十三座牛雜 (Closed)

今日無無聊聊,心血來潮就去左桔串牛肚食.好彩早左幾步,買完一望後面已經好多人排隊,因為岩岩d人睇完大戲.我只係食牛肚,因為牛肚既質感係最juicy最正.個人喜好冇辦法.佢d肚好多汁,又濃又入味,真係唔駛落任何野已經好正.阿姐好有心思, 一件普通肚間住一件金錢肚...真係食完一串之後仲想食多一串添,不過排隊指示唔太清楚,搞到有d人睇唔到.

星期六食左個好滯既早餐, 放工就係呢度買盒腸粉同病病地既朋友仔一齊食腸粉($10) - $5有4條, 要了一盒, 腸粉算滑, 加埋多豉酒好味燒賣($5) - 魚肉(麵粉?)餡, 普通幫我裝腸粉既女仔唔小心倒潟小小豉油, 貌似老細既男人態度好差咁話佢, 我心諗"駛唔駛咁惡呀?"另外佢已經搬左係新光後面, 地址無抄底, 下次補番

聽同事講北角有間食牛什好出名，我就同男友響weekend走去試，去到見到有條龍咪跟著排隊買，見到排隊好得意，o麥人都有，學生哥; 外表都幾富貴同好斯文太太們; 當然有中年男士啦。由於我唔食牛，我就去試咖喱魚旦，唔食尤至可，一食點知o甘好味，果辡汁好味到食落喉慢慢辡落去, 好正. 我終於忍唔住要食多兩串。我男友就買一串牛什，點知我都未有機會問佢好唔好味，轉頭見到佢再排過隊買過，仲買多$20自己1個人食，佢話以佢食o甘多年牛什，可以講響香港都小有o甘好味，特別係肥腸-好金香，牛肺又好有o趙口.... 到最后佢又買多$30囉番屋企，o個個好有禮貌老板教我如果夜食，可以用微波爐番叮仲好好味o添。最后都要讚呢間十三座牛什小店老板同妹妹仔都好有禮貌，好難得今時今日呢類小店都有o甘服務態度。

今天來吃小食, 當飯食.牛什味道覺得淡了些, 腸粉和魚蛋就普普通通.常見人排隊我想是因為有人叫才開始串, 若同一時間有幾個人光顧就有排等了.

今年吃得最多的, 暫時是painkiller, 想起都覺得可憐。於是趁昨天考完試, 由寶馬山特地走路落北角, 為的只是一試好吃的牛雜。平常少到北角, 在馬寶道走了好幾轉才找到此店, 料不到正是新光行前幾步。五時多, 人頭湧湧, 很多放學的為食學生, 圍在一起吃燒賣魚蛋, 吃完講聲byebye。我先叫一串膀腸, 店內小姐用一鐵兜, 把牛雜盛在我面前。又想食腸粉, 叫了5元腸粉, 將牛雜加入腸粉內, 我的portfolio可真有"睇頭"。先吃我喜歡的牛膀, 做得不夠粉和淋, 麻麻地。腸有肥腸和小腸各一件, 見到肥腸的肥膏都興奮。一吃, 嘩! 牛脂的甘香興鹵水的濃醇為絕配。即刻加多一串淨肥腸。小腸就不比肥腸出色, 卻最吃得出鹵水的滋味。齋吃牛雜太寡, 伴腸粉就剛好。此"牛雜檔"是罕有的"企理"。一人一個鐵兜, 唔使整污糟條街之餘, 吃的人就不用狼狽。若果我住北角的話, 一定會時常光顧。

好耐無食過心癮癮又去買盒當飯食, 今次份量明顯少左牛肚- 夠淋牛腸- 爽口牛膀- 鬆化每樣都鹵得入味, 正, 但最好唔好搭啤酒, 因會成個咀唇有層肥膏"盈"住

成日都見到好多人係果到排隊我又去試下先!真係好好味..淋到適中加埋佢又俾d汁你真係無得頂!6蚊就有1串..食完1串我仲買左30蚊1大盒令回家品嚐xD果到仲有d小食腸粉夠哂滑5蚊就有1碟d魚旦汁又夠特別唔錯唔錯!

d牛雜同籮白好入味,牛雜又唔會太林,愛上左。(但係成日好早賣哂!)個老闆都幾好人,不厭其煩咁聽我講走咩走咩!d腸粉超好味!夠哂滑係d豉油多左d好彩個妹妹仔夠nice同有禮貌補夠到!不得不讚d燒賣蒸得岩岩好加埋佢\地d辣椒油同渣1流!!!!!!!!!!!!!但係我就超憎1個阿姐!!同佢\講左n次要d咩佢\都唔記得..都算喇仲要做錯野搵藉口講到好似我唔岩咁下次見到佢\把關千其唔好行埋去!真係美中不足!

路過馬寶道,見到間十三座牛雜,賣到上埋電視,只見葉翠翠同霽哥,吃得津津有味.門外人頭擁擁,理應又是"傳媒效應".鑑於之後還有飯局,只要一串試試,個鹵水汁又香又甜,不能抗拒.其牛腸很爽,牛膀亦很粉鬆化,牛肚稔熟.一串短短的牛什旅程,真的"回味無窮".下次再來,買廿皮牛什,用來乾撈麵條吃,一定吃出美味來.

我見呢道既食評寫得咁好食我今日都去左試下.....但係只覺得一般不過不失比起太安樓既牛雜爭好遠無蘿蔔更加失望

9月24日12:50在回味吃不完那碗大大碗牛腩河，經過這店仍忍不住來串牛雜。HK$6.- 樣樣齊：粉膀：果真入味，入口即溶。淋肚：火喉足，絕不會。肥腸：甘香肥美。肥腩：好感好。鹵汁回味無窮，非等閒之輩。

之前食過一次味道唔錯, 昨晚心思思就去左買來當晚餐, $20一碗腸肚膀, 望個碗好似細細個, 但其實份量都唔少, 豬腸其實食埋肥膏會正好多, 但對我呢d怕肥人仕來講就有點忌, 所以食落口入落有點打左折, 三樣來講最好味係肚, 淋到適中, 又夠入味...正, 食完碗野真係滯到不得了

27/7(四) 6pm最後一天於北角OT完畢,放工後買點小食至返學.久聞此店的牛什挺出色,於是買左串牛肚及膀$6,腸粉$5/4條.牛肚軟腍入味,牛膀恕我不懂欣賞,不能接受那種粉爛的口感.而腸粉則薄且滑溜,口感不俗!唯甜醬過多,遮蓋麻醬香.值得一提的是幾位小妹妹的服務態度親切有禮,確實抵讚!

行過見到好多著街坊裝既人排隊,估計水準應該ok,就order左一串($6).個姐姐好心機又勻真,確係毛肚/金錢肚/肺/膀/大腸/粉腸各一件,此為之牛雜嘛,見其他人都可以淨食一款,或者唔要某d部位,都係$6,仲有師奶買黎加餸,發泡膠碗咁大就$20,發泡膠飯盒咁大呢就$35.炆得好入味,亦都夠淋,主觀覺得肚/肺/膀特別出色,因為係我兒時最愛既組合.而味精我諗一定有,但可接受,食完都唔駛即刻搵水飲.值得一讚既係,知道揸住串滴住汁既牛雜會食得論盡,所以會準備一隻碟仔比你盛住食,又可方便自加醬料,good!

大戰前席，球隊罕有的加課練波，無法子，踢左五年至第一次入決賽周，係緊張一點。集合前，諗住去吃碗清湯腩先，路經此店，聞到熟悉的味道，就係牛雜。見個阿姐在把關，就要了十蚊「腸肚膀」來試下試。三款牛雜，三種口感，一個味道。牛雜都炆得相當入味及軟腍，牛膀夠粉又夠味道，牛肚就夠腍，牛腸有油，吃得滋味。其實牛雜絕對是人間美味，不懂吃或不敢吃的話，太可惜了。還記得在六本木的一間食店外，跟同事一邊吃牛雜，一邊飲火辣的劣質平價燒酌，實在令人懷念。舊戰友們，大家可好？太安樓的牛雜佬的牛雜出色，這裡的也不錯，稍欠缺的，就是那「習習」聲的較剪聲。像我輩自小掃街掃大的，怎會錯過這裡？要一試。