Eighteen Taste Kungfu Spicy (Closed)

講起紅磡黃埔大家可能會覺得學生最多年青人最多 而我就話呢一度附近麻辣米線最多！呢幾年呢區嘅麻辣米線可以話係開完一間又一間 其中呢一間功夫麻辣睇落去唔算起眼但原來食落都唔錯由於個人本身都好鍾意食麻辣薯粉等等嘅嘢所以今次嚟到都係叫咗呢一類嘅食物呢度薯粉嘅價錢同附近幾間差唔多大概都係30至$40一碗 唔同嘅可能係佢嘅湯底薯粉嘅質地同埋配菜啦 如果大家第一次食都幾推薦試吓呢度嘅撈薯粉 由於唔係熱嘅關係食落去唔會覺得太辣 亦都唔怕食到成頭汗怕辣既朋友可能都食到 大家亦都可以試吓呢度嘅豆漿方便大家解辣…Read More

個店員係咁同你講國語，我堅持同佢講廣東話，佢係都要講國語……印象分已無咩～麻辣米線($25)配午餐肉2塊($6)魚腐2塊($6)碗粉一陣臭味（似羊酥味）每一啖都聞到。。最後 我放棄了以後都食番新川或樂園～無論價錢、味道、服務都好過呢間～…Read More

同事成日都同我講十八味既酸辣粉好好食架！所以我得閒就黎試下食😋😋我叫左個酸辣粉加生菜，試下個味先！d薯粉係幾好食，而且個湯底真係夠酸！因為好多間酸辣粉都唔夠酸，得個辣字。所以呢間既酸辣粉我幾滿意！下次下午茶再黎食！…Read More

放工已經非常攰,返到屋企附近只係想快快趣趣搵嘢食,之後極速回家瞓覺.就食米線啦,一定唔會耐,最後就隨便嚟咗呢一間.冇乜胃口,叫咗個麻辣小鍋米線加肥牛,果然好快就到.好少麻辣米線裏面會加榨菜,本來係應該讚嘅,但係啲炸菜已經浸到冇曬味而且淋曬,又無味又唔爽口,叫做聊勝於無,起碼茶餐廳肯落心機吖.叫咗中辣,一開始係覺得唔辣嘅,有少少不滿嘅時候,先發覺越食越辣,雖然唔太麻,但係辣味好有後勁呀!面質實在太淋喇,唔知係咪浸得耐咗.肥牛就唔唔肥而且厚身,少少嚡.雖然碗湯最後真係辣嘅,但總係覺得湯有湯啦,面同埋牛肉好似沾唔到佢嘅辣味咁.唔太識得形容,或者肥牛醃咗未先會好啲.順帶一提,喺碗底打撈到一段豬大腸,心裡暗暗希望只係上一碗喺個鑊裡面撈唔晒,而唔係碗洗唔好.話時話,湯裡面係膏狀物係乜呢,調味料未撈均?…Read More

有一日喺紅磡做野，無意間經過呢間小舖頭，店員在門口極力拉客之下，我就入咗呢間店舖試吓，果然唔錯！其實佢午餐嘅價錢比晚餐只係平$5 ，所以如果有機會我都會晚餐你度食下！我嘅推介真係唔會錯，咁多嘢食都係$50 ，薯粉粗得來有咬口，入口好滑，我唔係好食得辣所以叫咗小辣，味道有正宗嘅四川感覺！推介佢哋碟雞，醬汁好味到不得了，總之就難以形容啦，好有鮮味！我沒有叫佢哋嘅飲品，改咗要冰涼粉，食完全部嘅食物識我沒有叫佢哋嘅飲品，改咗要冰涼粉，食完全部，番杯冰涼粉，淸一下口腔，感覺唔錯！呢個套餐包左三小碟餐前小食，一啲都唔馬夫，大家可以試試！…Read More