十八座狗仔粉

Open Now

Now Closed

自己落單、店舖小貓三隻！講真，呢到d 野真心一般！ 個魚肉都幾好味！ 但係30幾蚊囉！如果同花園街嗰邊嗰啲菜魚肉比咁人哋又大兜！啲魚肉又多好多！雖然呢一個好似係唔知啲咩勁啲嘅魚嚟嘅！ anyway 30幾蚊好似$37 都幾貴！不過魚肉味道吾係太差就算啦！ 但係同妹妹分，我都吾敢食多條！因為少得可憐！招牌狗仔粉就下次唔好再叫啦！細兜到！味道又難食到爆！ 好油，又有啲雞皮喺上面唔知想點！可能係鴨皮啩！總之啲粉又斷開！又軟！又一pat pat ！個大雜燴真係唔係好得！差唔多$50得嗰幾舊！蘿蔔又硬！但係個醬都幾好味嘅！就係坐得幾好嘅，因為幾闊落！冇乜人！賣相咁核突！相都唔記得影！根本就唔係佢影相出嚟嗰個碗嗰啲咁樣囉，係俾個紙兜你咁樣㗎！真心！呢間舖頭冇乜誠意！就算佢門口貼晒所有明星相！都係呃到我今次入去！我以後都唔會去，雖然佢唔係話服務好差！因為冇乜交流！完！

碗仔翅、狗仔粉等香港地道小食。 以前物資不豐富既年代，香港人以有限資源，加上靈活變通而成。 一方面係支持生活既收入來源，另一方面又係平民美食，係一代香港人既集體回憶。由推車仔做到上鋪，後來入選米芝蓮，到小紅書，又由治入興。 繞了一大圈，分店開多了，食物質素仍有，但水準不太隱定。 如何令呢啲香港地道食品承傳下去，不致於被煙沒？招牌之一火鴨碗，滿有火鴨香味冬菇、木耳等配料亦豐富。 加埋鴨脾一齊食，鴨脾肉質尙算嫩滑。不是甚麽高級美食，但滿足感還是高的。 自家產菜脯，炒得好香，食得辣一定要加。

馳名大灣區嘅十八座狗仔粉。好耐以前喺佐敦試過。爆紅後冇吃了。今日再試旺角呢間狗仔粉。$39一個齋嘅狗仔粉。我記憶裏係有豬油渣。攞返去之後點知係乜都冇。再看一看OpenRice原來要加$7 令我大感失望。味道已經不是我記憶中嘅味道。 整碗狗仔粉好水汪汪。味道就似好湯米粉。粉仔有少少霉。可能工場嘅關係。令我有點失望。可能唔係咁適合香港人吃了，我不明白他怎麼還可以看那麼多分店，而且我覺得素質，跟他第一間店開的時候差很多

都唔記得有幾耐無食過狗仔粉, 味道係點都唔係好記得, 入到去再試下 食物 : 馳名狗仔粉 $37 - 唔算好大碗, 食時一定要加菜脯, 是重點, D粉比較淋, 味道還算可以 秘製千味細雜燴 $34 ~ 雜燴有豬腸/豬肚/豬皮/蘿蔔, 燜得好淋, 個醬汁好好味, 蘿蔔幾甜無渣, 整體唔錯 環境 : 當天店內人不多, 坐得OK 服務 : 職員有禮貌 費用 : $71

真係好吵，三個新移民姐姐，佢嘅態度真係差到極點！聲浪大到震耳欲聾，嘈到人頭都痛，完全冇考慮其他人嘅感受。最令人難以忍受嘅係，佢對人毫無尊重(只對內地人態度好少少）

一直以來都有幫襯開買火鴨翅，食咗好多年，無論係佐敦店，旺角店比嘅份量都好足，特別旺角店夜晚有位四眼哥哥每次都好公道，態度又好，但係今日晏晝去買火鴨翅時有兩位講普通話店員姨姨，裝碗火鴨翅連外賣碗四分三都無，同佢講份量平時唔係咁，佢就話再裝就會滿瀉，其實真係小得有點過份，同平時爭太多先會出聲，我都唔會貪佢嗰一兩啖，講多兩句，佢就搖晒頭「摺」出聲，我知你主力做內地遊客生意唔緊要，我消費一碗$37火鴨翅你可能覺得可有可無，但係做生意最緊要係老實公道，今次之後應該唔會再幫襯。

招牌火鴨翅🦆🦆🦆火鴨絲好多，啖啖肉，好夠味🥓🥓木耳絲好多，食落爽口，口感好豐富，不過成碗翅好杰身，飲落似落太多生粉水鮮味魚皮餃🥟🥟🥟外賣平台APP外賣冇得揀辣度，原味招牌甜醬，食落甜甜地，如果可以加返辣會好食D秘製千味大雜燴🍲🍲🍲大腸、豬肚、豬皮、蘿蔔同魚皮餃同樣醬汁，偏甜，蘿蔔炆得好夠，好甜好好食大腸、豬肚、豬皮都夠爽口，係大腸就仲有好多肥膏，不過食落冇臭味，不錯😆😆

其實我好鐘意食18座 因為佢個辣菜脯我無限回訪但黎親呢間鋪買外賣 我都會心情不爽但因為今日落雨唔想去咁遠 都迫於無奈要係度落單每次買親想要多啲辣菜脯都畀雞碎咁多我 想要多啲都話唔得 我買3碗翅話要多辣先畀2小包我 我話我3碗你點都畀3包我我開袋想入多啲 （圖2 右面嗰包）又話唔畀 大姐 我譚x ,旦x 要食中辣架你畀咁多我 我一碗攝牙罅都唔夠我問：咁你堂食又任我加 😡😤😡😤佢話： 你堂食食一樽都得 外賣有包好左架 唔通你依家要多啲 我畀你𢳂一樽呀聽到我仲嬲喂， 我依家唔係要你蝕畀我 我有畀錢買外賣 咁你一係好似豬油渣咁 話我知多啲菜譜要加錢我畀錢你咪得囉好似我乞你咁 你依家搞到我食個翅到喉唔到肺勁嬲 !!!!

好耐無食過十八座狗仔粉，心思思想試下燒賣同黑白炸丸，無睇價錢就點左，上到枱第一碗係燒賣（$17，7粒）上面有少許葱，食落覺得無咩魚肉味，同埋好「淋」，覺得好似蒸左好耐咁除左叫大粒少少外，呢個價錢街邊食仲好過佢黑白炸丸（$24，4粒）墨魚丸同貢丸各兩粒，即炸，好食但真心少貴，我相信價錢係俾左係個舖租多於食物本身，通菜街十字路口位總結係呢兩款都未必會再叫，因為性價比不高下次有機會都係試返呢間舖既招牌狗仔粉或火鴨翅

Aberdeen Powder:The aroma wafting from the bowl was enticing, a blend of fragrant spices that hinted at the culinary journey ahead. With its hearty mix of seafood, tofu, and vegetables, each bite was a burst of flavors. The broth, infused with the essence of the ocean, was rich and comforting, making  it the perfect comfort food on a chilly evening.Famous Paparazzi: Served with a flourish, this culinary masterpiece  showcased a medley of fresh ingredients meticulously arranged on a bed of steami

招牌狗仔粉差到失語！店員態度超差勁，態度那麼差還拽到不行，並不明白是有什麼跩的資本，是東西很好吃嗎？還是環境乾淨衛生？ 🤔都沒有喔：點的粉面裡還有頭髮，粉面除了軟之外毫無亮點，粉面裡的豬油渣也並沒有提香，很油很難吃🤮🤮🤮🤮🤮(>﹏<)不論是廚師還是面客都沒有很用心，靠放點明星合影和米其林宣傳照就想生意興隆？建議去其他地方學習一下吧，態度能力都不行喔❌沒有最差，只有更差，太有失「狗仔」or香港顏面👎🏻👎🏻👎🏻👎🏻👎🏻

前台個呀姐係咁做後面打尖果d單我一早講好要咩又唔幫我整，白白等左10分鐘自己出餐亂又冇記性，問下佢幾時有都發脾氣，呢個呀姐好趕客食物方面：d燒賣難食左好多，蒸到一餅野咁，冇解凍好就放入去蒸，衰過阿波羅狗仔粉就正正常常，不過個呀姐咁衰格，真係以後都唔會幫襯

因為旺角好食既碗仔翅真係好似無乜突然諗起十八座既火鴨翅就衝去食🤤唔知係咪小紅x app多人推介，每次食十八座狗仔粉都總有遊客喺左近😆😆我個人就眼闊肚窄，坐低見人食狗仔粉，又想食埋一份，奈何又食唔落2碗野後來睇menu發現有 "狗仔粉拼火鴨翅"！！！真係正中我所想🤤🤤🤤感覺上翅既比例比粉少啲，好快被我K.O.左 😆之後食粉當然要加辣菜甫啦❗️❗️❗️我覺得真係成碗粉既精髓😆😆😆佢個辣味係特辣，好刺激啱冬天食好滿足😆

每次去都一定叫個黑白炸丸😹，分別有貢丸同墨魚丸，加辣既話上面會有辣粉，好正😚，狗仔粉加上辣菜鋪好好食，吾加辣菜鋪系冇靈魂，加左之後好香好辣，btw食落去個狗仔粉有啲似烏冬哈哈

去完迪士尼，夜晚出嚟想搵嘢食，諗住近東涌去搵啲嘢食，點知嗰個都好早收舖，咩都搵唔到😭咁就有人提議去旺角食狗仔粉🤩我一直想食好耐，但一直唔去嗰頭，而家有機會，即刻去試下🤤因為店舖清潔咗，所以冇得堂食，決定外賣返屋企。但外賣都超級快，5分鐘內就拎到！雖然隔咗一陣先食，但仲係好夠味，狗仔粉好軟糯，啲汁掛喺麵上係好食嘅😍，仲有啲菜譜，完全唔鹹，仲加返啲口感🤩，超級好食，有啲唔夠喉，想下次經過繼續買！