The City Café (Closed)

匯城是我愛去的店，因為食物質素可以，價錢親民，最愛他的下午茶，由下午二時供應至晚上八時，有時當作午餐，有時當作晚餐。這天點了下午茶餐，主食選了蕃茄肉片飯（$46 ）飲品選了凍檸檬茶（+$2），另點了一碟灼菜心（ $25）。蕃茄肉片飯份量很大，蕃茄多，肉片多，米飯也多。這飯的醬汁調校得很好，酸酸甜甜的，很適合這炎熱的夏天。凍檸檬茶茶底不苦澀，很解渴。灼菜心份量也大，菜心不算嫩，但口感也算可以。喜歡到這裏來，其中一個原因是空調充足。在炎熱的夏天，一進店，已經感到很涼快。…Read More

今日到荔枝角，上網睇過有網友介紹匯城午餐和下午茶都有泰式湯粉，所以決定今日在荔枝角就去探店。到達匯城門口已經係下午茶時間，睇過午餐餐牌唔係咁啱食，再睇睇下午茶餐牌，有炒粉麵飯、炸雞髀豬扒多士沙律炸薯條這些下午茶配搭餐都很多選擇，見到有泰式湯粉下午茶，香茅雞扒、香茅豬扒、雞絲湯粉⋯都至少有五六款選擇，湯粉可以選金邊粉、米線、米粉、麵，湯底可以揀清湯、冬陰功、泰式酸辣，我今次選了香茅雞扒金邊粉配冬陰功湯底，凍啡走甜。凍啡走甜啡味濃相對奶比較少，夠凍。等咗一陣間碗湯粉到啦[调皮]望落去湯食非常吸引，濃濃嘅冬陰功湯底，一塊好大嘅雞扒煎得皮很脆，金邊粉份量頗多，唔會煮得太腍，有很多芽菜蔥，金邊粉掛上冬陰功湯汁非常惹味，比很多泰式舖頭煮的冬陰功湯還濃味，值得一讚👍🏻侍應非常有禮，而且很會安排座位。店面一般港式茶餐廳差不多，雖然有點舊，但是還算乾淨企理。以下午茶餐計算食一個好味的冬陰功湯粉配凍飲，價錢唔算貴，可以回頭再食👍🏻…Read More

好耐無寫食評啦！見今日有時間就寫返個。最主要因為覺得真心要讚吓響公司附近嘅呢間茶餐廳。如果唔係無人知點算其實一直有食開既，只要見到佢個午餐係冬陰功湯底，我間唔中都會叫黎食。佢冬陰功海鮮金邊粉，湯底分分鐘好過出面唔少泰國菜，好有誠意，海鮮有青口、魷魚、蝦仁、蟹柳，嗚門卷，每樣兩件，一d 都唔馬虎，青口仲好肥美除左金邊粉仲有d芽菜。午餐只係$50,包一杯熱飲，外賣自取，仲有九折添！大大話話都食左三四年，希望佢個湯底一路可以keep住好水準啦！…Read More

在荔枝角附近返工平日十二點左右長沙灣廣場、D2 place就已經有食飯人潮架啦有時等外賣都要等十分鐘不想等嘅時候就會去匯城因為呢度真係夠快、靚、正鋪頭應該都有一百個位大部分卡位，是四人枱有一、兩張二人枱每日有午餐 和 泰式午餐 七、八個選擇想食西式、中式、港式、泰式都有日日食不同都無煩惱包湯（紅湯、白湯）同野飲（凍飲加$2、熱飲加大杯$2）味道是不過不失嘅食左咁耐都未食過難食嘅至少食個午餐夠飽就夠啦同埋 員工都貼心嘅杯奶茶唔使少甜 嘅甜度都岩大眾口味同埋唔會多冰到 成杯都係 係合理份量去相睇下啦…Read More

我在荔枝角附近返工，由於自己平時返工預啲時間都係啱啱好，所以買早餐有時都好趕。所以平時買早餐一定去依間餐廳買，基本上我叫早餐大約都係等一陣就出到餐，十分適合我呢啲時間比較匆忙嘅人，而食物質素亦唔差中規中矩。…Read More

今日要到這裡客串一日所以先來吃個早餐吧說來都有6，7年沒來一眨眼的時間就是過得那麼快這區變快很大不過這裡就好像沒什麼變就是有重新裝潢過吧一樣的格局一樣的早餐在下點了份五香肉丁出前一丁想念那香香的麻油味配上炒蛋煎蛋和菠蘿包有點期待那菠蘿呢再加杯熱咖啡好讓自己清醒點食物很快就到開心香噴噴的湯底 熱辣辣的出前一丁粒粒大大的五香肉丁由於跟朋友一直在聊事情吃麵的時候稍為有點太淋身了呃..只好跟自己說老了胃不好別吃硬麵個胃會開心點煎蛋炒蛋加上點塩會更好吃最後就是菠蘿包了有點。。硬？友人說在下把叉插進包子裡的動作有點誇張 😅那個..真的是硬的😅所以最後在下也只咬了2口就放棄了包就是要新鮮才好吃吧下次還是普普通通點白方包比較保險 😅…Read More

係荔枝角番工 每日最煩惱既問題都係諗食咁諗唔到就會照舊嗌匯城 ， 皆因匯城外賣平 值 快 咁講下我同同事通常會嗌既餐 1 .星洲炒米 米粉既量係超多 🤩🤩 裡面又幾多配料 ， 西蘭花本身無架 🤣係同事想俾啲菜我食2. 最邪惡就係下午餐 【豉油王油脾 🤩🤩🤩🤩加炸薯條】 ＄31，2 蚊左右 ，但好多次嗌隻油脾都係咁大， 仲整得好惹味， 推薦大家試下3. 焗萄汁雞飯 都ok ge ,所以匯城外賣都好多客 同埋講講就係匯城比較特別啲係下午茶會到晚餐2000 hrs, 截單時間最好 1800 前問定 平日 同 公眾假期 ， 同埋星期日會早收， 咁呢樣大家注意下…Read More

這兒的下午茶價錢大眾化，今天就點了脆脆豬扒包配沙律，飲品點了凍檸檬茶，只需$32。豬扒包的包真的很脆，可惜豬扒有點柴，另外包裏面的千島醬不夠多，所以更覺很豬扒很乾。沙律份量不少，味道也不錯。檸檬茶的茶底不澀，好解渴。…Read More

已有幾個月沒到來，這天來吃早餐。這兒的早餐可以說是價廉物美。我點的是羅宋湯午餐肉粒通粉，羅宋湯香濃，通粉份量極多，不過我最欣賞的還是那厚切五餐肉粒，口感極佳，這一向是我的最愛。這早餐跟餐的有多士，我選了奶醬多，甜甜的，適合愛甜人士，另外還有飲品。這麼豐富的早餐，只要$32。老公點的是五香肉丁公仔麵，跟餐的除了午餐肉和芝士腸，竟然還有菠蘿包，當然也有飲品。五香肉丁、午餐肉和芝士腸，都美味，菠蘿包皮不夠脆，就一般了。這麼豐富的早餐，只要$30。這兒的環境，就是一般茶餐廳的情況，服務員工作效率極高，也算有禮貌，不過，這兒令我印象最深刻的，還是價錢便宜，味道不錯，而且份量十分足夠，我倆吃完這早餐，午餐也吃不下了。…Read More

在星期一至五，在長沙灣荔枝角一帶吃午餐，是一件惱人的事，因為附近工廠大廈林立，每間食店都是爆滿的。匯城是一家效率非常高的茶餐廳，你走到門外，登記人數、帶位、點餐、上菜、收盤碗等全都是極速進行的。服務員效率奇高，又仍能給你有禮貌的感覺。這店的另一特色，就是食物類型豐富，除了中式和西式的食品外，連泰式粉麵也有供應。這天我們點了兩個午餐，分別是焗牛脷飯和金針雲耳蒸雞飯，午餐包括例湯和飲品。例湯可選中湯、忌廉湯或羅宋湯，我們選了中湯，味道較淡。焗牛脷飯味道不錯，金針雲耳蒸雞略有點肥膩，兩者的份量都不少。我們在點餐後才發現這兒有泰式湯粉供應，真想下次來試一試。…Read More

在荔枝角工作, 在午餐時段叫做好食點的餐廳都一定座無虛席.今天肚餓的我, 就特登早少少到一間專做泰式野既茶餐廳食午飯.大約11:30 到, 都差不多坐左超過八成.望望今天既泰式午餐menu, 嘩! 全部都係湯粉!!! 真是三款都想試試! 但基於肚餓既關係, 想食多點肉.所以都係叫左1號: 泰式海南雞湯金邊粉 + 凍啡.一上到食桌, 濃濃的雞味即時湧上鼻內.有咁多件, 仲要不是太多骨. 食落十分滋味.另上的汁還有泰式辣醬及薑蓉. 另本身好夠味的海南雞作出另一個味道選擇.兩者給我選擇, 我會喜歡泰式辣醬多一點.加埋杯凍啡為呢個午餐作總結. 令我下午工作都特別醒神呢!…Read More

自從較早前食過這𥚃的冬蔭功之後，每次嚟食有9成時間都會叫返冬蔭功海鮮金邊粉。因為一間港式茶記，但提供的泰式食品竟然如此認真，料足，有蝦，青口，蜆等海鮮配料，冬蔭湯底亦做足。酸辣味道剛好，加上香茅，地道呢！由於大部分茶記都是hea做冬蔭功，所以預著茶記認真及用心出品，實有驚喜。另外他們的早餐做到12:00，如果早少少，早餐都好抵食。…Read More

呢日喺荔枝角做完嘢見肚餓就走咗入去呢間匯城食下午茶。下午茶餐夠晒多選擇，價錢亦好實惠，我鐘意叫左個星洲炒米($36)配凍咖啡少甜 (+$2)。星洲炒米好快上枱，份量足，炒得夠香，夠均匀，亦唔油膩，唔錯！凍咖啡亦夠滑溜，咖啡同奶的比例都幾好。算係唔錯嘅下午茶！…Read More

日日都想呢度對面返工，但從來未黎過食，呢日要食快飯一行人就黎食～我一向都係有常餐必點嘅朋友，所以選擇無困難，呢度下午茶原來都超多選擇，中泰式都有，價錢就中等啦。呢個常餐份量都幾大，重點係個多士唔係普通牛油多，而係香草蒜蓉多，個包夠厚仲見到層蒜蓉好足料，因為有好多香草，所以味道好香入口仲好惹味，真心有驚喜，為左個多士點都要叫佢～榨菜肉絲米d 榨菜幾新鮮，好爽口唔會太辣，有d 地方榨菜會得層皮，佢幾乎無，湯底亦少味精味，我幾滿意架。蛋沙嗲牛肉通粉 見到個色就知道沙嗲味超濃,對於重口味同事而言係很ok的,撈撈下發現都幾多片牛肉通粉又多,其實幾飽肚~唯一不足就係太少其他料.only 牛肉同通粉食到一半都飽啦~香茅豬扒米線呢個泰菜味覺上唔係太交到泰味,不過蘿蔔好入味~最/唯一夠味嘅就係佢.豬扒唔難咬不過筋多又未夠風味,價錢咁平,其實都係咁架喇支竹斑腩飯對男士黎講飯量都足夠,食完會飽,D飯粒唔會太濕太淋~支竹入味幾有口感,而斑腩都唔會好肥膩或者好麵粉,醬汁多少少會好D,食到咁上下會有少少dry,但整體尚可,快食絕對唔問題~…Read More

明明帶左飯!  但因為好想食粉麵最後就叫左呢碗邪惡既泰國金邊粉🙈呢間店係公司就近, 不過好少會係堂食, 因為LUNCH時間真係好多人等位, 一般食佢都係叫外賣多, 又方便而且因為公司近1-2個外賣佢都送(不過就好似要睇時間LA) , 平時同事會ORDER每日午餐, 不過果D我就好少叫雖然呢間係一間茶記, 不過最欣賞既唔係佢既地茶, 都唔係佢地既飯, 而係佢地既『泰式粉麵』你冇睇錯呀! 呢間茶餐廳係有泰式粉麵食嫁! 每日既午餐都有泰式粉提供, 由金邊粉, 河粉, 咩粉都有得叫, 不過我最中意既就係佢地既 - 冬陰公湯底就算要單點 / 湯底要另加錢我都會加~ 因為佢地個湯底又濃又夠香, 酸酸辣辣, 好惹味!!!!😋所以成日叫外賣都會encore佢地既冬陰公金邊粉呢2日都冇帶飯都叫左外賣, 一日係食肥牛冬陰公金邊粉, 另一日就係食豬頸肉冬陰公金邊粉個份量我覺得都唔少嫁! 起碼足夠女仔食, 如果係堂食就咁單點既冬陰公粉就唔包飲品不過回頭率高! 下次會再食!…Read More