Hokkaido Dairy Farm Milk Restaurant (Closed)

:(美孚分店，上次厚切午餐肉是凍的今次多士也是凍的超級失望，你可以想象到一件凍的厚切午餐肉有幾難啃落肚，難怪平日 lunch time 都空既間鋪，不過因為佢空，冇人幫襯，環境唔錯…Read More

一直掛住佢既滑蛋早餐，無意中見有$25當$40現金券的團購價，沒看清楚條文便中了伏。原來現金券不適用於早餐或午巿（2pm後才能使用） :( 算吧！一試也不太差吧，千挑萬選了一個日式漢堡扒餐（$69），包一個小吃（選了蕃茄湯），及飲品（熱檸水）。蕃茄湯：很罐頭/茄膏味，一點也不鮮 :( 漢堡扒飯：很乾，一點肉汁也沒有。對於汁王愛好者既我，感覺吃高級頹飯中。。。 :( 熱檸水：好夠熱，放了好一會仍然燙口 總結：中伏了。。。。。。=,=…Read More

3.6牛乳湯底全是味精！通粉口感好差、上枱嘅食物大部份只系和暖、連碗通粉都唔熱囉！ 只係炒蛋好少少！夠滑、可惜都係唔熱、多士就好似放咗幾日、煙煙韌韌、隔夜麵包😖😖😖😖、呢間餐廳堂食飲品都係用完即棄紙杯膠杯！極度唔環保.…Read More

今日食左人生中最難吃的烏冬。叫左個吉列豬扒炒蛋蕃茄烏冬，成60蚊。個蕃茄湯完全無味，得色。個豬扒炸到黑蚊蚊好似一食就會生癌咁，得個蛋係有味唔難食。其實以前啲茶餐廳好食十倍，不如大家比錢幫襯就黎滅絕既港式餐廳！請管理層自己試試啲野食先賣！好失望！…Read More

同C兄喺「香港站」食完個溫馨o既法式早餐，二人大感意猶未盡，所以就決定轉場去「北海道牧場餐廳」繼續傾。餐店滿座，搭枱也在所難免，幸好店內冷氣足，感覺尚算涼爽。白色o既餐桌上仍有水珠，而且黐立立，不甚衛生 。由於早餐o既包點正在體內膨漲，大家諗住不如叫杯特飲先，等稍後肚餓再叫野食。飲品上枱，我地兩個人都好驚訝，因為特飲居然用紙杯上 ，唔通係想趕客？！同餐牌上o既圖片可以話係兩個樣，餐牌似乎連參考o既價值都冇！C兄杯「蜜糖檸檬薑茶」甜到佢咪起雙眼 ，叫哂救命！小肥杯「3.6泡沫咖啡」則咖啡味欠奉，似飲稀奶多過咖啡囉 ，同多年前喺餐廳o既銅鑼灣分店度飲過嗰杯分別實在太大！埋單時仲搞笑，兩杯飲品合共$52，C兄攞咗$102比哥哥仔找，佢居然O哂嘴，不知應對，當話比佢知只需找回$50時，佢仲一臉迷茫 ，唉！睇黎「北海道牧場餐廳」不但有辨圖障礙，服務生亦不夠熟練，食品更調味不一。…Read More

There are several sets to choose from including the Breakfast set, the Sandwich set and the popular Hokkaido set which comes with eggs and ham on toast, macaroni or spaghetti in soup with BBQ pork and a choice of either Hokkaido coffee or tea.I usually go for a slight adaption, I eat the scrambled eggs with mushroom sauce and then have the macaroni with spicy pork cubes in soup. For drink I had the iced lemon tea as it was such a hot day when I went to eat there!The food is always piping hot – it comes out quickly and it is a bargain. I paid 47 HKD for the whole lunch set and was full. The best part is the fresh scrambled egg (not too runny and no oil!) and the mushroom sauce. The toast is also good too – but if you don’t like it you can swap it out against waffles (and pay a small extra fee).Will I go there again? Yes, for a quick breakfast or brunch. I’ve never tried their rice dishes but I would imagine that they are pretty good too. For me, it’s the classic egg, toast and tea!…Read More

是日仍然是農曆年假期的早上，街上只有零星食肆，走到瑞士(餐廳)但摸門釘，結果找了十分鐘，到達北海道牧場(餐廳)。排隊等候之際，遇上了高大有型，keep得甚fit的B哥哥，正值他用餐完畢離開。很快便到我們入座。點了兩份 Hokkaido Breakfast Set "B1" ($29 x 2)。有：火腿通粉炒蛋拼多士(一份改了煎熟蛋)熱咖啡熱檸水另加：朱古力菠蘿包+$6火腿片和通心粉都合格。要指出是，湯底行特別濃，但又不覺得是用味精，印象不錯。份量亦標準。但炒蛋只有一少堆，相對碟子空間太多，炒蛋整體有點寒酸。而另一份煎蛋，就沒有以上的寒酸問題。 多士本身okay，但廚房塗得極少牛油，只有一個港幣一元的面積，幾乎沒有牛油。加六蚊的朱古力菠蘿包，算是gimmick，不錯的。咖啡沒有嚐，不表。熱檸水okay冇問題。埋單$29+$29+$6=$64總結：整體合格。撇除另加$6的朱古力菠蘿包，三十元以下，而味道okay，環境企理的地舖早餐，在灣仔區內算是罕見。…Read More

食左呢個59元正嘅牛肉飯，辣味噌牛肉飯，完全無辣仲要勁甜，究竟落左幾多糖？d份量仲少過大家樂，職員嘅回應竟然係話，第二個餐嘅牛肉多d，呢份係咁嘅。究竟佢地係未真係嫌客多？…Read More

5月17日, 因為趕住用埋之前買落嘅$38二人餐團購卷... 所以今日又嚟食北海道~ 今次揀咗少人d嘅灣仔店, 又唔係繁忙午飯時間, 所以都唔洗等位就有得坐. 不過一坐低先發現, 呢度個地下好污糟, 唔係周地垃圾嘅污糟, 而係好耐無拖地好黐笠笠好多黑色鞋印嘅污糟, 窗邊亦有躂躂嘅污跡, 頓時令人食慾大減...::: 太陽蛋 + 日式免治和牛飯 + 凍檸茶 :::隻太陽蛋係好太陽的, 蛋黃好大而且晶瑩剔透, 蛋白邊微脆煎得剛熟很好. 至於下面的日式免治和牛其實就係肉醬喇... 唔太食得出和牛不和牛味道上嘅分別, 但醬汁酸酸甜甜加上比較滑溜嘅牛肉碎又真係好快又食晒成兜飯~凍奶茶係呢度名物, 不過今次放棄叫咗凍檸茶~::: 意大利番茄炒蛋 + 厚切餐肉飯 + 凍咖啡 :::本以為個番茄炒蛋會唔錯, 再加埋個名好吸引嘅厚切餐肉, 都有d期待. 不過嚟到嘅就係一pat番茄撈茄醬, 撻喺一堆炒蛋同塊厚餐肉度, 賣相真係唔吸引... 嗰pat好似配碟頭飯嘅茄汁, 酸得嚟個味道好膠, 唔鮮又唔好味... 炒蛋亦係呢度嘅名物, 但係呢個炒蛋絕對稱不上特別... 好在塊餐肉真係幾好食, 肉地厚身又夠味~凍咖啡好飲, 啡味奶味都夠, 又夠凍~作為一間以日本地方命名嘅餐廳, 北海道牧場餐廳環境裝修一直都好乾淨簡潔. 今次嚟到呢間竟然咁污糟, 室內燈光又唔夠, 晏晝流流窗口位又唔落簾太陽直晒住客人又熱又刺眼... 就算食物唔錯都大扣分!…Read More

如果可以食無定時，下午茶餐的確抵食。一向鐘意這裡的小樽叉燒，今次試豬頸肉。$38豬頸肉飯仲包一杯飲品。或者份量比平常減了，下午茶餐豬頸肉只有4片，味道淡了少少，但都啱，太醎唔健康，預先煎香所以都惹味，白飯一小碗，仲有若干辣薯片，好香脆，不失為一抵食下午茶。…Read More

去睇阮兆祥個揀篤show之前，諗住食餐好少少嘅，但又無做乜野research ，行左成條街之後，結果就揀左呢間北海道牧場餐廳來食，係門面睇過下個menu覺得應該okay，所以最後揀左呢度。不過唔知點解，餐廳內無原因地燈光昏暗，啲燈燒左又無人理咁~ 基本上，所有櫈都係圓櫈，即係話一張有椅背嘅椅都無，明顯不是走高檔路綫。看看餐牌都算係有啲創意，唔係俾2張紙我~ 不過嚟到呢度，其實我期望可以食到好多3.6牛乳的食物，看他們如何把3.6牛乳入饌，可惜，只有飲品和甜品，這一點比較失色。整個餐牌去到後半部更加係雜牌軍一樣，完全看不透呢間餐廳的定位。先來這一杯北海道３。６牛乳咖啡，對我承認我對它有點期望，只是我沒想過連糖也不給我，奶和糖攪極勻，奶沒有特別濃，咖啡沒有特別香，唉～　這個晚上很想吃烏冬，所以點左呢個北海道牧場特式烏冬餐，其實我係因為佢有少少誤導我有3.6牛乳加蕃茄湯，但最後我食唔出個湯底有3.6牛乳，蕃茄也太酸。另外，九唔搭八地俾塊紫菜我，但係我又唔係食拉麵，/_\ 加上，係咪應該俾隻半熟蛋我呢? 雖然呢度傳聞炒蛋係好食，但係都唔係咁奇怪食烏冬加炒蛋卦............ ? 係西餐定日本菜定普通茶記? 我分唔到.... 隻雞翼更加唔好食，佢又唔算係雞全翼，無左隻雞鎚，得返雞中翼同雞翼尖，最慘的是有雪味..... 其實呢隻雞翼可以整得特別啲~ 唔知點解拎去炸左佢咁普通。接著我偷偷試了my boy的套餐~ 這個忌廉湯也真嚇人耶! 淡到呀媽都唔認得，沒有忌廉香，味精也不放，面頭加點香草俾你當係點綴，唉~ 送都唔想飲啊! 不過呢個咖喱吉列豬扒飯還好，雖然咖喱沒有賣弄什麼加入3.6牛乳這些作狀的東西，不過味道還好。而且，吉列豬扒的炸粉也不厚，也沒有翻炸的感覺，已經很好啦! 店長的服務很好，奈何這裡該他發揮的空間好小，假如我是個餐飲業的老闆，真的很想把咭片塞俾佢，然後同佢講一句：You deserver better~！　…Read More

今日聽到同事講附近d食水停哂，於是我行遠d去食lunch試下其他餐廳。有時會經過北海道牧場，但都係去到今日先決定試下，點知一試就……伏．到．呢~~~~~~先講左下我要左咩先：一個肉丁餐，加辛口芝士，炒蛋（磨菇汁）厚多士另外我係跟2個學生模樣的男仔搭檯首先餐廳而家用左紙杯同紙盤等即棄餐具，其實都幾唔環保，係個DESIGN幾「的色」咁lo然後講食物，炒蛋同厚多士係好基本野，所以食唔死人就得，反而我幾鍾意佢個磨菇汁，幾清甜；當我品賞緊個炒蛋時，同檯2個學生剛剛食完，開始彈緊間餐廳有幾難食，我無理到佢地，因為我個肉丁通出現了，個一刻真係驚為天人……我係度先比擬一下北海道牧場個紙碗大細，其實同一個南記外賣碗差不多大細+深度，重點係：肉丁通分量只佔個碗大約1/5至1/4！我重申：只係佔個碗大約1/5至1/4！由於另外2個男仔都望到個碗通粉，個一刻大家表情都係：O口O --> (￣□￣；個通粉分量細都算了，我俾左$4加辛口芝士，事實係佢只係加左堆辛辣粉係肉丁上面！北海道牧場……我有咩地方得罪過你，你咁ge餐，仲收我50蚊......我弱小心靈受創了(。_。)…Read More

一天早上，在北海道牧場餐廳吃早餐。走進餐廳，看見食客都是零星落索的差不多一人一枱的散坐著，情景猶如飯堂。有個阿姐說 : 「見位就坐啦。」但問題是所有吉枱都是未清理的，可以坐那裡呢？猶幸不久阿姐便收拾好一張枱，小人叫了個自製肉丁炒蛋通粉餐$29 + 腸仔$4。通粉一出場，小人不禁倒抽一口涼氣，心知不妙！這碟血池地獄湯粉是甚麼一回事？賣相恐怖，好像是特別為哈佬喂而推出似的；兩條腸交叉疊著，剛剛兩個腸衣的連接位卡在一起，砌成一個十字架的造型！湯底烯如開水溝著一"篤"辣油在右下角不在話下、通粉既不腍身亦不彈牙、說是名物的牛乳炒蛋像是一堆爛布浮游於血池上，總之口感是一pat東西，實在難以下嚥！必須隆重介紹的是餐牌上寫著的自製肉丁。明明是罐頭貨，怎會是自製？自己買還是自己開便叫自製嗎？ 真是丈八金剛，令人摸不著頭腦。說到底這個造型的構成小人應記一功。要不是小人加腸，又何來這個十字架的出現？但向來早餐出現的都是正常size腸仔包內腸仔的香腸，誰會料到店方提供的竟然會是雞尾腸？！驚喜一浪接一浪。咖啡本身頗香，飲下去是順喉的。吊詭之處在於以堂食的咖啡杯襯以外賣的調羹，到此刻，嘴是O得不能再O了......認真應節嘩鬼早餐。…Read More

名字很有日本風尚的北海道牧場餐廳，不肯定是否真有用上北海道牛乳做食材，原因是看遍餐牌，也不覺有明顯字眼標榜食物以北海道牛乳烹調，只是套餐名字以北海道命名，也不見店方像某些餐廳那樣把一箱箱或一盒盒的北海道3.6牛乳擺放在店內。那我只好視之為綽頭而已，假設餐廳是徒具北海道牧場之名而沒其實了。再者，餐廳裝潢並不是日式格調，相片掛飾內容主題也不協調，既有食物也有風景小孩寫真，有點不倫不類，也滲不出絲毫東洋風，幸好此行並非想體驗日式茶餐廳風味，只當自己在港式茶餐廳吃一份營養午餐會比較合乎現實。最想嚐的是炒蛋多士，故此點了北海道特餐，價錢$42，比普通茶餐廳略貴，值不值則見人見智。雞蛋賣相和嫩滑度比期望的普通，口感是可以的，但就不像用奶炒過。多士更是硬硬的似乎只約略烤過再擺放了一段時間，不然就是麵包本身已不夠新鮮，總之是那種咬了一口已無衝動再吃下去的品質。友人起初不明白他那碗餐湯為何那麼稀和佈滿油，但當我的特餐叉燒意粉上場時大家便恍然大悟。那些湯根本就是來自煮過叉燒意粉的湯嘛，否則兩者怎會看來沒分別呢？想到這裏，他也不想把"餐湯"喝下去了。唯一令我滿意的食物，是這碟叉燒湯意粉。叉燒肥瘦適中，吃起來味濃香軟，意粉也彈牙；那個疑似被用作"餐湯"的湯底其實味道是不差的，還有少量香草碎吊味，意粉吸收了湯的味道和叉燒的肉香，每條掛湯入味。友人欠運氣，他那個$68咖喱牛肋條飯套餐除了餐湯不對勁外，飯也令他難以下嚥。牛肋條更像牛腩，而且是又硬又鞋口那種，飯也煮得十分硬，只有日式咖喱汁是對勁的。本想以超值價$12加一份巧克力醬窩夫令他感覺良好一點，可惜事與願違，薄薄的窩夫不但冷冰冰，口感也奇差。配上的那一大塊牛油和粗粒花生醬味道也不好。我們相對無言，只好各自喝著餐飲熱阿華田和另加$15的雪糕紅荳冰緩和失落的情緒。友人試圖分出雪糕來拌窩夫吃，還是無補窩夫本身毫不鬆軟的質感。…Read More

作為蛋治達人的我，今早終於嘗試了這裡的3吋厚蛋治。單叫: $28套餐 (連熱飲): $32烘底另加$2- 蛋的厚度: 很厚，比澳牛及華星的稍厚- 蛋的滑度: OK, 比澳牛及華星的少許遜色- 蛋的咸度: Very good, 適中- 麫包烘底: Good, 也做到外脆內軟, 不會太乾身味道而言，very good.  但考慮埋價錢，我還是會選擇澳牛及華星的。…Read More