勝利餐廳小廚

Open Now

Now Closed

我都食左勝利起碼有五年，一開頭覺得佢啲小菜真係唔錯相比起其他附近既茶記。但我覺得佢每況越下，越嚟越差，，之前試過食佢炒飯，個炒飯唔夠味都唔緊要，但好大陣漂白水味，結果成盒掉左。其實一向都覺得佢廚房又黑又污糟架啦，地下又油喎，個次之後好奈無食過佢，屋企人話想食先至買外賣啦，點知一食就中招！ 唉！係個炒菜入面有成大隻曱甴定大昆蟲咁既物體，真係好過份呀！ 即刻想嘔囉。。。我都唔明咁大隻點解可以睇唔到囉。。。

呢間茶餐廳下午茶幾抵，平均都係3x蚊，如果想慳錢😅唔食午餐都可以留肚食下午茶既，份量當然唔多，但我有時會食2個下午茶😅 因為想食多款，但咁會貴過食午餐🤣🤣🤣🤣但我主要都想食西多士，同炸雞比薯條😝😝 但今次係食干抄牛河🤭🤭🤭，干抄牛河都覺得夠獲氣，我其實下午茶黎食就唔夠飽既🤭🤭朋友住附近既，但佢唔鍾意呢間，因為我同她講幾好食,,但她反應係覺得唔好食，她唔想黎食，不過每人口味唔同，反而我帶呀媽黎食，她又鍾意呢度晚餐既蒸魚飯覺得好食喎，而我黎食晚餐就無乜覺得特別平或特別好食～ 唔差的😄

原先每個月一次嘅義工活動因為疫情嘅關係停咗一年有多。今日係我第一次參與番，約定好同個朋友每次都會去附近翠華食個早餐先，但係赫然發現原來呢段時間餐廳已經 ⋯於是周圍搵睇吓有冇其他茶餐廳，又比我搵返呢度⋯以前男朋友因為夜晚有嘢做，會陪佢嚟呢度食晚飯，佢啲小菜好出色㗎。之後其實我都試過一次外賣早餐走，不過都係三文治之類。今次提議帶朋友嚟試吓堂食，佢都話個奶茶唔錯。其實早餐來來去去都係嗰啲火腿通粉、沙嗲牛肉麵、雪菜肉絲米粉等等。因為朋友戒咗牛肉，於是就正路啲揀番火腿通粉，當然會配埋餐肉煎蛋多士啦。另外再嗌咗啦奶油多大家share。雖然話就話求其食，不過點都留返少少基本要求卦。

沙姜雞 (例牌）$60雞肉熟度剛剛好，雞汁不斷，充滿雞油香，入口嫩滑，肉質美味！加上咸味沙姜，使雞件味道提升，更上另一層樓。豆豉菱魚炒菜$68罐頭菱魚，份量足夠！不太咸！菜炒後還是翠綠，菜質還是香脆爽口，熟度剛剛合適，幾好味！西多士$27鮮油香炸，多士脆口，花生漿汁份量足夠，麵包厚度也適中。鮮炸雞脾拼沙律$34雞脾新鮮炸起，雞肉柔軟，帶有香甜雞肉香汁，雞件炸成鬆脆香口，雞皮不硬口，帶雞油香味！美味可口！

最近經常出入九龍城土瓜灣區一帶，特別喜歡去啲地道小店揾食，有一間座落係北帝街近宋皇臺道叫勝利餐廳小廚，去過幾次都食過早午晚餐，原來老闆已經做呢行超過三十多年，好多街坊讚賞，地方清潔，親切服務，舒適環境，食物味道保持高水準，價錢大眾化，特別下午茶餐嘅迷李干炒牛河，都係32蚊包熱飲，真係抵食兼入味，牛肉料足，粉色澤夠和滑

又係放工的時候，今次同男朋友去咗公司附近的一間茶餐廳食晚飯。餐廳有多款小菜選擇，今次我們就選了半隻南乳吊燒雞及菠蘿咕嚕肉。菠蘿咕嚕肉揸得夠脆但不會太乾，而且嗰個汁酸甜度剛剛好，撈飯一流。最想讚的係南乳吊燒雞，外皮燒得勁香脆，雞肉又保持到非常嫩滑。加上雞皮唔會太口，整體口感都非常正！絕對encore！我再次去餐廳時，個南乳吊燒雞已經賣晒，所以有興趣試的大家不仿早少少去，癈事去到有D失望。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

呢度環境係一般普通茶餐廳，裝修乏善足陳。菜乾煲豬肺湯好夠熱，但係唔多夠味，好淡口，麻麻哋，好處係無味精！京都豬扒飯(碟頭飯)好夠熱，應該係即叫即整 ，味道尚可，但唔可以叫做突出。梅菜蒸魚魚腩(小菜)一樣似係即叫即蒸，好夠熱，因為魚肉唔夠結實，所以覺得唔算好新鮮，但整體上味道還好，份量亦足。熱奶茶相當夠熱，茶味差少小，不過都算佢啦。紅豆冰唔算大杯，但紅豆味濃，奶嘅份量亦足，算好味 。現場所見，好多一家大細星期日唔喺屋企煮 ,嚟呢度叫幾個小菜一齊食，作為街坊小菜，唔係要求珍饈百味，的確係一個唔錯嘅選擇。

呢間茶餐廳係家庭式經營，以前我都經常幫襯，今晩無煮飯就黎呢度開餐土魷蒸肉餅($54)－土魷唔算好香魷魚味，而肉餅就好香肉味，因為豬肉都算新鮮，另外加的醬油將全個肉餅提升，如果魷魚再香D，我俾100分，依家只可以算85分😋😋😋魚香茄子煲($56)－咸魚唔會好咸，不過唔算多，茄子冇煮得太淋算是少少硬，肉碎好多，整體味道都好好，送飯一流👍例湯－佛手雪耳瓜豬骨，湯好甜，完全冇落味精，就連豬骨都好味😍服務方面：老闆娘好親切又主動

那天去了酒樓拎蘿蔔糕，去之前走了一間勝利茶餐廳食個lunch，最後點了一個茄汁豬扒雙蛋飯$34，一共有兩煎蛋，不過其中一隻就有點過熟，豬扒份量少又沒有肉香，食落有點實，白飯有點濕而腍，整體水準真是好麻麻，可讚是杯凍檸檬茶的茶味夠濃郁，服務真是好差，坐了好耐先俾餐牌，仲要叫了好耐先有人落單，一條抺枱的毛病又放客人的枱上，真是好無奈!

6/5下午茶時間先食午飯，食得抵d1. 迷你揚州炒飯($19) --- 下午茶餐仲包杯熱飯，凍飲例加$2，雖係炒定，但都幾好味，lee個價錢抵啦2. 迷你星州炒米($19) --- 同樣係餐，lee個就一般，比較濕，感覺係湯米加咖喱汁炒一炒咁。雖則係迷你，但份量當午餐都夠食。3. 西多士($16) --- 都係下午茶餐，中間d醬都夠，炸得可以4. 蝦醬炒通菜($25) --- 健康d有碟菜，幾大碟，係油d，都唔錯

所謂美式早餐\\\,只是牛扒/雞扒/豬扒三選一,再間兩味如腸仔/蛋/煙肉等等,加舊牛油方包.連凍飲$20.牛扒伴黑椒汁,薄切.也有點肉味,都過得去.煙肉過乾.如果雞蛋加多隻就最好.徒具美式之名,沒有美式之份量,老實講,收你$20,你仲想點?典型一間茶記,沒有其過人之處,唯一好處,就是開正傲雲峰對面.咁大個屋苑,總有不少\\\"懶人\\\"的..

前日食過Triple-O's嘅$49Burger Combo，尋日早餐咁橋又食包，不過係茶記嘅$10豬扒包。點解要先寫上面嘅說話呢？因為兩者比較，價錢相差5倍，但口感味道卻不相伯仲！呢間茶記其實存在已久，不過因為對面大型屋苑入伙而從新裝修過，食物水準都係一般而且。但係佢個豬扒包比起Triple-O's一d都唔失禮！個豬扒包係用嘉頓熱狗包，都係有新鮮蕃茄同沙律醬，但係塊豬扒係比較Triple-O's嘅香！而且只不過係$10！不過要伸明一點，呢間茶記嘅其他o野只係一般，唔好太大期望！