Kung Fu Dim Sum (Closed)

之前經過一直想試食的。有4款茶供選擇，早茶及下午茶有8折優惠。因為是平日加上最近疫情反覆，裡面的坐位不太多，但還有很多空位。一眼可以望入廚房。坐四人坐位感覺寬敞些。點心紙似秘笈一樣，幾得意。蝦餃及燒賣數量可以自行填上要多少個（最少2粒），方便人數不多的客人。叫了4個點心 - 蝦餃，春卷，小籠包，叉燒腸粉。蝦餃真材實料，好好味。春卷熱辣辣，可惜太多油。小籠包的雞湯油了一點。叉燒腸粉好足料姐姐都有行過來幫忙加水👍👍👍整體感覺幾好，有時間會再嚟幫襯。…Read More

今天下午，跟兩位朋友一齊去食點心，點心就唔一定去茶樓先有得食，呢間點心連鎖店就岩晒喇，價錢圍繞在$20-30之內，一個人叫蒸飯，加個點心，都係$50之內，都算便宜。咁我同朋友就叫左兩個蒸飯，加唔五碟點心排骨飯，d排骨都啖啖肉，有料到的，唔會係d.無乜肉既排骨。（用豆角做少少配菜，等大家食肉得黎，又可以食返d菜）農場蛋牛肉飯：牛肉餅都好大塊，$24一盅黎講，都算係良心價濃湯杞子浸時蔬：雖則話濃湯，但味道岩岩好，唔會話太咸點心份量都係足料，呢到另外一提的時，佢地d蝦餃，燒賣都係以隻數計，以人頭計黎點就會分得到，唔會鎖死幾多隻，令到有d人無得食，非常好。整體黎講，點心送上速度都算快，我地1點半到入座，1點45左右就上齊晒。而價錢以$20-30係lunch time黎講算係好公道，味道也不錯，真係快靚正架，大家想食點心時，真係不妨一試丫:)…Read More

逢星期一至五，公眾假期除外，8-11:30AM 或 2-5:30PM時，包括茶位，所有食品都8折，仲唔駛加一。點心即叫即蒸，如人少，其中功夫蝦餃皇和蟹籽香菇燒賣可以叫少些:2隻起，等咗10多分鐘，蝦餃真係好大隻，薄皮下是全部大大隻爽脆的蝦，平均$7.2/隻，吃得好滿足。燒賣一樣都相當大大粒，蝦、豬肉碎混和，咬落彈牙。北菇棉花雞，大塊魚肚2片，但較韌。雞肉入味軟滑。質素不比酒樓差，且唔駛加一，幾化算。…Read More

两个人四道点心，每一份都非常赞。奶黄包，个头挺大，流沙效果just so so。鲍汁凤爪，物超所值，分量很大，鸡爪炖的酥烂。茄子，全名忘了，但是酱汁很入味，也是超值。海鲜煲，几个鱼丸，还有长条的鱼条，味道不错。…Read More

2019年的最後一日，放工同朋友黎左功夫點心食晚餐，只因為想飲下夜茶食下點心，而比較濶落好坐立嘅點心舖，好似係得呢間。其實無食過佢，但每次行過都無乜人，今次黎到發覺佢讓左半個舖位出黎開左另一間食店，大概都估到係生意額不夠了吧，不過純粹搵個地方食下野有水飲又可以坐耐少少，咁呢度都不失為一個好選擇嘅。一入舖完全冇招呼就梗係預咗啦，隨便揀張枱坐低，咁店員又好快問你飲咩茶，開左壺普洱，茶味一般。海皇鮮肉抄手個樣就似模似樣啦，但味道不是我杯茶，醬汁稀能能，只酸不辣怪怪地咁。豉汁煎釀茄子呢碟幾好味，個茄子即炸超熱，外脆內多汁，加上豉汁鹹鹹地夠惹味。蔥花炸兩花枝腸點嘅時間無留意有花枝，咬第一啖有驚喜，加左花枝口感豐富左，但花枝少得可憐，都係當普通炸兩食啦。鳳凰煎糯米雞出面食過煎糯米雞用蛋煎，但呢度無，就咁煎啲糯米飯煎得好脆，口感不錯，但呢碟飯本身無味，唔知點解有豬肉餡都可以無味，重口味嘅我地點左大量豉油同辣椒油，哈哈。蟹籽香菇燒賣王聽聞係呢度嘅招牌野，但食落平平無奇，一般茶樓食到嘅豬肉燒賣。荷香臘味糯米飯冬天就要食下糯米飯，荷香就無啦，飯好濕無哂口感，唯一嘅優勝之處係有四片臘腸，叫係幾慷慨啦。唔使加一所以唔會主動加水？定其實呢度係自助㗎？點心幾多款式，價錢合理。原來後面呢頁有甜品。坐下醫下肚ok嘅，至少呢度好自由，我見有食客攞埋部pad出黎煲劇，食一碟野坐幾個鍾，去邊度搵呀～…Read More

一入到去有幾張空枱但無人帶位，等左5分鐘終於有位，見到枱上餐具污糟，有食物跡，麻煩店員更換，點知個阿姐態度極差話：係咁架啦我地呢度。咁就算啦走人，阿姐仲加多句：咁巴閉唔好食啦。…Read More

很少有機會夜晚都可以食到點心，幾家而已。但除咗現金其他付款方式都唔得？都唔知幾麻煩仲要朋友幫手埋單！個鮑汁鳳爪30蚊一碟仲咁醜樣？流沙包味道不錯但麵粉太多流沙太少。…Read More

食緊野時發現有蟲飛左落杯到浸死左，叫個侍應幫我換杯，佢竟然話倒左d茶埋得囖，之後佢幫我倒完仲要比翻個杯我，唔比個新杯我，個腦有事?咩服務態度黎。。。。。。。。。。。。。。。。。。。。。。。。。。。。。。…Read More

與鄰居婆婆相處多年，今天還是第一次一起去飲茶傾吓計。兩個人便選了點心專門店，不用加一之餘，茶錢亦便宜些，可以吃多個點心呢！看看點心紙，點心約$18-28。瑤柱葱花炸兩腸，屬厚軟腸粉皮，只有幾絲瑤柱絲在皮上，包在內的油炸鬼很脆口。功夫蝦餃王，可以每隻叫，以2隻起計，內裏大部分都是爽脆的鮮蝦，不錯。唯獨外皮鬆散，一夾起便皮肉分離。准揚高湯小籠包，包內湯很多，熱辣辣吃著很juice。陳村粉蒸鳯爪排骨，陳村粉很厚和太冧，麻麻地。…Read More

呢間功夫點心有好幾間分店今次係第一次幫趁今日去左紅磡呢間 12點多入去客人唔多:)一個人安排坐張4人枱亞姐好有效率問我要乜茶我話要滾水得啦佢話滾水都要收茶錢$5本人覺得ok 冇問題我點左三個點心牛肉腸粉、生煎包、蝦餃（2粒）大約十分鐘分別上都算快腸粉D皮幾”煙韌”生煎包不過不失 蝦餃皮同腸粉一樣「煙靭」總括都ok 好味:)唔使去傳統洒樓噗㸃心都可以下次再嚟不過今日叫左三個點心真係有D多左下次同老公一齊去可以叫多幾款點心…Read More

今日老細請我哋食點心，於是去咗功夫點心買外賣。買咗燒賣、春卷、鬆糕、鳳爪、牛柏葉、叉燒包等等，應有盡有，一次過試晒所有功夫點心入面嘅點心。首先要讚下佢嘅蝦餃，皮薄餡靚，蝦餃好大隻食落去好爽脆，非常好食。另外菜餃好好食，啲菜好甜好新鮮，皮薄得晶瑩剔透，令人垂涎欲滴。燒賣俾我哋平時食嘅燒賣再大少少，又係超級好食呀！各式各樣嘅腸粉，味道一啲都唔差，唔錯唔錯。仲有炸物例如炸春卷、鹹水角等等，又炸得唔油膩，美味可口。…Read More

在對正黃埔地鐵站A出口對面，但lunch hour都唔算好旺，就知道味道唔算非常突出！有好多間分店。我們同事一行六人，點知叫過籠，叫咗21款......連男同事都食到好飽！最後要打包返公司至得😂味道一般，稱唔上有驚喜。濃湯杞子浸時蔬就幾好食！而流沙包真係好好好大個，同手掌咁大，食完一個基本上都飽晒😂慎點呀哈哈！…Read More

今日去黃埔朋友仔的生日會，行過見到功夫點心，我其他分店就食過，黃埔這間首次幫襯，睇睇各分店的水準是否一樣。蟹子香菇燒賣皇（每隻）$9，兩隻共 $18我鍾意食燒賣，所以必叫。這裡的燒賣餡料夠豐富，口感煙韌。遠年陳皮牛肉球 $18因為整牛肉球的過程會啤水，有些廚師會啤到啲牛肉無味，方便自己再調味。但這裡的牛肉球有肉味，沒有過度啤水，我欣賞。唯陳皮味就欠奉。鮮蝦腐皮卷 $22炸到腐皮卜卜脆，蘸上醋，好很好味。茶位 $5價錢合理。總評：各分店食物水準相約，燒賣值得一吃再吃。…Read More

邊個話一個人飲唔到茶？ 食唔到點心？ 功夫點心幫到我，這些機會是我的。唔係好肚餓，唔想食飯，唔想食麵，不如食少少點心，嘆下茶。蝦餃、燒賣，飲茶既點心孖寶，加多個脆烤叉燒包（原來係菠蘿叉燒包😂) 茶要白牡丹，因為好少聽過而又有得嗌。白牡丹茶濃醇滑口，算係靚茶。茶價只係5蚊，一個人一壺有排飲，可以慢慢嘆。全部點心即叫即蒸，熱到辣口。燒賣大大粒，仲有幻彩蝦子表演 😂蝦餃都好大粒，內裏既蝦大大隻又新鮮彈牙，超正。菠蘿皮脆包軟，叉燒餡料唔算多，但味道好。不過餡料熱既程度似微波爐翻叮，有D古怪 😅食前仲可以擺陣影返輯相 😂…Read More

💸剛做完體檢，早餐也未吃，行過功夫點心，看到店內也有點人氣，應該不會太差吧！坐下後即點了幾個點心試試，好吃的話，就多點幾個蝦餃可逐隻叫，兩隻起，$9隻，蝦肉爽脆，算合格，其他的點心中規中矩，但也不算有幾多功夫酥皮叉燒包，油膩之外，還是翻熱的貨色，包底已經乾堅了這類點心専門店應該要做到起碼有幾款拿手好戲，今次吃了蝦餃、鮮竹卷、鮮肉卷和酥皮叉燒包，功夫真是強差人意，吃完拿拿聲走人吧！…Read More