Katoya (Closed)

支持黃店，翻版吉野家，當然一分價錢一分貨，下午茶價錢平，仲包飲品，凍既只有汽水，熱既有玄茶，但份量就少左啲啲。#牛肉飯 $20牛肉有啲過肥，見咁平就算，但同圖片有出入。#薯餅 $6 #脆辣炸雞 $5所有小食全部$10以下，薯餅幾食，薯蓉好滑，仲有粒粒粟米。炸雞都唔錯，新鮮熱辣炸出黎，肉質幾滑。#牛肉米粉 $22牛肉少得可憐，得個兩三片咁，湯底比較清淡，食得唔飽肚。下午茶時段好多人，但翻枱翻得好快，唔使等好耐位。…Read More

一直都有聽過加藤屋嘅大名，知道佢買嘅丼飯好平好大碗。最近上網見到佢長沙灣分店就快結束營業，終於的起心肝嚟試食，閒日嘅中午估唔到都有勁多人排隊買嘢食，個場唔算好多位，所以keep住好full。 加藤屋最癲係下午茶$20嘅飯，但壽喜燒湯好吸引，所以今日叫左牛肉鍋定食，配壽喜燒湯，total:$43成個餐非常豐富，有前菜：麻油味嘅泡菜一碟仔，有一碗飯，有壽喜燒牛肉鍋：鍋入面有椰菜，娃娃菜，豆腐卜，半隻蛋，牛肉，木耳，粟米，蘿蔔。仲有杯可樂價錢都只不過係$43勁抵食！壽喜燒湯底味道唔錯，雖然食食下覺得太甜，另一敗筆就係牛肉份量雖然都有成五六塊，但好鞋有渣，不過絕對對得住個價錢，個飯最後都食唔曬…Read More

嗌左泡菜豬肉飯啲泡菜好好味包埋湯都係$37！得幾個姐姐做 但佢地都做唔停手 希望大家可以比啲耐性 ps今日等左八個字🤣但係又平又好味值得等啦大家要多啲黎懲罰佢！光時五缺…Read More

呢排加藤屋好鬼Hit, 以前都唔洗排隊，而家竟然要排到岀店外，真係好痴線，但好嘢係要多啲人知，多啲人分享嘅。我都係因為咁先知原來有間抵過吉家嘅牛肉飯，不過呢排屋企煮得多，今次嚟試佢個火鍋。😂😂原以為火鍋係有火係到煲嗰隻，原來唔係既，係一鍋已經煲好再上菜嘅，都好，唔洗自己煮，啱哂我呢啲懶人。幾十蚊勁大碗，一個女仔真係食唔哂，個飯多到，食淨咗一半😢真心良心連鎖小店，勁足料，又抵食，無得輸，糧尾既時候既好去處嚟。😂😂…Read More

最近網上見到好多人都推介加藤屋，話佢啲牛肉飯又平又好食🤔我同朋友決定去試試佢🙌🏼去到長沙灣分店真係好多人啊🙈排隊點餐嘅人龍排到出分店外面👀但係等位就比較快，5分鐘就有位了🤩我同朋友分別嗌咗牛肉飯同麻辣牛肉飯🤤我嗌嘅牛肉飯加埋凍飲都係$39😱真係好抵食！牛肉煮嘅時間啱啱好，肉味香濃🥰而米飯係珍珠米，粒粒分明，撈埋啲牛肉汁食，真係無得輸！💯而朋友嗌嘅麻辣牛肉飯都非常好味，香濃惹味🤩飯粒仲沾滿咗麻辣汁同牛肉汁，鐘意食辣嘅話一定要試！…Read More

近排少咗去食吉野家，多咗食加藤屋，呢一間嘅選擇都唔錯，唔單止有日式牛肉飯，仲有唔少其他鍋物嘅選擇，例如係壽喜燒鍋、麻辣鍋等等，雖然啲湯同醬汁都係果幾樣，但係有時食吓麻辣汁牛肉飯，有時食下壽喜燒鍋物都唔錯～料有牛肉、蟹柳、糖心蛋、木耳、蘿蔔、粟米粒、娃娃菜，個湯因為多蔬菜而變到更鮮甜！好好味～我搭咗烏冬，要加兩蚊不過我覺得烏冬好彈牙好好食呀，重點係價錢超值，都係40幾蚊炸👍🏻 不過留意番中午時間都幾多打工仔去食，所以唔係成日都有位，要等一陣，建議一係就一點前去或者2點半打後去會好啲。…Read More

講開食牛肉丼飯 香港日式選擇好似唔多😥😥黎黎去去都係食果一，兩間而家終於有多一個選擇了，等到頸都長🤪🤪加藤屋🏠分店暫時唔算叫多，主要集中在九龍區，港島得北角有🙈🙈今日同朋友睇係長沙灣睇完戲，朋友仔話未食過，所以晚餐就决定再食佢我之前已經食過牛肉丼飯，今次試佢嘅鍋物料理🥘🥘💁🏻‍♀️鍋物定食套餐（配牛肉，麻辣湯中辣🌶🌶）品種都唔少，有牛肉，豆卜，椰菜，香菇，粟米，獅子狗，半邊蛋，蟹柳，金針菇，木耳⋯一人鍋黎講，配埋一碗白飯都十分飽肚🤗🤗💁🏻‍♀️雜泡飯 炊（配雞肉，壽喜燒日式濃湯）朋友仔就食另一款鍋物，食物種類其實都差不多，不過佢個飯就擺埋左入面姐😆😆😆‼️加藤屋選擇比較多元化，味道好食之餘，最重要係佢價錢十分親民🥺🥺抵…Read More

次次食親牛當都係去吉野家，試吓呢一間地道一啲嘅小店，加藤屋～我哋兩個人一個叫咗牛丼，一個叫咗黑椒鐵板牛肉飯。其實次次去親食呢類型，都係食吉野家同埋pepper lunch，真係冇乜點試過其他。個賣相都唔錯，都幾多牛肉，第一啖食落去，咦？原來完全唔同味！佢好似有種港式fusion 日式牛丼咁我覺得二呢一個價錢來講，30幾蚊，晚餐來講真係好平，要買個嘢飲都係加幾蚊，真心值得一試。牛丼套餐有麵豉湯。另外我哋叫咗個黑椒鐵板牛肉飯，佢唔同Pepper Lunch咁有另外一啲汁，但係我覺得食落非常之夠味，呢一個比起牛丼更加好食！我相信下次我都會繼續叫呢個！總結，$100都唔使就可以食飽兩個人嘅晚餐，性價比高哂啦…Read More

依排流行食加藤屋，今日係長沙灣mcl睇完戲，都去朝下聖先！未夠八點，成間鋪頭都滿坐了，好彩咁岩我地揾到一個兩位姐！不過排隊買野食都多人，幾長龍。趁排隊時都研究下個menu，佢有唔同既飯餐、有鍋物餐（類似邊爐），亦有小食，全部都價錢$50內，另外佢飲品有可樂、亦有咖啡奶茶，甚具港式風味。我叫了一個鍋物($41)，有泡菜+鍋物配飯，要了壽喜燒湯底，飲可樂。再加左個野菜($10)Menu有雜炊係一早將飯撈埋落鍋物度煮，可加$2變鳥冬。等左一陣就有得食喇，份量好多！佢個泡菜係椰菜+泡菜醬，幾特別，肯定啲菜唔係生醃。鍋物足料，有好多肉、菜（粟米、蘿蔔、冬菇)等等，幾滿，可以倒飯落去當雜炊食都得！野菜好大碟，多過吉X家，對鍾意食菜既人黎講幾正！總結，加藤屋價錢平，性價比高，但材料一般，食完都幾頸渴，但係依加時勢咁平靚正，都唔怪得咁多人食！…Read More

加藤屋應該成為最近潮流熱點🤘🏻夜晚經過成日見到深水埗分店大排長龍😝所以特登中午先去試一試長沙灣分店🙈🍴雜炊配雞肉 轉烏冬 $40雜炊其實似係吉邊🙈但佢已經幫你一兜煮好左，雖然價錢好平，但料就好足～食極都有嘅嫩滑雞肉，好多蔬菜，例如雲耳，粟米，椰菜同冬菇，不過就偏生～feel到係煮得唔耐🙈配料仲有蟹棒同豆卜，而烏冬就煮得彈牙，食到最後都唔會變軟😝加埋甜甜嘅壽喜燒湯底，真係幾正🥳🥳價錢又平，份量又大，又係良心店🙌🏻🙌🏻可以後做飯堂都ok😍…Read More

曾幾何時見到加藤屋，只想起一位日本人物，今時今日再見到，必食！ 4人睇戲日，今次去長沙灣MCL，來得呢到，更係必去幫襯加藤屋，一來近二來平三來值得支持，又名吉野家＋Pepper Lunch的混合版，因食物上有丼飯、鍋物、鐵板黑椒牛肉飯及和風咖哩等，好多選擇。 店子以黃色為主調，木系設計，環境光猛，7點多時段，十分多人。 Menu，丼飯選擇有牛、豚、雞，據聞出名係麻辣牛肉飯，但因怕辣冇揀到，仲有鍋物、鐵板黑椒牛肉飯及和風咖哩，有機來食再試。 加藤牛肉飯。   泡菜牛肉飯，田會長的。 加藤牛肉飯套餐，＄36。 肉份量適中，肉質香口少韌，牛肉汁唔算太濃，但味道不俗，不過份量少左點，個飯正常水準。 麵豉湯，跟餐的。港版牛丼，30幾蚊有埋野飲真係幾抵食，下次有機再試埋Pepper Lunch個fd呢。…Read More

啱啱開幕嘅時候曾經嚟食過，嗰時啲咖喱真係一般，結果就好耐都冇食啦！不過近期有人話好食左好多就決定嚟試吓，今次叫咗兩樣野，一個係鍋物，另一個係咖喱飯！首先講鍋物，加兩蚊轉左烏冬，湯底揀左麻辣少辣，係鹹左啲啲，但麻辣都幾香，餸比想像中多，牛肉幾香，重點係有獅子狗！另外係鐵板咖喱飯，咖喱味濃厚，又唔會太鹹，最重要係汁夠多，撈晒成個飯食啱啱好！$100嗌左兩樣嘢都有找，仲包嘢飲添，睇戲前後可以嚟幫襯下良心小店！！…Read More

良心食店 請大家多多支持 多多幫襯小店食物質素很好 日本風味料理 融入香港人口味 更重要嘅係老闆用心經營 烹調出有良心高質素嘅日本美食 令人一試難忘服務態度很好 貼心食客一定會再返黎幫襯 加油…Read More

放左工覺得肚餓就好想食吉野家，但係附近冇分店，就諗起係附近既呢間餐廳，經過就經過過好多次，但係反而未食過~入到去見到呢到既座位好寛鬆，就算係滿座事會坐得好舒適，好抵讚呀～鍋物套餐系列幾吸引，又唔算貴，於是就扑左鎚啦～雜炊泡飯配雞肉 壽喜燒日式濃湯 $38雜炊係指:金菇、菇、雲耳絲、粟米、豆卜等等。壽喜燒日式濃湯呢個湯底好甜好香，令到泡飯都即刻變到好好食，而且啲蔬菜亦都好甜，呢個湯底必需一試!呢個價錢食個鍋物同汽水都真係幾抵!如果大家經過都可以一試~…Read More

每逢禮拜三都會喺附近做運動 做完運動 又要煩食啲乜好 元州街嗰邊 嘅嘢食都食得七七八八 食到有啲悶 咁啱見到呢間嘢 就試下佢啦一入到去 睇到個餐牌見到一個餐三十幾蚊平到爆炸 香港地仲有幾可可以食到咁平嘅晚餐 茶餐廳都唔止啦 所以就即刻睇下有咩食我哋嗌咗一個 麻辣野菜牛肉飯 都幾夠麻辣 仲食到有一粒花椒 不過呢啲 牛肉汁就唔係好夠嗰啲乾 所以就出去問佢攞一碗牛汁 至驚佢唔肯畀我 呢碗牛肉飯肉嘅比例都唔少 但係整體分量我就覺得少咗啲我朋友就食咗個鐵板牛肉飯 我問佢啲未識唔識pepper lunch 佢就話 啲汁唔似咁我就試下喇我又覺得雖然唔似但係 呢一個鐵板都幾好食 最搞笑嘅就係佢有飯焦囉 仲要唔係硬掘掘以係脆卜卜嗰啲飯焦 所以我都幾鍾意食 總結： 大家月尾嘅時候撐唔過去 但係又要食晚飯的話就可以試下呢間嘢…Read More