十二樓潮州打冷大排檔

昨天看了網紅介紹呢間食肆, 今日8月30號便嚟試一試. 但真係大失所望, 不吐不快 . 我們兩個人點了一個$398的馬友魚二人套餐. （1）潮州翅啲翅杰撻撻, 又無乜料, 又無特別味道. 街邊碗仔翅比佢好食得多；(2) 韭菜豬紅唔係好熱, 但味道幾好, 豬紅都可以 .韭菜只得幾小條. 以二人份量計, 覺得唔係好足夠；(3) 煎蠔餅啲蠔餅好似骨肉分嚟咁, 炸粉還炸粉, 蠔仔還蠔仔. 另外我覺得蠔餅炸粉一啲蛋漿都無. 係第一次食煎蠔餅覺得個炸粉無蛋喺裏面；（4）蠔仔粥一啲都唔似蠔仔粥, 似泡飯多啲. 無一般蠔仔粥嘅味道, 啲米仲未煮淋, 水還水, 渣還渣；（5）凍馬友馬友魚可以, 不過不失. 普寧豆醬略嫌鹹了一點;(6) 潮州拼盤有紅腸, 好肥嘅豬肉,大腸同埋兩舊肥鵝肉. 感覺全部都唔係新鮮嘅食材, 似放咗好耐嘅隔夜餸.另外上菜速度實在太快, 七八分鐘就嚟齊所有嘢, 仲快個快餐店,食起上嚟好有壓迫咁. 以$398蚊嘅價錢食以上嘅食物一啲都唔值得. …Read More

見到有人介紹呢間就去試下較早時問有無2人餐～答案係暫時未有，但有一人餐一人餐100蚊位（無加一）超級抵，叫左兩個一人餐：1.潮州鹹菜豬肚湯，胡椒夠辣，超暖身（相片2人份量）2.韭菜豬紅或者花生雞腳二選一，夠入味（叫左各一）3.滷水拼盤-鵝件、大腸、腩肉、鵝腎-入味夠香，配埋豆卜正（全部有，唔洗揀，相片2人份量）4.蠔餅 - 蠔夠大隻，仲有啲炸脆粒粒可以送粥（相片2人份量）5.蠔仔粥-味道標準，覺得都算多蠔（相片2人份量）下次會再試下叫其他小菜…Read More

潮州菜平時一大班人食 今次呢個餐可以一人獨食 有啲興奮🤣🤣仲要佢做緊呢個優惠價，簡直抵到爛做出嚟嘅品質都可以媲美潮州老字號舖頭講到特色嘢梗係唔少得滷水拼盤 每樣一兩舊其實都已經好夠 最緊要多選擇個蠔仔粥雖然細細兜，但係都好重料過胡椒豬肚湯極重胡椒味 本身都覺得辣，但係過咗一陣竟然幾暖胃 呢個係幾surprise嘅成個環境冇大排檔咁簡陋 食起上嚟仲有冷氣呢一點好緊要仲要啲員工招呼好周到 我都想再嚟多幾轉呢間新開舖冇耐嚟緊一定好多客源，仲唔嚟快啲試你走寶啦…Read More