利源點心小廚 (Closed)

依間懷舊點心餐廳， 歷史悠久，冇記錯既話佢N咁多年前已經喺到，店内冇咩華麗既裝修，食客都係附近既老街坊，最近咁多酒樓都close 左，好采今日黎到仲見到佢喺到非常咁大碟， 以前既餐廳通常都係大件夾抵食，真心服務D街坊,唔會話好貴，不過宜家都好小有lu 雖然紅棗味唔多夠，但係勝在熱辣辣，有彈口，都唔差既 燒賣個外表唔算好靚， 原本放喺頂部做點綴既蟹子粒粒連個外皮都有，不過蝦肉確實係好多，起碼都有3～4隻喺裡面，真材實料，個樣衰D又有乜所謂

屋苑內小酒樓，有得滿足飲茶的願望，又可以食到小菜，又唔洗到荃灣市中心，算係滿足到我的願望飲茶我試過，點心水準ok，一個餐$12x（我唔記得價錢），有兩款點心，一款小食，一款炒粉麵飯，算ok。門口仲會放點心，可以外賣拎走，但燒賣好多時都蒸唔切🤣🤣🤣可能太多人買。還有包，盅頭飯買小菜套餐，算抵食，味道合理，但有時份量就時多時少招牌蝦味骨，好香口，好惹味，家人至愛最後埋單，無加一，呢個我覺得已經幾好好多時，大時大節，佢有套餐食，但唔強迫一定要叫，佢仍然俾你叫普通小菜所以，就算節日，埋單唔會特別貴

家人約咗噚晚(17-1-2020 Fri)喺呢喥食團年飯,我哋book咗枱,準時嚟到就有枱,大嫂自己帶咗幾樣海鮮嚟加工,一坐低,嘢食即源源奉上.1. 自己帶嚟嘅鮮蝦白灼,冇問題.2. 自己帶嚟嘅鮑魚用陳皮蒸,味道啱啱好,唔太嗆.3. 蛋白粟米羹味道好甜.4. 京都骨顏色夠,18年食嗰次好好多(嗰個食評https://www.openrice.com/zh/hongkong/r-%E5%88%A9%E6%BA%90%E9%BB%9E%E5%BF%83%E5%B0%8F%E5%BB%9A-%E8%8D%83%E7%81%A3-%E6%B8%AF%E5%BC%8F-%E9%BB%9E%E5%BF%83-r180536/reviews),外脆,味道亦OK,不過肉質仍然係嚡.5. 生菜煲正常冇問題.6. 西蘭花肉片肉片爽口彈牙,唔錯.7. 清蒸海斑蒸到啱啱好,唔嚡.8. 自己帶嚟嘅蝴蝶蚌用咗豉汁炒,味道唔嗆,ok.9. 楊州炒飯大大碟,飯粒唔夠乾身,唔太鹹,ok 嘅.味道係3.22分上次食評: https://www.openrice.com/zh/hongkong/review/%E4%B8%

實在太差。入去坐低我地話唔要茶同小食因為老人家覺得呢d都會收額外小費。點知。。。埋單照計茶位😓仲要等左20分鐘，見旁邊所有台都上晒菜，連比我地遲好多入既客人都食左一半，我地都未有上菜。我地就問侍應點解仲未有，佢地答已經落左單，等下啦～等甘耐唔洗問都係漏單啦，因為我地問完都仲要再等成10分鐘😓

家人約定22-1-2019 (Tue)晚,一行九人又o係上次做冬o既呢o度食團年飯( o個個食評: https://www.openrice.com/zh/hongkong/review/%E4%B8%AD%E8%A6%8F%E4%B8%AD%E7%9F%A9-e3252297),今次我o地要吉星高照,$1,088.00o既6人餐,落單時,侍應驚我o地唔夠飽,就將半隻當紅炸子雞加成一隻,我o地就食o左呢個餐先,唔夠至再叫o野.落完單,o野食就好快上o黎.5. 海味雞絲翅大大窩,侍應話夠我o地咁多人食,最後亦突多3碗.雞絲固然多,但翅亦都幾多同彈.味道: 4分1. 上湯大蝦伊麵咦?!o衣o家睇到,大蝦砌得整齊,同原來俾足9隻我o地,大蝦味道同口感正常,伊麵就食到啲蒜頭味,口感就腍o左啲.味道: 2.9分3. 招牌蝦醬骨炸o左o既,食落外脆,內裡彈牙同juicy,蝦醬味道濃淡同鹹度都得宜,好味. 味道: 5分2. 碧綠花姿蚌片賣相同上次醬皇翡翠象拔蚌差唔多,不過今次多o左花姿片,味道亦同上次差唔多,有少少辣味.味道: 3分7. 蠔皇金錢海螺片花菇又大又厚同夠腍,其他我冇食.味道: 4分8.

荃景圍呢個山頭，係荃灣區上車盤集中地，荃中荃景荃威加埋過萬個單位，好可惜係連一間酒樓都無想飲茶一盅2件，原來都仲有一間選擇呢日一時興起想食點心，諗起荃中呢間餐廳，晚餐小菜已經平靚正，估唔到朝早點心都咁出色！朝早十點幾都有近十檯，應該都係熟客，我地2個人叫左5款點心， 叉燒包，金錢肚，鳳爪，糯米飯，燒賣。叉燒包相當鬆軟，相都影唔切已經食咗2個燒賣每粒有2隻蝦勁揼本！金錢肚鳳爪都好入味夠晒諗，糯米飯比想像中細碗但用料十足！兩個人食到飽飽，計埋茶芥7蚊一位都係$93，仲要叫5款點心5款都咁好食，正呀！

家人約好尋(19-12-2018 Wed)晚做冬食飯,一行九人o黎呢間食,我o地book o左枱,我o地決定要$1,488.00,供8人用o既”家常便飯 全包宴”套餐.1. 醬皇翡翠象拔蚌份量唔算好多,少少辣,所有材料都爽口,OK.5. 紅燒雞絲翅大大窩,料都好足,羹唔算太稀,都係OK o既.10. 自己另叫o既楊州炒飯因為爸爸冇飯食唔得,所以唔知幾錢都叫,材料有叉燒,翠玉瓜,蝦仁,同雞蛋,炒得乾身,又唔太鹹,亦唔覺有味精.3. 京都肉排或咕嚕肉我o地揀o左京都肉排,顏色唔係咁紅,肉o既口感有啲o鞋,只係少少酸甜,唔太濃.4. 金錢扒生財金錢係冬菇,生財唔係生菜,而係豆苗.冬菇又大又厚; 豆苗翠綠又爽,唔錯.6. 清蒸雙躉仔蒸得o岩o岩好,唔o鞋.7. 什菌花膠絲浸時蔬相中啡色o個隻菇好香,而花膠絲唔係腍o個隻,而係爽口. 時蔬就係生菜.2. 香炸蜜瓜脆奶覺得有少少炸過龍,內裡仍熱,外脆內軟,蜜瓜味清甜.8. 鹹香沙薑雞(1隻)落單時老闆話可轉轉炸子雞,大哥就揀o左炸子雞,上到枱仍然係熱,外皮又薄又脆,但雞肉就有啲o鞋.9.精美糕點(8件)食完以上o既o野食後,遲遲未見糕點端上,於是叫

荃灣中心比較像樣的小酒家，早午有茶市，晚市有小菜。最愛這裡的雞煲，惹味濃香，一個二人雞煲餐，188包雞半隻，一碟象拔蚌，再加一個自選鍋料，有菜，肉，雲吞，麵等。足料，新鮮，三人也夠吃了。我也愛這裡的湯48元一大盅，而每天都有特價小菜，98两款，138三款，很抵吃。

去荃灣中心探朋友, 就在她樓下餐廳大班人晚飯, 今次係第二次幫襯了, 可惜兩次都無影相, 但兩次水準都出符我意料的好, 估唔到煲仔菜, 焗蠔, 小炒, 全部都好掂, 而且價錢平, 如唔怕要轉小巴上去的話, 都可特登去試試.

因為返左工之後實在有太長時間冇同屋企人飲茶啦,所以今日收早就去左利源點心小廚食個下午茶~今次飲茶叫左小編最鍾意食既奶皇包~大家見唔見到幾流心啦~每次飲茶都必食! 另外仲有旦散! 旦散雖然唔係特別好食,不過宜家係好多茶樓都已經開始冇啦~所以今次見到點都要叫左黎食先!

有人說飲茶是大人會做的事，無可否認，細細個不太喜歡飲茶，覺得要花很多時間，但人漸漸長大，開始明白飲茶的意義不在於"飲茶"，鍾意找點藉口飲茶，享受一齊聚聚的感覺👥對於我黎講，靚點心都是飲茶的一個重要因素，這裏點心款式不算少，而且有各有特色，仲用左☺💜表示推介菜色💕這張點心紙都是特價點心，我覺得幾抵食極品流沙包🙉這個真心真心推介！看表面以為平平無奇，以高溫將流沙包的熱度蒸得剛剛好，宜家好多連鎖式酒樓的流沙飽不知是蒸得不夠時間定內涵不夠紥實做不到流沙的效果，反而這裏就有小驚喜💋不要太心急，要放涼一會之後搣開一半，流沙即時流出，超級金黃色很吸晴👀，好正呀😗 食的時候記得吾好太大啖小心燙親嘴仔🙊飽同奶黃的比例恰到好處，濃濃的奶黃同鹹蛋的咸香交織，加埋軟綿綿的包皮，真係好好好好食阿👍x10！蜂巢黑糖糕是其推介點心 ，我就一於試試，一籠有4件，少左一件是因為一上枱熱辣辣我忍不住食左件😃 有別於一般酒樓用黃糖的製法，黑糖沒有完全經過精煉而成，顏色較深，甜度更天然健康，營養價值更高，蒸的時間很準確，令黑糖糕鬆軟濕潤得黎不會過乾，很不錯!百醬蒸鳳爪，鳳爪數量很多，醬汁味道濃郁，花生炆得很稔且很入味，我食完

對上個次係朋友相約聚會地點，印象不錯，今次路過此地，再次光顧，沒有令我失望，下午茶時間，點心特價，$10有交易.有我喜愛的紅棗糕同咸水角..客人吾多，感覺干淨企理，食物質素也不错，值得推介

試問邊間酒樓可以做到$98/2餸呢？呢度小屋邨就真係有間咁正既野啦！點了薑蔥霸王雞, 雞又真好嫩滑, 而且都幾大件, 另外蔥亦好多! 不過嫌豉油太少, 另外雞的份量亦十分足夠, 所以真係好好好飽呀!至於黑醋肉排比我想像中差點了, 肉排較硬, 而且不是每舊都有肉, 骨比較多! 但是汁的味道卻不錯, 甜甜酸酸的味道, 而且每塊都會有甜酸黑醋味, 正!

探朋友之餘去附近酒樓食飯，竟然有意想不到既收穫，呢間小廚抵食之餘，食物質素也不錯，冬瓜盅須然不是海皇，但以48元咁既size,，加上材料也不太差，有草菇，豬肉，蓮子，蟹柳，勝瓜等，而味道剛好，沒有味精，清清甜甜 ，係炎炎夏日，有種清涼感覺，跟住薑蔥霸王雞，雞夠滑又鮮味，最後另一道菜係糖糟排骨，酸酸甜甜有口感 ，軟硬剛剛好。最正係夠平

相當抵食，咪以為平就質素差，剛剛相反，實在抵食之餘亦很好水準，梅葉扣肉，用煲仔上係最存味，保持熱力，唔會因為凍左而變肥膏，蚊到剛剛好，又不油膩，軟硬適中，份量亦相當足夠，可以食到2碗飯，仲要係唔使加一服務費