嚟㗎，佢就好串咁同你講自己睇單，同佢講如果我睇到嘅話就唔使問你啦，佢就即刻大聲夾惡撳喺度嘈。聽到佢喺度而而哦哦即時火都嚟。好耐都冇試過啲餐廳職員係咁惡又串，買完單一行出個門口，成班阿姐喺度繼續鬧我哋，成間鋪啲阿姐都好有問題，點解啲服務態度可以咁差嘅呢？以後都唔會再去

出咗嚟尖沙咀諗住搵啲嘢食吓記得附近有間十八座狗仔粉上網見到啲食評一致都話員工態度差個心都有少少驚唔知係咪店舖老闆都睇咗啲負面食評入到舖頭坐低見係用QR code落單即刻大大減低要同員工互動嘅機會 😂狗仔粉嘅靈魂除咗豬油渣之外就係菜譜呢度嘅菜譜有分辣同唔辣辣嘅菜譜真係辣得好犀利建議唔係好食得辣嘅千其唔好落咁多以免搞到成碗辣得滯食唔到因為我一早已經打算食完之後去搵啲甜品食吓所以只叫咗一碗狗仔粉狗仔粉仍然都係同以往一樣咁好味味道係偏鹹嘅如果食唔慣重味嘅可能要叫定飲品見到舖頭係有每人$20嘅最低消費好彩遇唔到態度惡劣嘅員工食完之後就用八達通比錢準備到下一站食甜品 😋

多客人唔緊要，一入座話唔做堂食，走既時候就話都可以堂食要等好耐，都唔緊要，等左一陣都無落單紙咪問下店員有無落單紙，態度極唔耐煩話：你要乜野～！！，問佢拎落單紙，你同我講食咩，我話唔洗啦，嬲到痴線咁走左，唔介意等得耐，但唔應該咁既態度對客人，永遠唔會再幫襯，多謝😤

無禮員工送錯食物鬧顧客好聲好氣問可唔可以換竟然大鬧顧客點都唔會再幫襯呢間分店紅磡火車站個邊個間好好服務唔想做不如執咗呢間分站不知所謂一係就炒左個四眼丫嬸員工垃圾

唔知大家有冇聽過十八座狗仔粉？佢的確係一間好勁嘅舖，老闆將街頭小食變做一樣好出名嘅食物😆😆如果未試過嘅，好推介大家試吓😍🤣🤣!!呢度嘅野食味道比較濃，比較適合啲鍾意重口味嘅朋友🤣🤣但係佢嘅香港地道情懷的確完勝。佢嘅菜譜一流，夠辣夠香🥵🥵🤫另外，我都好鍾意食佢個炸燒賣。如果嗰日唔想食炸野，就會食普通燒賣😆😆不過建議如果唔食辣嘅朋友一定要走辣🥺!!呢間舖頭確實係將平平無奇嘅小食發揮得淋漓盡致🥰