勇記海南雞

最近中海日昇新開咗間食海南雞飯既, 日日lunch都排晒長龍, 尤其個椰子雞湯跟餐送既, 仲要送完即止, 呢到手機落單, 手快有手慢冇, 遲一步下單分分鐘乜都冇, 我講既係個湯! 由於新開試業, 暫時只提供雞飯, 其他喇沙/米線/撈麵/玉骨茶都未有住, 另外有二人餐(海雞半隻, 墨魚餅/香辣魚餅/泰式雞棗 三選一, 麻辣手拍青瓜, 油飯/白飯兩碗, 送椰子雞湯或熱桂花烏龍茶) 而四人餐(海雞一隻, 墨魚餅/香辣魚餅/泰式雞棗 三選二, 麻辣手拍青瓜, 油飯/白飯四碗, 送椰子雞湯或熱桂花烏龍茶) 呢到地方都好大, 大部份四人枱, 如果多人去的話lunch時間多數要分枱坐, lunch時間12:30-2:00 都好多人排隊堂食同外賣呢到係一隻雞既份量, 賣相都唔差既, 味道咸咸地, 肉質勁嫩口, 就連雞胸肉都唔係好鞋口, 不錯四人餐小食拼盤, 魚餅辣辣地幾好味, 墨魚餅爽口彈牙, 豬扒肉腍手拍青瓜味道偏咸外賣款海南雞飯外賣款沙薑雞飯, 其實都係海南雞, 只係多咗沙薑醬外賣款麻辣雞飯, 麻辣醬聞落好香, 似曾相識既譚仔麻辣豬耳味, 但味道咸多過辣外賣款蔥油雞飯, 油浸雞一樣太多油, 味道都唔差既總結, 兩次都話椰子雞湯賣晒, 明知多人流既應該整定多啲份量囉, 令人白走一趟, 相信會隔一兩個月後先再去食, 本身想去試個喇沙, 手機落單話售罄, 細問侍應話未有提供, 可能新開兩星期左右未有咁多人手供餐, 所以只賣雞飯先, 坦白講又未去到話超好食, 我覺得可以一試囉, 加上價錢平嘛, 同區又冇乜餐廳專食海南雞飯, 原本佢隔離以前都有間賣海南雞既不過執咗…Read More

🔴雞件份量小，幾好食都無用，已經加錢要脾。🔴雞係嫩，但係同質素既出品坊間比比皆是。🔴油飯無香味，飯質偏乾。🔴 點雞醬得一款，可能係餐廳特色，但味道平平。🔴蔥油雞的蔥油偏甜，欠缺蔥既香味。🔴伴碟青瓜又乾又柴，明顯長時間擺乾哂水。🔴試唔到佢個湯，但係都唔會回頭。🔴觀塘黎講性價比超低，唔係附近返工唔需要特登黎食。…Read More

上個禮拜去咗觀塘嘅中海日升中心入面嘅勇記海南雞食海南雞。有唔少巴士都可以到達該帶，交通方便。呢度最出名就梗係海南雞啦主打古法滑雞，絕不滑稽。海南雞嫩而不嚡，油香四溢，絕對係好食嘅海南雞。而椰子雞湯亦都非常好飲，採用好多嘅雞殼，同埋10隻椰子， 10隻紅蘿蔔煲出嚟的。椰子雞湯鮮甜可口，冇落味精，飲落唔太鹹。炸墨魚餅都幾好食，值得推薦。呢度所有嘢都係二人餐來的，盛惠$170 。總括嚟講，呢個價錢有咁多嘢食都算抵食，環境和服務都不俗，而椰子雞湯嘅味道真係非常之好，海南雞都好嫩滑，好好食，推薦鍾意食海南雞嘅朋友過嚟試吓啦。…Read More

起而家呢個時代無電子支付真係爭啲，基本上而家嘅香港人都好少帶現金，仲要你開起觀塘呢啲咁多寫字樓嘅位，好多人見到淨係可以現金支付都即刻掉頭走🤦🏼‍♂️不過嘢食方面係真係好食，搞到我要特登去撳錢先食到😢…Read More

之前食過上環分店已經覺得10分唔錯，今日就試吓觀塘分店。必點椰子雞湯，海南雞飯會附送湯或熱飲，推薦一定要揀椰子雞湯，因為呢個湯一啲都唔Hea，飲到椰子鮮甜味個湯唔會好稀，係用真材實料煲，食一啖海南雞飯再飲番一啖湯真係可以解一解油膩。至於主角海南雞飯，今日嘅海南雞又不至於好嫩滑，肉質可以，油飯亦都正正常常。總括嚟講，會因為個湯而再嚟食，海南雞飯$58一份包埋椰子雞湯冇投訴。下次會想試吓呢間舖頭嘅肉骨茶。…Read More