43
36
4
2-min walk from Exit D2, Sham Shui Po MTR Station continue reading
All Branches (7)
Telephone
25638020
Opening Hours
Today
Open 24 Hours
Mon - Sun
Open 24 Hours
Payment Method
Cash Alipay AlipayHK
Number of Seats
40
Other Info
Open Till Late
Alcoholic Drinks
Delivery
10% Service Charge
Spot payment
Review (104)
Level2 2018-12-08
242 views
今日放工同同事途經十八座狗仔粉,就被吸引左入去食😋😋😋首先一定要叫碗招牌菜-狗仔粉佢有兩個size,小$22,大$29狗仔粉的麵條大約有半隻手指粗。其實狗仔粉就係熱水混合粘米粉搓成條狀,由於粉條尖頭尖尾,像狗的尾巴,故稱為「狗仔粉」,又簡稱「粉仔」。個湯底食得出有洋蔥、蝦皮、冬菇來同狗仔粉煮成,之後加上蔥花、菜脯及豬油渣等配菜真係好香,加$3有豬油渣,係必加!重點係!佢有自家製嘅菜脯,如果食得辣,可以挑戰佢嘅自家製勁辣菜譜,食完真係會噴火!金絲火鴨魚肉湯$29比普通生菜魚肉更香更好味!有幾條金絲,其實係粉絲,火鴨絲加入左魚肉👍🏻一碗有勁多條魚肉,所以好抵食! continue reading
(The above review is the personal opinion of an user which does not represent OpenRice's point of view.)
Level4 2018-10-24
258 views
認識狗仔粉係因為之前睇電視劇楝仁的時光,聽到主角袁偉豪成日提到,原來狗仔粉又叫粉仔!上網做過簡單嘅研究,聽講狗仔粉嘅出現源於六七十年代,香港經濟環境差,d人就用熱水開粘米粉搓成條狀嘅粉仔,煮熟嚟食。,因粉條尖頭尖尾,似唐狗尾巴,所以叫「狗仔粉」,亦都因為麵條短,所以又叫「粉仔」。十八座狗仔粉食物選擇唔多,碗仔翅、狗仔粉、生菜魚肉、咖哩魚蛋等,都係香港地道小食。簡單嘅食物做到可以開到7間分店,集體回憶的力量真係唔可以睇小!狗仔粉上枱,湯底係灰白色,配料有冬菇,碎蔥,上面仲有菜脯,賣相平實。食落去,湯底味道唔算濃,但食到淡淡蝦米香菇味,以為彈牙嘅粉仔,原來係好淋,甚至可以話有d糊口。菜脯有兩款,辣同原味,辣嘅真係好鬼辣,落嘅時候真係要小心謹慎。加入粉仔到食,都令碗粉好食d!抱著好奇嘅心態,終於試過,好好食又唔係,平實簡單係我嘅結論。或者係因為六七十年代嘅回憶不屬於我。 continue reading
(The above review is the personal opinion of an user which does not represent OpenRice's point of view.)
Level3 2018-10-04
244 views
十八座這招牌是近年香港小食界的奇葩,牆身是搶眼的鮮黃色,放著木紋圓摺檯,襯以灰色膠椅,典型大版攤檔格局,環境不算典緻亮麗,雖然較想像衛生乾淨,但地方淺窄,人們都是夾著背包背貼背地坐,主打狗仔粉和火鴨翅兩大懷舊食物,辣魚蛋魚皮餃等本土街頭小食,但自2013開業四年以來,名人光顧不斷,而且由2016-2018都入選米芝蓮車胎人榜單,至今已經擴張至八間分店。自己吃過多次,這次朋友則是慕名而來。狗仔粉出現於六七十年代的廣東,人們燒一鍋水,把麵粉和粘米粉搓成的短粉條,就像狗尾巴,舀在開水中煮熟成粉糰,口感軟綿煙韌有咬勁,湯底是糊糊的半湯半羹湯汁,加入蝦米,冬菇,豬油渣熬煮,用湯匙舀來就可吃,份量雖小但飽肚,成了窮人恩物。這裡的狗仔粉層次豐富,麵條粗而厚實,粉仔兩端鈍鈍,反偏奶白,盡吸濃湯,可惜偏腍身。口感軟滑綿煙韌彈牙,比烏東短小,比上海麵粗身,比唧唧魚麵軟滑。十八座的狗仔粉,就是將豬骨湯加入洋葱、蝦米仔、冬菇、豬油渣,煮成湯底。加入已切好的麵條,先煲約一小時,煲好後蓋上煲蓋焗約半小時,讓湯底偏稠身濃郁,並伴上蝦米、冬菇、豬骨、葱花等,還有金黃的豬油渣,甘香沒有益味,逼出肉骨的香濃和鮮甜。沒有菜脯的狗仔粉,如同沒有豉油的叉燒飯、沒有辣椒醬的乾炒牛河,都是粵語片時代街頭小吃的金律,否則就像沒有靈魂的軀殼。吃狗仔粉時,粘糊的湯底,淡口綿滑的粉條,如加入爽脆惹味的鹹香,感覺整碗連湯帶粉的口感層次更上層樓。這時,我們看到枱上放有兩樽咸菜脯及辣菜脯,除了鹹脆濃香的咸菜脯,那盎深紅色的辣菜甫才是重點,糅合四種辣椒粉再炒製,吃時已滿頭大汗,口水鼻涕齊流,吃完喉嚨有輕微的灼熱感覺。傳媒(如飲食男女)幾次都有介紹,原來老闆自少嗜辣,自己開店,縱使辣菜脯成本高,每枱下六匙就虧本,依然不惜工本,親力親為。他炒辣菜脯,先切碎攪碎菜脯,越細碎越易入味。備料後把鑊燒紅,加油,油滾了再加入蒜茸爆香,但不要讓蒜茸過火,再加入辣椒碎,要不停攪拌,以免炒燶;待有辣椒香味散發,便加入菜脯炒勻炒至金黃色,再次加入辣椒粉。餐廳用的辣椒粉,則由三種辣椒粉混合,指天椒粉取其辣,紅辣粉取其色,野山椒粉取其香,比例是一比一比一,之後再加鹽快炒,兜勻攤涼即可入瓶。辣菜脯的用料和制作,雖說是簡單,但要弄得好也不容易。一是火候,不要過久,有香味便要下另一種材料,不然很易過火有燶苦味,這時就要整鍋倒掉。二是手力,必須不停快炒讓味道均勻遊邊每粒菜脯。三是份量,不要貪心。店主當初每次只炒一斤,每日十斤,就要分十次炒,如貪快放了太多菜脯,就會沾上水氣就漿成糊。後來分店多了,老闆只有在工場內請了兩位師傅專責炒製,每日炒六十斤分到各店。事實上,辣菜脯日日有人問價,但由於每日限量生產,剛好只够只限堂食調味,再沒多餘份量可供零售外賣。店主在傳媒訪問時說,以前不吝嗇把辣菜脯放桌上任人舀,就有人在月黑風高時連環多次順手牽羊,客人埋單後,辣菜脯卻不翼而飛,有時整瓶不見,有時剩下小匙,可說是知音偷竊賊的另類致敬 ……火鴨翅,更是真材實料配菜豐富,以火鴨慢煮,鴨肉化絲在整碗翅湯中,粉絲 / 木耳絲 / 冬菇都好足料,分佈均勻,更有大量火鴨絲,帶出其獨有濃郁鴨香味,肉質細嫩不粗疏,沒黏著牙縫,還有尖尾透明彈牙的條條素翅(至少口感不像粉絲),且有濃郁嘅燒烤味,口感軟滑又爽脆。芡汁湯底火喉足夠,不會太重味精,不加胡椒和醋,沒有醬油味,質感對辦,濃度適中,順滑不稀淡,至少不會湯水分離,沒過份稀薄或黏稠(外面的碗仔翅,有的是加了太多粟粉 / 生粉 / 豆粉,又搞拌不均,以致翅湯變成一塊塊,有些則是加水太多,翻成水狀),湯底則醇厚入味,持久不易散。生菜魚肉,魚肉加了馬蹄,感覺麵粉較多,以致口感偏軟腍不算彈牙,但湯底好喝,煮的時間也够長,湯上也有仿翅,不過不失。火鴨髀也著名,我們這次叫了上脾,也很大隻。由於讓燒鴨脾浸在火鴨碗仔翅即時煲熱,等候需時十多分鐘。鴨皮淋滿了新鮮熱辣的碗仔翅,有豐富油脂,略有燒過微香微爽。皮嫩肉厚汁多,咬上啖啖肉,肉質嫩滑軟淋,鴨味香濃。魚皮餃,不知是自制還是外購,外皮厚韌彈牙,內餡充滿肉汁,魚肉豬肉肥瘦比例剛好,口感像是 "四海" 的牌子,淋上自制沙爹辣汁,更添濃香刺激。辣魚蛋,魚蛋口感偏軟捻,但還有輕微的咬口彈性,不算特別但過得去,但特制辣汁惹味香濃而不刺舌刺鼻,至少比魚蛋本身更出色。總體,環境狹隘,但食物質素上乘,狗仔粉和火鴨腿都有獨色,火鴨碗仔翅都勝於同類,其他小食則不算出彩但也過得去,還是值得入選米芝蓮車胎人(必比登)名單。 continue reading
(The above review is the personal opinion of an user which does not represent OpenRice's point of view.)
Level4 2018-09-11
236 views
新聞間唔中都會報導下九仔粉,自己從來冇食過,但睇個樣就好似烏冬咁,既然經開深水 步就買黎試下,碗九仔粉好細碗,睇落岩女士多d,我估男士食完都唔飽,味道唔覺得特別好味,好似食上海麵咁,我覺得麻麻地。 continue reading
(The above review is the personal opinion of an user which does not represent OpenRice's point of view.)
深水埗向來都多野食,次次行完電腦廣場都會係附近食下野,今日選擇左食十八座狗仔粉店舖座位大約有20個位左右,逼逼地,好彩1入到去有個角落位坐。馳名狗仔粉 (有菜甫 蝦米 青葱 肉碎)食每一口都好重蝦米味招牌火鴨翅鮮味魚皮餃無咩特別,醬汁好怪😵😲再加左3蚊要豬油渣 味道麻麻 好油,下次5會加🙅🙅 continue reading
(The above review is the personal opinion of an user which does not represent OpenRice's point of view.)