Bao Dim Superman (Closed)

今天路經買两餸飯，我叫炒蛋同涼瓜魚柳，個鄉音短髮阿姐已經冇乜禮貌，我見佢装哂涼爪，一舊魚柳都冇，我問佢點解一舊魚柳都冇，佢即刻粗口回應，叫我唔好幫襯，咁嘅態度，好似我嚟乞食咁，離哂譜，不知所謂到一個點…Read More

我買左兩個蒸飯 + 點心套餐（一個章魚雞粒飯 + 燒賣，一個煎蛋肉餅飯 + 蝦餃），佢收左我 $72 之後我問個店員點解唔係收招牌上寫既 $33 x 2 = $66 而是收我 $72，店員只係話因為蝦餃要加錢（佢指住個蝦餃 +$4 既招牌）所以係 $39 + $33 = $72，但本人諗一諗加 $4 都只係 $70，冇 $72 這麽貴，而且個個加 $4 係寫係另一款產品的招牌上，應該同我買個個餐無關，但店員依然唔願意退回差額，只願意整個餐退回有冇搞錯呀，咁都得 …Read More

本來想去佳記買兩餸飯，但嗰邊無哂豆角，所以嚟咗呢間買，同樣35蚊，呢間有三餸但無飲品，我揀咗豆角，咕嚕骨，豬扒，但全部都唔好味。 豆角係油浸，無切走頭同尾，完全hea底，口感硬，得個咸味。咕嚕骨，骨多過肉，粉漿勁厚，口感差。豬扒應該用咗辣味美極豉油去醃，食落有一大陣美極豉油咸味，又有少少辣味，口感方面極鞋口，仲要又乾又硬，唔juciy。極後悔响度買飯，除咗平同多個餸之外，呢間完全唔好味，仲要外賣原來無俾餐具，個阿姐又唔提我要自己拎，呢間太差，完全求求其其，下次買返佳記算。…Read More

今日打算叫雙淨餸，排咗一陣到我揀餸，好快叫咗個粟米豬扒，跟住猶豫咗一下，因為見想食嘅綠葉菜只得菜心牛肉一種，舖內一個比較大年紀、黑口黑面嘅姐姐話：「早知你咁耐我俾第二個先啦。」我打個突，心諗「原來邊個快邊個先，早知唔駛排隊啦。」我忍佢冇出聲，叫埋第二個餸「菜心牛肉」，姐姐係咁夾菜心唔夾牛肉，我忍唔住問：「冇牛肉嘅？」佢隨即夾咗兩塊牛肉，但好明顯深深不忿，大聲講：「最後兩塊都俾埋你喇⋯⋯」我好嬲，大佬呀我而家俾淨餸錢呀，兩塊牛肉好似恩賜咁⋯⋯啲食物已經唔係話好食啦，排隊亂排又冇人理，附近咁多選擇，唔想受氣真係去第二間⋯⋯⋯⋯…Read More

1)今早買左碟雞扎，我一啖咬落嚿豬肉度，乜得佢識回彈嘅，我回吐出嚟，原來佢仍然擁有嬌嫩嘅粉紅色……OMG佢未熟，再睇吓嚿鷄，同樣外面熟、裡面生嘅2) 試過午市買嘢，人多條好龍長，但無管理好排隊的秩序，原本兩餸飯一條隊(好短)、蒸嘢一條隊(好長)，竟然可以有啲人睇睇下兩餸飯，突然立斬跳左去則邊買蒸點，但店員照樣售賣，無理後面排梗隊嘅人感受🤦‍♀️不過，呢個價錢，味道OK，的確係窮人恩物嚟嘅！希望店舖會注意吓啦！…Read More