利強記北角雞蛋仔

Open Now

Now Closed

最初開業嘅時候常常有去買，那時候排隊的人很多，也要排一段比較長的時間才可以買到。這天路過發現不用排隊就去買，$25一份夾餅不算便宜，可能是因為在尖沙咀的緣故吧，因為沒有人排隊所以是即叫即整，拿到手時候的確是熱呼呼的，但是吃的時候發現了夾餅的溝稀了，除了味道淡之外，吃的時候將流得很快，一面吃一面流有點狼狽，然後就是夾餅本身的味道，蛋漿底好像也溝稀了，所以味道很淡，沒有雞蛋的香味只有糖的甜味。最後就是一面吃的時候夾餅本身很快變軟了，所以吃的時候很麻煩，總括來說水準真係差了很多。

同男朋友食完晚飯，唔知點解嗰日勁想食雞蛋仔，所以就特登行去買北角雞蛋仔！🥚門面貼滿左好多唔同傳媒嘅報導，原來而家雞蛋仔已經要$25，佢仲有燒賣魚蛋，太耐無食真係無留意。佢之前整好左一底，唔使等就有得食喇！🐥原味雞蛋仔🌟外觀好靚，粒粒都好整齊，又唔燶🌟不過可能都放左一陣，唔夠熱有d sad入面都keep到軟身，都可以話係外脆內軟。🔻🔻🔻當時撞到幾個外國人都係買雞蛋仔同格仔餅，真係好希望呢仲傳統小食唔好消失，要繼續將真正香港文化發揚光大啊！！

嘩，好好食！一早聽過香脆新鮮，試過就知！隔幾個舖位都聞到香味，好在有買黎食！明明本身食飽飯，為咗食呢間雞蛋仔由尖東行到過嚟呢一度就係要買雞蛋仔食。好在有行過嚟，食完即刻滿足晒。😆😆😊😊

今晚約左屋企人去尖沙咀食飯，見未夠鐘食飯又口痕咁就去左食北角雞蛋仔啦。🥚其實咁多年嚟我都未食過北角雞蛋仔因爲一直覺得出名嘅嘢都係會唔好食，但見咁出名又唔係好多人排隊就一於試下先🤤食落口比我想像中好食👍🏻我以為係會淋曬好似蛋糕咁🍰咁原來係卜卜脆㗎喎😮就算擺多陣凍左都唔會變淋，真係出名都有理由👍🏻👍🏻👍🏻以前屋企街市有檔又係好好食但因為租金問題就無再做啦😢以為以後都搵唔返果種味道，點知....今日搵返啦🥳🥳🥳

今晚喺尖沙咀食完晚飯後仲有啲口痕，諗起附近有間利強記北角雞蛋仔好出名，就行去佐敦方向，想試下雞蛋仔。大約九點行到去，有一條短短嘅人龍，大部分人都系遊客，證明利強都好強人氣！以為有人龍要等一陣先有雞蛋仔，點知俾完錢都唔使一分鐘就有得攞！仲要攞上手係熱辣辣嘅，所以我同朋友仔都好興奮，影咗張相就即食。第一啖都幾好味，覺得又熱又脆，點知繼續食嘅時候就覺得好乾。完全唔係外脆內軟，而係外脆入乾。食咗四份一到，就發現有燶味。我哋都忍唔住攞起個雞蛋仔望下，就算天黑啲色睇唔清，都發現個雞蛋仔好深色，完全焦咗。最後都好勉強食咗啲邊邊冇咁燶嘅，都有三份二食唔到...今次嘅雞蛋仔都幾令人失望，都明白人多要趕住做係有壓力，不過都要保持一定嘅水準。之後有同其他朋友講起，佢哋都話北角嗰間好似比較有保證。所以如果再食利強記，淨係會試北角嗰間嚕。

影之前已經忍唔住偷咬咗啖👀👀呢個魚蛋既汁真心整得好岀色 個味道好濃又整得夠入味 唔似平時岀面d溝水豉油咁 加咗等於無加咁🤣 唔洗extra加辣已經覺得佢個汁好正 encore！！！😍😍😍-

諗住試下 見無咩人排隊去買 排隊付錢后就等攞 之後個短髮店員 口音怪怪的 俾完個雞蛋仔叫我們行開 什麼熊度 俾錢仲要受氣 又不是很好吃 又沒有蛋味 跟其他賣雞蛋仔嘅店差不多 不會介紹給朋友

星期六晚專登出嚟搵食，途經尖沙咀彌敦道，見到呢間北角雞蛋仔🤩即時兩眼發亮😍,又見排隊嘅人唔多，即是跟隊買份食下，可能係食飯時間，等咗幾分鐘就到啦雞蛋仔同夾餅每份盛惠$23.00而且有4~5個爐整，所以唔洗等好耐😎等到啦😚等到啦😋熱辣辣遞到我手中，心諗：唔係要用風機吹下先㗎咩🤔會唔會淋哂㗎？但食咗第一粒即刻果然外脆內軟，又唔太甜，喺咁寒冷嘅天時食咗幾粒即時暖在心，難怪平時見到人大排長龍都要等

在我心目中數全香港最好食的雞蛋仔，北角利強記雞蛋仔可算是數一數二之選，今日途經尖沙咀彌敦道，經過利強記，於是買一底吃。假日下午的時間，慕名而來的大陸旅客人數多，等的時間比較耐，由於雞蛋仔即叫即整，付完錢等了大約七、八分鐘，雞蛋仔終於出爐，粒粒外皮脆卜卜，雞蛋味突出，中心亦充實不算空，唯一美中不足的是顏色偏淡，賣相差了少許，整體都有九十分以上。不得不提的是，一底雞蛋仔已賣到二十三元，街頭小食來說有點偏貴。

今晚到山林道食過晚飯後，走著走著聞到陣雞蛋仔味。這間有間不太起眼的雞蛋仔檔，不算多人排隊，明明已食飽都忍不住要買一底來過下口癮。雞蛋仔店愈漸林立，味道也愈多變化。但我始終鍾情於簡單的味道，這間只有原味選擇，$23一底。一開始都覺得價錢偏貴，但想想，其實跟其他大牌子的價也差不遠。雞蛋仔一拿上手不算太熱，微溫的，可能整完已放置了一陣子。再熱點會再好吃吧。但仍保留到外脆內軟的口感，有微微蛋香，也不錯吧。

一向都覺得北角雞蛋仔好出色，即使沒有特別味道，也沒有餡料，但卻是外脆內飽滿，值得一再回購！可惜是今天經過尖沙咀分店買既一底咬落冇左脆既感覺，內裡好軟唔夠乾身！冇平日果種外脆內軟既口感！唔知係一時失手？定係遜色左呢？希望只係一時失手啦！

閒日經過，見好耐冇食過既北角雞蛋仔，竟然冇咩人排隊，只有一對大陸旅客買緊，甘就買一底黎食下。嘩～不經不覺已經賣到$23，仲想當年～証明真係好耐冇食過，我自己就覺得貴，到底值唔值呢？好大底，即整上手熱辣辣，邊位薄薄的好脆口，而每一粒雞蛋仔～做到半脆半蛋糕，非常平均，帶有一點點蛋香，味道不錯。甘多年都沒有退步，但價錢一樣通脹，就是比較貴🤗久久食下就算靚姐就叫最好～唔好用膠袋裝，怕有濕氣。而紙袋同以前一樣好細心打左洞。

雞蛋仔這香港本土產物，身為香港人差不多必然吃過，別小看它，它差點入選香港非物產文化遺產，在各種不同類型旅遊雜誌都常有介紹，屬外國遊客到港必試的地道街頭小食之一。利強記北角雞蛋仔在香港有5家分店，賣的是傳統口味雞蛋仔，分店數目較新派雞蛋仔的媽咪雞蛋仔僅少兩家。除了賣雞蛋仔及夾餅外，還兼賣魚蛋燒賣。店鋪外貼上不少名星合照及雜誌介紹，見證了店鋪有一定口碑。吃過他們的出品幾次，大致都有令人滿意的質素，外殼脆並有着軟綿內心，每底HK$23，在芸芸香港小食店中作價算是相當進取，但在筆者心中，他們的出品還未達一等一的質素，個人認為香氣及外皮鬆脆度都略遜新派店媽咪雞蛋仔，以及西灣河老牌雞蛋仔名店，曾被CNN 訪問的鴻記雞蛋仔。

每次行經山林道，心思思就會想食利強記的雞蛋仔。我最怕雞蛋仔入袋後被水氣焗淋了的感覺，所以通常都要跟時間競賽，務求儘快於還有點熱前食完。但利強記的雞蛋仔很不同，它反而是凍了才覺得更脆更香口，這樣我便可以慢慢品嚐。一到手相都未來得及影已經食左兩粒，實在太好味了😋

講真街邊一間都好食過佢，等都唔洗等一比錢就有，食左咁多間我未試過咁快就有，蛋味又冇，重要空心，好似唔係好熟，冇金黃色，價錢又貴23一底🤮🤮🤮三個字，好難食，冇食過咁難食既雞蛋仔