十八座狗仔粉

Open Now

Now Closed

坐得唔係好舒服 不過嘢食幾好食 叫咗碗狗仔粉 黑白炸丸 大雜燴 魚皮餃 狗仔粉好滑湯底亦不錯 黑白炸丸好爽口好大粒 大雜燴口感不錯亦好入味 自家掣醬汁整出嚟嘅魚皮餃外皮煙韌相當好食!

落單講明唔要辣，你就借咗聾耳陳隻耳，樣樣都係辣到飛街，返到屋企一樣都食唔到！態度差不在話下，啲嘢食完全係食一大啖嘅味精！出街食味精就預左，但依間啲嘢真係唔係咁簡單！垃圾！

間舖見就見得多，但一次都無食過。去到深水埗好多嘢都試過，唯獨呢間未試，咁有食下啦。入到店內見菜式不多，主推狗仔粉同魚肉翅。入得嚟都要試下嘅。但極之失望。碗魚肉翅差不多40蚊，杰到不得了，又冇味。狗仔粉都係，湯係杰的，粉就煲得好淋，完全無咬口，食粒油渣就成口油。辣魚蛋得個辣字，亦唔夠彈牙。只有燒賣叫正常。。係正常咋，唔講得上好食。如果個米芝蓮係好耐之前攞落，希望佢唔好再話自己係米芝蓮。希望老板可以多點巡視業務，試試係未邊度出咗問題啦。

今日下午三點半左右去到深水埗，見有少少肚餓但又距離食晚飯時間不長，所以搵啲小食填一填個圖先。嚟到呢間十八座狗仔粉，咁我就點了一碗狗仔粉食，呢啲時間人流不多坐得都ok的，已經一段時間沒有來這裏已經改用q R code落單，點了一分鐘左右便送到上枱。狗仔粉份量不多不少下午茶就剛剛好，湯與粉都非常之熱，湯底味道濃沃帶點杰身，狗仔粉味道偏淡，但配上菜譜的鹹味就剛剛好，蔥花帶點香口，都算係地道的小食，唯獨是衛生欠佳在埋單的時候見到枱底又一隻老鼠走過，這隻老鼠很細隻食客們見到都沒有大驚小怪看來還有點可愛的。

先講人。黑面，無招呼，聲線沒有感情，象播錄音帶。食物，狗仔粉，只是外訂原材料食物，但可以煮到一“劈“糊！基本是沒有一滴湯！仲已經加了味精都好難食！一碗入面已得鼻屎咁少的油渣，想多少少！黑面說加十蚊！！！菜蒲唔可以多！莫說三四元一碗賣比我，請我也不會吃，拉黑！

早幾日假期慶祝活動，日日都玩到好夜就知又係宵夜時間宵夜黎講我都幾中意食十八座狗仔粉貪佢好味得黎又飽肚食物方面雖然唔係好多選擇每次都係指定要叫果幾樣但味道真係穩定地出色🔸十八座狗仔粉狗仔粉有咬口，湯底落左菜冬菇油渣蝦米個人覺得香得黎又有層次配料亦夠多，每一啖都有唔同既配料同粉條十分搭配再加上蔥花同愛辣人士必加既辣菜甫食到停唔到口🔸火鴨魚肉湯湯底同出面生菜魚肉既湯唔同真正係用鴨煲出黎，飲晒成碗都唔會口渴魚肉夠彈牙，份量多，成碗都係滿滿既魚肉同生菜十分足料🔸黑白炸丸墨魚丸比較普通，我比較欣賞佢既香菇貢丸同出面買既貢丸明顯有唔同非常值得一試

(自費食評)每次經過深水埗這間十八座狗仔粉都非常喜歡來吃一碗馳名狗仔粉是他們的招牌小食。現在一碗需要$33元了。如果未吃過的朋友仔不要錯過，下次有空也來試食一下吧本店使用QRCode 自行落單馳名狗仔粉賣相非常吸引，份量夠多這是細雜燴(S)網友們可以自行選擇吃(L)還是吃(S)的。細雜燴有很多豐富的村料包括，原味大腸，五香豬肚，清湯豬皮，鮮甜蘿蔔。再配上他們推薦的最重要的醬料，就是經過他們以多材料一小時秘製的千味醬就好了。非常嘢味，十分有口感，正

以惠顧10年有多啦～由細到大，狗仔粉就好似陪伴我長大咁!因為疫情，有很多店舖都關閉了，已經很少這麼耳熟能詳的小店了~但想不到，就只因服務員'手腳'慢就可以冤枉客人!!真的想不到咁有'回憶'的店舖，會容許用咁的態度對客人!真的，真的第一次這麼失望!!

外賣$68，2兜生菜魚肉得10幾條，又短仲要係(麵粉魚肉)勁硬！叫佢比菜譜，提咗幾次都係冇！阿姐仲要堅持有。。。。上次外賣又比錯咗，已經唔係第一次！今次溫馨提示依然都係唔check清楚

成日深水埗打躉的我竟然冇食過狗仔粉，見到好多明星合照，似乎真係唔惹小，今日行過就入去食個lunch。Starter是辣燒賣，水準一般啦，幾彈牙但冇咩魚味，辣油夠味。main course 就係馳名的十八座狗仔粉，入口驚為天人，一股海鮮味滲透入心入肺，見到牆上介紹先知原来湯底主要用豬油渣同蝦米熬製，令人讚嘆有如此味道。再試了魚肉碗仔翅，普普通通不過不失喇，用料亦正常。dessert 是秘製醬汁牛雜，味道有d似沙嗲溝咖喱，哈哈希望唔好俾我估中啦。飲品乃是一瓶菊花茶，不太甜，非常好。

我媽咪好鍾意食油渣麵的，昨日我和媽媽周圍搵油渣麵食，由於太大雨，所以很快就選擇了這間油渣麵，買的時候，我說要兩碗油渣麵，女性售賣員問我要唔要加＄5油渣，當時我在想，有得加油渣有幾好喎，不過只是想俾媽媽個口引，不想他吃得太多，所以就回覆他不用加了，然後他又問我，加吳家$5芫荽，我就很快就回覆他，都好呀兩碗都加$5芫荽，我之後我就攞了兩碗油渣麵回家了。點知返到屋企，打開碗油渣麵，我媽媽跟我說碗油渣麵都冇油渣嘅，媽媽即刻唔開心了😩😩😩，然後我唔相信，我就打開另外一碗油渣麵， 看看之後，我真係嬲咗上嚟😡😡😡😡離晒大譜，兩碗油渣麵上面就是我加的$5芫荽，下邊就是粗條面，我根本搵唔到一條完整的油炸，只看見兩三粒很細很細很細很細很細很細很細很細的油脂粒，如果用大小形容這粒油渣粒，差不多同黃豆一樣大左右，真係非常非常非常失望😫😫😫😫😫😩。為什麼這間買油渣麵的舖頭，我根本碗麵差唔多是完全冇油炸的，怪不知叫我們加$5油渣啦。其實根本就冇乜油渣。實在太失望我不會再幫襯這間油渣麵店了，什麼18座狗仔粉，實在太的人失望，我下次都係幫襯飯對面的周記油渣麵，對面的🆚它好得多。如果用一個100分為滿分的分數去形容這碗

在現場買九仔粉外賣唔比人加菜譜。唔比加就唔好放出黎，不知所謂，水汪汪完全無味，冇料，衛生環境不佳，食物質素冇保證，收錢呀姐冇禮貌，幫老板 倒米，祝你好運，大家不要再去幫襯

出開深水埗買printer, 趕時間，是但食啲嘢。呢間狗仔粉，由佐敦開到而架有9間分店，可想而知有佢哋地位啦！用電子掃code 下單，方便唔會錯。科技真係日新月異。有新野梗係試啦，對芫荽控一定要試啦！加左芫荽會再fresh d! 生菜🥬新鮮甜。魚肉實淨。但無咩魚味，係會加左粉架啦。㩒曬啲芫荽落去先食到啲魚肉同素翅。狗仔粉一貫味道，甘多年都無變。加埋豬油渣，正到一個點😆仲有啲菜甫都係一定要加。食完會有少省頸渴😅

已經嚟食過幾次十八座狗仔粉，勝在分店多，有時肚餓又唔想食咁多嘢，淨係食魚蛋燒賣又唔夠飽，就嚟食碗狗仔粉/火鴨翅。今次過嚟食狗仔粉，仲額外加多左一包豬油渣，都係加$5真係好抵食狗仔粉湯入面又有蝦米，冬菇等材料，所以好足料夠惹味，再加埋豬油渣，仲多一份香脆。喺枱面有兩個放咗菜甫嘅罐！一個係辣另一個唔辣。呢個菜甫食狗仔粉一定要加，冇得輸！我仲食過火鴨翅，比一般街邊碗仔翅足料好多，一絲絲嘅鴨肉，令肉味更加香濃。總之呢間野真係可以一試再試好味

看到附近推薦，火鴨翅的圖片引起我的食慾，好像胡辣湯的樣子，於是打算去品嚐下我們傍晚5點多去，店舖內還沒有客人，不過後來我們吃著陸續來了一些人，店舖好浮誇，好多明星合影的照片，看到這些，覺得不管味道怎麼樣，一定要品嚐沒錯啦掃碼下單火鴨翅是最合我口味的，不過可能平時口味清淡的人不一定喜歡這個狗仔粉我個人會覺得過於清淡，不過有辣的小菜加進去，味道豐富多了這個麼多，兩個人也食飽了，滿足這個大雑，裡面有蘿蔔，大腸，豬肚，還有豬皮，還不錯