勤記潮州食家

元朗國不嬲出名多嘢食，但估唔到呢間鋪仔細細，竟然臥虎藏龍。勤記鋪面望落都幾噏耷。當日好熱，但係鋪面門口排滿晒人。由於太怕等位嘅關係，所以唯有嗌外賣返屋企。本身好想食脆肉卷，但係佢話已經賣晒，仲話要食嘅話要等下個星期。去到最後唯有嗌咗佢嘅招牌雞每款半隻。首先講吓佢呢個非常之多蒜嘅雞，呢個雞麻香味濃，醬汁酸酸甜甜，配埋佢超級多嘅蒜，成個味道真係冇100分，都有99分，我覺得絕對係入店必吃自選。食完上面個雞，再食個醉雞，又係另一種滋味。醉雞個肉質實淨，配埋濃濃嘅酒香，完全係另一種感覺🥰…Read More

而家出街食個小菜都要七、八十蚊，作為一個廢青就覺得貴，竟然有一間餐廳嘅午市即炒小菜套餐賣 38 蚊!! 最令我感動嘅係佢嘅食物質數係完全超出左佢嘅價錢，日日食都唔會怕唔健康。每個套餐都會跟一個足料例湯、飲品同白飯。一坐低侍應就會送上日日唔同嘅例湯，師傅會用當日嘅新鮮食材去煲湯。而飲品方面一定要試吓佢嘅自家製菊花茶，好清甜好香菊花味，出面好少見。午市晚市嘅菜式同價錢都會有少少唔同，有興趣嘅朋友可以上佢咃嘅  社交平台 到睇每日最新嘅 menu。(午市)🐷川味麻婆豆腐飯 $38一啖入口就感覺到麻香味，但冇覆蓋咗豆腐本身的豆香，同豆瓣醬相輔相成，絕唔會好似市面常見川菜店般的重手調味。而豆腐好滑，再撈埋已經炒香咗嘅肉碎一齊食就開胃十足，非常惹味!!🐷香蔥菜脯肉碎煎蛋飯 $38菜脯煎蛋好多地方都有得食，但係我食到個啲通常都係菜脯味遮哂蛋嘅香味，搞到成碟餸偏甜咗，而哩間嘅菜脯煎蛋就無哩個問題，一來佢菜脯唔會偏甜，配埋蛋一齊煎，食落有爽脆感之餘唔會蓋過佢本身嘅蛋味，再加埋肉碎一齊煎，就可以一啖同時食到爽脆嘅口感、肉香味同蛋嘅香味。佢一份都有3 4塊煎蛋，非常抵食!!!🐷豉汁蒸鯇魚 $63魚肉選材好新鮮，亦沒有一般茶記蒸魚既泥腥味，肉質滑得嚟蒸得啱啱好。加咗豆豉、蒜茸同辣椒佐味一齊蒸，溫和得黎亦帶出魚肉的鮮，味道更加有層次，完全體現到勤記家常菜一貫溫和調味的作風。🐷蒜茸椰菜花炒肉片飯 $38一上枱就聞到好香!!! 淨係即叫即炒已經價回票價，需要等一等都無所謂。肉片同菜花吸收左好香蒜茸味，鍾意食蒜頭嘅朋友(包括我)一定會非常鍾意! 椰菜花又甜又爽脆，好清新好好食! 肉片好嫩，調味亦啱啱好。值得一讚嘅係師傅嘅炒功都非常好，好有鑊氣!!…Read More

勤記都算係飯堂之一，貪佢飯夠多一定飽，而且可以食多啲菜，基本上A至F餐總有幾款菜可以揀嘛。今日係蟲草花黃豆豬骨湯，湯夠熱夠濃好飲呀。點了潮式蠔仔粥，大大碗啊。湯頭鹹鮮味濃郁，蠔仔肥美鮮甜，勁多蠔仔呀，無砂無殼啖啖食，好好味。第二次係霸王花紅蘿蔔黃豆豬骨湯，同樣濃郁好飲，好耐無飲過霸王花啦。大大份嘅A餐，三十幾蚊抵到爆。是日係南乳蓮藕肉片飯，南乳鹹香惹味，蓮藕爽口，百吃不厭呀。勤記飯山名不虛傳㗎，細食者記得要少飯。再黎叫左菠蘿生炒骨飯，碟飯好似又大碟左，哈哈。生炒骨超大碟，仲大碟過出面街啲晚上小炒，走過油係香脆嘅，但個人覺得個汁偏酸左少少。另一日係木瓜花生豬骨湯，唔知係咪湯尾，湯渣多過湯，哈哈，但個湯係好飲嘅，好有木瓜味。又係椰菜花炒肉片飯呀，之前食過好好味。鍾意佢嘅蒜蓉炒椰菜花，香口好味，食到汁都撈埋。勤記啲午餐簡單好味，湯又好飲，仲有杯唔少得嘅菊花茶呀！…Read More

Always a queue for this place but luckily was able to get a table for dinner.Basic local restaurant deal, handful of dishes on the menu and a chalkboard for their daily set dinners -Chinese only·As per reviews went for the meat roll.They have a choice of 2 kinds of chicken on the menu for sharing, either Drunken Chicken or the Garlic Chicken. Chose the latter, both served cold Chicken was tender with a touch of sour with thr salty.Also tried the oyster congee which very unusually is not served with coriander but there are plenty of oysters.Saw many customers having the sets so thats what I will try next time as they seem great value for money. All sets come with a daily soup and rice.…Read More

本身係開12：30㗎Google 寫11：30係錯佢哋menu 上面寫營業時間係12：00都係5啱....上星期11：30到, 見門口menu 寫開12：00,所以冇等今日12：00到,侍應姨姨話原來開12：30..照等,已經等咗一星期！今次5想再等多一個禮拜...香茅雞扒肉燥飯-雞扒入味,肉燥飯5太夠味跟餐菊花茶+例湯-正！好味跟餐+$12有 海石花-超好味！好多 ！好足料以上加埋先$56,好抵食又飽！會再嚟~不過係12：30後, 哈哈…Read More

逢星期二先有得食嘅勤記威靈頓卷（香炸腐皮脆肉卷 ）限量發售100份，即刻搶頭位去買來試吓先。好好食。疫情下今日係最後一日可以堂食，但都係外賣最安全，佢好細心喺個外賣盒度整咗個窿，返到屋企雖然已經凍咗，但外層仍然係好脆。外賣已經咁好食，堂食一定仲好味。過咗疫情，有機會我會再來幫襯堂食。P.S. 朋友介紹下，勤記要食威靈頓牛，但我食落冇牛肉味。有啲奇怪，原來佢係用豬肉整嘅腐皮脆皮卷，材料仲有香菇、蝦米、葱頭。唔食牛嘅朋友都可以試吓。…Read More

上白下藍的牆壁令我記起小學校舍，還有那些年的掛牆風扇，您可有同樣的感覺？校舍裡頭的不是小學生和老師，他與她純粹是食客！「勤記」其實這是一家中式食店，主打住家小菜，也可找到一點點潮州味道！午市和晚市也供應平民套餐， 晚市加 HK$10 可配白飯、例湯及飲品。午市更優惠，一個價錢已包含白飯、例湯及飲品！我只惠顧過晚市，但稍為晚一點來，黑板上的熱門菜式便會賣光，唯有挑別的，又或者選擇非套餐的小菜！早於 2017年由友人介紹認識 「勤記」，那時對其熟醉蝦印象尤其深刻，大多選用中形的海蝦，入口蝦肉彈牙，大多時頭帶蝦羔，蝦味重且鮮甜，更重要是醉蝦的酒香調配得非常出色，夠入味之餘，不會過濃帶苦、酒香與蝦香來得平衡恰好，以平民價享用如大師級的五星出品，實是妙絕！總觀店內，蒜蓉開邊蒸蝦亦是受食客歡迎之物，想必是蝦的質素極佳所致！對「勤記」忠實粉絲來說，不介意其上菜速度不夠快，直接一點是頗慢，因家廚房內屬於家庭式運作，只有兩至三名家人幹伙，但重點是所有菜式均是即叫即做，無添加的住家味道。所以到訪「勤記」的客人，都是欣賞其住家健康味道而來，包括每日不同的老火例湯！最怕熱的老公還要來一杯凍檸茶，我卻喜歡多喝例湯！招牌熟醉蝦 HK$65，幾乎是我們每次的必吃，那種平淡中突顯出的不平凡，輸送出一份細水長流的風韻，跟「勤記」低調的氣質很相似！我們也喜歡將熟醉蝦帶回家，與來家聚會的親友同分享，暫時「勤記」的熟醉蝦無一不讚！若如黑板上有合口味的蒸魚，我們通常也會點上，因為「勤記」的選材很新鮮，沒有泥腥怪異的氣味。這道豉汁蒸黃鱲䱽 (HK$60) 與我做的有所不同，就是原粒的豆豉佐味的效果來得柔和，而我卻喜歡將豆豉壓扁，多放蒜蓉、再加入辣椒絲同蒸，風格不盡一樣，就像每個家庭做出來的菜也有不同的狀況，「勤記」當然富有自家特色。蔬菜是每一頓也不可缺的，「勤記」的蔬菜炒得很細滑，調味同樣是來得溫和，即使是涉及惹味的蝦醬或馬拉盞等，也不失住家菜的溫馨！上圖是馬拉盞通菜炒牛肉 HK$55，下圖是蒜蓉菜心炒肉片 HK$43。也嚐過炒蜆和蛋白蒸蟹，不過蛋白蒸蟹是失手的一次，因為明顯是蒸過頭，蛋白和蟹肉同樣顯得老了！以套餐加 HK$12，可享用芒果海石花甜品，味道清爽怡人！原來潮州人的海石花是來自海底岩石上的海藻，具有清暑清熱的作用，經翻查後才得知海石花與小時候吃的大菜糕是相同的東西。三餸、有飯、有湯、有凍飲和甜品的豐富及飽肚晚餐，每人大概 HK$113，假如兩餸、不要甜品，每人大概七十多元！曾因傳媒報導，這款被稱為「勤記威靈頓卷」的香炸腐皮脆肉卷 HK$57 一度搶䐟一空，源於當時排隊購買人數眾多，店方逢星期二只能供應一百條的緣故。其實當熱潮過後，在「勤記」購買香炸腐皮脆肉卷外賣或堂食，並不是太困難！香炸腐皮脆肉卷是「勤記」的手工家鄉菜，以腐皮包捲著豬肉、蝦米、冬菇和蔥頭等餡料來炸，趁熱時享用，外層酥香，餡味細香而不膩，挺好吃的！如果您喜歡住家口味，亦不趕時間的話，「勤記」是一家值得真香港人支持的小店，多謝「勤記」逢星期二至日為我們帶來的無添加的小菜。疫情期間，六時後會提供外賣！食肆們加油加油再加油！…Read More

次次途經都好想入去試下，門面睇好似一間老鋪，咁啱今日又經過，無人排隊，就入黎試試佢。勤式威靈頓（鮮炸腐皮脆肉卷）聽聞係自家制，可加埋伴碟的青瓜食，減低油膩感，我上黎openrice睇人地d圖好似同我今次食既有d唔同，我呢個好似擺左一段時間咁，無光澤，顏色又比較暗，我諗係睇彩數，先食到新鮮炸起的吧，但味道都算唔錯蠔仔粥，多蠔仔，粒粒都好厚肉，必食 …Read More

位於 元朗 keep住有食開 但就一直試唔到佢嘅 勤記威靈頓 皇天不負有心人 終於比我試到香炸腐皮脆肉卷 = 勤式威靈頓$57 一份 係冇牛的成份 威靈頓 係老闆朋友起的名 ， 主要材料有 豬肉 ,香菇 , 蝦米 , 蔥頭 建議食法係肉卷連埋青瓜 再點 甜酸汁 一齊食 可減低油膩度我先嘗一口肉卷的味道 好香蝦米味 仲食到啲芋頭嘅感覺 再夾起青瓜點汁食 好清新 青瓜嘅爽脆 同肉卷外皮嘅香脆 互相輝影 好食好食 唯一挑剔嘅係我覺得青瓜唔夠多 因為我每1件肉卷都要夾兩片青瓜食 先夠過癮香辣肉碎茄子飯 $41 出乎意料地又幾夠辣喎衰鬼 除左多蔥得濟同等候時間過長之外我冇嘢挑剔 好食又夠味 份量又多 食到我好飽 飽飽 西蘭花炒牛肉飯$41 呢個同平日食到嘅小菜差唔多 有鑊氣 再次提提大家想食呢間野真係要做足排隊嘅心理準備 講緊嘅唔係喺出邊排隊，就算入到去坐 叫炒野最少都要等35分鐘至40分鐘先有得食但係如果你叫醉雞湯飯 或者炸嘢就唔駛等好耐勤記威靈頓 逢星期二發售 售完即止 我之前去過兩次都冇得食 呢個係星期三朝頭早去反而仲有…Read More

元朗勤記 名就聽過好耐但一直都未食過 今日經過附近 見到唔洗排隊 於是入去光顧下本身想食蒸魚飯，但係我太遲去既關係，賣晒。於是，叫左個豬扒滷肉飯。$47 包咩呢？ 一個湯+一個大飯+一碟豬扒+一杯凍奶茶絕對值得推薦…Read More

肉卷聽到隔離枱大叔叫的時候，十分感興趣，一問之下才知道這是隱藏menu，不是經常有貨，即使有貨，通常午市後已經售罄。一食就覺名不虛傳，很想即時encore買多盒dinner再食，但始終是油炸食物，還是隔一排再食。…Read More

是日黎左食近期人氣急升的勤記，因為個個黎買勤記威靈頓，唉，黎到已經賣哂，無法啦，真係一條難求呀～咁轉plan食個A餐先，午市客飯套餐都係38蚊，良心價得好緊要。套餐包例湯一碗，菊花茶一杯，小炒一碟，同白飯一團。一坐低落單，店員阿姐即刻送上例湯同菊花茶，菊花茶低糖好對胃，好好飲，唔怪得咁多人入黎買菊花茶外賣啦。是日的冬瓜湯，雖然係普通例湯，但上枱仲熱辣辣，味道濃郁天然，不是師傅湯，好飲喎。是日A餐係椰菜花炒雞柳，好香啊～因為所有餐都係即叫即炒，如果你點個款餐啱啱出完，要等炒完下一款先㗎，所以都等幾耐嘅，想快可以問下阿姐睇師傅炒嘅咩，跟住叫就即刻有得食。即炒的椰菜花爽脆甜，雞柳嫩滑，簡單調味不造作，好有家的感覺，平凡中更覺溫馨。白飯超多，超多，超多！傳說中嘅勤記飯山，哈哈，出盡全力先吃得完，非常飽喲～好味又夠飽，仲要良心價，唔怪得日日都排滿人啦。…Read More

鮮炸腐皮脆肉卷(勤記威靈頓) 😋5/5好感動！終於買到近期大熱嘅勤記威靈頓！由於每星期只作限量發售，每次推出都光速賣晒，真係要同時間競賽🏃‍♂️ 脆肉卷係全人手製作，外層係炸到黃黃香脆嘅腐皮卷，內層嘅餡料係豬肉同埋香料，先試一塊原味，有淡淡嘅芋頭味，跟住就試老細推介嘅食法，先蘸上特製嘅蒜香甜酸醬汁，再加一片青瓜一啖食晒，呢個食法可以減低油膩感，味道更加豐富更有層次，必食推介🤤鹹菜胡椒豬肚湯飯 😋4/5豬肚軟熟，鹹菜應該係加過工或者調過味，食落微甜唔係死鹹，胡椒味道平衡，唔會太過濃烈。例湯足料，菊花茶嘅菊花味非常突出甜度適中，好飲！午餐$42已經好抵食仲送例湯兼凍菊花茶，簡直係大件夾抵食CP值極高。溫馨提示：不論堂食或者外賣你都需要極大嘅耐性！耐性！耐性！小店人手不足，堂食或者外賣都超過1小時，不過食完你會覺得值嘅。…Read More

中午屋企人介紹咗勤記食潮州嘢，話又抵食又冇味精又好食，於是就去一試。叫咗碗我勁中意飲嘅鹹菜胡椒豬肚湯，熱辣辣。好多豬肚！正呀！啲豬肚好爽口。中意佢鹹菜唔會死鹹，湯又濃，熱辣辣飲完好舒服！不過，呢啲湯一凍咗少少就唔好飲，所以碗湯一黎到，就快手啲飲啦😂香炸腐皮脆肉卷叫之前以為係潮州傳統炸粿肉，點解黎到，哇！咁大條嘅🤣 炸嘅火候好好，唔會油粒粒，腐皮炸得好脆，啲肉好似魚肉咁，好扎實，啖啖肉！正另外，我地叫咗個午餐蒸肉餅(冇影相)，好大碟，又好食，嗰例湯仲超級好飲！…Read More

我叫咗個香茅雞扒肉燥飯 ($44) 雞扒份量勁多 滿滿一大碟 炸得唔油 但食落比較乾 附送嘅甜酸汁都幾香 伴碟嘅青瓜剛好中和雞扒嘅飽滯 😇而飯份量都差唔多一碗半 肉燥汁味道普通 較重芡汁味 肉燥較瘦同健康 不過餓起上嚟都夠我撈咗差唔多成碟飯 😁 午市附送例湯、菊花茶；例湯標榜無味精，飲完唔口渴又唔油膩，仲非常足料，大大舊雪耳🥰 而菊花茶係用即棄膠杯裝住，甜度適中，又有消滯作用😉 總括呢一餐性價比真係好高，會繼續去食同多多支持！🥰…Read More