利強記北角雞蛋仔 (Closed)

北角雞蛋仔，一向主打名星效應。加上小妹都係雞蛋仔既愛好者，立誓要吃盡全世界既雞蛋仔 (無浮誇)。今日同媽媽行過元朗康樂路，見到一間細細既店舖叫做「北角雞蛋仔」。心情即刻好興奮，因為有我最愛既「雞蛋仔」。二話不說，拉住老媽子去排隊。因為都係即叫即整既，所以時間都有幾長嫁，但當你吃到之後，就一定會覺得排隊付出既時間係好值得嫁。佢既雞蛋仔好實在，而且又好結實。因為一口咬落，就有滿滿既「雞蛋肉」隱藏係香脆既外圍。而且「雞蛋肉」係有少少軟心既感覺，並唔可以講得上係一個蛋糕，應該係用「擁有軟心設計的蛋糕」。雖然佢既價錢比較貴 (hk$15)，但係佢一底既份量大得驚人，已經吃唔停口，但係都仲有好多係個袋度。所以選擇買一底同媽媽分享係明智之舉。

提到雞蛋仔, 絕對是兒時回憶, 記得幼時拖著爸媽的手, 嚷著要吃, 最後奸計得逞, 換來一底三人分甘同味, 場面一片溫馨。 廿多年後, 身價漲至兩倍多, 但仍是受歡迎的街頭小吃, 有時逛過街後, 口有點淡淡的, 要得到一刻的甜意真不是難事。 數年前只得北角總店時, 總會特意「順道」過去, 只見檔前圍著不少人, 用上四個電爐侍侯, 有種無形的吸引力。 短短數年間, 業務擴展很快, 進佔不少要區, 剛巧在我常出沒的地區, 都發現到它的影蹤。以$13/底來說, 已是合理的價位, 略嫌成品未有誘人的焦黃色, 看起來偏淡, 是完整的一大塊, 很挺身光滑, 沒有明顯的凹陷, 每粒之間都有塊薄脆相連, 隨手拿起一粒放進口中, 外邊沒沾到濕氣, 仍很乾爽, 蛋漿沒填得滿滿的, 略嫌有點空洞的感覺, 但未至於輕飄飄只得空殼, 吃起來偏脆口, 我反喜歡帶點軟綿像鬆糕, 嚐到蛋香, 沒被過濃的香油味蓋過, 自然實在, 但說不上十分香濃。 回憶總是美好的, 始終再遇不到初次時嚐到那半脆半柔軟的甜美感, 看來要再物色別的檔子好了, 畢竟懷念那情景之餘也想再嚐出美味來。

呢間店日日都有好多人捧場，昨日咁o岩行過就諗住試一試。一望望店內格局，店外十多個客，只由店內兩位女工主理，由收錢/整雞蛋仔/整夾餅都差不多由一人完成。心想老闆真係識搵到盡。整雞蛋仔過程差唔多倒完漿就唔理，八分鐘後開爐攞餅就算，漿料份量、平均度也没有細心調控，突然覺得呢間店應該好極有限。隔離街賣九蚊一底，少少貴，呢間貴倍半，13蚊底，好貴。 心想，你賣咁貴都有人買，姑且試一試，睇下你有咩獨門秘方。焗完，拿上手，先食邊邊的蛋仔，真的如我所料，料落得不平均，没有傳媒所吹捧的半漿狀態，得個殼。食多幾粒，食中間，電爐火力過猛，外層硬崩崩之餘，刮口，有燶味，應該係過份僵守「8分鐘守則」(該店標榜即叫即整，每個焗8分鐘)的惡果。所以做生意過份擴張，唔諗細節，真係會造壞個名。食中間的蛋仔，因為電爐火力過猛，也食不出半漿狀態，我開始懷念隔離街的9蚊底雞蛋仔。最後，我唔明點解個袋要通「lon」，因為熱氣散得好快，搞到個雞蛋仔好快凍，食到下半部，整個蛋仔已經凍冰了。連鎖式擴張係好事，不過我相信老闆當初都是靠「心機和品質」而出名的。只是過份擴張，唔諗細節，忽略了當初的「心機和品質」，捨本逐末，只會令生意漸漸走

北角同尖沙咀店成日排長龍，見到元朗店唔駛點等於是一試。雞蛋仔，蛋味唔夠，但係就外脆耐軟，起碼食落唔係一口粉槳嘅感覺，比較一般嘅雞蛋仔店都算唔錯，但係都係覺得北角店好D。夾餅，好OK。熱辣辣，牛油香，花生醬毫不吝惜，吃完非常滿足，不過一個人吃會太heavy.

下午行過見利強記無人,又有d肚餓. 所以就買左一抵雞蛋仔, 諗住佢叫得什麼北角雞蛋仔, 點知...脆脆地,但,無曬蛋味,淡到乜味道都無, 唔怪得無人排隊~~~(魚肉燒賣仲多人買)

在內地經福田轉小巴回來，精身幾乎崩潰，沒力氣去吃爽爽雞又或文記新店，驟眼所見，利強的雞蛋仔是最夠能量選擇。即叫即上，夠熱脆口，唯沒蛋香吃得一口粉，胃納愈吃愈覺不妥，$12來說絕不平宜，不改善質素的話，只能祝君好運。

晏晏地行過見日出茶太無乜人, 心諗買杯野消左暑, 咁岩又見利強記無人, 所以就買左一抵雞蛋仔, 先前係屯門個間食過, 好脆口好好味, 諗住佢擺得個名出黎應該都唔會差, 點知...得個脆字,淡到乜味道都無, 好失望~~~

寫起小店，趁有記憶又來一評上月元朗開張的利強記。那是個由重慶回港不久的夜，怪想念港式小食的，就來了這裡。　由北角到尖沙咀，再至灣仔、將軍澳以及元朗，利強記分店越開越多，價錢也越賣越貴了，現在一底雞蛋仔索價$12。這在市區或是平常價位，但在一般只賣$8底的元朗區，算是高檔收費；不知是否為此，店方又推介兩底雞蛋仔特價$20的優惠，而且優惠可混合購買夾餅使用，就與老公要了雞蛋仔及夾餅各一：　先講雞蛋仔，其實我未試過北角總店風味，但也曾幫襯第二尖咀分店，記憶中是幾有蛋香，濕度適中的；可是晚元朗店的出品卻是粉漿稀少，薄薄的一層是夠脆了，可完全沒有鬆軟感，自然也吃不出蛋香了。這樣的貨色竟敢拿來作招牌，真是太丟臉了! 　　相反夾餅則有一定厚度，外脆而內香軟，配上落得豪爽的砂糖、煉奶、花生醬，滋味香甜十分的好吃；與個人的心水元朗小店百好堂相比，這餅軟熟度稍欠，但脆度實在吸引，是件美味出色之作。結果夾餅一出，引得兩口子同時爭食，遺下孤零零的雞蛋仔!　兩項食品比併下來，結論是店方不應那麼愛惜粉漿，就可以令滋味提昇良多。此外店內還有供應紅豆餅、香芋餅等小食，不過相信要等天氣沒那麼熱時，才提得勁去幫襯了!

這陣子雞蛋仔癮大起~~目的不是吃底心儀好味的~而是見一底買一底~街頭唔好食即扔~街尾再買~這天就打算晚飯前在元朗先審1,2間~剛好出街前~好友J報料利強記在元朗新開了~頭一星期仲有半價~!收到~!新舖位置就在以前阿媽豆花個度~與台茶店齊出擊~~可憐的是這裡是超大十字路口同一人身位入內街ge樽頸位~~但加上等雞蛋仔ge人潮~~根本難以應付~經常都被呀伯呀婆拉住車仔係度鬧鬧鬧~確實不便~~這裡採用叫籌方式~~好過排隊阻街~~半價後$6底~感覺良好~但等候期間發覺連燒賣魚蛋都非常極之好賣~~算吧~沒有興趣在雞蛋仔店吃燒賣放工放學6點繁忙時間~等了約10min~終於到手~不算耐~皆因模具夠多~High-throughput System~接上手的是一貫利強風格的超厚硬脆雞蛋仔~~200分脆~粒粒半空半密的基本條件做到~真係大力少少都會成排’啪’左出黎~好脆~~終於沒有了利強獨有ge香蕉味~但蛋香都隱約嚐到~~竟然在利強記~竟然在半價period~吃到一底質素好不錯的雞蛋仔~這是出乎意料之外的~~以往對利強記的印象只是中庸~總店和將軍澳的做得較有心~其他都平平~但這裡又回復stanard~會否只