PEKING GARDEN (New Town Plaza Phase I)

真係頂唔順，上次去左沙田間北京樓食飯，成個體驗差到爆。啲 staff 態度好敷衍，叫水都要等好耐。等咗成二十分鐘先上第一碟，仲要係凍嘅。食物方面，幾道招牌菜完全唔掂，味道又死鹹又油，酸甜味比例唔平衡，好似亂咁落調味料。北京烤鴨皮唔香脆，仲帶油膩，鴨肉唔夠嫩滑，好似早幾分鐘切好放咗先拎出嚟。炒菜冇鑊氣，青菜仲有渣味，好明顯唔夠新鮮。以呢個水準仲要收咁嘅價錢，真係唔值。環境又嘈又迫，枱面油笠笠，成間餐廳完全冇以前聽講咁出色。之前仲有人推介，依家試完一次就知道唔會再去第二次。 …Read More

食尼間野，lunch坐低無人理你，要你三催四請先有人俾個code你落單，跟住上菜慢，好容易漏單，一共叫左3樣野，都可以漏一樣（鮮竹卷），仲有次買單俾左信用卡，佢地拎左入去之後唔記得還番張卡俾我，要我去問佢先如夢初醒，俾番我。態度一般，價錢同服務質素不成正比，相信好快執，大家唔駛再去。香港餐飲業咁既質素，真係唔怪得人唔幫襯佢地，d野食又唔平，服務態度又唔係好，簡直可以話係亂糟糟，每次去一定會有問題發生。…Read More

平時都有幫襯開呢間「北京樓」，有時都會漏單，漏一、兩樣咁，今日第一次體驗「全單漏單」，完全被激發要出第一篇負評。12:01手機落單，等到12:26一碟點心都未到，我哋只能食枱上一小碟價值不便宜$28的前菜，問侍應話已經等到差不多「半個鐘」，她的回覆係「我哋既點心係即叫即蒸」，然後絕塵而去。咁樣即係點呢？我哋仲要等幾耐？等半個鐘原來係「標準時間」？好明顯佢無幫我地跟，跟著要不停問好幾個侍應，起初「有禮貌」咁追，佢哋只會hea下你，直至要有開始用「投訴」既tone, 先有一個侍應「肯幫手」追，四樣點心終於嚟咗2樣。到食完2碟點心，12:46又要再追其餘2碟，跟著都只係嚟多一碟（蘿蔔糕係凍的，原來這是即叫即做的標準），又要再等，差唔多等到1點，隔離枱剛坐低點左唔夠5分鐘已經嚟咗我哋等左一個鐘既「煎釀三寶」，真係令人無名火起，同侍應講，佢終於意識到我哋「真係等左好耐」，先入廚房拎碟微暖既「煎釀三寶」出嚟。呢間北京樓「漏單」同唔夠伙記既情況已經好耐，由用點心紙到依家用手機落單，情況都係無改善過，究竟個管理點解可以咁差？其他北京樓分店、同集團嘅酒樓如八月花、圍方既美中鴨子同潮庭都無呢個問題。成日話港人北上影響香港飲食業，睇嚟因為位於新城市廣場、人流旺嘅關係，呢間北京樓既分店的確能夠「獨善其身」，存在於另一個平衡時空，可以繼續以咁既「依然故我」服務態度營業，實在令人嘖嘖稱奇。…Read More

屋企人慶祝 70 大壽，除咗嘢食好少少之外，其他嘢真係接受唔到。首先入 V1 房後發現大電視用唔到，問一問侍應先知電視壞咗好耐，仲好意思話電視及喇叭只係裝飾。然後上菜時發現枱上轉盤太細，要企起身先掂到轉盤，追問先知原來大轉盤都係壞嘅，有老人家嘅唔使諗 V1 房。食飯期間侍應都冇話好主動執嘢，久唔久入一入嚟睇睇就算。食物還算可以，正常水準囉 ...頭盤六小碟 : 正常質素，但係偏濃味乾燒大明蝦：肉質彈牙，但係配甜酸汁有啲奇怪，好食嘅炸蟹鉗：Size比較大，啖啖肉，食到蟹肉鮮味紅燒海皇燴燕窩：其實就係紅燒翅，不過冇翅，轉咗做食唔到嘅燕窩，好食嘅蠔皇原隻鮑魚海參：莫名其妙有滷水味糟溜深海鱸魚：甜口，好奇怪，但係肉質嫩滑四合蔬：清淡長壽麵：乾燒伊麵粗炒版核桃露：好香核桃味，唔甜，老人家啱食蟠桃包：食得出蒸咗好耐，個面硬哂總結，唔 book 房嘅都食得過…Read More

極度失望的一餐! 星期日與家人一起想食餐好的.其他菜式我都不多講了. 他們的招牌片皮鴨皮乾肉粗都算了, 上菜時居然是涼的.大失所望,  建議去其他北京樓分店都比這間好10萬倍!如果大家想試北京樓建議去歷山大廈或金鍾分店.沙田北京樓 = 垃圾!…Read More

費事煮，是但搵間易搵位嘅中菜同屋企人食飯。而家有片皮鴨優惠，真係非常經濟。半隻鴨，加一斤石斑，雖然係養魚，但係一斤左右斑加酒樓蒸魚豉油薑蔥，覺得夠交貨合格，北京樓片皮鴨都係有保證，雖然而家好多酒樓都做緊，始終佢哋呢間老牌酒樓都唔會馬虎，侍應全部都係大媽，不過殷勤招待，但永遠唔會識同你講廣東話。另外加咗個鴨湯雲吞，係成餐最好食嘅一個湯品，耐唔耐都會嚟幫襯，鍾意佢傳統格局，都坐得鬆動，埋單落樓，同屋村價錢套餐都唔爭好遠。抵食。…Read More

【沙田區】【北京樓】為咗高力豆沙同埋杏仁茶，去返我喺 1am0810 嗰時已經講過嘅沙田北京樓。之前食過佢呢啲小菜麻麻哋，今次就食啲細份啲嘅，例如 $68 嘅「上海雞湯雲吞」呢類，只能夠講係不過不失。跟住食 $56 四隻嘅「無錫灌湯小籠包」，呢個水準就係可以嘅。之後食 $58 四隻嘅「南翔鮮肉生煎包」同 $56 四隻嘅「川揚鮮肉鍋貼」，我覺得更加普通，冇小籠包咁好食。到點心喇，叫咗三款 $53 嘅「特點」，係「晶瑩蝦餃皇」、「沙律明蝦角」同「韭黃鮮蝦腸」，還好，我中意 $47 嘅「龍蝦湯鮮竹卷」多啲。之後叫咗個 $72 嘅小食「紹興三里橋醉雞」，都唔少嘅份量，味道就一般。戲肉嚟喇，三位嘅「蛋白杏仁茶」，但係價錢就亂咁篤，侍應漏單後又話師傅已經唔做，味道幾好都冇用。食埋 $65 五粒嘅「高力豆沙香蕉」 ，埋單三位 $832.7，冇咩事唔再嚟。。。（地址：沙田沙田正街18號新城市廣場一期8樓801C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #北京樓 #上海雞湯雲吞 #無錫灌湯小籠包 #南翔鮮肉生煎包 #川揚鮮肉鍋貼 #晶瑩蝦餃皇 #沙律明蝦角 #韭黃鮮蝦腸 #龍蝦湯鮮竹卷 #紹興三里橋醉雞 #蛋白杏仁茶 #高力豆沙香蕉 #美心集團 #1am1653 #1ambackup…Read More

小熊貓每次去親呢個地方都會俾佢嘅裝潢驚艷到，每次去到都一反我對傳統中式餐廳嘅感覺，好似食緊fine dining 一樣。今次值得一讚嘅就係🦐海皇脆皮腸粉，傳統嘅腸粉加上新穎嘅創意，用鬆脆嘅外皮包住經典嘅餡料，口感豐富，又脆又滑，令我重新定義左中式點心。傳統嘅點心亦都做得相當唔錯，非常之入味的🐓豉汁蒸鳳爪同埋🦐晶瑩剔透又甜彈牙嘅蝦餃皇，都令我食過返尋味。最後嘅🥬金華火腿扒津白到令我回味無窮，用咗鹹香味十足嘅金華火腿帶出蔬菜本身嘅甜味，最後嘅芡汁亦都令味菜生色不少。…Read More

第一次來這間店飲茶，但保證不會再來。14：12手機落單，14：35仍沒有一碟點心送上來。期間差不多十分鐘內整個樓面完全找不到侍應查詢，只能乾等。唯一找著一個突然出現匆忙路過的侍應查問，她沒甚回應只在下單機前查了查再跟另一個職員問了問就完事，完全不打算走過來交代情況或致歉。我們追問下才說找了人追，最後我們決定不再等直接走人，才即時出聲叫住我們說在追單，態度極差，毫無歉意，性價比絕對是谷底級的酒樓！…Read More

好耐冇去過沙田飲茶，同埋去新城市廣場購物，所以揀了一個星期六和屋企人去沙田新城市廣場飲茶及購物。我哋找到一間北京樓飲茶，雖然都要排隊，但等位時間可接受和值得的，因為酒樓的點心食物質素十分好，我哋揀咗白布腸粉，香煎蓮藕餅，珍珠雞，擔擔麵，瑤柱蛋白炒飯，最後點了一個香濃的咖啡糕做甜品，簡簡單單的一餐茶，價錢公道，食飽後我哋就去新城市廣場買購物。…Read More

本地人聚会喝下午茶都会来这家！菜量很大很实惠 人均两三百就可以吃到扶墙出招牌烤鸭必吃！ 来了三次基本都是点四人套餐 真的很划算！甜品杨枝甘露和紫米露我也超爱 超级好喝！…Read More

對於北京樓的片皮鴨，我的用餐體驗令人失望。麼麼是冷的且口感硬，似乎是生的，即使店員更換了一份，（叫第二次先肯換）仍然難以下嚥。另外，片皮鴨的肉散發出難聞的腥味，這讓整個用餐體驗更加令人失望。儘管餐廳的用餐環境舒適，服務態度也不錯，但食物的質量卻讓人感到失望。希望餐廳能夠重視食材的新鮮度和烹飪技巧，提升食物的水準，以提供更好的用餐體驗給顧客。本來諗住呢度食片皮鴨應該好出名，點知咁難食，唉…Read More

食物有失水準、兩杯果汁等咗半個鐘都算。一坐低之後，啊姐即刻擺抵一壺茶同一兜涼拌菜，乜都唔講，等你以為兜涼拌係免費提供。結果去到最後埋單見到兜涼拌原來係另外收費，問啊姐，啊姐就話一開始可以話唔要。都幾有趣，霸王硬上弓咁。…Read More

星期六晚上六點半入坐坐了7成人左右。 叫了4位匯豐餐。 上菜時開頭都順利，d 野食， 麻麻吧， 比較咸。 蟹鉗ok的，小籠包也好， 填鴨講真，唔好食的。 食到最後，見到後面檯來了片皮鴨，我地都未來， 大家都是叫餐，我叫了先的，他們才坐低，結果是人地食完埋單，我的都未來， 搵經理，他有處理，等了十幾二十分鐘終於到，8點多才上齊， 還要三催四請搵經理。 完全沒有人服務。 北京樓的服務，沙田最差，因為生意最好， 茶沒有人斟， 碟沒人換， order 沒人跟。不要坐偏的位置，不然叫天不應叫地不聞。 …Read More

今日中秋節約咗同事過嚟食中秋節飯，諗緊食咩嘅時候，經過呢一間北京樓嘅招牌，諗緊食吓點心都幾好喎，於是就過咗嚟呢度食啦本身都好擔心好多人嗰陣時12點幾，但係估唔到都係有幾多吉位剩，唔使等位非常好叫咗蟹肉炒飯啦，為咗飽啲，而個味道就不過不失嘅，唔會話非常出色，但可以接受嘅，味道就比較淡啲囉，食濃味嘅人就未必會鍾意另外就叫咗一個腸粉，佢比較特別啲外皮會有個紅色嘅腸粉皮包住，入邊就係非常之酥脆，有啲蝦，呢個係非常之出色，我覺得好好食，下次你一定會encore嘅。…Read More